http://web-edition.sarvavijnanakosam.gov.in/index.php?title=%E0%B4%AA%E0%B5%8D%E0%B4%B0%E0%B4%A4%E0%B5%8D%E0%B4%AF%E0%B5%87%E0%B4%95%E0%B4%82:Contributions&feed=atom&target=116.68.64.48സര്വ്വവിജ്ഞാനകോശം - ഉപയോക്താവിന്റെ സംഭാവനകള് [ml]2024-03-29T16:03:05Zസര്വ്വവിജ്ഞാനകോശം സംരംഭത്തില് നിന്ന്MediaWiki 1.14.0http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B4%B8%E0%B5%8D%E0%B4%AB%E0%B5%8B%E0%B4%9F%E0%B4%95_%E0%B4%A8%E0%B4%BF%E0%B4%B0%E0%B5%8B%E0%B4%A7%E0%B4%BF%E0%B4%95%E0%B4%B3%E0%B5%8D%E2%80%8Dഅപസ്ഫോടക നിരോധികള്2008-02-26T12:23:04Z<p>116.68.64.48: </p>
<hr />
<div>= അപസ്ഫോടക നിരോധികള് =<br />
Anti-knock agents<br />
<br />
<br />
സ്ഫുലിംഗജ്വലന യന്ത്രങ്ങളില് (spark ignition engines), പ്രധാനമായും പെട്രോള് യന്ത്രങ്ങളില്, ഇന്ധനങ്ങളുടെ സ്ഫോടനസാധ്യത കുറയ്ക്കുവാനായി അവയുമായി ചേര്ക്കുന്ന പദാര്ഥങ്ങള്.<br />
<br />
ആന്തരദഹനപെട്രോള് യന്ത്രങ്ങളുടെ സിലിണ്ടറിനകത്ത് തീപ്പൊരി ഉണ്ടാകുമ്പോള് പെട്രോള്-വായുമിശ്രിതം കത്തിത്തുടങ്ങുന്നു. തീജ്വാല കൂടുതല് മിശ്രിതത്തെ കത്തിച്ചു മുന്നോട്ടു നീങ്ങുന്നു. ഈ അവസരത്തില് സ്പാര്ക്പ്ളഗ്ഗില് നിന്നും ഏറ്റവും അകലെയായി അവസാനം കത്തേണ്ട മിശ്രിതഭാഗം കൂടുതല് മര്ദിക്കപ്പെടുകയും ക്രമാതീതമായ താപനിലയിലെത്തുകയും ചെയ്യുന്നു. തന്മൂലം സാധാരണഗതിയിലുള്ള തീജ്വാല വന്നെത്തി അവസാനമിശ്രിതഭാഗത്തെ കത്തിക്കുന്നതിനുമുമ്പായി അതു സ്വയം ജ്വലിക്കാന് തുടങ്ങുന്നു. ഇത്തരം ജ്വലനംമൂലം സിലിന്ഡറിലെ മര്ദം അതിശീഘ്രം വര്ധിക്കുകയും പ്രത്യേകതരം സ്ഫോടനശബ്ദം കേള്ക്കുകയും ചെയ്യുന്നു. ഇത്തരം പ്രവര്ത്തനം യന്ത്രത്തിന് ഹാനികരമാണ്.<br />
<br />
ഉയര്ന്ന കാര്യക്ഷമത നേടുവാന് നിര്മിക്കപ്പെടുന്ന വര്ധിതമര്ദാനുപാതമുള്ള യന്ത്രങ്ങളിലാണ് പ്രസ്തുത സ്ഫോടനം സാധാരണ കണ്ടുവരാറുള്ളത്. അപസ്ഫോടകനിരോധികള് പെട്രോളില് ചേര്ക്കുന്നതുമൂലം ഇത്തരം യന്ത്രങ്ങളെ സ്ഫോടനം കൂടാതെ പ്രവര്ത്തിപ്പിക്കുവാന് സാധിക്കുന്നു.<br />
<br />
ഒരു ഇന്ധനത്തിന്റെ അപസ്ഫോടകസ്വഭാവം (anti-knock quality) അതില് അടങ്ങിയിരിക്കുന്ന രാസപദാര്ഥങ്ങളെ ആശ്രയിച്ചിരിക്കുന്നു. ലെഡ്ടെട്രാ ഈഥൈല്, ആരൊമാറ്റിക അമീനുകള് (lead tetra ethyl,aromatic amines) മുതലായ പദാര്ഥങ്ങള് കുറഞ്ഞ അളവില് (1/2000) പെട്രോളിനോട് ചേര്ത്താല് സ്ഫോടനം കുറയ്ക്കുവാന് കഴിയുന്നതാണ്. വിലക്കുറവു കാരണം സാധാരണയായി ടെട്രാ ഈഥൈല് ലെഡ് ആണ് ഉപയോഗിക്കുന്നത്. ടെട്രാ ഈഥൈല് ലെഡ് ചേര്ക്കുന്നതുമൂലം അത് കത്തുമ്പോള് ഉണ്ടാകുന്ന കറുത്തീയലോഹാംശങ്ങള് സിലിന്ഡറിലും, പിസ്റ്റണിലും പറ്റിപ്പിടിച്ച് യന്ത്രത്തിന്റെ പ്രവര്ത്തനക്ഷമതയെ ക്ഷയിപ്പിക്കാതിരിക്കുവാന് ടെട്രാ ഈഥൈല് ലെഡിന്റെകൂടെ ഹാലജന് കുടുംബത്തില്പ്പെട്ട ക്ളോറിന്, ബ്രോമിന്, അയഡിന് എന്നിവ അടങ്ങിയ എഥിലിന് ഡൈക്ളോറൈഡ്, ഡൈബ്രൊമൈഡ് മുതലായ രാസപദാര്ഥങ്ങള് ചേര്ക്കുന്നുണ്ട്. ഇപ്രകാരം ചെയ്യുന്നതുമൂലം ടെട്രാ ഈഥൈല്ലെഡ് (TEL) അംശങ്ങള് പരിപൂര്ണമായി കത്തി യന്ത്രത്തില്നിന്നും പുകയായി പുറംതള്ളപ്പെടുന്നു.<br />
<br />
അപസ്ഫോടകനിരോധികള് ഇന്ധനവുമായി ചേരുമ്പോള് അവ തമ്മില് രാസപ്രവര്ത്തനം നടക്കുന്നു. രാസപ്രവര്ത്തനഫലമായി അവസാനം കത്തേണ്ട പെട്രോള്വായുമിശ്രിതം ഇടയ്ക്കുവച്ച് ജ്വലനസ്ഫോടനങ്ങള്ക്ക് വിധേയമാകുന്നത് തടയുകയും, സ്പാര്ക് പ്ളഗ്ഗില്നിന്നും വരുന്ന തീജ്വാലയാല് ജ്വലിക്കപ്പെടാന് സഹായിക്കുകയും ചെയ്യുന്നു. നോ: ആന്തരദഹനയന്ത്രം<br />
<br />
<br />
(ഡോ. എം. ഗോപാലകൃഷ്ണന്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B4%B8%E0%B5%8D%E0%B4%AE%E0%B4%BE%E0%B4%B0%E0%B4%82അപസ്മാരം2008-02-26T12:19:20Z<p>116.68.64.48: </p>
<hr />
<div>= അപസ്മാരം =<br />
Epilepsy<br />
<br />
തലച്ചോറിന്റെ പ്രവര്ത്തനങ്ങളില് പൊടുന്നനേ ഉണ്ടാകുന്ന വ്യതിയാനംമൂലം ബോധരഹിതനാവുക, ചിലപ്പോള് പൂര്ണമായി ബോധം നശിക്കാതെ ഉന്മത്തനെപ്പോലെ പെരുമാറുക, കൈകാലുകള് തുടര്ച്ചയായി ചലിപ്പിക്കുക തുടങ്ങിയ ലക്ഷണങ്ങള് പ്രകടമാക്കുന്ന ഒരുതരം രോഗം. ലോകജനസംഖ്യയില് ഇരുന്നൂറില് ഒരാള് വീതം അപസ്മാരരോഗബാധിതരാണെന്ന് കണക്കാക്കിയിരിക്കുന്നു.<br />
<br />
വര്ഗീകരണം: രോഗലക്ഷണങ്ങളെ അടിസ്ഥാനമാക്കി അപസ്മാരത്തെ മൂന്നായി തിരിക്കുന്നു.<br />
<br />
'''1. ഗ്രാന്ഡ്മാല് അപസ്മാരം''' (Grandmal Epilepsy). രോഗബാധയുണ്ടാകുമ്പോള് കരച്ചില്പോലെയുള്ള ഒരു ശബ്ദം പുറപ്പെടുവിച്ചുകൊണ്ട് രോഗി പരിപൂര്ണമായും ബോധരഹിതനായിത്തീരുന്നു. തുടര്ന്ന് ആദ്യത്തെ ഇരുപതു സെക്കന്ഡുകളില് കൈകാലുകള് ദൃഢമായി ഇറുക്കി പിടിക്കുന്ന സങ്കോചാവസ്ഥയും (tonic phase) അടുത്ത നാല്പതു സെക്കന്ഡുകളോളം കൈകാലുകള് ദ്രുതഗതിയില് ചലിപ്പിക്കുന്ന കമ്പനാവസ്ഥയും (clonic phase) ഉണ്ടാകുന്നു. ഇതോടൊപ്പം ശ്വാസോച്ഛ്വാസത്തിന്റെ വേഗത വര്ധിക്കുകയും വായില്നിന്ന് നുരയും പതയും വരികയും മലമൂത്രങ്ങള് വിസര്ജിക്കുകയും ചെയ്യുന്നു. അടുത്ത മൂന്നോ നാലോ മിനിറ്റുകള്ക്കുള്ളില് ബോധം തെളിയുകയും ചെയ്യുന്നു.<br />
<br />
ചില രോഗികള്ക്ക് രോഗബാധയുണ്ടാകുന്നതിന് ഏതാനും മണിക്കൂറുകളോ ദിവസങ്ങള്ക്കു മുന്പുതന്നെയോ തലവേദന, വയറ്റുവേദന, വിശപ്പില്ലായ്മ മുതലായവ അനുഭവപ്പെടുന്നു. ഈ ലക്ഷണങ്ങളെ അപസ്മാരബാധയുടെ മുന്നോടിയായി കണക്കാക്കാം. രോഗബാധയെ തുടര്ന്ന് പല രോഗികളും നിദ്രാധീനരായിപ്പോകുന്നു. ഉണര്ന്നെഴുന്നേല്ക്കുമ്പോള് തലവേദനയോ, ശരീരമാസകലം വേദനയോ ഉണ്ടാകുന്നതും സാധാരണമാണ്. അപസ്മാരബാധയുണ്ടാകുന്ന അവസരത്തില് തീയിലോ വെള്ളത്തിലോ വീഴുക, നിലത്തു വീഴുക തുടങ്ങിയ അപകടങ്ങള്ക്ക് സാധ്യതയുണ്ട്.<br />
<br />
'''2. പെറ്റിറ്റ്മാല് അപസ്മാരം''' (Petitmal Epilepsy). ഇത്തരം അപസ്മാരബാധയുണ്ടാകുമ്പോള് ഏതാനും സെക്കന്ഡു നേരത്തേക്ക് രോഗി ബോധരഹിതനാകുന്നു. 5 മുതല് 30 വരെ സെക്കന്ഡുമാത്രം നീണ്ടുനില്ക്കുന്ന ഈ ഘട്ടത്തില് രോഗി നില്ക്കുകയാണെങ്കില് താഴെ വീഴാറില്ല. അതു കഴിഞ്ഞാലുടന് പൂര്ണബോധത്തോടുകൂടി താന് അതുവരെ ചെയ്തുകൊണ്ടിരുന്ന പ്രവൃത്തി തുടരുവാന് അയാള്ക്ക് സാധിക്കുകയും ചെയ്യുന്നു. ബോധം നഷ്ടപ്പെടുന്നതോടൊപ്പം കണ്പോളകള് തുടരെ ചലിക്കുകയും കൈകാലുകളിലെയോ മുഖത്തേയോ മാംസപേശികള് തുടിക്കുകയും ചെയ്തേക്കാം. രോഗിയുടെ കൈയിലിരുന്ന വസ്തുക്കള് പൊടുന്നനെ താഴെവീഴുന്നത് മാത്രമായിരിക്കാം പലപ്പോഴും സമീപത്തുള്ള ഒരാളുടെ ശ്രദ്ധയില്പ്പെടുന്ന രോഗലക്ഷണം. ശൈശവത്തില് ആരംഭിക്കാറുള്ള ഈ രോഗം സാധാരണ യൌവനാരംഭത്തോടെ അപ്രത്യക്ഷമാകുന്നു.<br />
<br />
'''3. സൈക്കോമോട്ടോര് അപസ്മാരം''' (Psychomotor Epilepsy). പലപ്പോഴും രോഗബാധയുണ്ടാകുമ്പോള് രോഗി ഒരു സ്വപ്നാടകനെപ്പോലെ പെരുമാറുന്നു. ചുണ്ടുകള് നക്കുക, വസ്ത്രങ്ങള് അഴിക്കുക, കളഞ്ഞുപോയ ഏതോ വസ്തു തിരയുന്നതുപോലെ പെരുമാറുക തുടങ്ങിയ അവസരോചിതമല്ലാത്ത പ്രവൃത്തികള് ചെയ്യുന്നു. ചിലപ്പോള് അക്രമപ്രവൃത്തികളും ചെയ്യാറുണ്ട്. രോഗിക്ക് അടിസ്ഥാനരഹിതമായ സംശയങ്ങള് (delusions) ഉണ്ടാകാം. അയഥാര്ഥമായ ശബ്ദങ്ങളും കാഴ്ചകളും (auditory and visual hallucinations) അനുഭവപ്പെടാറുണ്ട്. തനിക്ക് വളരെക്കാലം മുന്പുണ്ടായ അനുഭവങ്ങള് അതേപടി വീണ്ടും ആവര്ത്തിക്കുന്നതുപോലെ തോന്നുക, ചിരപരിചിതങ്ങളായ സ്ഥലങ്ങളും വ്യക്തികളും അപരിചിതമായി തോന്നുക എന്നിങ്ങനെ പലതരത്തിലുള്ള മാനസികവിഭ്രാന്തികളും രോഗിക്ക് ഈ ഘട്ടത്തില് അനുഭവപ്പെടുന്നു. അപസ്മാര ബാധയ്ക്കുശേഷം തന്റെ അസാധാരണമായ പ്രവൃത്തികളെപ്പറ്റിയോ അനുഭവങ്ങളെപ്പറ്റിയോ അയാള്ക്ക് ഓര്മയുണ്ടായിരിക്കുകയില്ല. പഴക്കം ചെല്ലുന്നതോടെ അപസ്മാരബാധയോടനുബന്ധിച്ചുള്ള മാനസികരോഗങ്ങള് അധികരിക്കുന്നതായി കാണപ്പെടുന്നു. തലച്ചോറിന്റെ പല ഭാഗങ്ങളിലുമുള്ള തകരാറുകള് ഇത്തരം അപസ്മാരത്തിന് കാരണമാകാമെങ്കിലും ഭൂരിപക്ഷം രോഗികളിലും ഇതിന്റെ ഉദ്ഭവസ്ഥാനം തലച്ചോറിലെ ശംഖപാളി (temporal lobe) എന്ന ഭാഗമാകുന്നു.<br />
<br />
മേല്പറഞ്ഞ മൂന്നു പ്രധാനവിഭാഗങ്ങള് കൂടാതെ അപ്രധാനവും അപൂര്വവുമായ ചിലതരം അപസ്മാരങ്ങളെപ്പറ്റി താഴെ വിവരിക്കുന്നു.<br />
<br />
<br />
