This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എഴുത്താണിച്ചുരുട്ട
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (പുതിയ താള്‍: == എഴുത്താണിച്ചുരുട്ട == സിബിനോഫിനേ(Sibynophinae)ഉരഗ-ഉപകുടുംബത്തിലെ ഒ...) |
Mksol (സംവാദം | സംഭാവനകള്) (→എഴുത്താണിച്ചുരുട്ട) |
||
| വരി 1: | വരി 1: | ||
== എഴുത്താണിച്ചുരുട്ട == | == എഴുത്താണിച്ചുരുട്ട == | ||
| - | + | [[ചിത്രം:Vol5p329_ezhuthani churutta.jpg|thumb|]] | |
സിബിനോഫിനേ(Sibynophinae)ഉരഗ-ഉപകുടുംബത്തിലെ ഒരംഗം. കാഴ്‌ചയിൽ എഴുത്താണിമൂർഖനോട്‌ വളരെയേറെ സാദൃശ്യമുള്ള ഈ പാമ്പ്‌ കേരളത്തിലെ കുന്നിന്‍പുറങ്ങളിൽ സാധാരണ കാണപ്പെടുന്ന നിരുപദ്രവിയായ ഒരിനമാണ്‌. ശാ.നാ. സിബിനോഫിസ്‌ സബ്‌പങ്‌റ്റേറ്റസ്‌ (Sibynophis subpunctatus). ഇതിന്റെ തലയ്‌ക്ക്‌ കറുപ്പുനിറമാണ്‌. എന്നാൽ അടിഭാഗം വെളുപ്പാകുന്നു. അടിഭാഗത്തെ ഓരോ ഷീൽഡിലും രണ്ടു കറുത്ത പുള്ളികള്‍ വീതം കാണാം. ദേഹത്തിന്റെ ഒത്തനടുവിൽ പതിനേഴുവരി ചിതമ്പലുകളുണ്ടാവും. | സിബിനോഫിനേ(Sibynophinae)ഉരഗ-ഉപകുടുംബത്തിലെ ഒരംഗം. കാഴ്‌ചയിൽ എഴുത്താണിമൂർഖനോട്‌ വളരെയേറെ സാദൃശ്യമുള്ള ഈ പാമ്പ്‌ കേരളത്തിലെ കുന്നിന്‍പുറങ്ങളിൽ സാധാരണ കാണപ്പെടുന്ന നിരുപദ്രവിയായ ഒരിനമാണ്‌. ശാ.നാ. സിബിനോഫിസ്‌ സബ്‌പങ്‌റ്റേറ്റസ്‌ (Sibynophis subpunctatus). ഇതിന്റെ തലയ്‌ക്ക്‌ കറുപ്പുനിറമാണ്‌. എന്നാൽ അടിഭാഗം വെളുപ്പാകുന്നു. അടിഭാഗത്തെ ഓരോ ഷീൽഡിലും രണ്ടു കറുത്ത പുള്ളികള്‍ വീതം കാണാം. ദേഹത്തിന്റെ ഒത്തനടുവിൽ പതിനേഴുവരി ചിതമ്പലുകളുണ്ടാവും. | ||
14:07, 14 ജൂണ്‍ 2014-നു നിലവിലുണ്ടായിരുന്ന രൂപം
എഴുത്താണിച്ചുരുട്ട
സിബിനോഫിനേ(Sibynophinae)ഉരഗ-ഉപകുടുംബത്തിലെ ഒരംഗം. കാഴ്‌ചയിൽ എഴുത്താണിമൂർഖനോട്‌ വളരെയേറെ സാദൃശ്യമുള്ള ഈ പാമ്പ്‌ കേരളത്തിലെ കുന്നിന്‍പുറങ്ങളിൽ സാധാരണ കാണപ്പെടുന്ന നിരുപദ്രവിയായ ഒരിനമാണ്‌. ശാ.നാ. സിബിനോഫിസ്‌ സബ്‌പങ്‌റ്റേറ്റസ്‌ (Sibynophis subpunctatus). ഇതിന്റെ തലയ്‌ക്ക്‌ കറുപ്പുനിറമാണ്‌. എന്നാൽ അടിഭാഗം വെളുപ്പാകുന്നു. അടിഭാഗത്തെ ഓരോ ഷീൽഡിലും രണ്ടു കറുത്ത പുള്ളികള്‍ വീതം കാണാം. ദേഹത്തിന്റെ ഒത്തനടുവിൽ പതിനേഴുവരി ചിതമ്പലുകളുണ്ടാവും.
