This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എറ്റ്‌ന
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (പുതിയ താള്‍: == എറ്റ്‌ന == == Etna == സിസിലിയുടെ കിഴക്കേതീരത്തുള്ള ഒരു സജീവ അഗ്നി...) |
Mksol (സംവാദം | സംഭാവനകള്) (→Etna) |
||
| വരി 4: | വരി 4: | ||
== Etna == | == Etna == | ||
| - | + | [[ചിത്രം:Vol5p329_Etna.jpg|thumb|]] | |
സിസിലിയുടെ കിഴക്കേതീരത്തുള്ള ഒരു സജീവ അഗ്നിപർവതം. 37ബ്ബ 46' വടക്ക്‌ 15ബ്ബ 0' കിഴക്ക്‌. സിസിലിയിലെ ജനങ്ങള്‍ ഈ പർവതത്തെ "മോങ്‌ഗിബെലോ' എന്നുവിളിക്കുന്നു. 3,263 മീ. പൊക്കമുള്ള (1971) എറ്റ്‌ന യൂറോപ്പിലെ സജീവ അഗ്നിപർവതങ്ങളിൽ ഏറ്റവും ഉയരംകൂടിയതാണ്‌. സജാതീയങ്ങളായ ഇതര അഗ്നിപർവതങ്ങളുടേതുപോലെ എറ്റ്‌നയുടെ ഉയരത്തിലും ഏറ്റക്കുറച്ചിലുകള്‍ ഉണ്ടായിട്ടുണ്ട്‌. 540 ലക്ഷം വർഷം പഴക്കമുള്ള ഇയോസീന്‍ മണൽക്കല്ലുകളും ചുണ്ണാമ്പുകല്ലുകളുമാണ്‌ ഈ പർവതത്തിന്റെ അടിത്തറയിലുള്ളത്‌. ഇവയ്‌ക്കുമുകളിൽ പ്ലീസ്റ്റോസീന്‍ ഘട്ടത്തിലേതായ മാള്‍, പ്ലാസ്റ്റിക്‌-കളിമണ്ണ്‌ തുടങ്ങിയ ശിലാപടലങ്ങളുണ്ട്‌. 70 ലക്ഷംവർഷത്തിലേറെ പ്രായമില്ലാത്ത ഈ ശിലകള്‍ പ്രാക്കാലത്ത്‌ സമുദ്രാന്തരിതമായിരുന്നുവെന്നു തെളിയിക്കപ്പെട്ടിരിക്കുന്നു. ഭൂവിജ്ഞാനപരമായ ലക്ഷ്യങ്ങള്‍ സൂചിപ്പിക്കുന്നത്‌ എറ്റ്‌ന 25 ലക്ഷം വർഷംമുമ്പ്‌, ടെർഷ്യറി യുഗത്തിന്റെ അന്ത്യപാദംമുതല്‌ക്കേ സജീവമായി തുടർന്നുപോരുന്നുവെന്നതാണ്‌. | സിസിലിയുടെ കിഴക്കേതീരത്തുള്ള ഒരു സജീവ അഗ്നിപർവതം. 37ബ്ബ 46' വടക്ക്‌ 15ബ്ബ 0' കിഴക്ക്‌. സിസിലിയിലെ ജനങ്ങള്‍ ഈ പർവതത്തെ "മോങ്‌ഗിബെലോ' എന്നുവിളിക്കുന്നു. 3,263 മീ. പൊക്കമുള്ള (1971) എറ്റ്‌ന യൂറോപ്പിലെ സജീവ അഗ്നിപർവതങ്ങളിൽ ഏറ്റവും ഉയരംകൂടിയതാണ്‌. സജാതീയങ്ങളായ ഇതര അഗ്നിപർവതങ്ങളുടേതുപോലെ എറ്റ്‌നയുടെ ഉയരത്തിലും ഏറ്റക്കുറച്ചിലുകള്‍ ഉണ്ടായിട്ടുണ്ട്‌. 