'''ജാക്സോണിയന് അപസ്മാരം'''. വായുടെ കോണിലോ കൈകാലുകളുടെ വിരലിലോ വിറയല്പോലെ ആരംഭിച്ച് ക്രമേണ മറ്റു ഭാഗങ്ങളിലേക്ക് വ്യാപിക്കുന്ന ഒരുതരം അപസ്മാരമാണ് ജാക്സോണിയന് അപസ്മാരം (Jacksonian epilepsy). രോഗബാധയുണ്ടാകുമ്പോള് രോഗി പരിപൂര്ണ ബോധവാനായിരിക്കും. രോഗബാധയ്ക്കുശേഷം കുറേനേരത്തേക്ക് അതിന് അധീനമായ അവയവങ്ങള്ക്ക് പൂര്ണമായോ ഭാഗികമായോ ബലക്ഷയം ഉണ്ടായേക്കാം. അര്ബുദമോ തലച്ചോറിന്റെ ഒരു പ്രത്യേകഭാഗത്തുമാത്രം ആരംഭിക്കുന്ന മറ്റു രോഗങ്ങളോ ആണ് സാധാണ ഇത്തരം അപസ്മാരബാധയ്ക്ക് കാരണം.<br />
<br />
<br />
'''അനൈച്ഛിക-അപസ്മാരം''' (Reflex epilepsy). കണ്ണില് ശക്തമായ വെളിച്ചം തട്ടുക, കുളിക്കുവാന് തലയില് ചൂടുവെള്ളം ഒഴിക്കുക മുതലായ സന്ദര്ഭങ്ങളില് ആരംഭിക്കുന്ന അപസ്മാരബാധക്ക് അനൈച്ഛിക അപസ്മാരം എന്നു പറയുന്നു. അനിയന്ത്രിതമാംവിധം ചിരിക്കുക, ലക്ഷ്യമില്ലാതെ ഓടുക എന്നിങ്ങനെ പല വിചിത്രലക്ഷണങ്ങളുമുള്ള അപസ്മാരബാധകളും അപൂര്വമായി കാണപ്പെടാറുണ്ട്.<br />
<br />
<br />
'''സ്റ്റാറ്റസ് എപ്പിലെപ്റ്റിക്കസ്''' (Status Epilepticus). ഈ രോഗത്തില് അപസ്മാരബാധ ഒന്നിനുപുറകെ ഒന്നായി അനേകം പ്രാവശ്യം ഉണ്ടാകുകയും അതിനാല് രോഗി വളരെ നേരത്തേക്ക് ബോധരഹിതനായിത്തീരുകയും ചെയ്യുന്നു. കഴിവതും വേഗം ചികിത്സ ചെയ്ത് അപസ്മാരബാധയെ നിയന്ത്രിച്ചില്ലെങ്കില് ഇത് രോഗിയുടെ മരണത്തില്തന്നെ കലാശിച്ചേക്കാം. ശിശുക്കളില് ആദ്യവര്ഷങ്ങളില് പനിയുണ്ടാകുമ്പോള് ഗ്രാന്റ്മാല് അപസ്മാരത്തില് പ്രകടമാകുന്ന തരത്തിലുള്ള ശാരീരികചനലങ്ങള് ഉണ്ടാകുന്നതായി കാണുന്നു. അമിതമായ ചൂടു കുറയുമ്പോള് രോഗലക്ഷണവും അപ്രത്യക്ഷമാകും. ഇത്തരം ചലനങ്ങള്ക്ക് 'ഫെബ്രൈല് കണ്വല്ഷന്സ്' (Febrile convulsions) എന്നു പറയുന്നു. കുട്ടികളില് സാധാരണയായി ഇതു കണ്ടുവരാറുണ്ട്.<br />
<br />
'''രോഗകാരണങ്ങള്'''. അപസ്മാരബാധയെ ഒരു രോഗമെന്നതിനെക്കാള് രോഗലക്ഷണമായി കരുതുന്നതായിരിക്കും ശരി. തലച്ചോറിന്റെയോ ശരീരത്തിലെ മറ്റു പ്രധാന അവയവങ്ങളുടെയോ പ്രവര്ത്തനത്തെ തകരാറിലാക്കുന്ന പല രോഗങ്ങളോടും അനുബന്ധിച്ച് അപസ്മാരബാധയുണ്ടാകാറുണ്ട്. ജന്മനാ തലച്ചോറിനുണ്ടായിരിക്കാവുന്ന കേടുകള്, പ്രസവസമയത്ത് കുട്ടികള്ക്ക് സംഭവിക്കാവുന്ന ഹേമദണ്ഡങ്ങള്, തലയിലേല്ക്കുന്ന മുറിവുകള്, മെനിന്ജൈറ്റിസ്, എന്സഫലൈറ്റിസ്, സിഫിലിസ്, അര്ബുദം തുടങ്ങി തലച്ചോറിനെ ബാധിക്കുന്ന രോഗങ്ങള്, അമിതമായ മദ്യപാനം, രക്തത്തില് അന്നജത്തിന്റെ കുറവ്, യൂറിയ പോലെയുള്ള വിഷദ്രവ്യങ്ങളുടെ വര്ധനവ് എന്നിങ്ങനെയുള്ള പല കാരണങ്ങളാല് അപസ്മാരബാധയുണ്ടാകാം. പക്ഷേ മൂന്നില് രണ്ടുഭാഗം അപസ്മാരരോഗികളിലും രോഗബാധയ്ക്ക് നിദാനമായി ഇത്തരം കാരണങ്ങളൊന്നും തന്നെ പ്രകടമായി കാണുന്നില്ല.<br />
<br />
സാധാരണ ജനങ്ങളെ അപേക്ഷിച്ച് അപസ്മാരരോഗികളുടെ മാതാപിതാക്കള്, കുട്ടികള്, സഹോദരങ്ങള് തുടങ്ങിയവരില് അപസ്മാരം ഉണ്ടാകാനുള്ള സാധ്യത അല്പം കൂടുതലാണ്. അതിനാല് പാരമ്പര്യം അപസ്മാരരോഗകാരണങ്ങളില് പ്രധാനമായ ഒന്നാണ് എന്ന് ശാസ്ത്രജ്ഞന്മാര് കരുതുന്നു.<br />
<br />
25 ശ.മാ. അപസ്മാരരോഗികളുടെ രോഗാരംഭം പത്തുവയസ്സിനു മുന്പും 75 ശ.മാ. പേര്ക്ക് രോഗം ആരംഭിക്കുന്നത് 20 വയസ്സിനു മുന്പും ആണ്. 40 വയസ്സിനുശേഷം പ്രത്യക്ഷപ്പെടുന്ന അപസ്മാരബാധ ശരീരത്തിലെ മറ്റേതെങ്കിലും രോഗത്തിന്റെ ലക്ഷണമായിരിക്കാനാണ് സാധ്യത.<br />
<br />
'''രോഗനിര്ണയമാര്ഗങ്ങള്'''. അപസ്മാരബാധയ്ക്ക് കാരണമായ മറ്റേതെങ്കിലും രോഗം ശരീരത്തിലുണ്ടോ ഇല്ലയോ എന്നു തീരുമാനിക്കേണ്ടത് വളരെ ആവശ്യമാണ്. അതുപോലെതന്നെ ഹിസ്റ്റീരിയ എന്ന മാനസികരോഗമുള്ളവരില് അപസ്മാരത്തിന്റേതുപോലെയുള്ള ലക്ഷണങ്ങള് കാണാറുള്ളതിനാല്, അതില് നിന്നും യഥാര്ഥ-അപസ്മാരത്തെ വേര്തിരിച്ച് മനസ്സിലാക്കേണ്ടതുണ്ട്. വിശദമായ രോഗചരിത്രം, വിദഗ്ധമായ ശരീരപരിശോധന, അതിനെത്തുടര്ന്ന് തലയുടെ എക്സ്റേ, രക്തം, മൂത്രം, സി.എസ്.എഫ് (cerebro spinal fluid) മുതലായവയുടെ പരിശോധന എന്നിവ രോഗനിര്ണയത്തിന് സഹായകമാണ്.<br />
<br />
ഇലക്ട്രോ എന്സഫലോഗ്രാം (electro encephalogram-E.E.G.) എന്ന പ്രത്യേകപരിശോധനാ-ഉപകരണം അപസ്മാരപഠനത്തിന് വളരെ സഹായകരമാണ്. തലച്ചോറിലുണ്ടാകുന്ന വൈദ്യുതവീചികളെ കടലാസ്സില് ആലേഖനം ചെയ്യുന്ന ഈ റിക്കാര്ഡിന് ഇ.ഇ.ജി (electro encephalograph) എന്നു പറയുന്നു. ഏകദേശം 60 ശ.മാ. അപസ്മാരരോഗികളുടെ ഇ.ഇ.ജി. സാധാരണയില്നിന്ന് വ്യത്യസ്തമായിരിക്കും. അപസ്മാരരോഗനിര്ണയത്തില് ഇതു വളരെ ഉപയോഗപ്രദമാണെങ്കിലും പരിപൂര്ണമായി രോഗനിര്ണയത്തിനു ഇതിനെ ആശ്രയിച്ചുകൂടാ. ആരോഗ്യവാന്മാരില് 20 ശ.മാ. പേരുടെ ഇ.ഇ.ജി. അസാധാരണമായിരിക്കയും ചെയ്യും.<br />
<br />
<br />
'''ചികിത്സാമുറകള്.''' ഇടയ്ക്കിടെ അപസ്മാരബാധയുണ്ടായിക്കൊണ്ടിരിക്കുന്നതിനാല്, ഒരാള് ജോലി ചെയ്യാതിരിക്കുകയോ സാമൂഹിക ജീവിതത്തില്നിന്ന് അകന്നുനില്ക്കുകയോ ചെയ്യേണ്ട ആവശ്യമില്ല. നേരെമറിച്ച് കഴിയുന്നിടത്തോളം പ്രവര്ത്തനനിരതവും പ്രയോജനപ്രദവുമായി തന്റെ സമയം ചെലവഴിക്കാനായി അപസ്മാരരോഗി ഉത്സാഹിക്കേണ്ടതാണ്. ഉറക്കം, ഭക്ഷണം എന്നീ കാര്യങ്ങളില് സമയനിഷ്ഠപാലിക്കുകയും മലബന്ധം ഉണ്ടാകാതെ സൂക്ഷിക്കുകയും ചെയ്യേണ്ടതാണ്. ഉയരത്തില് നിന്നു ജോലി ചെയ്യുക, സൈക്കിള്, കാര് മുതലായവ ഓടിക്കുക, നീന്തുക മുതലായ പ്രവൃത്തികള് ചെയ്തുകൊണ്ടിരിക്കുന്ന സന്ദര്ഭങ്ങളില് അപസ്മാരബാധയുണ്ടായാല് അത് ആപല്ക്കരമായിരിക്കുമെന്നതിനാല് അത്തരം സാഹചര്യങ്ങള് ഒഴിവാക്കാന് ശ്രമിക്കുന്നത് നന്നായിരിക്കും. അര്ബുദം, രക്തത്തില് അന്നജത്തിന്റെ കുറവ്, യൂറിയയുടെ വര്ധനവ് മുതലായ കാരണങ്ങളാല് അപസ്മാരബാധയുണ്ടാകുന്നവരുടെ രോഗശമനത്തിനുവേണ്ടി ആ അടിസ്ഥാനകാരണങ്ങളെ ചികിത്സിച്ചു മാറ്റുകയാണാവശ്യം.<br />
<br />
<br />
അജ്ഞാതകാരണങ്ങളാല് ഉണ്ടാകുന്ന അപസ്മാരം (Idiopathic epilepsy) ചികിത്സിക്കുന്നതില് ഔഷധങ്ങള്ക്ക് ഒരു പ്രധാന പങ്കുണ്ട്. അപസ്മാരബാധയുടെയും അതിനധീനനായ രോഗിയുടെയും പ്രത്യേക സ്വഭാവവിശേഷങ്ങളെ കണക്കിലെടുത്തുവേണം ഓരോ അപസ്മാരരോഗിയും കഴിക്കേണ്ട മരുന്നുകള് തീരുമാനിക്കാന്. ബ്രോമൈഡ് വര്ഗത്തില്പെട്ട മരുന്നുകളാണ് അപസ്മാരചികിത്സയില് ആദ്യമായി ഉപയോഗിക്കപ്പെട്ടവ. ഫിനോബാര്ബിറ്റോണ് (phenobarbitone), ഡൈലാന്റിന് സോഡിയം (dilantin sodium) എന്നീ മരുന്നുകള് ഗ്രാന്റ്മാല്, സൈക്കോമോട്ടോര് എന്നീ തരം അപസ്മാരങ്ങളുടെ ചികിത്സയില് പ്രധാന്യം അര്ഹിക്കുന്നു. ഈ മരുന്നുകള്കൊണ്ട് ഭേദമാകാത്ത ഗ്രാന്റ്മാല്, സൈക്കോമോട്ടോര് അപസ്മാരങ്ങളുടെ ചികിത്സക്കായി ഉപയോഗിക്കാവുന്ന ഒരു മരുന്നാണ് മൈസൊലിന് (mysoline). ഓക്സസോളിഡിന് (Oxazolidene), സക്സിനമൈഡ് (succinamide) എന്നീ വര്ഗങ്ങളില്പെട്ട ഔഷധങ്ങള് പെറ്റിറ്റ്മാല് അപസ്മാരത്തിന് ഉപകരിക്കുന്നു. മരുന്നുകൊണ്ടു ഗുണം സിദ്ധിക്കാത്ത പല രോഗികള്ക്കും അപസ്മാരത്തിനു കാരണമായ മസ്തിഷ്കത്തിന്റെ പ്രത്യേകഭാഗം ശസ്ത്രക്രിയമൂലം നീക്കുന്നത് പ്രയോജകീഭവിച്ചേക്കാം.<br />
<br />
കാര്യക്ഷമമായ ചികിത്സയാല് 50 ശ.മാ. അപസ്മാരരോഗികളെ പരിപൂര്ണരോഗവിമുക്തരാക്കുവാനും വേറൊരു 35 ശ.മാ. രോഗികളുടെ അപസ്മാരബാധയുടെ എണ്ണം കുറയ്ക്കുവാനും സാധിക്കുന്നു. വളരെ ചെറുപ്പത്തില്ത്തന്നെ അപസ്മാരബാധ ആരംഭിക്കുന്നവരില് പലര്ക്കും ചികിത്സകൊണ്ട് വലിയ പ്രയോജനം സിദ്ധിക്കുന്നില്ല. കുറെനാള് അപസ്മാരബാധയുണ്ടായതിനുശേഷം വളരെ വര്ഷങ്ങളോളമോ, ജീവിതം മുഴുവന് തന്നെയുമോ പ്രത്യേക ചികിത്സയൊന്നുമില്ലാതെതന്നെ രോഗവിമുക്തരായിരിക്കുന്നവരുമുണ്ട്.<br />
<br />
വളരെക്കാലമായി ഉണ്ടായിക്കൊണ്ടിരിക്കുന്ന അനിയന്ത്രിതമായ അപസ്മാരത്തിന്റെ പരിണതഫലമായ ബുദ്ധിമാന്ദ്യവും മാനസികരോഗങ്ങളും പല രോഗികളിലും ഉണ്ടായിക്കാണുന്നു.<br />
<br />
<br />
(ഡോ. കെ. കുരുവിള)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B4%B9%E0%B4%B0%E0%B4%A3%E0%B4%82അപഹരണം2008-02-26T11:59:38Z<p>116.68.64.48: </p>
<hr />
<div>= അപഹരണം =<br />
Abduction<br />
<br />
ഒരു വ്യക്തിയെ ബലംപ്രയോഗിച്ചോ, ചതിപ്രയോഗത്താലോ ഒരു സ്ഥലത്തുനിന്നും മറ്റൊരിടത്തേക്കു ഗൂഢമായി മാറ്റുന്ന പ്രവൃത്തി. ഇ.ശി.നി. പ്രകാരം തടവുശിക്ഷയോ പിഴശിക്ഷയോ നല്കപ്പെടാവുന്ന ഒരു കുറ്റകൃത്യമാണിത്. ഇതുമായി ബന്ധപ്പെട്ട ഒരു കുറ്റകൃത്യമാണ് ആള്മോഷണം (Kidnapping). പ്രായപൂര്ത്തിയാകാത്തവരെയും സ്ഥിരചിത്തതയില്ലാത്തവരെയും അവരുടെ നിയമപരമായ രക്ഷാകര്ത്തൃത്വത്തില് നിന്ന് അനുമതികൂടാതെ അപഹരിച്ചുകൊണ്ടുപോകുന്നത് ഒരുതരം ആള്മോഷണമാണ്.<br />
