This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആപ്രിക്കോട്ട്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: ==ആപ്രിക്കോട്ട്‌== ==Apricot== പ്രൂണസ്‌ ആർമേനിയാക്ക (Prunus armeniaca) എന്നു ശാസ്...)
അടുത്ത വ്യത്യാസം →
04:10, 23 ഫെബ്രുവരി 2014-നു നിലവിലുണ്ടായിരുന്ന രൂപം
ആപ്രിക്കോട്ട്‌
Apricot
പ്രൂണസ്‌ ആർമേനിയാക്ക (Prunus armeniaca) എന്നു ശാസ്‌ത്രനാമമുള്ള ഒരിനം ഫലവൃക്ഷം. റോസേസീ (Rosaceae) കുടുംബത്തിൽപ്പെട്ട ഇതിന്റെ ജന്മദേശം ചൈനയാണ്‌. അവിടെനിന്നും ഇത്‌ ദക്ഷിണ യൂറോപ്പിലൂടെ അമേരിക്കന്‍ ഐക്യനാടുകളിൽ എത്തിച്ചേർന്നു. ഉത്തരാഫ്രിക്കയിലും കാലിഫോർണിയയിലും ബ്രിട്ടന്റെ താരതമ്യേന ചൂടുകൂടിയ ഭാഗങ്ങളിലും ഇത്‌ ധാരാളമായി വളരുന്നുണ്ട്‌. പീച്ച്‌ (peach) മരത്തെക്കാള്‍ കുറച്ചുകൂടി കട്ടിയുള്ള തടിയാണെങ്കിലും വളരെ നേരത്തേതന്നെ പുഷ്‌പിക്കുന്ന ഇതിന്‌ മഞ്ഞും അതിശൈത്യവും ഹാനികരമാണ്‌. അതിനാൽ മഞ്ഞു വീഴാത്തതും ഊഷ്‌മാവ്‌ 1015മ്പഎൽ താഴാത്തതുമായ സ്ഥലമാണ്‌ ആപ്രിക്കോട്ട്‌ കൃഷിക്കായി തിരഞ്ഞെടുക്കപ്പെടാറുള്ളത്‌. മഞ്ഞയോ ഓറഞ്ചോ നിറത്തിലുള്ള, ഏതാണ്ട്‌ മിനുസമേറിയ, ഈ പഴങ്ങള്‍ പാകം ചെയ്യാതെ വെറുതെ കഴിക്കാന്‍ സ്വാദുറ്റതാണ്‌. ഉണക്കിയും സംസ്‌കരിച്ച്‌ ടിന്നിലടച്ചും ഇവ സംഭരിക്കപ്പെടുന്നു. പ്ലശ്ശം, പീച്ച്‌ എന്നിവയുടെ തൈകളിൽ മുകുളനം നടത്തിയാണ്‌ ഈ വൃക്ഷങ്ങളുടെ വംശവർധനവ്‌ സാധിക്കുക. തോട്ടത്തിൽ നടുമ്പോള്‍ രണ്ടു വൃക്ഷങ്ങള്‍ തമ്മിലുള്ള അകലം സാധാരണ 735 സെ.മീ. ആയിരിക്കും. വ. അമേരിക്കയിൽ ഇതൊരു നാണ്യവിളയാണ്‌.
മൂർപാർക്‌, ബ്ലെനിം, റോയൽ, റ്റിൽറ്റണ്‍, ന്യൂ കാസിൽ, വിഗിന്‍സ്‌ എന്നിവയാണ്‌ സാധാരണ കൃഷിചെയ്യപ്പെടുന്ന ഇനങ്ങള്‍. പ്രൂണസ്‌ മ്യൂം എന്നു ശാസ്‌ത്രനാമമുള്ള ജാപ്പനീസ്‌ ആപ്രിക്കോട്ട്‌ ചൈനയിലും ജപ്പാനിലും വളരെ പ്രിയങ്കരമായ ഒരു വൃക്ഷമാണ്‌. അവർ ഇതിനെ ഒരു അലങ്കാരവൃക്ഷമായും ഫല വൃക്ഷമായും വളർത്തുന്നു. ഈ സ്‌പീഷീസിന്‌ അമേരിക്കയിൽ അത്ര പ്രചാരമില്ല.
