This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
തിബത്തന് പീഠഭൂമി
സര്വ്വവിജ്ഞാനകോശം സംരംഭത്തില് നിന്ന്
Technoworld (സംവാദം | സംഭാവനകള്)
(New page: തിബത്തന് പീഠഭൂമി ഠശയലമിേ ജഹമലേമൌ ഹിമാലയത്തിന്റെ നതമധ്യഭാഗത്തെ പര...)
അടുത്ത വ്യത്യാസം →
06:00, 6 ജൂണ് 2008-നു നിലവിലുണ്ടായിരുന്ന രൂപം
തിബത്തന് പീഠഭൂമി
ഠശയലമിേ ജഹമലേമൌ
ഹിമാലയത്തിന്റെ നതമധ്യഭാഗത്തെ പര്വതനിരകളുടെ അടിവാരത്തില് തുടങ്ങി വടക്കോട്ടു വ്യാപിച്ചിരിക്കുന്ന പീഠഭൂമി. ശ.ശ. 4000 മീറ്ററിലേറെ ഉയരമുള്ള ഈ പീഠഭൂമി വ.-ഉം, കി.-ഉം, തെ.-ഉം ഉത്തുംഗങ്ങളായ പര്വത ശൃംഖലകളാല് ചുറ്റപ്പെട്ടിരിക്കുന്നു. പൊതുവേ വ.പ.ദിശയിലേക്ക് ചരിഞ്ഞിറങ്ങുന്ന ഈ പീഠസമതലം വ.പ. ശ.ശ. 3660 മീ. ഉയരത്തില് ഉപസ്ഥിതമായ പാമീര് പീഠഭൂമിയില് ലയിക്കുന്നു. ഭൂവിജ്ഞാനീയ കാലഘട്ടത്തില് വിവിധ പ്രക്രമങ്ങള്ക്കു വിധേയമായിട്ടുള്ള തിബത്തന് പീഠഭൂമിയുടെ ഏറിയ ഭാഗത്തും നദികളാലും കാറ്റിനാലും നിക്ഷേപിക്കപ്പെട്ടു രൂപംകൊണ്ടിട്ടുള്ള മണ്ണിനങ്ങളാണുള്ളത്. മുമ്പ് വിസ്തൃതങ്ങളായ നിരവധി തടാകങ്ങള് ഈ പീഠസമതല പ്രദേശത്ത് ഉണ്ടായിരുന്നതായി കരുതുന്നു. പീഠഭൂമിയുടെ തെക്കരികിലായി വ.നിന്നു കിഴക്കോട്ട് ഉദ്ദേശം 1000 കി.മീ. ദൈര്ഘ്യത്തില് ഒഴുകുന്ന ബ്രഹ്മപുത്രയാണ് ഈ മേഖലയിലെ മുഖ്യ നദി. തിബത്തന് പീഠഭൂമി പ്രദേശത്ത് ബ്രഹ്മപുത്രയ്ക്ക്'സാങ്പോ' എന്നാണ് പേര്.
ഹിമാലയ പര്വതനിരകള് രൂപപ്പെട്ടതിനുശേഷമാണ് തിബ ത്തന് പീഠഭൂമി പൊതുവേ ഈര്പ്പരഹിതവും ഊഷരവുമായി പരി ണമിച്ചത്. ഇതിനോടൊപ്പം പീഠഭൂമിയിലെ ജലാശയങ്ങള് ചുരുങ്ങുകയും ഇവയിലെ ലവണാംശം ക്രമാതീതമായി വര്ധിക്കുകയും ഈ മേഖലയിലെ സസ്യപ്രകൃതിയില് ഗണ്യമായ മാറ്റങ്ങള് ഉണ്ടാവുകയും ചെയ്തു. ഇപ്പോള് സാങ്പോ തടത്തില് മാത്രമേ നൈസര്ഗിക വനങ്ങള് അവശേഷിക്കുന്നുള്ളൂ. ജന്തുവര്ഗങ്ങളില് മിക്കവയും വംശനാശത്തിന് വിധേയമായി. ശേഷിക്കുന്നവയില് യാക്ക്, ഉയരം കുറഞ്ഞ് കുതിരയോടു സാദൃശ്യം പുലര്ത്തുന്ന കാട്ടുകഴുത, ഹിമപ്പുലി എന്നിവയ്ക്കാണ് പ്രാമുഖ്യം.