<br />
ബലപ്രയോഗം മൂലമോ, ചതിപ്രയോഗത്താലോ ആളുകളെ അപഹരിച്ചുകൊണ്ടുപോയി തടഞ്ഞുവയ്ക്കുകയോ ഒളിവില് പാര്പ്പിക്കുന്നതിനുവേണ്ടി മറ്റു സ്ഥലങ്ങളിലേക്കു കടത്തിക്കൊണ്ടുപോകുകയോ ചെയ്യുന്ന പ്രവൃത്തിയാണ് ആള്മോഷണം. സ്ത്രീ-പുരുഷന്മാരും കുട്ടികളും ഈ കുറ്റകൃത്യത്തിനിരയാകാറുണ്ട്. ആള്മോഷണത്തിന്റെ പിന്നിലുള്ള ലക്ഷ്യം അപഹൃതവ്യക്തിയെ അജ്ഞാതമായൊരു സ്ഥാനത്ത് തടങ്കലിലാക്കി, അയാളുടെമേല് മറ്റു കുറ്റകൃത്യങ്ങള് ചെയ്യുകയോ, അയാളെ മോചിപ്പിക്കുന്നതിനു പകരമായി അയാളുടെ ബന്ധുക്കളില് നിന്ന് വന്തുകകള് ഈടാക്കുകയോ ആയിരിക്കാം. ഈ കുറ്റത്തിന് ഏഴുവര്ഷം വരെ തടവോ, പിഴയോ ശിക്ഷ ലഭിക്കാവുന്നതാണ് (ഇ.ശി.നി. 362, 366).<br />
<br />
ആള്മോഷണം ശിക്ഷാര്ഹമായ ഒരു കുറ്റകൃത്യമായിട്ടാണ് എല്ലാ പരിഷ്കൃതരാജ്യങ്ങളും കണക്കാക്കുന്നത്.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B4%B9%E0%B5%8D%E0%B4%A8%E0%B5%81%E0%B4%A4%E0%B4%BFഅപഹ്നുതി2008-02-26T11:58:24Z<p>116.68.64.48: </p>
<hr />
<div>= അപഹ്നുതി =<br />
<br />
<br />
'വര്ണ്യവസ്തുവിനെ അതല്ലെന്ന് നിഷേധിച്ചിട്ട്, അത് അതിനോടു സദൃശമായ മറ്റൊരു വസ്തുവാണെന്ന് പറയുന്ന സാമ്യമൂലകാലങ്കാരം.' അപഹ്നവം ചെയ്ക (മറയ്ക്കുക) കൊണ്ട് പേര് അന്വര്ഥമാണ്.<br />
<br />
ഉദാ.'തിങ്കളല്ലിതു, വിണ്ഗംഗാ-<br />
<br />
പങ്കജം വികസിച്ചത്'(ഭാഷാഭൂഷണം).<br />
<br />
ഉപമേയമായ ചന്ദ്രനെ അതല്ലെന്ന് ശബ്ദത്താല്ത്തന്നെ നിഷേധിച്ച് ഉപമാനമായ വിണ്ഗംഗാപങ്കജമാണ് എന്നു പറഞ്ഞിരിക്കുന്നു. കുവലയാനന്ദം ഇതിന് ശുദ്ധാപഹ്നുതി എന്നു പേര്കൊടുക്കുന്നു. 'ശുദ്ധാപഹ്നുതിരന്യസ്യാരോപാര്ഥേ ധര്മനിഹ്നവഃ' എന്നു ലക്ഷണം; ലക്ഷ്യം ഭാഷാഭൂഷണത്തിലേതുതന്നെ.<br />
<br />
അപഹ്നുതിക്ക് പല വിഭാഗങ്ങളുണ്ട്. കുവലയാനന്ദത്തില് ഹേത്വപഹ്നുതി, കൈതവാപഹ്നുതി, ഭ്രാന്താപഹ്നുതി, ഛേകാപഹ്നുതി, പര്യസ്താപഹ്നുതി ഇങ്ങനെ അഞ്ചിനം കൂടി വിവരിച്ചുകാണാം. 'ഛേകാപഹ്നുതി, ഭ്രാന്താപഹ്നുതി എന്നു രണ്ടു വകഭേദം കല്പിച്ചിട്ടുള്ളത് സാമാന്യലക്ഷണത്തില്തന്നെ സിദ്ധിക്കുന്നവയും അധികം ഉപയോഗമില്ലാത്തവയും' ആണെന്നതിനാല് അവയെ ഭാഷാഭൂഷണകാരന് ഉപേക്ഷിച്ചിരിക്കുന്നു. ഭാഷാഭൂഷണത്തിലും സ്വീകരിക്കപ്പെട്ടിട്ടുള്ള വിഭാഗങ്ങളാണ് താഴെ ചേര്ക്കുന്നവ:<br />
<br />
'''1. കൈതവാപഹ്നുതി'''. വര്ണ്യനിഷേധം ശബ്ദം കൊണ്ടു ചെയ്യാതെ കൈതവം, മിഷം, ഛലം, വ്യാജം തുടങ്ങിയ പദങ്ങളുടെ അര്ഥത്താല് സാധിക്കുന്നത്.<br />
<br />
ഉദാ. 'പരിവേഷമെന്നൊരു മിഷേണ കുണ്ഡലം<br />
<br />
പരിചോടിടുന്നു വിധി ചന്ദ്രസൂര്യരില്'.<br />
<br />
പരിവേഷം എന്നത് ഒരു മിഷം (വ്യാജം) മാത്രം; യഥാര്ഥത്തില് അതു കുണ്ഡലമാകുന്നു.<br />
<br />
'''2. ഹേത്വപഹ്നുതി'''. നിഷേധത്തിനുള്ള യുക്തി കൂടി പറയുന്നത് ഹേത്വപഹ്നുതി. ഉദാ. 'ചൂടാ ചന്ദ്രന്, വരാരാവിലര്ക്കന്, ഔര്വനിതബ്ധിജന്' (വിരഹിയുടെ വാക്യം.)<br />
<br />
ഇപ്പറഞ്ഞ അപഹ്നുതികള്ക്ക് നേര്വിപരീതമായി അവര്ണ്യത്തെ നിഷേധിച്ച് അതു വര്ണ്യമാണെന്നു വിധിക്കുന്നതാണ് 'പര്യസ്താപഹ്നുതി'. 'അത് വാസ്തവത്തില് പരിസംഖ്യാലങ്കാരത്തിന്റെ വകഭേദമാകുന്നു' എന്ന് ഭാഷാഭൂഷണകാരന് ഈ വിഭാഗത്തെയും തിരസ്കരിക്കുന്നു. എന്നാല് പര്യസ്താപഹ്നുതിതന്നെ എന്നു വിധിക്കേണ്ട ഒരു മുക്തകം, ലീലാതിലകത്തില് ഉദ്ധരിച്ചിട്ടുണ്ട്.<br />
<br />
'പുരികുഴലിലായിതേകിം<br />
<br />
പല്ലാല് ചിലവെന്തു? കരതലേ കവിള്താന്<br />
<br />
വയറെന്തരയാല്ക്കൊമ്പ-<br />
<br />
ത്തയിവരതനു? നൈവമുല്ലമലരാദി'<br />
<br />
<br />
(കെ.കെ. വാധ്യാര്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B4%BE%E0%B4%AF%E0%B5%8B%E0%B4%A8%E0%B5%8D%E2%80%8D%E0%B4%AE%E0%B5%81%E0%B4%96%E0%B4%A4അപായോന്മുഖത2008-02-26T11:56:47Z<p>116.68.64.48: </p>
<hr />
<div>= അപായോന്മുഖത =<br />
<br />
<br />
അപായങ്ങളില് ചെന്നുപെടുവാന് കാരണമാകുന്ന ഒരു മാനസിക സവിശേഷത (Accident proneness). ചിലരില് ഈ സവിശേഷത താരതമ്യേന അധികമായും മിക്കവാറും സ്ഥിരമായും കാണപ്പെടുന്നു. ഒരുവന് ബോധേന്ദ്രിയങ്ങളും ശാരീരികചലനങ്ങളും തമ്മില് യഥാതഥമായ ബന്ധം ഇല്ലെങ്കില് പലപ്പോഴും അപകടമുണ്ടാകുവാന് സാധ്യതയുണ്ട്. അപകടത്തെ അഭിമുഖീകരിക്കുമ്പോള് സന്ദര്ഭത്തെ അവലോകനം ചെയ്യുകയും തദനുസരണം ശാരീരികമായി പ്രതിപ്രവര്ത്തനം നടത്തുകയുമാണ് പലരും ചെയ്യാറുള്ളത്. എന്നാല് യഥായോഗ്യമായ അവലോകനം നടത്താതെ പ്രവൃത്തിക്കുന്നവരില് അപായോന്മുഖത കൂടിയിരിക്കും. ഒരു പ്രവൃത്തിയില് അതിവൈദഗ്ധ്യം സമ്പാദിച്ചതുകൊണ്ട് അപകടസാധ്യത കുറഞ്ഞിരിക്കും എന്നു കരുതുവാന് സാധ്യമല്ല. അതിവിദഗ്ധര് അമിതമായ ആത്മവിശ്വാസംമൂലം സാഹസങ്ങള് കാട്ടുകയും തന്മൂലം അപകടത്തില്പ്പെട്ടുപോവുകയും ചെയ്യാറുണ്ട്.<br />
<br />
<br />
സാഹചര്യവുമായി പൊരുത്തപ്പെടാനുള്ള കഴിവ് ഒരുവന്റെ അപായോന്മുഖതയെ കുറയ്ക്കുന്നു. പൊരുത്തപ്പെടുവാന് ഒരുവനെ അശക്തനാക്കുന്ന ന്യൂറോട്ടിസിസം (Neuroticism) എന്ന പേഴ്സണാലിറ്റി ഘടകം അപായോന്മുഖതയെ വര്ധിപ്പിക്കുന്നു. ബഹിര്മുഖത (Extroversion) പ്രകടമാക്കുന്ന ന്യൂറോട്ടിക് പ്രവണതയുള്ളവരില് അപായോന്മുഖതയുടെ അളവ് കൂടിയിരിക്കും എന്നതിന് എച്ച്.ജെ. ഐസങ്ക് എന്ന മനഃശാസ്ത്രജ്ഞന് തെളിവു നല്കുന്നു. അന്തര്മുഖത (Introversion) ഉള്ളവര് താരതമ്യേന പരിസരബോധമുള്ളവരും ശ്രദ്ധയും ഏകാഗ്രതയും കൂടുതല് ഉള്ളവരും ആകയാല് ഈ പ്രത്യേകത അവരില് കുറഞ്ഞിരിക്കും. കൂടാതെ ധാരാളംപേര് ഇഷ്ടപ്പെടുന്ന സ്വഭാവമുള്ളവരും വിശ്വസ്തരും സാമൂഹികപ്രവര്ത്തനത്തില് ഉത്സുകരും പൊതുവേ അപായോന്മുഖത കുറവുള്ളവരാണെന്ന് സമര്ഥിക്കപ്പെട്ടിരിക്കുന്നു. പ്രവൃത്തി ചെയ്യുന്നതിനുള്ള സാമാന്യബുദ്ധി ഉണ്ടായിരുന്നാല് അപകടസാധ്യത കുറഞ്ഞിരിക്കുമെങ്കിലും ബുദ്ധിശക്തി കൂടുന്തോറും അപായോന്മുഖത കുറയുമെന്നു പറയുവാന് സാധ്യമല്ല.<br />
<br />
<br />
അപകടം സംഭവിക്കുന്നതിന് മുഖ്യകാരണമായി അപായോന്മുഖത കഴിഞ്ഞ കാലങ്ങളില് പരിഗണിക്കപ്പെട്ടിരുന്നു. 20 ശ.മാ. മുതല് 40 ശ.മാ. വരെ മാത്രമേ ഇതു കാരണമാകുന്നുള്ളു എന്നാണ് ആധുനികഗവേഷകരുടെ നിഗമനം. പ്രായാധിക്യം, വൈദഗ്ധ്യക്കുറവ്, ക്ഷീണം, മാനസികക്ളേശം, അതിമദ്യാസക്തി, രോഗം, ജോലിസ്ഥലത്തെ അസൌകര്യങ്ങള് എന്നിവ അപകടസാധ്യത വര്ധിപ്പിക്കുന്ന മറ്റു ഘടകങ്ങളാകുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B4%BE%E0%B4%B0%E0%B5%8D%E2%80%8D%E0%B4%A4%E0%B5%80%E0%B4%A1%E0%B5%8Dഅപാര്തീഡ്2008-02-26T11:50:52Z<p>116.68.64.48: </p>
<hr />
<div>= അപാര്തീഡ് =<br />
Apartheid<br />
<br />
<br />
ദക്ഷിണാഫ്രിക്കയില് അധീശത്വം സ്ഥാപിച്ച വെളുത്ത വംശജര് തദ്ദേശീയ ജനതയ്ക്കു മേല് നടപ്പിലാക്കിയ വര്ണവിവേചനം. നിയമപരമായി സാധൂകരിക്കപ്പെട്ട വംശീയതയാണ് അപാര്തീഡ്. ദക്ഷിണാഫ്രിക്കയിലെ ബ്രിട്ടിഷ് കൊളോണിയലിസത്തിന്റെ രാഷ്ട്രീയവും പ്രത്യയ ശാസ്ത്രപരവുമായ ഉല്പ്പനമാണ് അപാര്തീഡ്. 1652-ല് ദക്ഷിണാഫ്രിക്കയില് കുടിയേറി അധിവാസമേഖലകള് സ്ഥാപിച്ച വെള്ളക്കാര് തദ്ദേശീയരായ കറുത്തവംശജര്ക്കെതിരെ വംശീയ വര്ണവിവേചനസമീപനമാണ് സ്വീകരിച്ചത്. ക്രമേണ കൊളോണിയലിസമായി രൂപാന്തരപ്പെട്ട വെള്ളക്കാരുടെ ആധിപത്യം പലതരം ആചാരങ്ങളിലൂടെയും വഴക്കങ്ങളിലൂടെയും വംശീയമേധാവിത്വമായി പരിണമിക്കുകയാണുണ്ടായത്. തദ്ദേശീയരായ കറുത്തവംശക്കാരെ നികൃഷ്ടരായി കണക്കാക്കിയ വെള്ളക്കാര് സാമൂഹ്യ ജീവിതത്തിന്റെ സമസ്ത മേഖലകളില് നിന്നും അവരെ പാര്ശ്വവല്ക്കരിക്കുകയുണ്ടായി. നിറത്തിന്റെ അടിസ്ഥാനത്തില് വേര്തിരിവും വിവേചനവും സൃഷ്ടിച്ച ഈ വംശീയപ്രത്യയശാസ്ത്രവും രാഷ്ട്രീയാധിപത്യവുമാണ് അപാര്തീഡ് എന്നറിയപ്പെട്ടത്. 1899-1902-ലെ ആംഗ്ളോ-ബോര് യുദ്ധത്തെത്തുടര്ന്ന് അധീശത്വം സ്ഥാപിച്ച ബ്രിട്ടീഷ് കൊളോണിയല് ശക്തികള് അപാര്തീഡിനെ സാധൂകരിക്കുന്ന സമീപനം സ്വീകരിച്ചു.<br />
<br />
<br />
