This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ധര്‍മപുത്രര്‍
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(New page: ധര്‍മപുത്രര്‍ മഹാഭാരത കഥയിലെ പ്രസിദ്ധനായ രാജാവ്. പാണ്ഡവരില്‍ ജ്യേഷ്...)
അടുത്ത വ്യത്യാസം →
09:21, 6 മാര്‍ച്ച് 2009-നു നിലവിലുണ്ടായിരുന്ന രൂപം
ധര്‍മപുത്രര്‍
മഹാഭാരത കഥയിലെ പ്രസിദ്ധനായ രാജാവ്. പാണ്ഡവരില്‍ ജ്യേഷ്ഠന്‍. കുന്തീദേവിയുടെയും യമധര്‍മന്റെയും മകന്‍. സത്യത്തിന്റെയും ധര്‍മത്തിന്റെയും പ്രതീകമായാണ് ധര്‍മപുത്രര്‍ പുരാണങ്ങളില്‍ പ്രകീര്‍ത്തിക്കപ്പെടുന്നത്.
പാണ്ഡു കുന്തീദേവിയെയും മാദ്രിയെയും വിവാഹം ചെയ്തു. എന്നാല്‍ ഒരു മുനിയുടെ ശാപംമൂലം പാണ്ഡുവിന് സ്ത്രീസമാഗമം സാധ്യമല്ലാതായി. ദുര്‍വാസാവുമഹര്‍ഷിയുടെ മന്ത്രോപദേശത്താല്‍ മന്ത്രജപത്തോടെ ഏതു ദേവനെയും പ്രത്യക്ഷനാക്കാനും ആ ദേവന്റെ അനുഗ്രഹത്താല്‍ സന്താനമുണ്ടാകാനും കുന്തീദേവിക്ക് മുമ്പുതന്നെ വരം ലഭിച്ചിരുന്നു. പാണ്ഡു രാജ്യഭാരം ധൃതരാഷ്ട്രരെ ഏല്പിച്ചിട്ട് ശതശൃംഗവനത്തില്‍ താമസിക്കുന്ന കാലത്ത് പാണ്ഡുവിന്റെ പ്രേരണയാല്‍ കുന്തീദേവി മന്ത്രജപത്തോടെ യമധര്‍മനെ (ധര്‍മദേവനെ) സ്മരിക്കുകയും ധര്‍മദേവന്‍ പ്രത്യക്ഷനാവുകയും അദ്ദേഹത്തിന് കുന്തീദേവിയില്‍ ധര്‍മപുത്രര്‍ ജനിക്കുകയും ചെയ്തു. ധര്‍മപുത്രരുടെ ജനനസമയത്ത് 'ഇവന്‍ ധര്‍മിഷ്ഠരില്‍ ശ്രേഷ്ഠനും പരാക്രമിയും സത്യവാദിയുമായ രാജാവാകും; യുധിഷ്ഠിരന്‍ എന്ന് വിളിക്കപ്പെടും' എന്ന് അശരീരി ഉണ്ടായി.
കുന്തീദേവിക്കു വരമായി ലഭിച്ചിരുന്ന മന്ത്രോപദേശത്താല്‍
വായുദേവന്റെ പുത്രനായി ഭീമസേനനും ദേവേന്ദ്രന്റെ പുത്രനായി അര്‍ജുനനും ജനിച്ചു. ശേഷിച്ച ഒരു മന്ത്രത്താല്‍ അശ്വിനീദേവന്മാരെ പ്രത്യക്ഷരാക്കുകയും ഇവര്‍ക്ക് മാദ്രിയില്‍ നകുലനും സഹദേവനും ജനിക്കുകയും ചെയ്തു. വനത്തില്‍ വച്ചുതന്നെ മുനിമാരുടെ സഹായത്താല്‍ കുമാരന്മാര്‍ക്ക് ജാതകര്‍മാദി സംസ്കാരകര്‍മങ്ങള്‍ നടത്തി. കാശ്യപനാണ് യുധിഷ്ഠിരന്റെ ഉപനയനത്തിന് നേതൃത്വം നല്കിയത്. രാജര്‍ഷിയായ ശുകനില്‍നിന്ന് യുധിഷ്ഠിരന്‍ കുന്തപ്രയോഗത്തില്‍ പ്രാവീണ്യം നേടി. വനത്തില്‍വച്ച് പാണ്ഡു ചരമമടയുകയും മാദ്രി തന്റെ പതിയുടെ ചിതയില്‍ പ്രവേശിക്കുകയും ചെയ്തതോടെ കുന്തീദേവിയെയും പാണ്ഡവരെയും മുനിമാര്‍ ഹസ്തിനപുരത്തിലെത്തിച്ച് ഭീഷ്മരെ ഏല്പിച്ചു. ദുര്യോധനാദികളായ കൌരവരോടൊപ്പം കൃപാചാര്യരുടെയും ദ്രോണാചാര്യരുടെയും ശിഷ്യത്വത്തില്‍ അസ്ത്രശസ്ത്രാഭ്യാസത്തില്‍ പ്രാവീണ്യം നേടിയ പാണ്ഡവര്‍ ജനങ്ങള്‍ക്ക് ദുര്യോധനാദികളെക്കാള്‍ സമ്മതരായി മാറി. അതുമൂലം ദുര്യോധനനും സഹോദരന്മാര്‍ക്കും പാണ്ഡവരോട് സ്പര്‍ധ വര്‍ധിച്ചുവന്നു. കുന്തം ഉപയോഗിച്ചുള്ള ആയുധാഭ്യാസത്തിലും രഥത്തിലിരുന്നു ചെയ്യുന്ന യുദ്ധത്തിലും ധര്‍മപുത്രര്‍ അദ്വിതീയനായി മാറി.
