This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എന്‍കെഫലോമൈലൈറ്റിസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == എന്‍കെഫലോമൈലൈറ്റിസ്‌ == == Encephalomylitis == മസ്‌തിഷ്‌കവും മേരുരജ്ജുവ...)
അടുത്ത വ്യത്യാസം →
13:19, 12 ഏപ്രില്‍ 2014-നു നിലവിലുണ്ടായിരുന്ന രൂപം
എന്‍കെഫലോമൈലൈറ്റിസ്‌
Encephalomylitis
മസ്‌തിഷ്‌കവും മേരുരജ്ജുവും(spinal cord)രോഗാണുക്കളാൽ ആക്രമിക്കപ്പെട്ട അവസ്ഥ. എന്‍കെഫലൈറ്റിസ്‌ എന്ന രോഗത്തിനു കാരണങ്ങളായ രോഗാണുക്കളെല്ലാം തന്നെ ഈ അവസ്ഥയ്‌ക്കും കാരണമാകാം. ചിലപ്പോള്‍ വസൂരി, പേപ്പട്ടിവിഷബാധ എന്നിവയ്‌ക്കെതിരായിട്ടുള്ള കുത്തിവയ്‌പിനുശേഷവും ഈ അവസ്ഥയുണ്ടാകാം. എന്നാൽ പല രോഗികളിലും പ്രത്യക്ഷകാരണമൊന്നും കൂടാതെ തന്നെ ഈ രോഗം ഉണ്ടാകുന്നതായിക്കാണുന്നു.
എന്‍കെഫലോമൈലൈറ്റിസ്സിൽ നാഡീവ്യൂഹത്തിലെ കോശങ്ങള്‍ക്കോ, അല്ലെങ്കിൽ കോശതന്തുക്കളെ ആവരണം ചെയ്യുന്ന മൈലിന്‍ (Myelin) എന്ന പദാർഥത്തിനോ നാശം സംഭവിക്കുന്നതു സാധാരണമാണ്‌. ബോധക്ഷയം, സന്നി (Fits) തെളർച്ച (Paralysis))എന്നിവയും കൈകാലുകള്‍ക്കു പ്രവർത്തനരാഹിത്യവും സ്‌പർശനശക്തിനാശവും ഈ രോഗികള്‍ക്കു സംഭവിക്കാറുണ്ട്‌. തക്കതായ ചികിത്സ വിരളമാണ്‌. പല രോഗികളിലും രോഗമൂർഛയെ തടയാന്‍ കോർട്ടിസോണ്‍ ഇനത്തിൽപ്പെട്ട മരുന്നുകള്‍ ഫലപ്രദമായി ഉപയോഗിക്കുന്നു. നോ. എന്‍കെഫലൈറ്റിസ്‌
(ഡോ. ജി. വാസുദേവയ്യർ)