ദക്ഷിണാഫ്രിക്കയില് നിലവില് വന്ന വെള്ളക്കാരുടെ ഗവണ്മെന്റുകള് വര്ണവിവേചനത്തെ സ്ഥാപനവല്ക്കരിച്ച നിയമങ്ങള് ആവിഷ്ക്കരിച്ചു. 1913-ലെ 'ഭൂനിയമ'വും തൊഴില് സ്ഥലങ്ങളില് നിറത്തിന്റെ അടിസ്ഥാനത്തില് ആളുകളെ വേര്തിരിക്കുന്ന 'വര്ണമതില്' നിയമങ്ങളും ഇതിനുദാഹരണങ്ങളാണ്. ദക്ഷിണാഫ്രിക്കന് പ്രധാനമന്ത്രിയായിരുന്ന ജാന് ക്രിസ്ത്യന് സ്മട്ട്സ് 1917-ല് ആദ്യമായി 'അപാര്തീഡ്' എന്ന സംജ്ഞ ഉപയോഗിച്ചതായി ചൂണ്ടിക്കാണിക്കപ്പെടുന്നു. കറുത്തവരുടെ സഞ്ചാരസ്വാതന്ത്യ്രത്തെ നിയന്ത്രിക്കുന്ന 'സഞ്ചാരനിയന്ത്രണനിയമ'ങ്ങളും അവരെ പ്രധാനപ്പെട്ട നഗരങ്ങളില് നിന്നും വാണിജ്യകേന്ദ്രങ്ങളില് നിന്നും പുറത്താക്കുകയാണുണ്ടായത്. വെള്ളക്കാര് താമസിക്കുന്ന സ്ഥലങ്ങളില് പ്രവേശിക്കാന് കറുത്തവര്ക്ക് അവകാശമുണ്ടായിരുന്നില്ല. തിരിച്ചറിയല് കാര്ഡുകളില്ലാത്ത കറുത്തവരെ എവിടെയും എപ്പോള് വേണമെങ്കിലും അറസ്റ്റുചെയ്യാവുന്ന നിയമങ്ങളും നടപ്പാക്കിയിരുന്നു. 1945-ല് അധികാരത്തില് വന്ന വെള്ളക്കാരുടെ 'നാഷനല് പാര്ട്ടി', അപാര്തീഡിനെ പഴുതുകളില്ലാത്ത നിയമവ്യവസ്ഥയാക്കി മാറ്റി. ഓരോ വ്യക്തിയേയും വംശത്തിന്റെ അടിസ്ഥാനത്തില് വര്ഗീകരിക്കുന്ന നിയമങ്ങള് പാസാക്കിയ നാഷനല് പാര്ട്ടി ഭരണം, മിശ്ര വിവാഹം, മിശ്രലൈംഗികത തുടങ്ങിയവയെ കുറ്റകൃത്യങ്ങളായി പ്രഖ്യാപിച്ചു. 1950-ല് നിലവില് വന്ന 'ഗ്രൂപ്പ് ഏര്യാസ് ആക്റ്റ്' കറുത്തവരെയും വെള്ളക്കാരെയും ഭൂമിശാസ്ത്രപരമായി വേര്തിരിച്ചു. ദക്ഷിണാഫ്രിക്കയില് തദ്ദേശീയ ജനതയെ സ്വന്തം നാട്ടില് അടിമകളും അഭയാര്ഥികളുമാക്കിയ പ്രധാന അപാര്തീഡ് നിയമങ്ങള് ഇവയാണ്. 'ദ് ഇമ്മൊറാലിറ്റി ആക്റ്റ് അമന്ഡ്മെന്റ്' (1950), ദ് പോപ്പുലേഷന് റെഗുലേഷന് ആക്റ്റ് (1950), ദ് സപ്രഷന് ഒഫ് കമ്യൂണിസം ആക്റ്റ് (1950), ബന്തു അതോറിറ്റീസ് ആക്റ്റ് (1951) പ്രിവന്ഷന് ഒഫ് ഇല്ലീഗല് സ്ക്വാറ്റിങ് ആക്റ്റ്' (1951), ദ് റിസര്വേഷന് ഒഫ് സെഷറേറ്റ് അമനിറ്റീസ് ആക്റ്റ്' (1953), ദ് ബന്തു എഡ്യൂക്കേഷന് ആക്ട് (1953), ബന്തു അര്ബന് ഏര്യാസ് ആക്റ്റ് (1954), ബ്ളാക്ക് ഹോം ലാന്ഡ് സിറ്റിസണ് ആക്റ്റ് (1970). ഈ നിയമങ്ങളിലൂടെ ഒരു വംശീയ പ്രത്യയശാസ്ത്രമെന്നതില് നിന്ന്, അപാര്തീഡിനെ ഭരണഘടനാപരമായ നിയമവ്യവസ്ഥയാക്കി പരിവര്ത്തിപ്പിക്കുകയായിരുന്നു.<br />
<br />
<br />
'വെള്ള ദക്ഷിണാഫ്രിക്ക'യെന്ന് പ്രഖ്യാപിക്കപ്പെട്ട സ്ഥലങ്ങളില് തൊഴിലെടുക്കുന്നതിനോ വ്യവസായങ്ങള് നടത്തുന്നതിനോ കറുത്തവര്ക്ക് അവകാശമില്ലായിരുന്നു. കറുത്തവര്ക്കും വെളുത്തവര്ക്കും പ്രത്യേകം ഗതാഗത സൌകര്യങ്ങള്, സ്കൂളുകള്, ആശുപത്രികള്, തിയെറ്ററുകള് എന്നിവ സ്ഥാപിച്ചു. എന്നാല് കറുത്തവര്ക്കുവേണ്ടി ഏര്പ്പെടുത്തിയ ക്ഷേമസംവിധാനങ്ങളെ അവഗണിച്ച ഗവണ്മെന്റ് വെള്ളക്കാരുടെ മേഖലകളില് ഏറ്റവും മെച്ചപ്പെട്ട ആശുപത്രികള്, വിദ്യാലയങ്ങള്, നിരത്തുകള്, കെട്ടിടങ്ങള് എന്നിവയാണ് നിര്മിച്ചത്. കറുത്തവരെ വന്തോതില് ക്രിസ്തുമത പരിവര്ത്തനം ചെയ്തുവെങ്കിലും വെള്ളക്കാരുടെ പള്ളികളില് അവരെ പ്രവേശിപ്പിച്ചിരുന്നില്ല. 'ബ്ളാക്ക് ഹോം ലാന്ഡ് സിറ്റിസണ് ആക്റ്റ്' അനുസരിച്ച് കറുത്തവര്ക്ക് ദക്ഷിണാഫ്രിക്കന് പൌരത്വം തന്നെ നഷ്ടമായി. <br />
<br />
<br />
1959-ല് ബന്തു സ്വയംഭരണനിയമം നടപ്പില് വന്നതോടെ വര്ണവിവേചനനയം സാര്വത്രികമായിത്തീര്ന്നു. ഓരോ സമൂഹത്തിനും അതിന്റെ കഴിവുകള് പരമാവധി വികസിപ്പിക്കാന് ജന്മദേശത്തുമാത്രമേ സാധ്യമാകൂ എന്നും, ബന്തുകള് ഏക സ്വഭാവമുള്ള ഒരു ജനതയല്ലെന്നും ഉള്ള സിദ്ധാന്തത്തില്നിന്നും ഉടലെടുത്ത ഈ നിയമംമൂലം 'ബന്തുസ്താന്' എന്ന പേരില് എട്ടു ജനപദങ്ങള് തദ്ദേശവാസികള്ക്കുവേണ്ടി സ്ഥാപിതമായി. ഇതിന്റെ ഫലമായി നഗരങ്ങളിലെ 30 ലക്ഷത്തോളം ആഫ്രിക്കക്കാര് ആ പ്രദേശങ്ങളിലെ സ്ഥിരവാസമുള്ള ജനതയായി കണക്കാക്കപ്പെടാന് നിര്വാഹമില്ലാതായി (അവരില് ചിലരെല്ലാം മൂന്നു തലമുറയിലധികമായി അവിടെ കഴിഞ്ഞു കൂടിയവരാണ്). ബന്തു പ്രദേശങ്ങളിലുള്ളവരായി അവരെ കണക്കാക്കാമെന്നും തൊഴിലാവശ്യങ്ങള്ക്കനുസരിച്ച് അവരെ ബന്തുനിവാസികളുമായി കൈമാറ്റം ചെയ്യാമെന്നും വന്നുചേര്ന്നു.<br />
<br />
<br />
ചുരുക്കത്തില്, ഭൂരിപക്ഷംവരുന്ന തദ്ദേശീയരെ ദക്ഷിണാഫ്രിക്കയില് 'പ്രവാസി'കളാക്കിമാറ്റുന്ന കര്ക്കശനിയമങ്ങളാണ് അപാര്തീഡ് ആവിഷ്ക്കരിച്ചത്. 1960-നും 1990-നു മിടയ്ക്ക് ലക്ഷക്കണക്കിന് കറുത്തവരെ അവരുടെ താമസസ്ഥലങ്ങളില് നിന്ന് ബലമായി കുടിയിറക്കുകയും 'കറുത്തമേഖലാപ്രദേശ'ങ്ങളില് പുനരധിവസിപ്പിക്കുകയും ചെയ്തു. 1950-കളില് മാത്രം ജോഹന്നാസ് ബര്ഗില് നിന്നും 60,000 പേരെ സൊവീറ്റോയിലേക്കു ആട്ടിപ്പായിച്ചു. കറുത്തവര്ക്ക് വോട്ടവകാശവും നിഷേധിക്കപ്പെട്ടിരുന്നു. ഏഷ്യന് ഇന്ത്യന് വംശങ്ങള്ക്കെതിരായ വിവേചനത്തിനെതിരെ രൂപംകൊണ്ട ഇന്ത്യന് കോണ്ഗ്രസ്സിന്റെ പ്രവര്ത്തനങ്ങളുടെ ഭാഗമായി ഗാന്ധിജി ഫീനിക്സ് ആശ്രമം സ്ഥാപിച്ചു. നിറത്തിന്റെ അടിസ്ഥാനത്തില് മൊത്തം ജനസംഖ്യയെ വെള്ളക്കാര്, കറുത്തവര്, ഇന്ത്യന് വംശജര്, 'കളേര്ഡ്' എന്നിങ്ങനെ 4 വിഭാഗങ്ങളിലായി വര്ഗീകരിച്ചു. ബന്തുനിവാസികള് കൊയ്സാന്കാര്, മിശ്രവംശജര് എന്നിവരെയാണ് കളേര്ഡ് വിഭാഗത്തില്പെടുത്തിയിരുന്നത്.<br />
<br />
<br />
'''അപാര്തീഡ് വിരുദ്ധസ്വാതന്ത്യസമരം.''' പരമ്പരാഗതമായി യാഥാസ്ഥിക സമീപനം സ്വീകരിച്ചുപോന്ന ആഫ്രിക്കന് നാഷണല് കോണ്ഗ്രസ് (എ.എന്.സി), 1950-കളില് അപാര്തീഡിനെതിരെ ശക്തമായ പ്രക്ഷോഭപരിപാടികള് ആവിഷ്ക്കരിച്ചു. പണിമുടക്കുകള്, നിയമലംഘനം, പ്രതിഷേധമാര്ച്ചുകള് തുടങ്ങിയ പ്രത്യക്ഷ സമരരീതികള് ആവിഷ്ക്കരിച്ച എ.എന്.സി. 1955-ല് ഇന്ത്യന് കോണ്ഗ്രസ്സുമായി ചേര്ന്ന് 'ഫ്രീഡം ചാര്ട്ടര്' അംഗീകരിച്ചു. എ.എന്.സി. നേതൃത്വത്തിന്റെ മിതവാദനയങ്ങളില് പ്രതിഷേധിച്ച് ഒരു വിഭാഗം 1959-ല് കൂടുതല് സമരോത്സുകമായ പാന് ആഫ്രിക്കനിസ്റ്റ് കോണ്ഗ്രസ്സി'നു (പി.എ.സി.) രൂപം നല്കി. 1960 മാ. 21-ന് പി.എ.സിയുടെ നേതൃത്വത്തില് ഇരുപതിനായിരത്തോളം ആളുകള് തിരച്ചറിയല് കാര്ഡ് കൈവശം വയ്ക്കാതെ ഷാര്പ്പ്വില്ലെയില് പ്രകടനം നടത്തി. സമാധാനപരമായ പ്രകടനത്തിനുനേരെ നടത്തിയ വെടിവെയ്പ്പില് 69 പേര് തല്ക്ഷണം മരിക്കുകയും 186 പേര്ക്കു പരിക്കേല്ക്കുകയും ചെയ്തു. എല്ലാവര്ക്കും പിന്നിലാണ് വെടിയേറ്റത്. തുടര്ന്ന് എ.എന്.സിയേയും പി.എ.സിയേയും നിരോധിക്കുകയും ചെയ്തു.<br />
<br />
<br />
അപാര്തീഡിനെതിരായ സ്വാതന്ത്യ്രസമരത്തില് 'ഷാര്പ് വില്ലെ' കൂട്ടക്കുരുതി നിര്ണായകവഴിത്തിരിവായി. അപാര്തീഡിനെതിരെ സായുധ സമരമാരംഭിക്കാന് ഈ സംഭവം എ.എന്.സിയെ പ്രേരിപ്പിച്ചു. 1964-ജൂണില് നെല്സണ് മണ്ടേല ഉള്പ്പെടെ എട്ട് എ.എന്.സി. നേതാക്കളെ ജീവപര്യന്തം തടവിനു ശിക്ഷിച്ചു. ഈ വിചാരണയേയും ശിക്ഷയേയും ഐക്യരാഷ്ട്രസഭ ശക്തമായി അപലപിച്ചു. ഇതേത്തുടര്ന്ന് ലോകമൊട്ടാകെ അപാര്തീഡിനെതിരെ പ്രതിക്ഷേധം വ്യാപകമായി. 1970-കളില് മെഡിക്കല് വിദ്യാര്ഥിയായ സ്റ്റീവ് ബിക്കോയുടെ നേതൃത്വത്തില് 'കറുത്ത അവബോധപ്രസ്ഥാനം' രൂപം കൊള്ളുകയും അപാര്തീഡ് വിരുദ്ധ പ്രക്ഷോഭം കൂടുതല് ജനകീയമാകുകയും ചെയ്തു. 1977-ല് പ്രിട്ടോറിയയില് അറസ്റ്റു ചെയ്യപ്പെട്ട സ്റ്റീവ് ബിക്കോ പൊലിസ് മര്ദനത്തെത്തുടര്ന്ന് ചികിത്സ ലഭിക്കാതെ മരിച്ചു. ഈ സംഭവം കറുത്തവരുടെ സ്വാതന്ത്യ്രപ്രക്ഷോഭത്തെ കൂടുതല് സജീവമാക്കി. 1980 കളില് വെളുത്തവരില് ഒരു വിഭാഗവും അപാര്തീഡിനെതിരെ രംഗത്തുവന്നു.<br />
<br />
<br />