പാണ്ഡവകൌരവന്മാരില്‍ ജ്യേഷ്ഠനായ ധര്‍മപുത്രരെ ധൃതരാഷ്ട്രര്‍ യുവരാജാവായി അഭിഷേകം ചെയ്തു. ഭരണനൈപുണ്യത്താല്‍ ജനങ്ങളുടെ സ്നേഹാദരങ്ങള്‍ ധര്‍മപുത്രര്‍ക്കു ലഭിച്ചു. ഇതില്‍ അസന്തുഷ്ടനായ ദുര്യോധനന്‍ ധൃതരാഷ്ട്രരുടെകൂടി സമ്മതത്തോടെ വാരണാവതം എന്ന അതിര്‍ത്തിദേശത്ത് ഒരു കൊട്ടാരം നിര്‍മിച്ച് ആ പ്രദേശത്തെ ക്ഷേമപ്രവര്‍ത്തനത്തിന് നേതൃത്വം നല്കാനെന്ന നിലയില്‍ ധര്‍മപുത്രരെയും പാണ്ഡവരെയും അവിടെ നിവസിക്കുന്നതിനു നിയോഗിച്ചു. ദുര്യോധനന്റെയും ശകുനിയുടെയും പദ്ധതിപ്രകാരം ഭിത്തികളില്‍ കോലരക്കു നിറച്ചായിരുന്നു കൊട്ടാരം നിര്‍മിച്ചത്. പാണ്ഡവര്‍ മാതാവായ കുന്തീദേവിയോടൊപ്പം അവിടെ താമസമായി ദിവസങ്ങള്‍ക്കകം കൊട്ടാരം അഗ്നിക്കിരയാക്കി. അപകടം മുന്നില്‍ക്കണ്ട് കൊട്ടാരത്തിനുള്ളില്‍ക്കൂടി വിദുരര്‍ പണിതിരുന്ന തുരങ്കംവഴി പാണ്ഡവര്‍ മാതാവിനോടൊപ്പം രക്ഷപെട്ടു. പാണ്ഡവര്‍ മരിച്ചു എന്നു കരുതി ധൃതരാഷ്ട്രര്‍ അവരുടെ സംസ്കാരകര്‍മങ്ങള്‍ നടത്തി. പാണ്ഡവര്‍ രക്ഷപെട്ടിട്ടുണ്ടെന്ന് വിദുരര്‍ ഭീഷ്മരെ മാത്രം അറിയിച്ചിരുന്നു. അരക്കില്ലത്തില്‍നിന്നു രക്ഷപെട്ട പാണ്ഡവര്‍ വനത്തിലെത്തിച്ചേര്‍ന്നു. കുറേക്കാലം അജ്ഞാതരായി കഴിയാന്‍ തീരുമാനിച്ച് വനത്തില്‍ത്തന്നെ ബ്രാഹ്മണവേഷധാരികളായി നിവസിച്ചു.
ബ്രാഹ്മണവേഷധാരികളായി പാഞ്ചാലദേശത്തെത്തിയ പാണ്ഡവര്‍ പാഞ്ചാലീസ്വയംവരത്തില്‍ പങ്കെടുത്ത് പാഞ്ചാലിയെ സ്വന്തമാക്കി. മാതാവിന്റെ നിര്‍ദേശത്താല്‍ പാഞ്ചാലി പാണ്ഡവര്‍ അഞ്ചുപേരുടെയും പത്നിയായി സ്വീകൃതയായി. പഞ്ചാലിയുമൊത്ത് ഹസ്തിനപുരത്തിലെത്തിയ പാണ്ഡവരെ ധൃതരാഷട്രര്‍ സ്വാഗതം ചെയ്യുകയും ധര്‍മപുത്രര്‍ക്ക് പകുതി രാജ്യം നല്കി ഖാണ്ഡവപ്രസ്ഥം തലസ്ഥാനമാക്കി രാജാവായി അംഗീകരിക്കുകയും ചെയ്തു. ധര്‍മപുത്രര്‍ ഇന്ദ്രപ്രസ്ഥത്തില്‍ മയാസുരന്‍ പണിതുനല്കിയ ദേവേന്ദ്രപുരിസദൃശമായ കൊട്ടാരത്തില്‍ നിവസിച്ച് രാജ്യഭരണം നയിച്ചുവന്നു. നാരദന്റെ നിര്‍ദേശത്താല്‍ പാഞ്ചാലി ഓരോ വര്‍ഷം ഓരോ പതിമാരോടൊപ്പം നിവസിച്ചു.
