This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എന്‍കെഫലൈറ്റിസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == എന്‍കെഫലൈറ്റിസ്‌ == == Encephalitis == രോഗാണുക്കളുടെ ആക്രമണംമൂലം മസ്‌...)
അടുത്ത വ്യത്യാസം →
13:18, 12 ഏപ്രില്‍ 2014-നു നിലവിലുണ്ടായിരുന്ന രൂപം
എന്‍കെഫലൈറ്റിസ്‌
Encephalitis
രോഗാണുക്കളുടെ ആക്രമണംമൂലം മസ്‌തിഷ്‌കത്തിലുണ്ടാകുന്ന വീക്കം. വൈറസ്സുകള്‍, വിശേഷിച്ച്‌ ആർബൊവൈറസ്സുകള്‍ (Arbovirus) ആണ്‌ ഈ രോഗത്തിനു മുഖ്യകാരണം. ഇവ കൊതുക്‌, ചെള്ള്‌ എന്നിവ വഴി മൃഗങ്ങളിൽ നിന്ന് മനുഷ്യനിലേക്കു സംക്രമിക്കുന്നു. തൊണ്ടവീക്കം (mumps), മണ്ണന്‍ (Measles), നീർപ്പോളന്‍ (chicken pox)എന്നിവയുടെ വൈറസ്സുകളും മസ്‌തിഷ്‌കത്തെ ബാധിക്കുന്നവയാണ്‌. ഹെർപസ്‌ (herpes), ഇെക്കോ (echo), കോക്‌സ്സാക്കീ (coxsackie) എന്നീ ഇനം വൈറസ്സുകളും എന്‍കെഫലൈറ്റിസിനു കാരണമായേക്കാം. വൈറസ്സുകള്‍ക്കു പുറമേ ചിലയിനം ബാക്‌റ്റീരിയയ്‌ക്കും ഫംഗസ്സുകള്‍ക്കും പ്രാട്ടോസോവകള്‍ക്കും ഈ രോഗം ഉത്‌പാദിപ്പിക്കുവാന്‍ കഴിയും. പേപ്പട്ടിവിഷബാധയിൽ ഈ രോഗം സർവസാധാരണമാണ്‌.
ഈ രോഗം മസ്‌തിഷ്‌കത്തെ ചിലപ്പോള്‍ ഭാഗികമായോ മുഴുവനുമായോ ബാധിക്കാം. തദനുസൃതമായി മസ്‌തിഷ്‌കപ്രവർത്തനത്തിൽ സാരമായ വ്യതിയാനങ്ങള്‍ സംഭവിക്കുന്നതാണ്‌. ഏതുവിധത്തിലുള്ളതായാലും തലവേദന, ഛർദി, ബോധക്ഷയം, സന്നി (Fits), തെളർച്ച (Paralysis)എന്നിവ സാധാരണം തന്നെ. ചില ഇനത്തിൽ ബുദ്ധിമാന്ദ്യം, വിറയൽ(tremor) എന്നിവയും ഉണ്ടാകും. ഇത്തരം രോഗികളിൽ പില്‌ക്കാലത്ത്‌ ചുഴലി (Epilepsy), വിറവാതം(Parkinsonism)എന്നിവ സംഭവിക്കാം. അതിജ്വരം (Hyperpyrexia)മൂലം ചിലപ്പോള്‍ ഈ രോഗം അപകടകാരിയാകാറുണ്ട്‌.
എന്‍കെഫലൈറ്റിസ്സിന്റെ നിർണയനത്തിൽ ഇ.ഇ.ജി (E.E.G) രേഖപ്പെടുത്തൽ, മേരുദ്രവ (spinal fluid) പരിശോധന എന്നിവ ഫലപ്രദമായിരിക്കും. രോഗകാരണങ്ങളായ വൈറസ്സുകളിൽ ചിലതിനെമാത്രം നശിപ്പിക്കുന്നതിനുള്ള മരുന്നുകള്‍ കണ്ടുപിടിക്കുവാനേ ഇതുവരെ ചികിത്സാശാസ്‌ത്രത്തിനു സാധിച്ചിട്ടുള്ളൂ.
നോ. ഇലക്‌ട്രാ ഡയഗ്‌നോസിസ്‌
(ഡോ. ജി. വാസുദേവയ്യർ)