1963-ല് ഐക്യരാഷ്ട്രസഭയുടെ രക്ഷാസമിതി ദക്ഷിണാഫ്രിക്കയ്ക്കെതിരെ സായുധ ഉപരോധം ഏര്പ്പെടുത്തി. 1978-ലെയും 1983-ലെയും 'വംശീയതക്കെതിരായ ലോകസമ്മേളനം' ദക്ഷിണാഫ്രിക്കയ്ക്കെതിരെ പ്രമേയങ്ങള് പാസാക്കി. 1950-കളില് അമേരിക്കയും ബ്രിട്ടനും ഉള്പ്പെടെ അനവധി രാജ്യങ്ങള് ദക്ഷിണാഫ്രിക്കക്കെതിരെ വ്യാപാര ഉപരോധം ഏര്പ്പെടുത്തി. 1980-കളുടെ അവസാനമാകുമ്പോഴേക്കും മിക്ക രാജ്യങ്ങളും ദക്ഷിണാഫ്രിക്കയുമായുള്ള നയതന്ത്രബന്ധങ്ങള് വിച്ഛേദിച്ചതോടെ, ദക്ഷിണാഫ്രിക്കന് ഗവ. പൂര്ണമായും ഒറ്റപ്പെടുകയാണുണ്ടായത്. അതേസമയം ലോകരാജ്യങ്ങള്ക്കിടയില് എ.എന്.സിയുടെ പിന്തുണ വര്ധിച്ചു. 1986-ല് സ്വീഡിഷ് പ്രധാനമന്ത്രിയായിരുന്ന ഒലോഫ് പാമെ, അപാര്തൈഡ് വിരുദ്ധ പ്രക്ഷോഭത്തിന് പിന്തുണ പ്രഖ്യാപിക്കുന്ന പാര്ലമെന്റ് സമ്മേളനത്തില് പറയുകയുണ്ടായി'' "അപാര്തീഡിനെ നവീകരിക്കാനാവില്ല; അതിനെ ഉന്മൂലനം ചെയ്യുകയാണ് വേണ്ടത്''. ഈ കാലഘട്ടത്തില് ദക്ഷിണാഫ്രിക്കയിലെ വര്ണവിവേചന ഗവണ്മെന്റിനെ പിന്തുണച്ച ഏകരാജ്യം ഇസ്രായേല് ആണ്. പി.ഡബ്ള്യു.ബോത്തയുടെ ഭരണകാലത്ത് അപാര്തീഡിനെ പരിഷ്ക്കരിക്കാന് ശ്രമിച്ചെങ്കിലും സ്വാതന്ത്യ്രസമരം ശക്തമായതോടെ 1985-ല് ദക്ഷിണാഫ്രിക്കയില് അടിയന്തിരാവസ്ഥ പ്രഖ്യാപിച്ചു. 1990-ല് പ്രസിഡന്റായി തെരഞ്ഞെടുക്കപ്പെട്ട എഫ്.ഡബ്ള്യു.ഡി. ക്ളര്ക്ക് അടിയന്തിരാവസ്ഥ പിന്വലിക്കുകയും എ.എന്.സി ഉള്പ്പെടെയുള്ള സ്വാതന്ത്യപ്രസ്ഥാനങ്ങള്ക്കുമേലുണ്ടായിരുന്ന നിരോധനം നീക്കുകയും ചെയ്തു. പത്രസ്വാതന്ത്യ്രം പുനഃസ്ഥാപിച്ച ഡി ക്ളര്ക്ക് 1990 ഫെ. 11-ന് നെല്സണ് മണ്ടേലയെ മോചിപ്പിക്കുകയും ചെയ്തു. 27 വര്ഷത്തെ ജയില്വാസത്തിനുശേഷം മോചിതനായ നെല്സണ് മണ്ടേല അപാര്തീഡ് വിരുദ്ധ സ്വാതന്ത്യ്രപ്രസ്ഥാനത്തിന്റെ പ്രതീകമെന്ന നിലയ്ക്ക് ലോകമെങ്ങും ആദരിക്കപ്പെട്ടു. 1990-നും 1991-നുമിടയ്ക്ക് അപാര്തീഡ് നിയമങ്ങള് ഒന്നൊന്നായി റദ്ദാക്കപ്പെട്ടു. 1992-മാ.-ല് നടന്ന ജനഹിതപരിശോധന എ.എന്.സി യും മറ്റു സംഘടനകളുമായി സഹകരിച്ചുകൊണ്ട് പുതിയൊരു ഭരണഘടനയ്ക്കു രൂപം നല്കാന് ഗവണ്മെന്റിനെ അധികാരപ്പെടുത്തി. എല്ലാ അന്യവിവേചനങ്ങളും നിരോധിക്കുന്ന കരട് ഭരണഘടന 1993-ല് പ്രസിദ്ധീകരിച്ചു. 1994 ഏ. 26 അര്ധരാത്രിയില് ന്യൂനപക്ഷ അപാര്തീഡ് ഗവണ്മെന്റിന്റെ പതാക താഴ്ത്തി, സ്വാതന്ത്യ്രപ്രക്ഷോഭത്തെ പ്രതിനിധീകരിക്കുന്ന 'മഴവില് സഖ്യ'ത്തിന്റെ പതാക ഔദ്യോഗികമായി ഉയര്ത്തിയതോടെ അപാര്തീഡ് യുഗത്തിന്റെ അന്ത്യം കുറിച്ചു. മേയില് നടന്ന തെരഞ്ഞെടുപ്പില് 62.7 ശ.മാ. വോട്ട് നേടിയ എ.എന്.സി. അധികാരത്തിലെത്തുകയും നെല്സണ് മണ്ടേല ദക്ഷിണാഫ്രിക്കന് പ്രസിഡന്റായി തെരഞ്ഞെടുക്കപ്പെടുകയും ചെയ്തു. അപാര്തീഡ് സൃഷ്ടിച്ച അസമത്വങ്ങളും വിവേചനങ്ങളും പൂര്ണമായി തുടച്ചുനീക്കാന് ഇപ്പോഴും കഴിഞ്ഞിട്ടില്ല. ലോകത്തിലെ ഏറ്റവും അസമമായ വരുമാനവിതരണമാണ് ദക്ഷിണാഫ്രിക്കയില് നിലനിന്നിരുന്നത്. ദാരിദ്യ്രരേഖയ്ക്കു താഴെയുള്ള ജനസംഖ്യയുടെ 90 ശ.മാ.-വും കറുത്തവംശജരാണ്. നോ: നെല്സണ് മണ്ടേല, ദക്ഷിണാഫ്രിക്ക.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%81%E0%B4%B7%E0%B5%8D%E0%B4%9F%E0%B4%BFഅപുഷ്ടി2008-02-26T11:49:07Z<p>116.68.64.48: </p>
<hr />
<div>= അപുഷ്ടി =<br />
<br />
<br />
ഏതെങ്കിലും ഒരവയവത്തിനോ അവയവഭാഗത്തിനോ ശരിയായ വളര്ച്ച പ്രാപിക്കാന് കഴിയാതെ വരുന്ന അവസ്ഥ. പേശികളെയും നാഡികളെയും ബാധിക്കുന്ന രോഗങ്ങളിലാണ് അപുഷ്ടി ഏറ്റവുമധികം വ്യക്തമാകുക. കുറേ കോശങ്ങളൊരുമിച്ചോ ടിഷ്യു തന്നെയോ ഏതെങ്കിലും രോഗത്താലോ മുറിവുകള് മൂലമോ നഷ്ടപ്പെടുന്ന ഹൈപ്പോപ്ളാസിയ അഥവാ എപ്ളാസിയ (Hypoplasia or Aplasia) അപുഷ്ടിയാണെന്ന് തെറ്റിദ്ധരിച്ചുകൂടാ. കോശങ്ങളുടെ ഉപാപചയത്തിലുണ്ടാകുന്ന വ്യത്യാസങ്ങളാണ് മിക്കവാറും എല്ലാത്തരം അപുഷ്ടികള്ക്കും കാരണമാകുക.<br />
<br />
അപുഷ്ടി ബാധിച്ച ഒരവയവത്തിന്റെ വലുപ്പംകൊണ്ട് അപുഷ്ടിയുടെ കാഠിന്യം നിശ്ചയിക്കാന് സാധ്യമല്ല. പലപ്പോഴും കൊഴുപ്പിന്റേയും മറ്റും വര്ധനവുമൂലം നഷ്ടപ്രായമായ ഭാഗങ്ങള് ഏതാണെന്ന് ബാഹ്യവീക്ഷണത്തില് മനസ്സിലായെന്നു വരില്ല. അതുപോലെതന്നെ അപുഷ്ടി ഒരവയവത്തിന്റെ എല്ലാ ഭാഗങ്ങളേയും ഒരുപോലെ ബാധിച്ചു എന്നും വരില്ല.<br />
<br />
പല രോഗങ്ങളുടേയും ഫലമായി അപുഷ്ടി ഉണ്ടാകാം. പേശികള്ക്ക് സംഭവിക്കുന്ന അപുഷ്ടി ഇതിനുദാഹരണമാണ്. അസ്ഥിപേശികളെപ്പോലും (Skeletal muscles) ഇതു ബാധിക്കാറുണ്ട്. അസ്ഥിയുടെ ഉള്ഭാഗങ്ങളെ ബാധിക്കുന്ന അപുഷ്ടി X-റേയുടെ സഹായത്തോടെ മനസ്സിലാക്കാന് കഴിയും. നാഡികള് മുറിഞ്ഞുപോയ പേശികള്ക്ക് വളരെ പെട്ടെന്ന് തേയ്മാനം സംഭവിക്കുന്നു. സുഷുമ്നാ നാഡിയുടെ ആന്റീരിയര് ഹോണുകള് (anterior horns) ശുഷ്കപ്രായമായി തീരുന്നതാകാം ഇതിനു കാരണം. തീക്ഷണമായ പോളിയോയുടെ (Polio myelititis) ഫലമാണിത്. തോളുകള്, കൈകള്, കൈപ്പത്തികള് തുടങ്ങിയവയുടെ പേശികളിലുണ്ടാകുന്ന അപുഷ്ടി പ്രോഗ്രസീവ് സ്പൈനല് മസ്കുലാര് അട്രോഫി (Progressive spinal muscular atrophy) എന്നറിയപ്പെടുന്നു. ഇത് ക്രമേണ ശരീരത്തിന്റെ താഴത്തെ ഭാഗങ്ങളിലേക്കും വ്യാപിക്കും.<br />
<br />
അപുഷ്ടി വിവിധ തരത്തിലുണ്ട്. പ്രായം കൂടുന്തോറും പേശികള്ക്കുണ്ടാകുന്ന അപുഷ്ടി സെനൈല് (Senile atrophy) അട്രോഫി എന്നറിയപ്പെടുന്നു. വാര്ധക്യമാകുമ്പോള് അസ്ഥിയുടെ കാഠിന്യം കൂടുകയും തൊലിയുടെ ഇലാസ്തികത (elasticity) കുറയുകയും മറ്റും ചെയ്യുന്നത് ഇതുമൂലമാണ്. ദീര്ഘ സമയത്തേക്ക് മര്ദത്തിനടിപ്പെട്ടിരിക്കുന്ന അവയവത്തിനോ കോശങ്ങള്ക്കോ ആണ് പ്രഷര് അട്രോഫി (Pressure atrophy) സംഭവിക്കുക. വളര്ന്നുകൊണ്ടിരിക്കുന്ന ഒരു ട്യൂമറിനു ചുറ്റുമുള്ള കോശങ്ങളില് കാണുന്ന അപുഷ്ടി ഇതിനുദാഹരമാണ്.<br />
<br />
ടോക്സിക് അട്രോഫി (Toxic atrophy) എന്നറിയപ്പെടുന്ന മറ്റൊരിനം അപുഷ്ടി സാധാരണമാണോ എന്ന കാര്യം തര്ക്കവിഷയമാണ്. കാരണം ഒരു വിഷദ്രവത്തില്നിന്നും (local or circulating toxin) ഉണ്ടാകുന്നതാകണം ഇത്. ദീര്ഘകാലം നിലനില്ക്കുന്ന പനിയുടേയും മറ്റും ഫലമായി ചില വിഷവസ്തുക്കള് രക്തത്തിലുണ്ടാകുകയും ഇത് പേശികളുടേയും മറ്റവയവങ്ങളുടേയും അപുഷ്ടിക്കു കാരണമാകുകയും ചെയ്യാവുന്നതാണ്. ഒരു പ്രത്യേക പേശിക്കോ പേശീ സമൂഹത്തിനോ ഉള്ള മോട്ടോര് തന്ത്രികള് നഷ്ടപ്പെടുന്നതിനാലുളവാകുന്നതാണ് ന്യൂറോട്രോഫിക് അട്രോഫി (Neurotrophic atrophy). അവയവങ്ങളുടെ തുടര്ച്ചയായുള്ള ചലനരാഹിത്യം ഇതിന് കാരണമാകുന്നു. ഉദാ. പോളിയോ വന്നതിനുശേഷമുണ്ടാകുന്ന തളര്ച്ചയും അപുഷ്ടിയും. വളരെ സമയം എക്സ്റേ തട്ടിക്കൊണ്ടിരിക്കുന്ന തൊലിക്ക് അപുഷ്ടി സംഭവിക്കുന്നതു കാണാം. സാധാരാണ ത്വക്കിനേക്കാള് നേരിയതായിരിക്കും അപുഷ്ടിക്കടിപെട്ട തൊലി. ഇത് കൂടുതല് മിനുസവുമായിരിക്കും. മുറിവുകള് ഇതില് നിഷ്പ്രയാസമുണ്ടാകുന്നു. അവ ഉണങ്ങാന് കാലതാമസം നേരിടുകയും ചെയ്യും. ദൃക്തന്ത്രി(Optic nerve)കള്ക്കും അപുഷ്ടി സംഭവിക്കാറുണ്ട്. പലപ്പോഴും ഇത് പൂര്ണമായ അന്ധതയില് കലാശിക്കുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B5%8B%E0%B4%95%E0%B5%8D%E0%B4%95%E0%B4%B8%E0%B5%8D_(%E0%B4%85%E0%B4%A8%E0%B5%8D%E0%B4%B1%E0%B4%BF%E0%B4%AF%E0%B5%8B%E0%B4%95%E0%B5%8D%E0%B4%95%E0%B4%B8%E0%B5%8D)അന്ത്യോക്കസ് (അന്റിയോക്കസ്)2008-02-26T11:20:50Z<p>116.68.64.48: </p>
<hr />
<div>= അന്ത്യോക്കസ് (അന്റിയോക്കസ്) =<br />
Antiochus<br />
<br />
സെലൂസിദ് വംശ(ബി.സി. 312-64)ത്തിലെ പതിമൂന്നു രാജാക്കന്മാര് ഈ പേരിലറിയപ്പെടുന്നു. അന്ത്യോക്കസ് ക സോട്ടര് സെലൂസിദ് വംശസ്ഥാപകനായ സെലൂക്കസ് നിക്കേറ്ററു(ബി.സി. 358-280)ടെ വധത്തെ തുടര്ന്ന് അന്ത്യോക്കസ് I-ാമന് (ബി.സി. 324-261) സെലൂസിദ് രാജാവായി. അന്ത്യോക്കസ് സോട്ടര് എന്ന പേരിലറിയപ്പെടുന്ന ഇദ്ദേഹം ബി.സി. 280 മുതല് 261 വരെ നാടുഭരിച്ചു. വടക്കുനിന്ന് ഗോള്വര്ഗക്കാരും തെക്കുനിന്ന് ടോളമിയുടെ നേതൃത്വത്തിലുള്ള ഈജിപ്ഷ്യന് സൈന്യവും ഇദ്ദേഹത്തെ എതിര്ത്തു. എങ്കിലും ഈ രണ്ടാക്രമണങ്ങളെയും അന്ത്യോക്കസ് ചെറുത്തുനിന്നു; സെലൂസിദ് സാമ്രാജ്യത്തെ യാതൊരു കോട്ടവും കൂടാതെ ഇദ്ദേഹം നിലനിര്ത്തി.<br />
<br />
'''അന്ത്യോക്കസ് II തിയോസ്.''' (ബി.സി. 287-247). ബി.സി. 261 മുതല് 247 വരെ അന്ത്യോക്കസ് II-ാമന് സെലൂസിദ് സാമ്രാജ്യം ഭരിച്ചു. ഇദ്ദേഹത്തിന്റെ ഭരണകാലത്തും ഈജിപ്ഷ്യന് ആക്രമണമുണ്ടായി. ടോളമി ഫിലാഡല്ഫസിന്റെ പുത്രിയായ ബെറിണിസിനെ അന്ത്യോക്കസ് II-ാമന് വിവാഹം ചെയ്തതിനെത്തുടര്ന്ന് ഈജിപ്തുമായുള്ള യുദ്ധം ഒത്തുതീര്പ്പിലെത്തി.<br />
<br />
'''മഹാനായ അന്ത്യോക്കസ് III.''' ഈ വംശത്തിലെ മൂന്നാമത്തെ രാജാവായ അന്ത്യോക്കസ് III (ബി.സി. 242-187) പ്രസിദ്ധനായ രാജാവായിരുന്നു. മഹാനായ അന്ത്യോക്കസ് (ഭ.കാ. 223-187) എന്ന പേരില് ഇദ്ദേഹം ചരിത്രത്തില് അറിയപ്പെടുന്നു. അന്ത്യോക്കസ് II-ാമന്റെ അനന്തരവനായിരുന്നു ഇദ്ദേഹം. മൊളോണ് (Molon) അക്കേയസ് (Achaeus) എന്നിവരുടെ ആക്രമണങ്ങളെ ഇദ്ദേഹം ചെറുത്തുനിന്നു. എങ്കിലും റാഫിയയില്വച്ച് ഈജിപ്ഷ്യന് സൈന്യം ഇദ്ദേഹത്തെ തോല്പിച്ചു (217).<br />
<br />