540 ലക്ഷം വർഷം പഴക്കമുള്ള ഇയോസീന്‍ മണൽക്കല്ലുകളും ചുണ്ണാമ്പുകല്ലുകളുമാണ്‌ ഈ പർവതത്തിന്റെ അടിത്തറയിലുള്ളത്‌. ഇവയ്‌ക്കുമുകളിൽ പ്ലീസ്റ്റോസീന്‍ ഘട്ടത്തിലേതായ മാള്‍, പ്ലാസ്റ്റിക്‌-കളിമണ്ണ്‌ തുടങ്ങിയ ശിലാപടലങ്ങളുണ്ട്‌. 70 ലക്ഷംവർഷത്തിലേറെ പ്രായമില്ലാത്ത ഈ ശിലകള്‍ പ്രാക്കാലത്ത്‌ സമുദ്രാന്തരിതമായിരുന്നുവെന്നു തെളിയിക്കപ്പെട്ടിരിക്കുന്നു. ഭൂവിജ്ഞാനപരമായ ലക്ഷ്യങ്ങള്‍ സൂചിപ്പിക്കുന്നത്‌ എറ്റ്‌ന 25 ലക്ഷം വർഷംമുമ്പ്‌, ടെർഷ്യറി യുഗത്തിന്റെ അന്ത്യപാദംമുതല്‌ക്കേ സജീവമായി തുടർന്നുപോരുന്നുവെന്നതാണ്‌. | ||
12:14, 14 ജൂണ്‍ 2014-നു നിലവിലുണ്ടായിരുന്ന രൂപം
എറ്റ്‌ന
Etna
സിസിലിയുടെ കിഴക്കേതീരത്തുള്ള ഒരു സജീവ അഗ്നിപർവതം. 37ബ്ബ 46' വടക്ക്‌ 15ബ്ബ 0' കിഴക്ക്‌. സിസിലിയിലെ ജനങ്ങള്‍ ഈ പർവതത്തെ "മോങ്‌ഗിബെലോ' എന്നുവിളിക്കുന്നു. 3,263 മീ. പൊക്കമുള്ള (1971) എറ്റ്‌ന യൂറോപ്പിലെ സജീവ അഗ്നിപർവതങ്ങളിൽ ഏറ്റവും ഉയരംകൂടിയതാണ്‌. സജാതീയങ്ങളായ ഇതര അഗ്നിപർവതങ്ങളുടേതുപോലെ എറ്റ്‌നയുടെ ഉയരത്തിലും ഏറ്റക്കുറച്ചിലുകള്‍ ഉണ്ടായിട്ടുണ്ട്‌. 540 ലക്ഷം വർഷം പഴക്കമുള്ള ഇയോസീന്‍ മണൽക്കല്ലുകളും ചുണ്ണാമ്പുകല്ലുകളുമാണ്‌ ഈ പർവതത്തിന്റെ അടിത്തറയിലുള്ളത്‌. ഇവയ്‌ക്കുമുകളിൽ പ്ലീസ്റ്റോസീന്‍ ഘട്ടത്തിലേതായ മാള്‍, പ്ലാസ്റ്റിക്‌-കളിമണ്ണ്‌ തുടങ്ങിയ ശിലാപടലങ്ങളുണ്ട്‌. 70 ലക്ഷംവർഷത്തിലേറെ പ്രായമില്ലാത്ത ഈ ശിലകള്‍ പ്രാക്കാലത്ത്‌ സമുദ്രാന്തരിതമായിരുന്നുവെന്നു തെളിയിക്കപ്പെട്ടിരിക്കുന്നു. ഭൂവിജ്ഞാനപരമായ ലക്ഷ്യങ്ങള്‍ സൂചിപ്പിക്കുന്നത്‌ എറ്റ്‌ന 25 ലക്ഷം വർഷംമുമ്പ്‌, ടെർഷ്യറി യുഗത്തിന്റെ അന്ത്യപാദംമുതല്‌ക്കേ സജീവമായി തുടർന്നുപോരുന്നുവെന്നതാണ്‌.
