This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇപ്‌സെസ്‌ യുദ്ധം
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == ഇപ്‌സെസ്‌ യുദ്ധം == == Ipsus war == അലക്‌സാണ്ടറുടെ പിന്‍ഗാമികള്‍ തമ്...)
അടുത്ത വ്യത്യാസം →
05:48, 30 മാര്‍ച്ച് 2014-നു നിലവിലുണ്ടായിരുന്ന രൂപം
ഇപ്‌സെസ്‌ യുദ്ധം
Ipsus war
അലക്‌സാണ്ടറുടെ പിന്‍ഗാമികള്‍ തമ്മിൽ ഏഷ്യാമൈനറിലെ ഇപ്‌സെസിൽവച്ച്‌ ബി.സി. 301-ൽ നടത്തിയ യുദ്ധം. അലക്‌സാണ്ടറുടെ മരണാനന്തരം സാമ്രാജ്യം അദ്ദേഹത്തിന്റെ സൈനികമേധാവികള്‍ക്കിടയിലായി വിഭജിക്കപ്പെട്ടിരുന്നു; ആന്റിഗോണസ്‌, സെല്യൂക്കസ്‌, ടോളമി, കസാന്‍ഡർ, ലിസിമാക്കസ്‌ എന്നിവരാണ്‌ യഥാക്രമം ഏഷ്യാമൈനർ, പേർഷ്യ, ഈജിപ്‌ത്‌, മസിഡോണിയ, ത്രസ്‌ എന്നീ പ്രദേശങ്ങള്‍ ഭരിച്ചത്‌. സാമ്രാജ്യത്തിന്റെ ഇതരഭാഗങ്ങള്‍കൂടി അധീനപ്പെടുത്തുവാനുള്ള ആന്റിഗോണസിന്റെ ശ്രമങ്ങളാണ്‌ ഇപ്‌സെസ്‌ യുദ്ധത്തിന്‌ വഴിതെളിച്ചത്‌. ബി.സി. 302-ൽ സെല്യൂക്കസ്‌, ടോളമി, കസാന്‍ഡർ, ലിസിമാക്കസ്‌ എന്നിവർ സംഘടിതമായി ഇപ്‌സെസിൽ വച്ച്‌ ആന്റിഗോണസിനെയും പുത്രനായ ദിമിറ്റ്രിയസിനെയും എതിരിട്ടു. 70,000 അംഗങ്ങളുള്ള കാലാള്‍പ്പടയും 10,000 കുതിരപ്പടയാളികളും 75 ഗജവീരന്മാരും ആന്റിഗോണസിന്റെ ഭാഗത്ത്‌ അണിനിരന്നപ്പോള്‍ മറുപക്ഷത്ത്‌ 64,000 കാലാള്‍പ്പടയും 10,500 കുതിരപ്പടയാളികളും 400 ആനകളും നിലയുറപ്പിച്ചു. സെല്യൂക്കസ്‌ ഇന്ത്യയിൽനിന്നും കൊണ്ടുവന്ന ഗജസേന യുദ്ധത്തിൽ നിർണായകപങ്കുവഹിക്കുകയുണ്ടായി. യുദ്ധത്തിൽ ആന്റിഗോണസ്‌ വധിക്കപ്പെട്ടു.