ബി.സി. 212 മുതല് 205 വരെ അന്ത്യോക്കസ് III പാര്ത്തിയന്മാര്, ബാക്ട്രിയന്മാര് എന്നിവരുമായി നിരന്തരം യുദ്ധത്തിലേര്പ്പെട്ടു. തന്നെ മുന്പ് തോല്പിച്ച (217) ഈജിപ്തുകാരോട് പ്രതികാരം ചെയ്യാന് അന്ത്യോക്കസ് III തീരുമാനിച്ചു. വമ്പിച്ച സൈന്യവുമായി 198-ല് അദ്ദേഹം ഈജിപ്ഷ്യന് സൈന്യത്തോടേറ്റുമുട്ടി; അവരെ തോല്പിച്ചു. പലസ്തീന്, കൊയിലെ-സിറിയ എന്നീ രാജ്യങ്ങള് സെലൂസിദ് സാമ്രാജ്യത്തോട് കൂട്ടിച്ചേര്ത്തു. ഇതോടുകൂടി നഷ്ടപ്പെട്ട സെലൂസിദ് സാമ്രാജ്യഭാഗങ്ങള് മുഴുവന് ഇദ്ദേഹം തിരിച്ചുപിടിച്ചു. വിശ്രുതനായിരുന്ന ഹാനിബാള് (247-183) ഇദ്ദേഹത്തിന്റെ കീഴില് അഭയാര്ഥിയായി കഴിച്ചുകൂട്ടിയിട്ടുണ്ട്. 192-ല് അന്ത്യോക്കസ് III-ാമന് വീണ്ടും ആക്രമണം ആരംഭിച്ചു. ഈറ്റോലിയന് ലീഗി(Aetolian League)ന്റെ ക്ഷണപ്രകാരം ഇദ്ദേഹം ഗ്രീസില് കൂടി റോമിന്ന് അഭിമുഖമായി നീങ്ങി. റോമാക്കാര് പിന്വാങ്ങാന് അഭ്യര്ഥിച്ചെങ്കിലും അന്ത്യോക്കസ് III-ാമന് അതു വകവയ്ക്കാതെ മുന്നോട്ടു നീങ്ങി. തത്ഫലമായി റോമന് സൈന്യം അന്ത്യോക്കസ് III-ാമനെ തെര്മോപെലെ യുദ്ധത്തില് തോല്പിച്ചു. അടുത്ത വര്ഷം തന്നെ റോമന് സൈന്യമേധാവിയായിരുന്ന എല്സിപ്പിയോ ഏഷ്യാമൈനറിലെ മഗ്നീഷ്യയില്വച്ച് വീണ്ടും അന്ത്യോക്കസിനെ പരാജയപ്പെടുത്തി. ഈ രണ്ടു പരാജയങ്ങളെ തുടര്ന്ന് അന്ത്യോക്കസ് സന്ധിക്കപേക്ഷിച്ചു. സന്ധിവ്യവസ്ഥപ്രകാരം ഇദ്ദേഹത്തിന് തന്റെ സൈന്യവും ടോറസിന് പടിഞ്ഞാറുള്ള ഭാഗവും നഷ്ടപ്പെട്ടു. റോമാക്കാര്ക്ക് നഷ്ടപരിഹാരം കൊടുക്കാന് ഇദ്ദേഹം എലിമെയിസ് ക്ഷേത്രം കൊള്ളയടിച്ചു. ഈ അവസരത്തില് (ബി.സി. 187) അന്ത്യോക്കസ് വധിക്കപ്പെട്ടു. സെലൂസിദ് വംശത്തിന്റെ സുവര്ണകാലവും അധഃപതനത്തിന്റെ ആരംഭവും ഇദ്ദേഹത്തിന്റെ കാലത്തായിരുന്നു.<br />
<br />
'''അന്ത്യോക്കസ് IV എപ്പിഫനസ്''' (ബി.സി. 212-163) ബി.സി. 175 മുതല് 163 വരെ അന്ത്യോക്കസ് IV-ാ മന് സെലൂസിദ് രാജ്യം ഭരിച്ചു. ഇദ്ദേഹത്തിനും ഈജിപ്തുകാരുമായി നിരന്തരം യുദ്ധത്തിലേര്പ്പെടേണ്ടിവന്നു (171-168). ഈ യുദ്ധംമൂലം പലസ്തീനും കൊയിലെ-സിറിയയും തിരിച്ചുപിടിക്കാന് അന്ത്യോക്കസ് IV-ാമന് കഴിഞ്ഞു. അലക്സാന്ഡ്രിയ പിടിച്ചെടുക്കാനുള്ള ശ്രമം റോമാക്കാരിടപെട്ട് വിഫലമാക്കി. ജൂതരില് ഗ്രീക്കുസംസ്കാരം അടിച്ചേല്പിക്കാന് ഇദ്ദേഹം തീവ്രയത്നം നടത്തി. ഈ സംരംഭത്തില് നിരവധി ജൂതരെ കൂട്ടക്കൊല ചെയ്യേണ്ടിവന്നു. ഈ കൂട്ടക്കൊലയാണ് മക്കാബിയന്ലഹള(Maccabaen revolt)യ്ക്ക് കാരണമായത്. 163-ല് പേര്ഷ്യന് ആക്രമണത്തിന് തയ്യാറെടുത്തുകൊണ്ടിരിക്കുമ്പോള് ഇദ്ദേഹം നിര്യാതനായി.<br />
<br />
അന്ത്യോക്കസ് IV-ാമന്റെ മകനായ അന്ത്യോക്കസ് V അന്ത്യോക്കസ്യുപേറ്റര് എന്ന പേരില് ബി.സി. 163 മുതല് 162 വരെ സെലൂസിദ് രാജ്യം ഭരിച്ചു. ഇദ്ദേഹത്തെ തുടര്ന്ന് അന്ത്യോക്കസ് VI-ാ മന് 145 മുതല് 142 വരെ നാടു ഭരിച്ചു. അന്ത്യോക്കസ് എപ്പിഫെനസ്ഡയോണിസസ് എന്നാണ് യഥാര്ഥനാമം. അനന്തരം അന്ത്യോക്കസ് VII-ാമന് 138 മുതല് 129 വരെ സെല്യൂസിദ് രാജ്യം ഭരിച്ചു. ബി.സി. 133-ല് ജറുസലം തീവച്ചു നശിപ്പിച്ചത് ഇദ്ദേഹമാണ്. 123 മുതല് 121 വരെ മാതാവായ ക്ളിയോപാട്രയുടെ സഹായത്തോടെ അന്ത്യോക്കസ് VIII-ാമന് സെലൂസിദ് രാജ്യം ഭരിച്ചു. 121 മുതല് 115 വരെ ഇദ്ദേഹം, സ്വതന്ത്രമായി രാജ്യഭരണം നടത്തി. അന്ത്യോക്കസ് IX-ാമന് 95-ല് അന്തരിച്ചു. 95 മുതല് 93 വരെ രണ്ടുവര്ഷം അന്ത്യോക്കസ് X-ാമന് ഭരിക്കാന് കഴിഞ്ഞു. എന്നാല് അന്ത്യോക്കസ് VIII-ാമന്റെ മകനായ അന്ത്യോക്കസ് XI-ാമന് കുറച്ചു ദിവസം മാത്രമേ ഭരിക്കാന് കഴിഞ്ഞുള്ളു. ഇദ്ദേഹത്തിന്റെ സഹോദരനായിരുന്നു അന്ത്യോക്കസ് XII. അന്ത്യോക്കസ് X-ാമന്റെ മകനായ അന്ത്യോക്കസ് XIII-ാമന് 69-ല് രാജാവായി. പോംപി 65-ല് ഇദ്ദേഹത്തെ തോല്പിച്ചു വധിച്ചു. ഇതോടുകൂടി സെലൂസിദ് വംശവും അവസാനിച്ചു. നോ: സെലൂസിദ് വംശം</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%81%E0%B4%B7%E0%B5%8D%E0%B4%AA%E0%B4%BF%E0%B4%95%E0%B4%B3%E0%B5%8D%E2%80%8Dഅപുഷ്പികള്2008-02-26T11:20:11Z<p>116.68.64.48: </p>
<hr />
<div>= അപുഷ്പികള് =<br />
Cryptogams<br />
<br />
പുഷ്പിക്കാത്ത ചെടികള്. ഇവയെ മൊത്തത്തില് ക്രിപ്റ്റഗംസ് (Cryptogams) എന്ന സസ്യവിഭാഗത്തില് ഉള്പ്പെടുത്തിയിരിക്കുന്നു. ക്രിപ്റ്റഗംസ് എന്ന പേര് 'ഒളിച്ചിരിക്കുന്ന' എന്ന അര്ഥമുള്ള 'ക്രിപ്റ്റോസ്' എന്ന ഗ്രീക്കുപദത്തില് നിന്നും ഉദ്ഭവിച്ചതാണ്. സൂക്ഷ്മദര്ശിനിയുടെ ആവിര്ഭാവത്തിനുമുന്പ് അപുഷ്പികളായ ഈ സസ്യങ്ങളുടെ പ്രത്യുത്പാദനരീതി അജ്ഞാതമായിരുന്നു എന്നതാണ് ഈ നാമകരണത്തിനു കാരണം.<br />
<br />
അപുഷ്പികള് സാധാരണയായി ചെറുതും അവയുടെ ശരീരഘടന വളരെ ലളിതവുമാണ്. നനവുള്ളിടത്തു വളരുന്ന പായലും, പാറപ്പുറത്തും മറ്റും പറ്റമായി വളരുന്ന റിക്സിയ തുടങ്ങിയ ബ്രയോഫൈറ്റുകളും, ആറ്റുവക്കിലെ പന്നലുകളും എല്ലാം ഈ വിഭാഗത്തില്പ്പെട്ടവയാണ്. യാഥാസ്ഥിതികരായ സസ്യവിജ്ഞാനികളുടെ സിദ്ധാന്തപ്രകാരം അപുഷ്പിസസ്യങ്ങളെ താലോഫൈറ്റ, ബ്രയോഫൈറ്റ, ടെറിഡോഫൈറ്റ എന്ന് മൂന്നായി വിഭജിച്ചിരിക്കുന്നു.<br />
<br />
ഈ വര്ഗീകരണരീതിക്ക് ജാതിവൃത്തീയമായ അതിന്റെ ദൌര്ബല്യങ്ങള് വ്യക്തമായപ്പോള് ചില ഭേദഗതികള് നിര്ദേശിക്കപ്പെട്ടു. ടിപ്പോ (1942) സസ്യജാലത്തെ താലോഫൈറ്റ, എംബ്രിയോഫൈറ്റ എന്നീ രണ്ട് ഉപമണ്ഡലങ്ങളിലായി 12 ഡിവിഷനുകളായി തരംതിരിച്ചു. താലോഫൈറ്റയില് ക്ളോറോഫൈറ്റ, സയനോഫൈറ്റ, യുഗ്ളിനോഫൈറ്റ, ക്രൈസോഫൈറ്റ, പൈറോഫൈറ്റ, ഫേയോഫൈറ്റ, റോഡോഫൈറ്റ, ഷൈഡോഫൈറ്റ, മിക്സോഫൈറ്റ, യൂമൈക്കോഫൈറ്റ എന്നിങ്ങനെ പത്തു ഡിവിഷനുകളും, എംബ്രിയോഫൈറ്റയില് ബ്രയോഫൈറ്റ, ട്രക്കിയോഫൈറ്റ എന്നിങ്ങനെ രണ്ടു ഡിവിഷനുകളും ഉണ്ട്. എന്നാല് ബോള്ഡ് (1956) സസ്യലോകത്തെ സയനോഫൈറ്റ, ക്ളോറോഫൈറ്റ, യൂഗ്ളിനോഫൈറ്റ, കാരോഫൈറ്റ, ഫേയോഫൈറ്റ, റോഡോഫൈറ്റ, ക്രൈസോഫൈറ്റ, പൈറോഫൈറ്റ, ഷൈസോഫൈറ്റ, മിക്സോമൈക്കോട്ട, ഫൈക്കോമൈക്കോട്ട, ആസ്കോമൈക്കോട്ട, ബേസീഡിയോമൈക്കോട്ട, ഹെപ്പാറ്റോഫൈറ്റ, ബ്രയോഫൈറ്റ, സൈലോഫൈറ്റ, മൈക്രോഫൈലോഫൈറ്റ, ആര്ത്രോഫൈറ്റ, ടിറേഫൈറ്റ, സൈക്കഡോഫൈറ്റ, ജിന്കോഫൈറ്റ, കോണിഫറോഫൈറ്റ, നിറ്റേലിസ്, ആന്തോഫൈറ്റ എന്നിങ്ങനെ 24 ഡിവിഷനുകളായി തിരിച്ചു. ഇവയില് ആദ്യത്തെ 19 ഡിവിഷനുകള് അപുഷ്പികളില്പ്പെടുന്നു.<br />
<br />
ആല്ഗകളും ഫംഗസും അടങ്ങിയ താലോഫൈറ്റ വിഭാഗത്തിലുള്ള സസ്യങ്ങള് സൂക്ഷ്മവും ലളിതവുമായ ശരീരഘടനയോടുകൂടിയവയാണ്. പരന്ന് തട്ടുപോലെ വളരുന്നതാണ് ഇതിന്റെ പ്രധാന ശരീരഭാഗം. നീര്ച്ചാലുകളുടെ വശങ്ങളിലെ നനഞ്ഞ മണ്ണില് ഇവ ധാരാളമായി കാണാം. ചില സ്പീഷീസ് പാറപ്പുറത്തും വളരാറുണ്ട്. ടെറിഡോഫൈറ്റ വിഭാഗത്തില്പ്പെട്ടവ ശരീരഘടനയില് കുറച്ചുകൂടി സങ്കീര്ണമാണ്; ഈ ചെടികള്ക്ക് യഥാര്ഥത്തിലുള്ള വേരും തണ്ടും ഇലകളും ഉണ്ടെന്നതാണ് മറ്റൊരു വ്യത്യാസം. ഈ വിഭാഗങ്ങള് തമ്മില് ഘടനയിലും ജീവിതരീതിയിലും വളരെയേറെ വ്യത്യാസമുള്ളതുകൊണ്ട് അവ ഓരോന്നിനേയും പ്രത്യേകം വിവരിക്കേണ്ടിയിരിക്കുന്നു.<br />
<br />
<br />
'''ആല്ഗകള്''' (Algae). പരിണാമസിദ്ധാന്തപ്രകാരം സസ്യജാലത്തിന്റെ ഉത്പത്തി ആല്ഗകളില് കൂടിയാണെന്നാണ് ഊഹിക്കപ്പെടുന്നത്. മഴക്കാലത്ത് ചെറുകുളങ്ങളില് കാണാറുള്ള പച്ചനിറത്തിലുള്ള അതിസൂക്ഷ്മങ്ങളായ ക്ളാമിഡോമോണാസ് തുടങ്ങി സമുദ്രത്തിനടിയില് 12-15 മീ. ഉയരത്തില് വളരുന്ന ഭീമാകാരങ്ങളായ കെല്പ്സ് വരെയുള്ള ചെടികളും ആല്ഗകളില് ഉള്പ്പെടുന്നു. സാധാരണ എല്ലാ സാഹചര്യങ്ങളിലും ആല്ഗകള് വളരുന്നുണ്ട്. സമുദ്ര ജലപ്പരപ്പിന്റെ ഉപരിതലത്തില് സൂക്ഷ്മങ്ങളായ ധാരാളം ആല്ഗകളുണ്ട്. അതുപോലെതന്നെ കടല്ത്തീരങ്ങളില് വേലിയേറ്റനിര തുടങ്ങി ഒമ്പതു മീറ്ററോ അതിലധികമോ ആഴം വരെയും വളരെയേറെ ആല്ഗകളുണ്ട്. ശുദ്ധജലാശയങ്ങളിലും മലിനജലത്തിലും ആല്ഗകള് സുലഭമാണ്. ചുരുക്കം ചിലത് ചൂടുറവയില് മാത്രമേ വളരാറുള്ളൂ. അതുപോലെതന്നെ ചിലത് മണ്ണിലും ചിലവ മറ്റു ജീവികളുടെ ശരീരത്തിലും വസിക്കുന്നു.<br />
<br />
വലുപ്പത്തിലുള്ള വൈരുധ്യം പോലെ തന്നെ ആകൃതി-പ്രകൃതികളിലും ആല്ഗകള് വളരെ വ്യത്യസ്തങ്ങളാണ്. ഏകകോശ ആല്ഗകള് മിക്കവാറും ഭംഗിയുള്ളതും വൈവിധ്യം നിറഞ്ഞതുമായ ചില ചെറിയ മുഴകള്കൊണ്ടോ ചെറിയ നാരുപോലുള്ള സീലിയകള് (Cilia) കൊണ്ടോ അലംകൃതമായിരിക്കും. വെള്ളത്തില് സഞ്ചരിക്കുന്നതിന് ഈ സിലിയകള് വളരെയേറെ സഹായിക്കുന്നുണ്ട്. വലിയ ആല്ഗകളില് പലതും 'തടി', 'ഇല' മുതലായ അവയവഭാഗങ്ങളോടുകൂടിയവയോ, നീണ്ട് കുഴല്പോലെ തോന്നിക്കുന്നവയോ, പരന്ന് ഇലകളെപ്പോലെ ഇരിക്കുന്നവയോ ആയിരിക്കും. കടല്ത്തീരങ്ങളില് സാധാരണ കണ്ടുവരാറുള്ള സര്ഗാസം (Sargassum) സാധാരണ അപുഷ്പിസസ്യത്തിന്റെ ആകാരം പ്രകടമാക്കുന്നു.<br />
