This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആൽവാ, വയലറ്റ്‌ (1908 - 69)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: ==ആൽവാ, വയലറ്റ്‌ (1908 - 69)== ==Alva, Violet== രാജ്യസഭയുടെ ഉപാധ്യക്ഷയായി തെരഞ്ഞ...)
അടുത്ത വ്യത്യാസം →
08:19, 3 മാര്‍ച്ച് 2014-നു നിലവിലുണ്ടായിരുന്ന രൂപം
ആൽവാ, വയലറ്റ്‌ (1908 - 69)
Alva, Violet
രാജ്യസഭയുടെ ഉപാധ്യക്ഷയായി തെരഞ്ഞെടുക്കപ്പെട്ട ആദ്യത്തെ വനിത. 1908 ഏ. 24-ന്‌ ജനിച്ച വയലറ്റ്‌ ബോംബേയിലെ സെന്റ്‌ സേവിയേഴ്‌സ്‌ കോളജിലും ഗവണ്‍മെന്റു ലോകോളജിലും പഠനംപൂർത്തിയാക്കി. ക്വിറ്റിന്ത്യാ സമരത്തെത്തുടർന്നുണ്ടായ പ്രക്ഷോഭണങ്ങളിൽ (1943) അറസ്റ്റുചെയ്യപ്പെട്ടതോടുകൂടിയാണ്‌ അവരുടെ പൊതുജീവിതം ആരംഭിക്കുന്നത്‌. ബോംബേ നിയമസഭ, അഖിലേന്ത്യാപത്രാധിപസംഘടന, പാർലമെന്റിലെ കോണ്‍ഗ്രസ്‌ കക്ഷിയുടെ പ്രവർത്തകസമിതി, പബ്ലിക്‌ അക്കൗണ്ട്‌സ്‌ കമ്മിറ്റി എന്നിവയിൽ അംഗമായും വനിതാ അഭിഭാഷക ഫെഡറേഷന്റെ ഉപാധ്യക്ഷയും (1953) അധ്യക്ഷയും (1962) ആയും വയലറ്റ്‌ ആൽവാ സേവനം അനുഷ്‌ഠിച്ചിട്ടുണ്ട്‌. നൈജീരിയ, യു.എസ്‌., പശ്ചിമജർമനി, ഗ്രറ്റ്‌ ബ്രിട്ടന്‍, ഫിലിപ്പൈന്‍സ്‌, ആസ്റ്റ്രലീയ എന്നിവിടങ്ങളിലേക്കുള്ള പാർല. പ്രതിനിധി സംഘാംഗമായിരുന്ന വയലറ്റ്‌ 1957 മുതൽ 1962 വരെ ആഭ്യന്തരവകുപ്പിൽ ഉപമന്ത്രിയായിരുന്നു. 1962 ഏ. 19-ന്‌ രാജ്യസഭയുടെ ഉപാധ്യക്ഷയായി തെരഞ്ഞെടുക്കപ്പെട്ട അവർ മരണംവരെ (1969 ന. 20) ആ പദവിയിൽ തുടർന്നു. സെയ്‌ന്റ്‌ സേവിയേഴ്‌സിൽ സഹപാഠിയായിരുന്ന ജോക്വിം ആൽവായായിരുന്നു അവരുടെ ഭർത്താവ്‌. ആൽവാ ദമ്പതികളാണ്‌ കോണ്‍ഗ്രസ്സിലെ യൂത്ത്‌ കോണ്‍ഗ്രസ്‌ പ്രസ്ഥാനം വാർത്തെടുത്ത്‌. 1964-ൽ വയലറ്റ്‌ ഇന്ത്യയിലെ വൈ.ഡബ്ലിയു.സി.എ.യുടെ പ്രസിഡണ്ടും ആയിരുന്നു.
