This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എർഗട്ട്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍) (→Ergot) |
Mksol (സംവാദം | സംഭാവനകള്‍) (→എർഗട്ട്‌) |
||
| വരി 1: | വരി 1: | ||
| - | == | + | == എര്‍ഗട്ട്‌ == |
| - | + | ||
== Ergot == | == Ergot == | ||
05:17, 18 ഓഗസ്റ്റ്‌ 2014-നു നിലവിലുണ്ടായിരുന്ന രൂപം
എര്‍ഗട്ട്‌
Ergot
ധാന്യവിളകളുടെ, പ്രത്യേകിച്ച്‌ "കമ്പ്‌' (rye)എന്നറിയപ്പെടുന്ന ഇനത്തിന്റെ വിത്തുകളിൽ വളരുന്ന ഒരിനം ഫംഗസ്‌. ഇതുമൂലമുണ്ടാകുന്ന രോഗത്തിനും എർഗട്ട്‌ എന്നുതന്നെയാണ്‌ പേർ. ഈ രോഗബാധയുടെ ഫലമായി വീങ്ങി കട്ടപിടിക്കുന്ന ധാന്യമണികളെയും എർഗട്ട്‌ എന്നാണ്‌ വിളിക്കുക. ധാന്യമണികളിൽ നിന്നെടുക്കുന്ന ഔഷധത്തിന്റെ പേരും ഏർഗട്ട്‌ എന്നുതന്നെ. ശരീരഘടനാശാസ്‌ത്രത്തിൽ തലച്ചോറിന്റെ ഒരു ഭാഗത്തിനും (hippocampus minor) എർഗട്ട്‌ എന്നുപേരുണ്ട്‌. ക്ലാവിസപ്‌സ്‌ പർട്യൂറിയ (Claviceps purpurea) എന്ന ആസ്‌കോമൈസീറ്റ്‌ ഫംഗസാണ്‌ എർഗട്ട്‌ രോഗഹേതു. ഇതുബാധിച്ച ധാന്യം പതിവായി ഭക്ഷിക്കുന്നത്‌ ഒരുതരം "ഗാങ്‌ഗ്രീന്‍' (രക്തം ലഭിക്കാതെ വരുന്നതിനാൽ അവയവങ്ങള്‍ നിർജീവമാകുന്ന അവസ്ഥ) ഉണ്ടാകുന്നതിന്‌ കാരണമാകുന്നു.
കാറ്റിൽ പറന്നെത്തുന്ന ഫംഗസിന്റെ ബീജാണുക്കള്‍ റൈച്ചെടിയുടെ പൂക്കളിലെ അണ്ഡാശയങ്ങളിൽപ്പറ്റി മുളയ്‌ക്കുന്നു. ഇതോടെ പൂക്കള്‍ നിർജീവങ്ങളാകും. എർഗട്ട്‌ ആക്രമണത്തിനിരയായ കതിരിൽനിന്ന്‌ മണമുള്ള ഒരു മഞ്ഞദ്രാവകം പുറത്തുവരുന്നു. ഏതാനും ദിവസങ്ങള്‍ക്കുള്ളിൽ ഈ ദ്രാവകം അപ്രത്യക്ഷമാകുന്നതോടെ കതിർമണികളിലെ അന്നജം നഷ്‌ടപ്പെടുകയും വളർച്ച നിലയ്‌ക്കുകയും അവയുടെ അണ്ഡാശയങ്ങളിൽ ഫങ്‌ഗസിന്റെ "മൈസീലിയം' (അതിസൂക്ഷ്‌മങ്ങളായ നാരുകള്‍) നിറയുകയും ചെയ്യും. ഇത്‌ സ്‌ക്ലീറോട്ടിയം എന്നറിയപ്പെടുന്നു (ഭക്ഷണശേഖരം കാണപ്പെടുന്ന കടുപ്പമുള്ള മൈസീലിയമാണിത്‌).
എർഗട്ടിസം. ചെടികളിൽ എർഗട്ട്‌ ഉണ്ടാകുന്ന പ്രക്രിയ എർഗട്ടിസം എന്ന പേരിലറിയപ്പെടുന്നു. എർഗട്ട്‌ തുടർച്ചയായി ഉപയോഗിക്കുന്നതിനാൽ രോഗിയായിത്തീരുന്ന അവസ്ഥയ്‌ക്കും എർഗട്ടിസം എന്നുതന്നെയാണ്‌ പേര്‌. എർഗട്ട്‌ രോഗം ബാധിച്ച "റൈ' കതിരിൽ അല്‌പമായി നല്ല ധാന്യമണികളുമുണ്ടായിരിക്കും. എർഗട്ട്‌ വേർതിരിച്ചുകളയാതെ ധാന്യം ഉപയോഗിച്ചാൽ മനുഷ്യനിൽ രോഗബാധയുണ്ടാകും. "സെന്റ്‌ ആന്റണീസ്‌ ഫയർ (എറസിപ്പലസ്‌) എന്നറിയപ്പെടുന്ന ത്വഗ്‌രോഗം എർഗട്ട്‌ വിഷബാധമൂലമുണ്ടാകാം.
