This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടാന്‍ഹോയ്സ്സര്‍
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(New page: ടാന്‍ഹോയ്സ്സര്‍ ഠമിിവമൌലൃെ ജര്‍മന്‍ ഓപ്പറ. റിച്ചാഡ് വാഗ്നര്‍ ആണ് ഇത...)
അടുത്ത വ്യത്യാസം →
05:56, 6 സെപ്റ്റംബര്‍ 2008-നു നിലവിലുണ്ടായിരുന്ന രൂപം
ടാന്‍ഹോയ്സ്സര്‍
ഠമിിവമൌലൃെ
ജര്‍മന്‍ ഓപ്പറ. റിച്ചാഡ് വാഗ്നര്‍ ആണ് ഇതിന്റെ രചയിതാവ്. ഒരു ഐതിഹ്യത്തെ ആസ്പദമാക്കിയാണ് ഈ ഓപ്പറയ്ക്ക് രൂപം നല്‍കിയിരിക്കുന്നത്. പതിമൂന്നാം നൂറ്റാണ്ടിലെ ഒരു ജര്‍മന്‍ സ്തുതി ഗായകന്‍ ആയിരുന്നു ടാന്‍ഹോയ്സ്സര്‍. സംഭവബഹുലമായ ജീവിതം നയിച്ചിരുന്ന ഇദ്ദേഹം വിശുദ്ധനഗരത്തിലേക്ക് ഒരു തീര്‍ഥയാത്ര നടത്തിയെന്ന് പറയപ്പെടുന്നു. 16-ാം നൂറ്റാണ്ടിലെ ഒരു ആഖ്യാനകാവ്യത്തില്‍ ഇപ്രകാരം പറയുന്നുണ്ട്:
ഒരു സായാഹ്നത്തില്‍ സവാരിക്കിറങ്ങിയ ടാന്‍ഹോയ്സ്സര്‍ വീനസ് ദേവതയെ കണ്ടുമുട്ടി. ദേവതയുമൊത്ത് പര്‍വതത്തിനുള്ളിലെ കൊട്ടാരത്തില്‍ കടന്ന ഹോയ്സ്സര്‍ ഏഴു വര്‍ഷക്കാലം അവിടെത്തന്നെ ജീവിച്ചു. പിന്നീട് വീനസിനെ ഉപേക്ഷിക്കുകയും പശ്ചാത്താപ വിവശനായി റോമിലേക്ക് തീര്‍ഥയാത്ര നടത്തുകയും ചെയ്തു. തന്റെ കൈയിലെ അധികാരക്കോല്‍ പൂക്കുകയില്ല എന്നതു പോലെ ഹോയ്സ്സറിന്റെ പാപങ്ങളും പൊറുക്കപ്പെടുകയില്ല എന്നായിരുന്നു പോപ്പിന്റെ പ്രതികരണം. നിരാശനായ ടാന്‍ഹോയ്സ്സര്‍ ജര്‍മനിയിലേക്കു മടങ്ങി. മൂന്നു ദിവസങ്ങള്‍ക്കുശേഷം പോപ്പിന്റെ അധികാരക്കോല്‍ പൂവണിഞ്ഞു. തുടര്‍ന്ന് ടാന്‍ഹോയ്സ്സറെ അന്വേഷിച്ചെത്തിയ ദൂതന്മാര്‍ക്ക് അദ്ദേഹത്തെ കണ്ടെത്താന്‍ കഴിഞ്ഞില്ല. അതിനു മുമ്പുതന്നെ ഹോയ്സ്സര്‍ വീനസിനെ വീണ്ടും അഭയം പ്രാപിച്ചിരുന്നു. ഈ പുരാതന
ഐതിഹ്യത്തെ ആസ്പദമാക്കിയാണ് ടാന്‍ഹോയ്സ്സര്‍ എന്ന
പേരില്‍ തന്നെയുള്ള ഈ ഓപ്പറയ്ക്ക് രൂപം നല്‍കിയിരിക്കുന്നത്.