കുറഞ്ഞപക്ഷം രണ്ടു വിലമുഖങ്ങളെങ്കിലും ഇതിനുണ്ട്‌. പാർശ്വികവിലമുഖങ്ങളിലൂടെ ഉദ്‌ഗാരങ്ങളുണ്ടായി രൂപം കൊണ്ടതെന്നു കരുതാവുന്ന സ്‌തൂപാകാരങ്ങളായ മലകള്‍ പർവതസാനുക്കളിൽ നിരവധിയാണ്‌. ഇപ്പോഴത്തെ പർവതം മേൽസൂചിപ്പിച്ച രണ്ടു വിലമുഖങ്ങളിലൂടെ ഉണ്ടായ ലാവാപ്രവാഹത്തിന്റെയും അഗ്നിപർവതപ്രവർത്തനത്തിന്റെ ഭാഗമായ അധിവർധനത്തിന്റെയും ഫലമായി രൂപംകൊണ്ടതാണ്‌. പ്രധാനപർവതത്തിന്റെ കിഴക്കുഭാഗത്ത്‌ അടിവാരത്തായി കാണുന്ന അഗാധമായ ചുരം പ്രവർത്തനം നിലച്ച മറ്റൊരു വിലമുഖമാണ്‌. വാലിദെന്‍ ബോവെ എന്നുവിളിക്കുന്ന ഈ ചുരത്തിന്റെ വ്യാസം 5 കി.മീറ്ററും താഴ്‌ച 600 മുതൽ 1,200 വരെ മീറ്ററുമാണ്‌. 1669-ലെ സ്‌ഫോടനത്തിൽ പ്രധാന പർവതത്തിന്റെ ശീർഷം ഇടിഞ്ഞുതാണതിന്റെ ഫലമായി 2,440 മീറ്റർ വ്യാസമുള്ള ഒരു ക്രറ്റർ തടാകം സൃഷ്‌ടിക്കപ്പെട്ടു. അതിനുശേഷം 1955-ൽ മാത്രമാണ്‌ പർവതശീർഷത്തിൽ നിന്നും ഉദ്‌ഗാരം ഉണ്ടായിട്ടുള്ളത്‌. 20-ാം നൂറ്റാണ്ടിലെ മറ്റെല്ലാ സ്‌ഫേടനങ്ങളുംതന്നെ പർവതത്തിന്റെ പാർശ്വങ്ങളിലുള്ള വിലമുഖങ്ങളിലൂടെയായിരുന്നു. 1971-ലുണ്ടായ താരതമ്യേന ദുർബലമായ സ്‌ഫോടനം ആദ്യം ശീർഷഭാഗത്തു നിന്നായിരുന്നുവെങ്കിലും പിന്നീട്‌ വിലമുഖത്തിന്റെ സ്ഥാനം പർവതത്തിന്റെ ചരിവിലേക്ക്‌ മാറുകയുണ്ടായി.
