This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കാഡിസ്‌ ഈച്ച
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (പുതിയ താള്‍: == കാഡിസ്‌ ഈച്ച == == Caddis Fly == ശലഭങ്ങളോടു സാമ്യമുള്ള ഒരിനം പ്രാണികള്...) |
Mksol (സംവാദം | സംഭാവനകള്) (→Caddis Fly) |
||
| വരി 1: | വരി 1: | ||
== കാഡിസ്‌ ഈച്ച == | == കാഡിസ്‌ ഈച്ച == | ||
== Caddis Fly == | == Caddis Fly == | ||
| - | + | [[ചിത്രം:Vol7p17_caddis fly12.jpg|thumb| കാഡിസ്‌ ഈച്ച]] | |
ശലഭങ്ങളോടു സാമ്യമുള്ള ഒരിനം പ്രാണികള്. കാഡിസ്‌ ഈച്ചകള്‍ ഇന്‍സെക്‌റ്റ വർഗത്തിലെ ട്രിക്കോപ്‌റ്റെറ, (Trichoptera) എന്ന ഗോത്രത്തിൽ ഉള്‍പ്പെടുന്നു. ഗോത്രത്തിന്റെ പേര്‌ സൂചിപ്പിക്കുന്നതുപോലെ രോമാവൃതമായ ചിറകുകള്‍ ഉണ്ട്‌ എന്നതാണ്‌ ഇവയുടെ പ്രത്യേകത. 18 കുടുംബങ്ങളിലായി 3000 ത്തോളം സ്‌പീഷീസുള്ള കാഡിസ്‌ ഈച്ചകള്‍ ഏറിയപങ്കും ശുദ്ധജല ജീവികളാണ്‌. | ശലഭങ്ങളോടു സാമ്യമുള്ള ഒരിനം പ്രാണികള്. കാഡിസ്‌ ഈച്ചകള്‍ ഇന്‍സെക്‌റ്റ വർഗത്തിലെ ട്രിക്കോപ്‌റ്റെറ, (Trichoptera) എന്ന ഗോത്രത്തിൽ ഉള്‍പ്പെടുന്നു. ഗോത്രത്തിന്റെ പേര്‌ സൂചിപ്പിക്കുന്നതുപോലെ രോമാവൃതമായ ചിറകുകള്‍ ഉണ്ട്‌ എന്നതാണ്‌ ഇവയുടെ പ്രത്യേകത. 18 കുടുംബങ്ങളിലായി 3000 ത്തോളം സ്‌പീഷീസുള്ള കാഡിസ്‌ ഈച്ചകള്‍ ഏറിയപങ്കും ശുദ്ധജല ജീവികളാണ്‌. | ||
14:43, 25 ജൂണ്‍ 2014-നു നിലവിലുണ്ടായിരുന്ന രൂപം
കാഡിസ്‌ ഈച്ച
Caddis Fly
ശലഭങ്ങളോടു സാമ്യമുള്ള ഒരിനം പ്രാണികള്. കാഡിസ്‌ ഈച്ചകള്‍ ഇന്‍സെക്‌റ്റ വർഗത്തിലെ ട്രിക്കോപ്‌റ്റെറ, (Trichoptera) എന്ന ഗോത്രത്തിൽ ഉള്‍പ്പെടുന്നു. ഗോത്രത്തിന്റെ പേര്‌ സൂചിപ്പിക്കുന്നതുപോലെ രോമാവൃതമായ ചിറകുകള്‍ ഉണ്ട്‌ എന്നതാണ്‌ ഇവയുടെ പ്രത്യേകത. 18 കുടുംബങ്ങളിലായി 3000 ത്തോളം സ്‌പീഷീസുള്ള കാഡിസ്‌ ഈച്ചകള്‍ ഏറിയപങ്കും ശുദ്ധജല ജീവികളാണ്‌.
