This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എമനൗ, മറേ ബാന്‍സണ്‍ (1904 - 2005)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == എമനൗ, മറേ ബാന്‍സണ്‍ (1904 - 2005) == == Emeneau, Murray Barson == ദ്രാവിഡഭാഷകളിൽ സവിശേ...)
അടുത്ത വ്യത്യാസം →
06:58, 18 ഏപ്രില്‍ 2014-നു നിലവിലുണ്ടായിരുന്ന രൂപം
എമനൗ, മറേ ബാന്‍സണ്‍ (1904 - 2005)
Emeneau, Murray Barson
ദ്രാവിഡഭാഷകളിൽ സവിശേഷപഠനങ്ങള്‍ നടത്തിയിട്ടുള്ള അമേരിക്കന്‍ ഭാഷാശാസ്‌ത്രജ്ഞന്‍.
കാനഡയിലെ നോവാ സ്‌കോഷ്യയിൽ ലൂണന്‍ബർഗ്‌ എന്ന സ്ഥലത്ത്‌ 1904 ഫെ. 23-ന്‌ ജനിച്ചു. ഓക്‌സ്‌ഫഡിലെ ഡൽഹൗസി, അമേരിക്കയിലെ യേൽ എന്നീ സർവകലാശാലകളിൽ വിദ്യാഭ്യാസം നടത്തി. സംസ്‌കൃതം, ലത്തീന്‍, ഗ്രീക്‌ എന്നീ ഭാഷകളിൽ അവഗാഹം നേടി.
1931 മുതൽ 40 വരെ ഫെല്ലോഷിപ്പോടുകൂടി ഗൗരവമേറിയ പല ഭാഷാഗവേഷണങ്ങളിലും വ്യാപൃതനായി. 1935-38 കാലഘട്ടത്തിൽ ഇന്ത്യയിൽ താമസിച്ചു ദ്രാവിഡഭാഷകളെപ്പറ്റി വിശേഷപഠനം നടത്തി. 1940-ൽ കാലിഫോർണിയാ സർവകലാശാലയിൽ അധ്യാപകനായി നിയമിതനായ എമനൗ 25 വർഷക്കാലം സംസ്‌കൃതത്തിന്റെയും സാമാന്യഭാഷാവിജ്ഞാത്തിന്റെയും (General Lingin-stics) പ്രാഫസറായും 1971-ൽ ഉദ്യോഗത്തിൽനിന്ന്‌ ഔപചാരികമായി വിരമിച്ചശേഷം എമിററ്റസ്‌ പ്രാഫസറായും സേവനം അനുഷ്‌ഠിച്ചു.
ഭാഷാശാസ്‌ത്രത്തിന്റെ വിവിധരംഗങ്ങളിൽ പ്രത്യേകിച്ച്‌ പൗരസ്‌ത്യ വിജ്ഞാനീയ പഠനങ്ങളിൽ, വിലപ്പെട്ട സംഭാവനകള്‍ നല്‌കിയിട്ടുള്ള പണ്ഡിതനാണ്‌ എമനൗ. വൈദികകാലസംസ്‌കൃതം, വിയറ്റ്‌നാമീസ്‌ ഭാഷകള്‍, ദ്രാവിഡഭാഷകള്‍ എന്നിവയെപ്പറ്റി ഇദ്ദേഹം രചിച്ചിട്ടുള്ള ഗവേഷണഗ്രന്ഥങ്ങള്‍ ഭാഷാശാസ്‌ത്രപരവും സാംസ്‌കാരികവുമായി പ്രധാന്യമർഹിക്കുന്നു.
എ.ഡി. ക്യാമ്പ്‌ബെൽ 1816-ൽ രചിച്ച തെലുഗു വ്യാകരണത്തിന്റെ (The Teloogoo Language) ആമുഖക്കുറിപ്പിലൂടെ എഫ്‌.ഡബ്ല്യു.എല്ലീസ്‌ ദ്രാവിഡഭാഷാഗോത്രത്തിന്റെ അസ്‌തിത്വം സുവ്യക്തമാക്കി. തുടർന്ന്‌ റോബർട്ട്‌ കാള്‍ഡ്വെൽ, ദ്രാവിഡഭാഷാവ്യാകരണം (A Comparative Grammar of the Dravidian Languages, 1856) എന്ന കൃതിയിലൂടെ ദ്രാവിഡഭാഷാഗോത്രത്തെ ഭദ്രമായ അടിത്തറയിൽ ഉറപ്പിക്കുകയും ചെയ്‌തു. എന്നാൽ ദ്രാവിഡഭാഷാ വികസനചരിത്രത്തിൽ ഒട്ടും അപ്രധാനമല്ലാത്ത ഒരു നാഴികക്കല്ലാണ്‌ ദ്രാവിഡഭാഷാനിരുക്ത നിഘണ്ടു; (A Dravidian Etymological Dictionary, 1961) എമനൗവും പ്രാഫ. ടി. ബറോയും ചേർന്ന്‌ ദീർഘകാലം നടത്തിയ ഗവേഷണപഠനങ്ങളുടെ ഫലമായാണ്‌ ഈ നിഘണ്ടു രൂപംകൊണ്ടത്‌. ഈ കൃതിയുടെ ആധികാരികതയ്‌ക്കടിസ്ഥാനം തത്‌കർത്താക്കളുടെ സംസ്‌കൃതത്തിലും ദ്രാവിഡഭാഷകളിലുമുള്ള പാണ്ഡിത്യമാണ്‌. ദക്ഷിണേന്ത്യന്‍ ഭാഷകളിൽ പ്രചാരം നേടിയിട്ടുള്ള അന്യഭാഷാശബ്‌ദങ്ങളിൽനിന്ന്‌, പ്രത്യേകിച്ച്‌ സംസ്‌കൃതശബ്‌ദങ്ങളിൽ നിന്ന്, തനിദ്രാവിഡശബ്‌ദങ്ങള്‍ വേർതിരിച്ചെടുത്തവതരിപ്പിക്കുവാന്‍ അവർക്കു കഴിഞ്ഞു.
