This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

09:40, 7 ഫെബ്രുവരി 2008-നു നിലവിലുണ്ടായിരുന്ന രൂപം

അന്ത്യപ്രാസം

കവിതയില്‍ ഓരോ പാദത്തിന്റെയും അവസാനം, അഥവാ ഓരോ പദത്തിന്റെയും അന്ത്യത്തില്‍, ഒരേ വര്‍ണം ആവര്‍ത്തിക്കുന്ന പ്രാസരീതി. മറാഠിയില്‍ വളരെ പ്രചാരമുള്ളതിനാല്‍ 'മഹാരാഷ്ട്രപ്രാസ'മെന്നും ഇതിനു പേരുണ്ട്.

പദാന്ത്യത്തില്‍ :

   (1)	'അകൃത്രിമദ്യുതിരനവദ്യേയം

  	അടുത്തു ചെന്നിനി അനുപശ്യേയം

  	ആകൃതി കണ്ടാലതിരംഭേയം

  	ആരാലിവള്‍ തന്നധരം പേയം.'

   (2)	'പതിയായ് വിജയിക്ക ധാരിണിക്കും

  	ശതവര്‍ഷാവധി ഭൂതധാരണിക്കും;

  	അതുലക്ഷമകൊണ്ടു രണ്ടുപേര്‍ക്കും

  	സ്ഥിതി സാരപ്രസവാപ്തി കൊണ്ടുമൊക്കും.'

  പദാന്ത്യത്തില്‍:

  	'കുരുടനെങ്കിലും ജഠരനെങ്കിലും

  	നരയനെങ്കിലും ജരയനെങ്കിലും

  	കള്ളനെങ്കിലും കാടനെങ്കിലും

  	മുള്ളനെങ്കിലും മൂഢനെങ്കിലും.'

ഈരടിയുടെ അവസാനം മാത്രം എന്ന ക്രമത്തിലും വരാറുണ്ട്.

  	'ഇരു ഭാഗത്തിലായ് പകുതി പിന്നിയ

  	ചികുരം മാതിരി പാടം;

  	അതിന്‍ കരയിലായ് മുകുളപാണിപോല്‍

  	കടത്തുകാരന്റെ മാടം.'

ആംഗലകവിതയെപ്പോലെ വിഷമപാദങ്ങളില്‍ ഒരേ മട്ടില്‍, സമപാദങ്ങളില്‍ ഒരേ മട്ടില്‍ എന്നിങ്ങനെയും അന്ത്യപ്രാസമുണ്ട്:

  	'ഗതി വക്രതയാര്‍ന്ന മണ്ണില്‍ നിന്‍

  	ഗതി നിര്‍ത്തീടുവതിന്നു നേരമായ്;

  	അതിരറ്റൊരു നീല വിണ്ണില്‍ നിന്‍

  	ദ്യുതി ചേരട്ടിനി സാന്ധ്യതാരമായ്.'