This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഒനൈഡാ ഇന്ത്യർ
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍) (→Oneida Indians) |
Mksol (സംവാദം | സംഭാവനകള്‍) (→ഒനൈഡാ ഇന്ത്യർ) |
||
| വരി 1: | വരി 1: | ||
| - | == ഒനൈഡാ | + | == ഒനൈഡാ ഇന്ത്യര്‍ == |
| - | + | ||
== Oneida Indians == | == Oneida Indians == | ||
Current revision as of 07:20, 16 ഓഗസ്റ്റ്‌ 2014
ഒനൈഡാ ഇന്ത്യര്‍
Oneida Indians
ഒരു അമേരിക്കന്‍ ജനവര്‍ഗം. ന്യൂയോര്‍ക്ക്‌ സംസ്ഥാനത്തെ ഗോത്രസഖ്യമായ ഇറകേ്വായ്‌ലീഗിലെ ഒരു ഘടക ഗോത്രമാണിത്‌. മൊഹാവ്‌ക്ക്‌, ഒനോണ്ടാഗാ, കായുഗാ, സെനെകാ, ടസ്‌കോറിയാ എന്നീ അമേരിന്ത്യന്‍ ജനവര്‍ഗങ്ങളായിരുന്നു ഇറകേ്വായ്‌ലീഗിലെ മറ്റ്‌ അംഗഗോത്രങ്ങള്‍. 17-ഉം 18-ഉം നൂറ്റാണ്ടുകളില്‍ വടക്കേ അമേരിക്കയുടെ കിഴക്കന്‍ പ്രദേശങ്ങളിലെ ഭരണം നിയന്ത്രിച്ചിരുന്ന ഇറകേ്വായ്‌ലീഗിന്റെ ഭാഗമെന്ന നിലയില്‍ ഒനൈഡാ ഇന്ത്യര്‍ക്ക്‌ ഗണ്യമായ പങ്കുണ്ടായിരുന്നു. വടക്കേ അമേരിക്കയുടെ മേല്‍ ആധിപത്യം ഉറപ്പിക്കുന്നതിനുവേണ്ടി ഫ്രഞ്ചുകാരും ബ്രിട്ടീഷുകാരും തമ്മില്‍ നടത്തിയ പോരാട്ടത്തില്‍ ഒനൈഡാ ഇന്ത്യര്‍ ഇറക്വോയ്‌ലീഗിലെ മറ്റ്‌ അംഗഗോത്രങ്ങളോടൊപ്പം തന്ത്രപ്രധാനമായ പങ്കുവഹിച്ചു.
ന്യൂയോര്‍ക്കിലെ ഒനൈഡാ തടാകത്തിന്റെ തീരത്താണ്‌ ഒനൈഡാ ഇന്ത്യര്‍ നിവസിച്ചിരുന്നത്‌. ഇറകേയ്‌ലീഗിലെ മറ്റു ജനവര്‍ഗങ്ങളെപ്പോലെ മടിയന്മാരായ ഇവര്‍ ചോളക്കൃഷി ഉപജീവനമാര്‍ഗമായി സ്വീകരിച്ചിരുന്നു. പൊതുവേ നീളമുള്ള വീടുകളിലാണ്‌ ഇവര്‍ താമസിച്ചിരുന്നത്‌. ദായക്രമം മരുമക്കത്തായമാണ്‌. ഒനൈഡാ ഇന്ത്യരെ മൂന്നു വംശങ്ങളായി വിഭജിച്ചിട്ടുണ്ട്‌. ഇറക്വോയ്‌ലീഗില്‍ ഓരോ വംശത്തിനും മൂന്നു പ്രതിനിധികള്‍വീതം ഉണ്ടായിരുന്നു. ഓരോ വിഭാഗത്തിനും പ്രത്യേകം പ്രാദേശിക കൗണ്‍സിലും തലവനും ഉണ്ടായിരുന്നു. അമേരിക്കന്‍ സ്വാതന്ത്യ്രസമരത്തില്‍ ഒനൈഡാ ഇന്ത്യര്‍ ബ്രിട്ടീഷുകാര്‍ക്കെതിരായി പടപൊരുതി. യുദ്ധത്തില്‍ വമ്പിച്ച നാശനഷ്‌ടങ്ങള്‍ക്കിരയായ ഇവര്‍ക്ക്‌ യുദ്ധാനന്തരം യു.എസ്‌. ഗവണ്‍മെന്റ്‌ അര്‍ഹമായ നഷ്‌ടപരിഹാരം നല്‌കി. കാലാന്തരത്തില്‍ മതപരമായ അഭിപ്രായവ്യത്യാസങ്ങളും വസ്‌തുസംബന്ധമായ അവകാശത്തര്‍ക്കങ്ങളുംമൂലം അവര്‍ കലഹിക്കുകയും ഛിന്നഭിന്നരായിത്തീരുകയും ചെയ്‌തു. 1833-ഓടുകൂടി ഇവരില്‍ ഒരു വിഭാഗം വിസ്‌കൊണ്‍സിനിലെ ഗ്രീന്‍ബേയിലേക്കു കൂടിയേറുകയും ബാക്കിയുള്ളവര്‍ ന്യൂയോര്‍ക്കിലെ ഒനൈഡാ, ഒനോണ്ടാഗോ എന്നീ പ്രദേശങ്ങളില്‍ വാസമുറപ്പിക്കുകയും ചെയ്‌തു. കാനഡയിലും യു.എസ്സിലെ വിസ്‌കൊണ്‍സിന്‍, ന്യൂയോര്‍ക്ക്‌ തുടങ്ങിയ സംസ്ഥാനങ്ങളിലുമാണ്‌ ഇപ്പോള്‍ ഒനൈഡാ ഇന്ത്യരില്‍ അധികവും കേന്ദ്രീകരിക്കപ്പെട്ടിരിക്കുന്നത്‌. വിസ്‌കോണ്‍സിനില്‍ 12,000; കാനഡയില്‍ 1700; ന്യൂയോര്‍ക്കില്‍ 500 എന്നിങ്ങനെയാണ്‌ 2000-നുശേഷമുള്ളവരുടെ ജനസംഖ്യ.