വായ്‌നിറയെ പല്ലുകള്‍ കാണപ്പെടുന്നത്‌ എഴുത്താണിച്ചുരുട്ടയുടെ ഒരു പ്രത്യേകതയാണ്‌. ഇതിന്റെ പല്ലുകളുടെ മുകളറ്റം പരന്ന്‌ ഉളിയുടെ വായ്‌ത്തല പോലെയിരിക്കുന്നു. പാമ്പുകളിൽ സാധാരണയായി കാണപ്പെടുന്ന "കോണ്‍' ആകൃതിയുള്ളതും മൂർച്ചയേറിയതുമായ പല്ലുകളിൽനിന്ന്‌ വളരെ വ്യത്യസ്‌തമാണിത്‌. മേലണയിലെ ഓരോ പകുതിയിലും 25 മുതൽ 56 വരെ പല്ലുകളുണ്ടാകും. പല്ലുകളുള്ള കീഴണ ചലിപ്പിക്കാവുന്നതാണ്‌. കട്ടിയുള്ള ചിതമ്പൽ കൊണ്ടുമൂടിയ ശരീരത്തോടുകൂടിയ "സ്‌കിങ്കു' (അരണയെപ്പോലുള്ള ഒരു ഇഴജന്തു)കളാണ്‌ ഇതിന്റെ ഭക്ഷണം. ഈ ചിതമ്പൽ കടിച്ചുമുറിക്കുന്നതിനുള്ള അനുകൂലനമാകണം പല്ലുകളുടെ മേല്‌പറഞ്ഞ പ്രത്യേകതയ്‌ക്കു കാരണം എന്ന്‌ എച്ച്‌.ഡബ്ല്യു. പാർക്കർ അഭിപ്രായപ്പെടുന്നു.
രാത്രിയിലാണ്‌ ഈ പാമ്പുകള്‍ പ്രവർത്തനനിരതമാകുന്നത്‌. ഇവ ഇരയെ പിടിക്കുന്നതും അകത്താക്കുന്നതും വളരെപെട്ടെന്നാണ്‌. മുട്ടയിടുകയാണ്‌ വംശവർധനവിനുള്ള മാർഗം. എഴുത്താണിമൂർഖന്‍പവിഴപ്പുറ്റുപാമ്പുവിഭാഗ(coral snakes)ത്തിൽപ്പെടുന്ന ഒരിനം ചെറിയ പാമ്പ്‌. ശാ.നാ. കലോഫിസ്‌ ട്രമാക്യുലേറ്റസ്‌ (Callophis trimaculatus). "മൂന്നു പുള്ളികളുള്ള സുന്ദരന്‍' എന്നാണ്‌ ഈ പേരിനർഥം.
ഇന്ത്യ, നേപ്പാള്‍, സിക്കിം, മ്യാന്മർ, മലയ, ഇന്തോചൈന, ചൈന, ജപ്പാന്‍, ഫിലിപ്പീന്‍ദ്വീപുകള്‍, ആഫ്രിക്ക എന്നിവിടങ്ങളിൽ എഴുത്താണിമൂർഖന്‍ സാധാരണമായി കാണപ്പെടുന്നു. ഇന്ത്യയിൽ കാണപ്പെടുന്ന അഞ്ചിനങ്ങളിൽ മൂന്നെണ്ണം കേരളത്തിലുണ്ടഎഴുത്താണി മൂർഖന്‍, എഴുത്താണി വളയന്‍, എട്ടടിമൂർഖന്‍. കേരളത്തിനു പുറത്ത്‌, മഹാരാഷ്‌ട്ര, കർണാടക, മധ്യപ്രദേശ്‌, തമിഴ്‌നാട്‌, ബംഗാള്‍ എന്നിവിടങ്ങളിലും എഴുത്താണിമൂർഖന്‍ കാണപ്പെടുന്നു. തവിട്ടുനിറം കലർന്ന്‌ മെലിഞ്ഞു നീണ്ടശരീരവും കൂർത്ത ചെറിയ വാലും കാരണമാണ്‌ എഴുത്താണി എന്ന വിശേഷണം ഇവയുടെ പേരിന്റെ ഭാഗമായിത്തീർന്നത്‌.
