This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഖന്‍സാഅ്(7-ാം ശ.)
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(പുതിയ താള്‍: ==ഖന്‍സാഅ്(7-ാം ശ.)== അറബി കവയിത്രി. അറേബ്യയിലെ നജ്ദില്‍ മുളര്‍ ഗോ...)
അടുത്ത വ്യത്യാസം →
Current revision as of 07:13, 2 ഓഗസ്റ്റ്‌ 2015
ഖന്‍സാഅ്(7-ാം ശ.)
അറബി കവയിത്രി. അറേബ്യയിലെ നജ്ദില്‍ മുളര്‍ ഗോത്രക്കാരനായ അംറ്ബിന്‍ ശരീദിന്റെ മകള്‍. യഥാര്‍ഥ നാമം തുമാളിര്‍. കാട്ടുപശു എന്നര്‍ഥമുള്ള ഖന്‍സാഅ് എന്നത് തൂലികാനാമമാണ്. അറബി കവികളില്‍ ഏറ്റവും പ്രസിദ്ധയാണ് ഇവര്‍. താന്‍ ജീവനുതുല്യം സ്നേഹിച്ചിരുന്ന സഹോദരന്മാര്‍ കിലാബ് യുദ്ധത്തില്‍ കൊല്ലപ്പെട്ടതിനെത്തുടര്‍ന്നാണ് ഖന്‍സാഅ് വികാരതീവ്രമായി കവിത എഴുതിത്തുടങ്ങിയത്. അവരിലൊരാളായ സഖ്റിനെക്കുറിച്ചുള്ള വിലപനങ്ങളാണ് ഖന്‍സാഅ് കവിതകളുടെ ഭൂരിഭാഗവും. ഖന്‍സാഅ് വാര്‍ധക്യത്തില്‍ ഇസ്ലാംമതം സ്വീകരിച്ചു. നാലുമക്കളും ഖാദിസിയ്യാ യുദ്ധത്തില്‍ ഇസ്ലാമിനുവേണ്ടി രക്തസാക്ഷിത്വം വരിച്ചു. 646-ല്‍ ഖന്‍സാഅ് നിര്യാതയായി. ഇവരുടെ കവിതാസമാഹാരം 1888-ല്‍ ബയ്റൂത്തില്‍ പ്രസിദ്ധീകൃതമായി. ഫ്രഞ്ചുവിവര്‍ത്തനം 1889-ല്‍ പുറത്തുവന്നു.
(കെ.പി. കമാലുദീന്‍)