<br />
നിറത്തെ അടിസ്ഥാനമാക്കി ആല്ഗകളെ ഏഴു ഡിവിഷനുകളായി വിഭജിച്ചിരിക്കുന്നു. അവയില് അതിപ്രധാനമായ നാലെണ്ണം സയനോഫൈറ്റ, ക്ളോറോഫൈറ്റ, ഫേയോഫൈറ്റ, റോഡോഫൈറ്റ എന്നിവയാണ്. യൂഗ്ളിനോഫൈറ്റ, ക്രൈസോഫൈറ്റ, പൈറോഫൈറ്റ ഇവയാണ് ബാക്കിയുള്ളവ. ഈ മൂന്നു ഡിവിഷനില്പെട്ട എല്ലാ സ്പീഷീസും ഏകകോശനിര്മിതങ്ങളാണ്. സാധാരണ ജലാശയങ്ങളുടെ മുകള്പ്പരപ്പില് ഒഴുകിനടക്കുന്ന പ്ളവകങ്ങള് (planktons) പോലെയുള്ളവയാണ് ഇതിലധികവും. നോ: ആല്ഗകള്<br />
<br />
<br />
'''ഫംഗസുകള്''' (Fungi). ഏകദേശം നാല്പതിനായിരത്തോളം സ്പീഷീസുള്പ്പെടുന്ന വലിയ വിഭാഗമാണ് ഇത്. സസ്യരോഗഹേതുക്കളായിട്ടാണ് ഇവ കൂടുതല് അറിയപ്പെടുന്നത്. ഭക്ഷണപദാര്ഥങ്ങള്, ഔഷധങ്ങള്, പല വ്യവസായ പ്രവര്ത്തനങ്ങളുടേയും കാരകങ്ങള് എന്നീ നിലയിലും ഫംഗസുകള് സുപ്രധാനങ്ങളാണ്. സൂക്ഷിച്ചു വയ്ക്കുന്ന ഭക്ഷണ പദാര്ഥങ്ങള് പലപ്പോഴും ഫംഗസിന്റെ ആക്രമണം കൊണ്ട് ചീത്തയായിപ്പോകാറുണ്ട്.<br />
<br />
<br />
ആല്ഗകളെപ്പോലെ ഫംഗസുകളും താലോഫൈറ്റ വിഭാഗത്തില്പ്പെട്ടവയാണ്. ഹരിതകത്തിന്റെ അഭാവം ശരീരഘടനയുടെ ലാളിത്യം എന്നീ രണ്ടു പ്രത്യേക സ്വഭാവങ്ങളാണ് അവയെ വേര്തിരിക്കുന്നത്. ഹൈഫ എന്നറിയപ്പെടുന്ന ഫംഗസ് നാരുകള് കൂടിച്ചേര്ന്നുണ്ടാകുന്ന മൈസീലിയം ആണ് മിക്കതിന്റേയും ശരീരഭാഗം. ഹൈഫയിലെ കോശങ്ങളില് ഒന്നോ അതിലധികമോ കോശകേന്ദ്രങ്ങള് ഉണ്ടായിരിക്കും. ജലത്തിലും മണ്ണിലും തടിയിലും എന്നുവേണ്ട എവിടെയും ഫംഗസുകള് കാണാം. ഉഷ്ണമേഖലയിലെ നീരാവിനിറഞ്ഞ കാലാവസ്ഥ ഇതിന് ഏറ്റവും അനുയോജ്യമായതുകൊണ്ട് ഭൂരിഭാഗവും ഇവിടെയാണ് കാണാറുള്ളത്. ഹരിതകം ഇല്ലാത്തതിനാല് പ്രകാശസംശ്ളേഷണം (Photosynthesis) വഴി ആഹാരം നിര്മിക്കുവാന് സാധ്യമല്ല. തന്നിമിത്തം ഫംഗസുകള്ക്ക് ആഹാരത്തിനുവേണ്ടി മററു ജീവികളെയോ അവയുടെ അവശിഷ്ടങ്ങളെയോ ആശ്രയിക്കേണ്ടിവരുന്നു. ജീവികളെ ആക്രമിക്കുന്ന ഫംഗസുകള് പരജീവികളെന്നും, ജീവനില്ലാത്തവയെ ആക്രമിക്കുന്നവ മൃതോപജീവികളെന്നും (Saprophytes) അറിയപ്പെടുന്നു. ഒരുവിധത്തില് ഹരിതനിറത്തിന്റെ അഭാവം ഒഴിച്ചാല് ശരീരഘടനയില് ഫംഗസുകള് ആല്ഗകളെ അനുകരിക്കുന്നുവെന്നു പറയാം. നോ: കുമിളുകള്<br />
<br />
'''ബാക്റ്റീരിയ'''. സാമ്പത്തികമായി വളരെയേറെ പ്രാധാന്യമര്ഹിക്കുന്ന ഏകകോശജീവികളുടെ സമൂഹമാണ് ബാക്റ്റീരിയ. ഇവയില് ചിലത് മഹാവ്യാധികള് ഉണ്ടാക്കുന്നതുപോലെ മറ്റു ചിലത് മനുഷ്യനും മറ്റു ജീവികള്ക്കും വളരെ ഉപകാരപ്രദവുമാണ്. ചിലതിന്റെ സാന്നിധ്യം കൂടാതെ മറ്റു ജീവികള്ക്ക് ജീവിതം സാധ്യമാകുകതന്നെയില്ല. അതിസൂക്ഷ്മങ്ങളായ ഈ ജീവികള്ക്ക് സാധാരണ മൂന്നോ നാലോ മൈക്രോണുകളില് താഴെമാത്രമേ വലുപ്പമുള്ളൂ.<br />
<br />
ശരീരഘടനയനുസരിച്ച് ബാക്റ്റീരിയകളെ കോക്കസ് (ഗോളാകൃതി), ബാസിലസ് (ദണ്ഡാകൃതി), സ്പൈറല് (ചുരുളാകൃതി) എന്നിങ്ങനെ മൂന്നായി തരംതിരിക്കാം. ചില ബാക്റ്റീരിയകള്ക്ക് ഹരിതവര്ണം ഇല്ലെങ്കിലും ജൈവധാതുക്കള് മാത്രമുള്ള ഒരു ആധാരവസ്തുവില് ജീവിക്കുവാന് സാധിക്കും. അജൈവധാതുക്കള് രാസസംശ്ളേഷണം ഉപയോഗിച്ച് അവയെ പല ഘടകങ്ങളായി തിരിച്ച് അതില് നിന്നും ലഭിക്കുന്ന ഊര്ജം ഉപയോഗിക്കുന്നു. മിക്ക ബാക്റ്റീരിയകളിലും അമിനോ അമ്ളങ്ങളും ജീവകങ്ങളും ഉത്പാദിപ്പിക്കാനാവശ്യമായ എന്സൈമുകളുണ്ട്.<br />
<br />
പ്രത്യുത്പാദനം സാധാരണ മുറിഞ്ഞുമാറല്-രണ്ടായി വിഭജിക്കപ്പെടുന്ന രീതി-വഴിയാണ്. ചിലപ്പോള് 20-30 മിനിറ്റിനകംഇവ വിച്ഛേദനം പൂര്ത്തിയാക്കും. ലൈംഗിക പ്രത്യുത്പാദനവും നടക്കാറുണ്ട്.<br />
<br />
'''ബ്രയോഫൈറ്റ.''' സസ്യജാലത്തിലെ ബ്രയോഫൈറ്റ ഉപവിഭാഗം സാധാരണ ഈര്പ്പമുള്ള ചോലപ്രദേശത്തെ നനവുള്ള മണ്ണിലും പാറപ്പുറങ്ങളിലുമാണ് കാണപ്പെടുന്നത്. വരണ്ട പാറപ്പുറത്തും വെള്ളത്തിനടിയിലും മരങ്ങളിലും ഇലകളിലും ഇവയെ കണ്ടുവരുന്നു. ഹിപ്പാറ്റിക്കേ (Hepaticae), മസൈ (Musci) എന്ന രണ്ട് ഉപവിഭാഗങ്ങളിലായി ഏകദേശം 20,000 സ്പീഷീസ് ഇതില് ഉള്പ്പെടുന്നു.<br />
<br />
ബ്രയോഫൈറ്റുകള്ക്ക് വളരെ ലളിതമായ ശരീരഘടനയാണ്. റൈസോയ്ഡുകള് എന്ന ലഘുമൂലസദൃശങ്ങളായ ഏകകോശീയമോ ബഹുകോശീയമോ ആയ നാരുകളാണ് ഇവയെ മണ്ണില് ഉറപ്പിക്കുന്നതും ആഹാരം വലിച്ചെടുക്കാന് സഹായിക്കുന്നതും. ബാഹ്യശരീരഘടനയില് രണ്ട് ഉപവിഭാഗങ്ങളും വ്യത്യസ്തങ്ങളാണ്. ഹിപ്പാറ്റിക്കേയിലെ മിക്ക ചെടികളും പരന്ന് നാക്കുരൂപത്തിലായിരിക്കും. അതുകൊണ്ട് അവയെ 'ലിവര്വര്ട്ടുകള്' എന്നുകൂടി വിളിക്കാറുണ്ട്. പല സ്പീഷീസും ശരീരത്തിന്റെ മധ്യഭാഗം തടിച്ച കമ്പുപോലെയും ഇരുവശങ്ങളും ഇലകള് പോലെയും ആയിരിക്കും. അങ്കണങ്ങളില് കാണാറുള്ള റിക്സിയ ഈ വര്ഗത്തില്പെട്ടതാണ്.<br />
<br />
ചുവരുകളിലും മറ്റും സാധാരണ കണ്ടുവരാറുള്ള പൂപ്പലുകളാണ് മോസ് എന്ന രണ്ടാമത്തെ ഉപവിഭാഗം. പ്രഥമ ദൃഷ്ടിയില് ഇവയ്ക്ക് അപുഷ്പിസസ്യങ്ങളുമായി വളരെ സാദൃശ്യമുണ്ട്. റൈസോയിഡുകളാല് മണ്ണിലുറപ്പിക്കപ്പെട്ട തടിപോലുള്ള അവയവത്തിനു ചുറ്റും ധാരാളം ഇലകള് സര്പ്പില (spiral) രൂപത്തില് അടുക്കിയിട്ടുണ്ട്. എല്ലാംകൂടി 5 സെ.മീ.-ല് കൂടുതല് ഉയരം ഉണ്ടാകാറില്ല. ബാഹ്യഘടന സങ്കീര്ണമായിരുന്നാലും, അതിന്റെ അന്തര്ഘടന വളരെ ലളിതമായിരിക്കും.<br />
<br />
<br />
പ്രത്യുത്പാദനാവയവങ്ങള് വളരെ വികസിതമാണ്. മിക്കവാറും ഗദയുടെ ആകൃതിയിലുള്ള പുരുഷലൈംഗികാവയവം ആന്തറിഡിയം എന്നാണ് അറിയപ്പെടുന്നത്. ഇവയില് സീലിയകളോടുകൂടിയ ധാരാളം പുരുഷബീജങ്ങള് ഉത്പാദിപ്പിക്കപ്പെടുന്നു. സ്ത്രീലൈംഗികാവയവമായ ആര്ക്കിഗോണിയം ഫ്ളാസ്ക്കിന്റെ ആകൃതിയിലാണ്. ലൈംഗികസംയോഗത്തില്നിന്നും ഉണ്ടാകുന്ന യുഗ്മകം (zygote) സ്പോറോഫൈറ്റ് എന്നറിയപ്പെടുന്ന ഒരു പ്രത്യേകതരം സസ്യത്തെ ഉത്പാദിപ്പിക്കുന്നു. ഇവയില്നിന്നാണ് സ്പോറു(spore)കള് ഉണ്ടാകുന്നത്. ഈ സ്പോറുകള് മുളച്ച് വീണ്ടും സാധാരണ രീതിയിലുള്ള മോസുകള് ഉണ്ടാകുന്നു. ഇങ്ങനെ രണ്ടു തലമുറകള് ഒന്നിനു പുറകേ ഒന്നായി ഉണ്ടായെങ്കില് മാത്രമേ ഇവയുടെ ജീവനചക്രം പൂര്ത്തിയാകുകയുള്ളു. ഈ പ്രതിഭാസത്തിനാണ് തലമുറകളുടെ ഏകാന്തരണം (Alternation of generations) എന്നു പറയുന്നത്.<br />
<br />
ആന്തോസിറോസ് എന്ന ബ്രയോഫൈറ്റ പരിണാമശൃംഖലയിലെ അതിപ്രധാനമായ ഒരു കണ്ണിയാണ്. കുളക്കരയിലും മറ്റും ചിലപ്പോള് പരന്നു പച്ച നിറത്തിലുള്ള തകിടുപോലെ ഇവ പ്രത്യക്ഷപ്പെടാറുണ്ട്. ഇതിന്റെ മുകള്പ്പരപ്പില്നിന്നും സൂചിപോലുള്ള ചില അവയവങ്ങള് മേല്പോട്ടുയര്ന്നു നില്ക്കുന്നതു കാണാം. ഇവ ആന്തോസിറോസിന്റെ സ്പോറോഫൈറ്റുകള് ആണ്.<br />
<br />
<br />
ബ്രയോഫൈറ്റുകളുടെ പ്രധാന തലമുറ ഗാമറ്റോഫൈറ്റും പരിണാമത്തിലെ അടുത്ത പടിയായ ടെറിഡോഫൈറ്റയിലെ പ്രധാന തലമുറ സ്പോറോഫൈറ്റും ആണ്. ഗാമറ്റോഫൈറ്റില്നിന്നും സ്പോറോഫൈറ്റിലേക്കുള്ള ഈ വ്യതിയാനം ആന്തോസിറോസില്കൂടിയാണ് നടന്നതെന്ന് വിശ്വസിക്കപ്പെടുന്നു. ആദ്യത്തെ സസ്യജീവികള് ജലജീവികളായിരിക്കണം. ഒടുവില് മാത്രമാണ് അവ കരയിലേക്കു കുടിയേറിപ്പാര്ത്തത്. ഈ കുടിയേറ്റത്തിനിടയ്ക്ക് കരയില് ജീവിക്കാന് ഏറ്റവും സൌകര്യപ്രദമായ സ്പോറോഫൈറ്റ് തലമുറയിലേക്ക് ഇവ കടന്നതായിരിക്കണം. ജന്തുക്കളില് ഈ കുടിയേറ്റം അംഫീബിയയില്കൂടി നടന്നതുപോലെ സസ്യജാലത്തില് അത് ബ്രയോഫൈറ്റയില്, പ്രത്യേകിച്ച് ആന്തോസിറോസില് കൂടിയാണ് സഫലമായതെന്ന് കരുതപ്പെടുന്നു. ഇതിന്റെ സ്പോറോഫൈറ്റിന് മറ്റു സ്പോറോഫൈറ്റയിലെങ്ങും കാണാത്തതും ഉപരിസസ്യവര്ഗങ്ങളില് കാണാറുള്ളതുമായ മെരിസ്റ്റം എന്ന സസ്യവളര്ച്ചയ്ക്കാധാരമായ ഒരു ഭാഗമുണ്ട്. ഒരു വ്യത്യാസമേയുള്ളു-അവയവങ്ങളുടെ അഗ്രത്തില് വേണ്ടതിനുപകരം അതിന്റെ അടിഭാഗത്താണ് മെരിസ്റ്റം സ്ഥിതിചെയ്യുന്നത്. ബ്രിട്ടിഷ് ശാസ്ത്രജ്ഞനായ ബവറിന്റെ അഭിപ്രായത്തില് സൈലോട്ടത്തെപ്പോലുള്ള ഒരു സസ്യം ഇതില്നിന്നുമാണുദ്ഭവിച്ചത്. ആന്തോസിറോസില്നിന്നോ അഥവാ അതിന്റെ പൂര്വജരില്നിന്നോ ഇന്നത്തെ കരസസ്യങ്ങളുടെ മുന്നോടിയായ സൈലോഫൈറ്റ വിഭാഗത്തില്പ്പെട്ട സസ്യങ്ങള് ഉദ്ഭവിച്ചു എന്നാണ് കരുതപ്പെടുന്നത്.<br />
<br />
'''ടെറിഡോഫൈറ്റ.''' ആറ്റിന്തീരങ്ങളിലും കുളക്കരകളിലും മറ്റും സാധാരണ കണ്ടുവരാറുള്ള പന്നലുകള് ടെറിഡോഫൈറ്റയില്പ്പെട്ടവയാണ്. ഏകദേശം 4,500 സ്പീഷിസുള്ള ഈ വിഭാഗത്തില്പ്പെട്ട ചെടികളെല്ലാംതന്നെ വലുപ്പത്തില് അത്ര പ്രാധാന്യമര്ഹിക്കുന്നവയല്ല. എന്നാല് പുരാതന യുഗങ്ങളില് ഇവയുടെ ഭീമാകാര പൂര്വികര് വളരെ വ്യാപകമായി കാണപ്പെട്ടിരുന്നു.<br />