എ.ഡി. 945-ൽ മധ്യയൂറോപ്പിൽ "ഹോളി ഫയർ' എന്നപേരിൽ ഒരു പകർച്ചവ്യാധി പടർന്നുപിടിക്കുകയുണ്ടായി. എരിച്ചിൽ, കൈകാൽ വിരലുകളുടെ മരവിപ്പ്‌, ശരീരം കോച്ചിവലിക്കൽ എന്നിവയായിരുന്നു രോഗലക്ഷണങ്ങള്‍. സെന്റ്‌ ആന്റണിയുടെ അനുയായികളായ ക്രിസ്‌ത്യന്‍ സന്ന്യാസിമാർ സംഘടിച്ച്‌ വ്യാധിപ്രദേശങ്ങളിൽ ആശുപത്രികള്‍ സ്ഥാപിച്ച്‌ ചികിത്സകള്‍ ചെയ്‌ത്‌ രോഗനിവാരണം നടത്തുകയണ്ടായി. ഇതിനുശേഷമാണ്‌ സെന്റ്‌ ആന്റണീസ്‌ ഫയർ എന്ന പേരിൽ ഈ രോഗം അറിയപ്പെടാന്‍ തുടങ്ങിയത്‌. എർഗട്ട്‌-വിഷം രക്തധമനികളെ ചുരുക്കുന്നതുമൂലം അവയവാഗ്രങ്ങള്‍ക്ക്‌ രക്തം ലഭിക്കാതെ വന്ന്‌ ആ ഭാഗങ്ങള്‍ നിർജീവമാകുന്നു (gangrenous). ഈ വിഷബാധയുടെ മറ്റൊരു പ്രത്യേകത അവയവാഗ്രങ്ങളിലെ സിരകള്‍ നിർജീവമാകുന്നു (convulsive)എന്നതാണ്‌. രണ്ടുരീതിയിലുള്ള വിഷബാധമൂലവും ദുസ്സഹമായ വേദന അനുഭവപ്പെടും. ശ്വാസകോശപേശികളിൽ എർഗട്ട്‌-വിഷബാധയുണ്ടായാൽ പെട്ടെന്ന്‌ മരണം സംഭവിക്കാനിടയുണ്ട്‌.
1816-ൽ ലൊറേയ്‌നിലും ബർഗണ്ടിയിലും പകർച്ചവ്യാധിപോലെ എർഗട്ടിസം വ്യാപിച്ചതിനുശേഷം പടർന്നുപിടിക്കുന്ന നിലയിൽ ഈ രോഗം ഉണ്ടായിട്ടില്ല. ധാന്യശേഖരങ്ങളിൽനിന്ന്‌ എർഗട്ട്‌ വേർതിരിച്ചെടുക്കുന്നതിനുള്ള ശാസ്‌ത്രീയമാർഗങ്ങള്‍ വികസിച്ചതോടെയാണ്‌ ഈ രോഗം വ്യാപകമായതോതിൽ പകരാതെയായത്‌.
എർഗട്ടിൽ അനേകം രാസവസ്‌തുക്കള്‍ അടങ്ങിയിരിക്കുന്നു. "സ്റ്റോള്‍' എന്ന ശാസ്‌ത്രജ്ഞനാണ്‌ ഈ രംഗത്ത്‌ ശ്രദ്ധേയമായ പഠനങ്ങള്‍ നടത്തിയത്‌. എർഗോടോക്‌സിന്‍, എർഗോട്ടമീന്‍, എർഗാമെട്രീന്‍ എന്നീ ആൽക്കലോയ്‌ഡുകള്‍, ടൈറമീന്‍, ഹിസ്റ്റമീന്‍, ഐസോ അമൈലമീന്‍ എന്നീ അമീനുകള്‍, അസറ്റൈൽ കോളിന്‍ തുടങ്ങിയ ബേസുകള്‍, എർഗൊസ്റ്റെറോള്‍, ഫംഗിസ്റ്റെറോള്‍ തുടങ്ങിയ സ്റ്റെറോള്‍ യൗഗികങ്ങള്‍ എന്നിവയാണ്‌ എർഗട്ടിൽനിന്നും ലഭ്യമാക്കിയിട്ടുള്ള പ്രധാന പദാർഥങ്ങള്‍. പ്രസവസമയത്ത്‌ ഗർഭാശയപേശികള്‍ ശക്തിയായി സങ്കോചിക്കുന്നതിനും പ്രസവാനന്തര രക്തസ്രാവം തടയുന്നതിനും എർഗട്ട്‌ ഔഷധങ്ങള്‍ ഉപയോഗിക്കപ്പെടുന്നു. സാധാരണഗതിയിൽ ഇത്‌ ഗർഭാവസ്ഥയെ തകരാറിലാക്കാറില്ലെങ്കിലും രക്തസമ്മർദത്തെയും രക്തധമനികളുടെ പ്രവർത്തനത്തെയും ബാധിക്കാവുന്നതായതിനാൽ ഒരു ഡോക്‌ടറുടെ ഉപദേശത്തോടുകൂടി മാത്രമേ ഈ ഔഷധം ഉപയോഗിക്കാന്‍ പാടുള്ളൂ. അത്യന്തം വിവാദവിഷയമായ ഭ്രാമകൗഷധം (hallucinogen) ആയ ലൈസർജിക്‌ ആസിഡ്‌ ഡൈത്ത്‌ലാമൈഡ്‌ (LSD)-ക്ക്‌ ജന്മം നല്‌കുന്നതും എർഗട്ട്‌ തന്നെ. വിളവുനശിപ്പിക്കുകയും കന്നുകാലികളുടെ ഗർഭം അലസിപ്പിക്കുകയും അപൂർവമായി മനുഷ്യർക്ക്‌ മരണത്തിനു കാരണമായിത്തീരുകയും ചെയ്യുന്ന ഒരു ഫംഗസാണ്‌ എർഗട്ട്‌.
