This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഗാര്‍ഡിനര്‍, സാമുവല്‍ റോസണ്‍ (1829 -1902)
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(പുതിയ താള്‍: ==ഗാര്‍ഡിനര്‍, സാമുവല്‍ റോസണ്‍ (1829 -1902) == ==Gardiner Samuel Rawson== ബ്രിട്ടീഷ് ചര...)
അടുത്ത വ്യത്യാസം →
Current revision as of 01:20, 27 സെപ്റ്റംബര്‍ 2015
ഗാര്‍ഡിനര്‍, സാമുവല്‍ റോസണ്‍ (1829 -1902)
Gardiner Samuel Rawson
ബ്രിട്ടീഷ് ചരിത്രകാരന്‍. 1829 മാ. 4-ന് റോസണ്‍ ബോതം ഗാര്‍ഡിനറുടെ പുത്രനായി ഹാംപ്ഷയറിലെ റോപ്ലിയില്‍ ജനിച്ചു. ഓക്സ്ഫഡ്, എഡിന്‍ബര്‍ഗ് സര്‍വകലാശാലകളിലായിരുന്നു വിദ്യാഭ്യാസം. 1872 മുതല്‍ 85 വരെ ലണ്ടനിലെ കിങ്സ് കോളജില്‍ ചരിത്രവിഭാഗം അധ്യാപകനായിരുന്നു. 1886 മുതല്‍ 89 വരെ ഓക്സ്ഫഡിലും ജോലി നോക്കിയിട്ടുണ്ട്. 1891 മുതല്‍ 1901 വരെ ഇദ്ദേഹം ഇംഗ്ലീഷ് ഹിസ്റ്റോറിക്കല്‍ റിവ്യൂവിന്റെ എഡിറ്ററായിരുന്നു. 17-ാം ശ.-ത്തിലെ ബ്രിട്ടീഷ് ചരിത്രത്തെ സംബന്ധിച്ചു നടത്തിയ ഗവേഷണമാണ് ഇദ്ദേഹത്തെ പ്രശസ്തനാക്കിയത്. 1603 മുതല്‍ 60 വരെയുള്ള കാലഘട്ടത്തിലെ ബ്രിട്ടനിലെ രാഷ്ട്രീയവും മതപരവുമായ സംഭവങ്ങളെ വിലയിരുത്തിക്കൊണ്ടുള്ളതായിരുന്നു ഇദ്ദേഹത്തിന്റെ ഗവേഷണം. ഹിസ്റ്ററി ഒഫ് ഇംഗ്ളണ്ട് ഫ്രം ദി അക്സെഷന്‍ ഒഫ് ജയിംസ് ക റ്റു ദി ഔട്ട്ബ്രേക്ക് ഒഫ് സിവില്‍ വാര്‍ (1603-42, പത്തു വാല്യം), ഹിസ്റ്ററി ഒഫ് ദ് ഗ്രേറ്റ് സിവില്‍ വാര്‍ (1642-49, നാലു വാല്യം), ഹിസ്റ്ററി ഒഫ് ദ് കോമണ്‍വെല്‍ത്ത് ആന്‍ഡ് പ്രൊട്ടക്ടറേറ്റ് (1649-60, മൂന്നു വാല്യം) എന്നീ മൂന്നു കൃതികളാണ് പ്രധാനമായവ. ഇതിനുപുറമേ ക്രോംവെലിനെപ്പറ്റി ഒരു ഗ്രന്ഥം രചിക്കുകയും കോണ്‍സ്റ്റിറ്റ്യൂഷണല്‍ ഡോക്യുമെന്റ്സ് ഒഫ് ദ് പ്യൂരിറ്റന്‍ റവല്യൂഷന്‍ (1628-60) എന്ന ഗ്രന്ഥം എഡിറ്റു ചെയ്യുകയുമുണ്ടായി. 1902 ഫെ. 23-ന് കെന്റിലെ സെവ്നോക്സില്‍ ഗാര്‍ഡിനര്‍ മരണമടഞ്ഞു.