ചരിത്രം. "ഞാന്‍ എരിയുന്നു' എന്നർഥംവരുന്ന എയ്‌റ്റ്‌നേ(Aitne) എന്ന ഗ്രീക്കുപദത്തിൽനിന്നാണ്‌ "എറ്റ്‌ന'യുടെ നിഷ്‌പത്തി. ഈ പർവതത്തെ സംബന്ധിച്ച പല ഐതിഹ്യങ്ങളും യവനർക്കിടയിൽ പ്രചരിച്ചിരുന്നു. പർവതത്തിനടിയിൽ ശയിക്കുന്ന ടൈഫോണ്‍ എന്ന രാക്ഷസന്‍ ഇടംവലം തിരിയുന്നതുമൂലമാണ്‌ എറ്റ്‌നാ മേഖലയിൽ ഭൂചലനം ഉണ്ടാകുന്നതെന്ന്‌ അവർ വിശ്വസിച്ചിരുന്നു. യുദ്ധദേവനായ ഫിഫെസ്റ്റസ്സി (വള്‍ക്കന്‍)ന്റെ ഉലയാണ്‌ ഈ അഗ്നി പർവതമെന്നും പർവതത്തിന്റെ അന്തർഭാഗം "സൈക്ലോപ്‌സ്‌' എന്നറിയപ്പെട്ടിരുന്ന ഒറ്റക്കണ്ണുള്ള രക്ഷസ്സുകളുടെ താവളമാണെന്നും മറ്റും വിശ്വസിക്കപ്പെട്ടിരുന്നു. പ്രാചീനകവികളുടെ രചനകളിൽ എറ്റ്‌നയുടെ സ്‌ഫോടനം സംബന്ധിച്ച പ്രതിപാദ്യങ്ങള്‍ കാണാം. ബി.സി. 1500 മുതൽ എ.ഡി. 1971 വരെയുള്ള കാലത്തിനിടയിൽ 109 സ്‌ഫോടനങ്ങളുണ്ടായതായി രേഖപ്പെടുത്തിയിട്ടുണ്ട്‌. 1669-ലാണ്‌ അറിയപ്പെട്ടിട്ടുള്ളതിൽ ഏറ്റവും വിനാശകരമായ സ്‌ഫോടനം ഉണ്ടായത്‌. ഇതിന്റെ ഫലമായി കാറ്റാന്യ നഗരത്തിന്റെ പശ്ചിമാർധവും പന്ത്രണ്ടോളം ഗ്രാമങ്ങളും പൂർണമായും നശിച്ചു.
സാമ്പത്തികപ്രാധാന്യം. എറ്റ്‌നയുടെ സാനുപ്രദേശങ്ങള്‍ സാമാന്യം ജനസാന്ദ്രമായ അധിവാസമേഖലകളാണ്‌. ആണ്ടിൽ അഞ്ചു തവണയോളം വിളവിറക്കാമെന്ന പ്രത്യേകത ഇവിടത്തെ നിലങ്ങള്‍ക്കുണ്ട്‌. മുന്തിരി, ഒലിവ്‌, നാരകം, ചെറി, ആപ്പിള്‍, പിസ്റ്റാഷ്യോ, ഹാസെൽനട്ട്‌ തുടങ്ങിയ ഫലവർഗങ്ങളാണ്‌ ഇവിടത്തെ മുഖ്യവിളകള്‍. ചെസ്റ്റ്‌നട്ട്‌, ബീച്ച്‌, ഓക്‌, പൈന്‍, ബെർച്ച്‌ തുടങ്ങിയ നാണ്യവൃക്ഷങ്ങള്‍ സമൃദ്ധമായി വളരുന്നു.
19-ാം ശതകത്തിൽത്തന്നെ എറ്റ്‌നയെ സംബന്ധിച്ച ശാസ്‌ത്രീയപഠനങ്ങള്‍ ആരംഭിച്ചു. ഇതിനായി കാറ്റാന്യ, കാസാഎറ്റ്‌നാ, കാന്റനീറ എന്നിവിടങ്ങളിൽ നിരീക്ഷണനിലയങ്ങള്‍ പ്രവർത്തിച്ചുവരുന്നു. ഹാഡ്രിയന്‍ ചക്രവർത്തിയുടെ പർവതാരോഹണത്തിന്റെ സ്‌മാരകമായി റോമാക്കാർ പണിയിച്ചിരുന്ന ഫിലസോഫോ മന്ദിരം ഇപ്പോള്‍ ജീർണാവസ്ഥയിലാണ്‌. അഗ്നിപർവത വിജ്ഞാനത്തിന്‌ മുതൽക്കൂട്ടുകളായി തീർന്നിട്ടുള്ള പല പഠനങ്ങളും എറ്റ്‌നയെ കേന്ദ്രീകരിച്ചാണ്‌ നടന്നിട്ടുള്ളത്‌. നോ. അഗ്നിപർവതം; അഗ്നിപർവത വിജ്ഞാനം
