This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ത്യൂ, ന്യൂയെന്‍ വാന്‍ (1923 - 2001)
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(New page: =ത്യൂ, ന്യൂയെന്‍ വാന്‍ (1923 - 2001)= Thieu,Nguyen Van [[Image:p.no.178 thieu nguyen van.png|200x200px|left|thumb|ന്യൂയെന്‍ വാ...)
അടുത്ത വ്യത്യാസം →
Current revision as of 08:11, 18 ഫെബ്രുവരി 2009
ത്യൂ, ന്യൂയെന്‍ വാന്‍ (1923 - 2001)
Thieu,Nguyen Van
ദക്ഷിണ വിയറ്റ്നാമിന്റെ മുന്‍ പ്രസിഡന്റ്. ദക്ഷിണ വിയറ്റ്നാമില്‍ 1923 ഏ. 5-ന് ഒരു കര്‍ഷക കുടുംബത്തില്‍ ജനിച്ചു. 1948-ല്‍ വിയറ്റ്നാമിലെ മിലിറ്ററി അക്കാദമിയില്‍നിന്ന് ബിരുദം സമ്പാദിച്ചു. വിയറ്റ്നാമിനെ സ്വതന്ത്രമാക്കാന്‍ ഹോ ചി മിന്‍ നയിച്ച വിയറ്റ്മിന്‍ പ്രസ്ഥാനവുമായി 1945-ല്‍ ബന്ധപ്പെട്ടിരുന്നുവെങ്കിലും അതിന്റെ കമ്യൂണിസ്റ്റ് ചായ്വു മൂലം പിന്‍വാങ്ങി. വിയറ്റ്നാമിലെ ഫ്രഞ്ച് അധിനിവേശവുമായി ബന്ധപ്പെട്ട് വിയറ്റ്മിനുമായി 1946 മുതല്‍ 54 വരെ നടന്ന യുദ്ധത്തില്‍ ഇദ്ദേഹം ഫ്രാന്‍സിന്റെ ഭാഗത്ത് നിലയുറപ്പിക്കുകയാണുണ്ടായത്. വിയറ്റ്നാം സ്വതന്ത്രമാവുകയും വിഭജിക്കപ്പെടുകയും ചെയ്തശേഷം അമേരിക്കയുടെ സ്വാധീനത്തിലായിരുന്ന ദക്ഷിണ വിയറ്റ്നാമിലെ സേനയില്‍ ഒട്ടേറെ പദവികള്‍ ഇദ്ദേഹം വഹിച്ചിരുന്നു. രാജ്യത്തിലെ ഭരണ നേതൃത്വത്തെ അധികാരഭ്രഷ്ടമാക്കുവാന്‍ 1963-ല്‍ നടന്ന അട്ടിമറിയില്‍ ന്യൂയെന്‍ വാന്‍ ത്യൂവിന് പങ്കുണ്ടായിരുന്നു. കലാപകലുഷിതമായ അടുത്ത രണ്ട് വര്‍ഷങ്ങളില്‍ പല ഉന്നത ഭരണസ്ഥാനങ്ങളും ഇദ്ദേഹം വഹിച്ചു. തുടര്‍ന്ന് 1965 ജൂണില്‍ പത്ത് അംഗ സൈനിക ഭരണസമിതിയുടെ മേധാവിയായി. 1967 സെപ്.-ല്‍ ഇദ്ദേഹം ദക്ഷിണ വിയറ്റ്നാമിന്റെ പ്രസിഡന്റായി തെരഞ്ഞെടുക്കപ്പെട്ടു. 1971-ല്‍ വീണ്ടും പ്രസിഡന്റായി. കമ്യൂണിസ്റ്റ് വിരോധിയായിരുന്നു ഇദ്ദേഹം. യു.എസ്സിന്റെ പിന്തുണ ഇദ്ദേഹത്തിനു ലഭിച്ചിരുന്നു. വിയറ്റ്നാം യുദ്ധത്തിന്റെ ഒടുവില്‍ 1975 ഏപ്രിലില്‍ ത്യൂവിന് അധികാരം ഒഴിയേണ്ടിവന്നു. തുടര്‍ന്ന് ത്യൂ രാജ്യത്തുനിന്നും പലായനം ചെയ്തു. ആദ്യം തെയ്വാനില്‍ അഭയം തേടിയെങ്കിലും 1979 മുതല്‍ ഇംഗ്ളണ്ടിലായിരുന്നു താമസം. 1990-ല്‍ യു.എസ്സിലെ ബോസ്റ്റണിലേക്ക് താമസം മാറ്റി.
ഇദ്ദേഹം 2001 സെപ്. 29-ന് നിര്യാതനായി.