"മൂർഖന്‍' എന്ന വിശേഷണമുണ്ടെങ്കിലും ഇവയ്‌ക്കൊന്നിനും തന്നെ സാക്ഷാൽ മൂർഖന്റെ ഫണമില്ല. ഒരു മീറ്ററിലേറെ നീളം വയ്‌ക്കാത്ത ഈ പാമ്പിന്റെ തലയ്‌ക്കും കഴുത്തിനും (കഴുത്ത്‌ വ്യവച്ഛേദ്യമല്ല) നല്ല കറുപ്പുനിറമാണ്‌. കഴുത്തിനു മുകളിൽ ഇരുവശത്തുമായി ഓരോ വെള്ളപ്പുള്ളികാണുന്നു. ഇവ കണ്ണുകളാണെന്ന്‌ തെറ്റിദ്ധരിക്കപ്പെടാറുണ്ട്‌. കണ്ണുകള്‍ താരതമ്യേന വളരെ ചെറുതാകുന്നു. ദേഹത്തിന്റെ അടിഭാഗം ചുവപ്പാണ്‌. ഗുദദ്വാരത്തിനടുത്ത്‌ കുങ്കുമാഭ കലർന്നിരിക്കുന്നു. രണ്ടു കറുത്ത വളയങ്ങളുള്ള വാലിന്റെ അടിഭാഗത്തിന്‌ നീലകലർന്ന ചാരനിറമാണുള്ളത്‌. തലയിലെ കറുപ്പും വാലിലെ വളയങ്ങളും ചേർന്നാണ്‌ "ട്രമാക്യുലേറ്റസ്‌' (മൂന്ന്‌ പുള്ളികള്‍) എന്ന ശാസ്‌ത്രനാമം ഇതിനു നേടിക്കൊടുത്തത്‌.
മേൽച്ചുണ്ടിൽ മൂന്നാമത്തെ ഷീൽഡ്‌ മറ്റുള്ളവയെ അപേക്ഷിച്ച്‌ വലുതും കണ്ണിനെയും നാസാദ്വാരത്തെയും ഒരുപോലെ സ്‌പർശിക്കുന്നതുമാകുന്നു. പുറം ചിതമ്പലുകള്‍ 13 വരിയായാണ്‌ കാണപ്പെടുന്നത്‌. ഉദരഷീൽഡുകളുടെ എണ്ണം 249-277 ആകുന്നു. വിഷപ്പല്ലിനു പുറകിലായി മേലണയിൽ ഓരോ ഭാഗത്തും രണ്ടോ മൂന്നോ പല്ലുകളുണ്ടാകും. വിഷപ്പല്ലുകള്‍ നന്നെ ചെറുതാണ്‌. നിവൃത്തിയുള്ളിടത്തോളം മനുഷ്യനെ കടിക്കാതെ ഒഴിഞ്ഞുമാറാന്‍ ഇത്‌ ശ്രമിക്കുന്നു. ഇതിന്റെ വിഷം നാഡീവ്യൂഹത്തെ ബാധിക്കുന്നു. എങ്കിലും മനുഷ്യനെ കൊല്ലാനുള്ള ശക്തി അതിനില്ല. അനങ്ങാതെ വളഞ്ഞുപുളഞ്ഞു കിടക്കുന്ന എഴുത്താണി മൂർഖന്‍ ഒറ്റനോട്ടത്തിൽ സാമാന്യം വലിയ ഒരു മണ്ണിരയാണെന്നേ തോന്നൂ. പകൽസമയത്തും രാത്രിയിലും ഒരുപോലെ ഇത്‌ സഞ്ചരിക്കും. പൂഴിമണ്ണിൽ പൂണ്ടുകിടക്കാന്‍ ഇഷ്‌ടപ്പെടുന്ന ഈ ചെറുപാമ്പ്‌ മലമ്പ്രദേശങ്ങളിലെ കല്ലിന്‌ അടിയിലും ഇടയിലും കഴിയുന്നു; സമതലപ്രദേശങ്ങളിൽ ദുർലഭമാണ്‌.