ദ്രാവിഡഭാഷകളുടെ ചരിത്രത്തെയും താരതമ്യപഠനത്തെയും സംബന്ധിക്കുന്ന കൃതികള്‍ക്കു പുറമേ തുദ (Thoda), കോലാമി, കൊടഗ്‌, കോത (Kota)മുതലായ അവികസിതഭാഷകളെപ്പറ്റി വിശദീകരണാത്മകമായ ഏതാനും കൃതികളും എമനൗ രചിച്ചിട്ടുണ്ട്‌. ഈ കൃതികളിലൂടെ ഇദ്ദേഹം അവതരിപ്പിക്കുന്ന തികച്ചും മൗലികമായ അനുമാനങ്ങള്‍ പ്രസ്‌തുത ഭാഷകളെപ്പറ്റി വിപുലമായതോതിൽ ഉപരിഗവേഷണം നടത്താന്‍ ഉപയുക്തമാണ്‌.
എമനൗവിന്റെ അഗാധമായ പാണ്ഡിത്യത്തിനും നിസ്‌തന്ദ്രമായ ഭാഷാസേവനത്തിനും നാനാരീതികളിൽ അംഗീകാരങ്ങള്‍ ലഭിച്ചിട്ടുണ്ട്‌. ചിക്കാഗോ സർവകലാശാല 1968-ലും ഡൽഹൗസി സർവകലാശാല 1970-ലും ഓണററി ബിരുദം നല്‌കി ഇദ്ദേഹത്തെ ബഹുമാനിച്ചു. എമനൗവിന്റെ അന്തർദേശീയസഹപ്രവർത്തകരും ശിഷ്യന്മാരും ചേർന്ന്‌ ഭാരതീയഭാഷാശാസ്‌ത്രപഠനം (Study in Indian linguistics)എന്ന സ്‌മരണിക ഇദ്ദേഹത്തിന്റെ അറുപതാം ജന്മദിനത്തിൽ സമ്മാനിക്കുകയുണ്ടായി.
വേദിക്‌ വേരിയന്റ്‌സ്‌ (1934), കോടാടെക്‌സ്റ്റ്‌സ്‌ (1944-46), സ്റ്റഡീസ്‌ ഇന്‍ വിയറ്റ്‌നാമീസ്‌ ഗ്രാമർ (1951), കോലാമി എ ദ്രവീഡിയന്‍ ലാന്‍ഗ്വേജ്‌ (1955), എ ദ്രവീഡിയന്‍ എറ്റിമോളജിക്കൽ ഡിക്ഷണറി (1961), ദ്രവീഡിയന്‍ ബോറോയിങ്‌സ്‌ ഫ്രം ഇന്തോ ആര്യന്‍ (1962), ബ്രാഹുയി ആന്‍ഡ്‌ ദ്രവീഡിയന്‍ കമ്പാരറ്റീവ്‌ ഗ്രാമർ (1962), ദ്രവീഡിയന്‍ ലിംഗ്വിസ്റ്റിക്‌സ്‌, എത്‌നോളജി ആന്‍ഡ്‌ ഫോക്‌ടെയ്‌ൽസ്‌ (1967), എ ദ്രവീഡിയന്‍ എറ്റിമോളജിക്കൽ ഡിക്ഷണറി സപ്ലിമെന്റ്‌ (1968), തോഡാ സോങ്‌സ്‌ (1971), റിച്വൽ സ്റ്റ്രക്‌ച്ചർ ആന്‍ഡ്‌ ലാന്‍ഗ്വേജ്‌ സ്റ്റ്രക്‌ച്ചർ ഒഫ്‌ ദ തോഡാസ്‌ (1974) എന്നിവയാണ്‌ ഇദ്ദേഹത്തിന്റെ പ്രധാന കൃതികള്‍. 2005 ആഗ. 25-ന്‌ എമനൗ അന്തരിച്ചു.
(ഡോ.ആർ.ഇ. ആഷെർ)
