This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഗോപാല്‍ സിങ് (1917 - )
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(പുതിയ താള്‍: ==ഗോപാല്‍ സിങ് (1917 - )== പഞ്ചാബി കവിയും നിരൂപകനും. ഇപ്പോഴത്തെ പാകി...)
അടുത്ത വ്യത്യാസം →
Current revision as of 08:09, 3 നവംബര്‍ 2015
ഗോപാല്‍ സിങ് (1917 - )
പഞ്ചാബി കവിയും നിരൂപകനും. ഇപ്പോഴത്തെ പാകിസ്താനില്‍ ഉള്‍പ്പെടുന്ന ഹരാന ജില്ലയില്‍ 1917 ന. 29-നു ഗോപാല്‍ സിങ് ജനിച്ചു. പഞ്ചാബ് സര്‍വകലാശാലയില്‍ നിന്നും എം.എ.; പിഎച്ച്.ഡി. ബിരുദങ്ങള്‍ സമ്പാദിച്ചശേഷം ലണ്ടനില്‍ നിയമ വിദ്യാഭ്യാസം നടത്തി. രാജ്യസഭാംഗമായിരുന്നു (1962-68).
ഗോപാല്‍ സിങ് നൂറിലധികം ഗ്രന്ഥങ്ങള്‍ രചിച്ചിട്ടുണ്ട്. ഝനാം (1942), ഹനേരേ സവേരേ (1950), അനഹദ് നാദ് (1964), ചാനല്‍ ദ പഹാര്‍ (1976) എന്നിവയാണ് കാവ്യകൃതികള്‍. അനഹദ് നാദത്തിന് സാഹിത്യ അക്കാദമി അവാര്‍ഡ് ലഭിച്ചിട്ടുണ്ട്. ഈ കൃതി ഇദ്ദേഹം തന്നെ ദ അണ്‍സ്ട്രക് മെലഡി (1967) എന്ന പേരില്‍ ഇംഗ്ലീഷിലേക്ക് വിവര്‍ത്തനം ചെയ്യുകയുണ്ടായി. രോമഞ്ചക് പഞ്ചാബി കവി, സാഹിത്യ ദി പരഖ്, ശ്രീ ഗുരുഗ്രന്ഥ സാഹിബ്, ദ സാഹിത്യക് വിശേഷതാ തിടങ്ങിയവ നിരൂപണ കൃതികളിലുള്‍പ്പെടുന്നു. പഞ്ചാബി സാഹിത്യ ചരിത്രഗ്രന്ഥം ഗോപാല്‍ സിങ്ങിന്റെ സൂക്ഷ്മ വിചിന്തനത്തിനും അന്തസ്സുള്ള ഭാഷാപ്രയോഗത്തിനും നിദര്‍ശനമാണ്. ആദ്യകാല പാഠപുസ്തകങ്ങളുടെ നിര്‍മാണത്തിലും സമ്പാദനത്തിലും ഇദ്ദേഹം പങ്കാളിയായി. ശ്രീ ഗുരുഗ്രന്ഥ സാഹിബ് എന്ന ഗ്രന്ഥത്തിന്റെ ആംഗലേയ പരിഭാഷയോടുകൂടി (1962) ഗോപാല്‍ സിങ് അന്താരാഷ്ട്ര പ്രശസ്തനായി. ചിന്തകന്‍, കഥാകൃത്ത് എന്നീ നിലകളിലും ഇദ്ദേഹം പ്രശസ്തനായിരുന്നു.