കാഡിസ്‌ ഈച്ചകള്‍, മഞ്ഞ, തവിട്ട്‌, കറുപ്പ്‌, പച്ച തുടങ്ങി നിരവധി നിറങ്ങളിലുണ്ട്‌. ഗ്രാഹികള്‍ (antennae) നൂലുപോലെ മെലിഞ്ഞതും നീളമുള്ളതുമാണ്‌. ലെപ്‌റ്റൊസെറിഡേ എന്ന കുടുംബത്തിലെ കാഡിസ്‌ ഈച്ചകളുടെ ഗ്രാഹികള്‍ക്ക്‌ ശരീരത്തിന്റെ മൂന്ന്‌ ഇരട്ടിയോളം നീളം ഉണ്ടായിരിക്കും. ചിറകുകള്‍, ശരീരോപരിതലത്തിൽ കൂടാരംപോലെ ഒതുക്കി വയ്‌ക്കുന്നത്‌ ഇവയുടെ ഒരു പ്രത്യേകതയാണ്‌.
മിക്കവാറും കാഡിസ്‌ ഈച്ചകളും ജലോപരിതലത്തിലാണ്‌ മുട്ടകളിടുന്നത്‌. മുട്ടകള്‍, ജല്ലി പോലുള്ള ഒരു പദാർഥത്തിനാൽ പരസ്‌പരം സംയോജിച്ച നിലയിലാണ്‌ കാണപ്പെടുന്നത്‌. എന്നാൽ ഹൈഡ്രാപ്‌സൈക്കിഡേ എന്ന കുടുംബത്തിലെ അംഗങ്ങള്‍ ജലാശയത്തിന്റെ അടിത്തട്ടിൽ പാറകള്‍ക്കും മറ്റും അടിയിലായാണ്‌ മുട്ടകളിടുന്നത്‌.
കാഡിസ്‌ ഈച്ചകളുടെ ലാർവകള്‍ കാഡിസ്‌ പുഴുക്കള്‍ (caddis worms)എന്ന പേരിൽ അറിയപ്പെടുന്നു. ശരീരം മുഴുവന്‍ ആവരണം ചെയ്യാന്‍ കഴിയുന്ന വിധത്തിലുള്ള ഒരു കൂട്‌ നിർമിച്ച്‌ അതിനുള്ളിലായാണ്‌ ഇവ കാണപ്പെടുന്നത്‌. ജലത്തിൽ നിന്നും ലഭ്യമാകുന്ന ഇലകള്‍, തണ്ടുകള്‍, മണൽത്തരികള്‍, സ്‌ഫടികക്കല്ലുകള്‍ തുടങ്ങി ഏത്‌ വസ്‌തു ഉപയോഗിച്ചും ലാർവകള്‍ കൂട്‌ നിർമിക്കാറുണ്ട്‌. വായിൽ നിന്നും ഊറിവരുന്ന ഒരു പ്രത്യേകദ്രവം ഉപയോഗിച്ചാണ്‌ ഈ വസ്‌തുക്കളെ പരസ്‌പരം യോജിപ്പിച്ച്‌ നിർത്തുന്നത്‌. കൂടിന്റെ ആകൃതി, ഓരോ സ്‌പീഷീസിനും സുനിശ്ചിതമായിരിക്കും. മിക്കവാറും ഇനം കാഡിസ്‌ ഈച്ചകളും വർത്തുളാകൃതിയിലുള്ള കൂടുകളാണ്‌ നിർമിക്കുന്നത്‌. ഉദാ. യൂറോപ്യന്‍ സ്‌പീഷീസായ ട്രിയനോഡ്‌സ്‌ ബൈകളർ (Triaenodes bicolor), ലിംനെഫിലസ്‌ ഫ്‌ളാവികോർണിസ്‌ (Limnephilus flavicornis)എന്ന സ്‌പീഷീസ്‌ ജലത്തിലുള്ള ചെറിയ ഒച്ചുകള്‍ ഉപയോഗിച്ചാണ്‌ അവയുടെ കൂട്‌ നിർമിക്കുന്നത്‌. ആഹാരം തേടുന്നതിനുവേണ്ടി ശരീരത്തിന്റെ പകുതിയോളം ഭാഗം ഈ കൂടിനുള്ളിൽ നിന്നും വെളിയിൽ കൊണ്ടുവരാന്‍ ഇവയ്‌ക്കു കഴിയും. ഇവയുടെ പ്രഥമ ഉദരഖണ്ഡത്തിലുള്ള വിരലുകള്‍പോലെയുള്ള മൂന്ന്‌ പ്രവർധങ്ങള്‍ കൂടിനുള്ളിൽ പറ്റിപ്പിടിച്ചിരിക്കാന്‍ ഇവയെ സഹായിക്കുന്നു. ശരീരഖണ്ഡത്തിലുള്ള തന്തുക്കള്‍ പോലെയുള്ള ഗില്ലുകള്‍, കൂടിനുള്ളിലേക്കും പുറത്തേക്കുമുള്ള ജലസഞ്ചാരത്തെ സഹായിക്കുന്നു. മാത്രമല്ല, ഉപദ്രവകാരികളായ മറ്റു പ്രാണികള് കൂടിനുള്ളിൽ കടക്കുന്നത്‌ തടയാനും ഇവ സഹായിക്കുന്നു.
ജലത്തിലുള്ള ചെറുജീവികളാണ്‌ കാഡിസ്‌ ഈച്ചകളുടെ പ്രധാന ആഹാരം. ഇതിനു പുറമേ ഡയാറ്റം, ചെറു ആൽഗകള്‍ എന്നിവയെയും ഇവ ആഹാരമാക്കാറുണ്ട്‌.
കാഡിസ്‌ ഈച്ചകള്‍ അവയുടെ ജീവിതചക്രത്തിൽ പ്യൂപ്പാ ദശയ്‌ക്കുശേഷം ഒരു കൊക്കൂണ്‍ ദശയും പ്രദർശിപ്പിക്കുന്നുണ്ട്‌. കൊക്കൂണിൽ നിന്നും പുറത്തുവരാന്‍ വേണ്ടി ശക്തിയുള്ള മാന്‍ഡിബിളുകള്‍, ഉദരത്തിന്റെ അഗ്രഭാഗത്തായുള്ള കൊളുത്തുകള്‍ പോലെയുള്ള ഭാഗങ്ങള്‍, കൊക്കൂണ്‍ വൃത്തിയാക്കാനായി ശരീരത്തിലുള്ള ഒരു ജോടി പ്രവർധങ്ങള്‍ എന്നിവ പ്യൂപ്പയുടെ പ്രത്യേകതകളാണ്‌. എന്നാൽ പൂർണവളർച്ച പ്രാപിച്ച കാഡിസ്‌ ഈച്ചകളിൽ ഇവ മൂന്നും നശിച്ചുപോകുകയാണ്‌ പതിവ്‌. കൊക്കൂണിൽ നിന്നും പുറത്തുവന്ന്‌ ജലോപരിതലത്തിലെത്തുന്ന കാഡിസ്‌ പ്യൂപ്പ, അതിന്റെ ക്യൂട്ടിക്കിള്‍ കൊണ്ടുള്ള ശരീരകവചം പൊഴിച്ചുകളഞ്ഞ്‌, ഗ്രാഹികള്‍ വിടർത്തി, പൂർണവളർച്ചയെത്തിയ കാഡിസ്‌ ഈച്ചകളായി രൂപാന്തരം പ്രാപിക്കുന്നു.
കാഡിസ്‌, ലാർവ, ഈച്ച മുതലായവ ശുദ്ധജല മത്സ്യങ്ങള്‍ക്കുള്ള ആഹാരം എന്ന നിലയിൽ ശ്രദ്ധേയമാണ്‌. കൂടാതെ, ജലത്തിലുള്ള മലിനവസ്‌തുക്കളും ചപ്പുചവറുകളും കൂടുനിർമാണത്തിന്‌ ഉപയോഗിക്കുന്നതു വഴി, കാഡിസ്‌ ഈച്ചകള്‍ ഒരു പരിധിവരെ ജലശുദ്ധീകരണത്തിനും സഹായിക്കുന്നുണ്ട്‌.