<br />
<br />
ഭൂഗോളത്തിന്റെ മിക്ക ഭാഗങ്ങളിലും പന്നലുകള് കാണാം. ഉഷ്ണമേഖലയിലാണ് സാധാരണ കാണാറുള്ളതെങ്കിലും മറ്റു മേഖലകളിലും അവ ദുര്ലഭമല്ല. അവയില് ഏറ്റവും വലുതായ വൃക്ഷപ്പന്നലുകള് (Tree ferns) ചെറിയ തെങ്ങുപോലെ, ശിഖരരഹിതമായ അഗ്രഭാഗത്ത് ഒരുപറ്റം ഇലകളോടുകൂടി വളരുന്നു. ഇവ ഏകദേശം 15 മീ. ഉയരത്തില് എത്താറുണ്ട്. എന്നാല് മിക്ക പന്നലുകളുടെയും കാണ്ഡം വളരെ ചെറുതാണ്; പലതിന്റേയും കാണ്ഡം മണ്ണിനടിയില് കിഴങ്ങുപോലെ വളരുകയും അതില്നിന്നും വളരുന്ന മൂലങ്ങള് ചെടിയെ മണ്ണില് ഉറപ്പിക്കുകയും ചെയ്യുന്നു. തളിരിലകളുടെ അഗ്രങ്ങള് തേരട്ടപോലെ ചുരുണ്ടിരിക്കും. ഇലകളുടെ അധോഭാഗത്തായി ധാരാളം പുള്ളികള് കാണാറുണ്ട്. ഈ പുള്ളികളാണ് സോറസുകള് എന്നറിയപ്പെടുന്ന സ്പൊറാഞ്ചിയ സമൂഹങ്ങള്. ഓരോ സോറസിലും ധാരാളം സ്പൊറാഞ്ചിയകള് ഉണ്ടായിരിക്കും. പല പന്നലുകളിലും അവ ഇന്ഡൂസിയം എന്നറിയപ്പെടുന്ന ഒരാവരണം കൊണ്ട് മൂടപ്പെട്ടിരിക്കുന്നു. ഓരോ സ്പൊറാഞ്ചിയത്തിനും ഒരു നീളമുള്ള തണ്ടും അതിന്റെ അറ്റത്ത് ഗോളാകൃതിയായ ഒരു സഞ്ചിയും അതിനുള്ളില് സ്പോറുകളുമുണ്ട്. ഒരു പ്രത്യേക സംവിധാനംകൊണ്ട് സ്പൊറാഞ്ചിയം പൊട്ടുകയും അതിലെ സ്പോറുകള് സ്വതന്ത്രമാക്കപ്പെടുകയും ചെയ്യുന്നു. ഈര്പ്പമുള്ള സ്ഥലത്തു വീണാല് ഓരോ സ്പോറും മുളച്ച്് ഹൃദയാകാരവും ഏകദേശം അര സെ.മീ. വലുപ്പവും ഉള്ള പ്രോത്താലസ് എന്ന ഗാമറ്റോഫൈറ്റ് തലമുറയായി വളരുന്നു. ഈ പ്രോത്താലസ് പ്രത്യുത്പാദനാവയവങ്ങള് മാത്രമേ ഉത്പാദിപ്പിക്കുകയുള്ളു. ഓരോന്നിലും ആന്തറിഡിയവും ആര്ക്കിഗോണിയവും ഉണ്ടാകുന്നു. സാധാരണഗതിയില് മധ്യത്തില് ആര്ക്കിഗോണിയവും അതിനു ചുറ്റുമായി ആന്തറിഡിയവും ആയിരിക്കും. ഓരോ ആന്തറിഡിയവും ധാരാളം ദ്വിസീലിയാവാഹികളായ പുരുഷബീജങ്ങള് ഉത്പാദിപ്പിക്കുകയും, പൂര്ണ വളര്ച്ചയെത്തുമ്പോള് പുറത്തേയ്ക്കു വിടുകയും ചെയ്യുന്നു. ഓരോ ആര്ക്കിഗോണിയത്തിലും ഒരു സ്ത്രീബീജം മാത്രമേയുള്ളൂ. ആര്ക്കിഗോണിയത്തിന്റെ ഗളത്തിനുള്ളിലെ ഗളനാളകോശങ്ങള് (neckcanal cells) വിഘടിച്ചു നശിച്ച് (disintegration) ഉണ്ടാകുന്ന ദ്വാരത്തില്ക്കൂടി ഒരു പുരുഷബീജം ആര്ക്കിഗോണിയത്തിന്റെ അടിഭാഗത്തു പ്രവേശിക്കുകയും അവിടെവച്ച് സ്ത്രീബീജവുമായി സംയോജിച്ച് യുഗ്മകം ഉത്പാദിപ്പിക്കുകയും ചെയ്യുന്നു. സംയോഗത്തില്നിന്നും ഉദ്ഭവിക്കുന്ന യുഗ്മകത്തില്നിന്ന് സ്പോറോഫൈറ്റായ പന്നല്ച്ചെടി വീണ്ടും ഉണ്ടാകുന്നു.<br />
<br />
<br />
ചിലയിനം പന്നലുകളില് രണ്ടുതരം സ്പോറുകള് ഉണ്ടാകാറുണ്ട്. മൈക്രോസ്പോര് എന്നും മെഗാസ്പോര് എന്നും അറിയപ്പെടുന്ന ഈ രണ്ടിനം സ്പോറുകളുടേയും തുടര്ന്നുള്ള പരിണാമത്തിന്റെ ഫലമാണ് സപുഷ്പി സസ്യങ്ങളിലെ ബീജാണ്ഡം (ovule), പരാഗം (pollen) എന്നിവ. പരിണാമത്തിന്റെ അന്തിമദശയാണ് ഇന്നത്തെ ബീജാണ്ഡം പ്രകടമാക്കുന്നത്.<br />
<br />
<br />
ഇന്നത്തെ പന്നല് വര്ഗത്തില്പ്പെട്ട ചെടികള് സാമ്പത്തികമായി വളരെ അപ്രധാനങ്ങളാണെങ്കിലും പാലിയോസോയിക് കല്പത്തിലെ കാര്ബോണിഫറസ് യുഗത്തില് ജീവിച്ചിരുന്നവ വളരെ പ്രാധാന്യം അര്ഹിക്കുന്നുണ്ട്. ഇന്ന് വ്യവസായത്തെ സാരമായി സഹായിക്കുന്ന കല്ക്കരിയുടെ ഉറവിടം പണ്ടത്തെ പന്നല്വര്ഗങ്ങളിലെ ഭീമാകാരങ്ങളായ ചെടികളാണ്. കാര്ബോണിഫറസ് യുഗത്തില് അപ്രതീക്ഷിതമായ ഭൂചലനങ്ങളില്പ്പെട്ട് ധാരാളം വനങ്ങള് മണ്ണിനടിയിലാകുകയും സാവധാനത്തില് അഴുകുകയും ചെയ്തു. വായുവിന്റെ അഭാവത്തില് നടന്ന ഈ അഴുകല് മുഖേന അവയിലെ സെല്ലുലോസ്, ലിഗ്നിന്, പ്രോട്ടീന് മുതലായവ പീറ്റ്ബോഗ് (peat bog) എന്ന വസ്തുവായി മാറി. കാലാന്തരത്തില് മുകളിലെ പാറകളുടെ സമ്മര്ദം, സാവധാനത്തിലുള്ള അവശിഷ്ട-അപഘടന കൊണ്ടുള്ള ചൂട് തുടങ്ങിയവ അവയെ കല്ക്കരിയായി രൂപാന്തരപ്പെടുത്തി. ധാതു എണ്ണകളും കല്ക്കരിപോലെതന്നെ പുരാസസ്യ മഹാകല്പങ്ങളിലെ സംഭാവനകളാണ്.<br />
<br />
<br />
(ഡോ. ജോസ് കെ. മംഗലി)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%BE%E0%B4%B5%E0%B4%B8%E0%B5%8D%E0%B4%A5%E0%B4%BE%E0%B4%B8%E0%B4%BF%E0%B4%A6%E0%B5%8D%E0%B4%A7%E0%B4%BE%E0%B4%A8%E0%B5%8D%E0%B4%A4%E0%B4%82അന്ത്യാവസ്ഥാസിദ്ധാന്തം2008-02-26T11:13:05Z<p>116.68.64.48: </p>
<hr />
<div>= അന്ത്യാവസ്ഥാസിദ്ധാന്തം =<br />
Eschatology<br />
<br />
മനുഷ്യന്, ചരിത്രം, പ്രപഞ്ചം എന്നിവയുടെ അന്ത്യത്തെപ്പറ്റി പ്രതിപാദിക്കുന്ന ദര്ശനശാഖ. എല്ലാ മതദര്ശനങ്ങള്ക്കും പ്രത്യേകം അന്ത്യാവസ്ഥാസിദ്ധാന്തങ്ങളുണ്ട്. ഇവയെ വ്യക്തികളുടെ അന്ത്യവും മരണാനന്തരസ്ഥിതിയും പ്രതിപാദിക്കുന്ന വ്യക്തിപരമായ സിദ്ധാന്തങ്ങളെന്നും മാനവരാശി, വിശ്വം എന്നിവയുടെ അന്ത്യത്തെ പരാമര്ശിക്കുന്ന സാര്വത്രിക സിദ്ധാന്തങ്ങളെന്നും തരംതിരിക്കാം. ആവര്ത്തിക്കപ്പെടുന്നതോ അല്ലാത്തതോ ആയി അന്ത്യത്തെ സങ്കല്പിക്കുന്നതനുസരിച്ച് നിത്യാന്ത്യാവസ്ഥാ സിദ്ധാന്തവും ചരിത്രാന്ത്യാവസ്ഥാസിദ്ധാന്തവും ഉണ്ട്.<br />
<br />
നരവംശശാസ്ത്രജ്ഞന്മാരുടെ അഭിപ്രായത്തില് എല്ലാ പ്രാകൃതവര്ഗക്കാരും മരണാനന്തര ജീവിതത്തില് വിശ്വസിക്കുന്നു. ഈ ജീവിതത്തോട് സദൃശവും ഭൂമിയിലെ ധാര്മികജീവിതത്തിന് അനുസൃതവുമായിരിക്കും മരണാനന്തരാവസ്ഥ. ഈ പ്രപഞ്ചം അവസാനിക്കുമെന്നും പുതിയൊരു പ്രപഞ്ചം ഉണ്ടാകുമെന്നും പല പ്രാകൃതവര്ഗക്കാരും വിശ്വസിക്കുന്നു. മരിച്ചവര് അബോധാവസ്ഥയില് 'അറാല്ലു' എന്ന സ്വപ്നലോകത്ത് കഴിയും എന്ന് മെസപ്പൊട്ടേമിയരും മരണശേഷം മനുഷ്യര് ഒസീരിസ്ദേവന്റെ മുന്പിലെത്തും എന്ന് ഈജിപ്തുകാരും വിശ്വസിച്ചിരുന്നു. നന്മ തിന്മകളുടെ അളവനുസരിച്ച് അവര്ക്ക് ശിക്ഷയോ സമ്മാനമോ ലഭിക്കുന്നു. ദുഷ്ടര് അഗ്നികുണ്ഡത്തിലെറിയപ്പെടുന്നു. സ്വര്ഗജീവിതം ഭൂമിയിലെ ജീവിതത്തോട് സദൃശമാണ്.<br />
<br />
'''ഗ്രീക്-റോമാസിദ്ധാന്തം.''' മരിച്ചവര്, ഹൈഡേസ് (hades) എന്ന മൃതരുടെ ലോകത്ത് കഴിയുന്നു. (പരലോകത്തിന്റെ ദേവതയുടെ പേരായിരുന്നു, ഹൈഡേസ് എന്നത്. പിന്നീട് അതു മൃതരുടെ ലോകത്തിന്റെ പേരായി മാറി.) ചില ധീരപുരുഷന്മാര് മാത്രം എലീസിയ (Elysia) എന്ന സ്വര്ഗത്തിലെത്തുന്നു. ദുഷ്ടര് ടാര്ടറസ് (Tartarus) എന്ന നരകത്തില് അടയ്ക്കപ്പെടുന്നു. ഓര്ഫിക്ക് (Orphic) വിശ്വാസപ്രകാരം മരണാനന്തരം വിധിയും ശിക്ഷാസമ്മാനങ്ങളും ഉണ്ട്. പ്ളേറ്റോയുടെ അഭിപ്രായത്തില് മരണാനന്തരം ആത്മാവ് ആയിരം വര്ഷത്തേക്ക് ശിക്ഷയ്ക്കോ സമ്മാനത്തിനോ വിധിക്കപ്പെടുന്നു. അതിനുശേഷം വീണ്ടുമൊരു ശരീരമെടുത്തേക്കാം. ചില ദുഷ്ടാത്മാക്കള് ഒരിക്കലും ശിക്ഷാവിമുക്തരാകുകയില്ല. മരണാനന്തരവിധിയും ശിക്ഷാസമ്മാനങ്ങളും സ്റ്റോയിക്ക് ചിന്തകരും അംഗീകരിക്കുന്നു. ശിക്ഷ ശുചീകരണാര്ഥമാണ്, എങ്കിലും ദുഷ്ടര് നശിക്കും. അവസാനം പ്രപഞ്ചം പൂര്വാഗ്നിയില് ലയിക്കും. കുറേ കഴിഞ്ഞ് മൂലകങ്ങള് മറ്റൊരു പ്രപഞ്ചത്തിന് രൂപംകൊടുക്കും എന്ന് അവര് വിശ്വസിച്ചു. റോമാക്കാര് ഗ്രീക്കുകാരുടെ അന്ത്യാവസ്ഥാസിദ്ധാന്തമാണ് മിക്കവാറും സ്വീകരിച്ചിരിക്കുന്നത്.<br />
<br />
'''പുരാതന ജര്മന് സിദ്ധാന്തം.''' മനുഷ്യര്ക്ക് അവരുടെ ധാര്മികജീവിതം അനുസരിച്ച് ശിക്ഷയും സമ്മാനങ്ങളും ലഭിക്കുന്നു. ദൈവദ്രോഹികള്, സ്വജനദ്രോഹികള്, വ്യഭിചാരികള് തുടങ്ങിയവര് കഠിനശിക്ഷയ്ക്ക് വിധേയരാകും. ലോകാവസാനത്തില് തിന്മയുടെ ശക്തി വര്ധിച്ചുവരും. അന്ത്യത്തിന് തൊട്ടുമുമ്പായി പ്രകൃതിക്ഷോഭങ്ങളുണ്ടാകും. ദുഷ്ടാത്മാക്കള് ദേവന്മാരോടു പൊരുതും. പല ദേവന്മാരും മരിച്ചുവീഴും. സൂര്യചന്ദ്രന്മാരും നക്ഷത്രങ്ങളും അപ്രത്യക്ഷമാകും. ഭൂമി സമുദ്രത്തിലേക്ക് ആണ്ടുപോകും. എന്നാല് തിരമാലകളില്നിന്നും പുതിയൊരു ഭൂമി ഉയര്ന്നുവരും. ദേവന്മാര് യൌവനം വീണ്ടെടുക്കും. ഉന്നതങ്ങളില്നിന്നു വരുന്ന ശക്തനായവന് അന്ത്യന്യായവിധി നടത്തും. സുകൃതികള്ക്ക് സമ്മാനവും ദുഷ്ടര്ക്ക് ശിക്ഷയും കൊടുക്കും എന്നെല്ലാം പുരാതന ജര്മന്കാര് വിശ്വസിച്ചിരുന്നു.<br />
<br />
'''ഹിന്ദുമതം.''' ഋഗ്വേദം അനുസരിച്ച് മരണശേഷം ആത്മാക്കള് യമലോകത്തെത്തുന്നു. മരണത്തോടുകൂടി വ്യക്തിത്വം നഷ്ടപ്പെടുന്നില്ല. മൃതനു സൂക്ഷ്മശരീരം ഉണ്ടായിരിക്കും. അയാള് യമസന്നിധിയില് ഭൌമജീവിതത്തോട് എല്ലാംകൊണ്ടും സദൃശമായ ജീവിതം നയിക്കും. ദുഷ്ടര് ഒരു അഗാധഗര്ത്തത്തിലടയ്ക്കപ്പെടും. ശതപഥബ്രാഹ്മണപ്രകാരം മരണാനന്തരം മനുഷ്യന് രണ്ടഗ്നികുണ്ഡങ്ങളുടെ മധ്യേകൂടി നടക്കണം. ദുഷ്ടരെ അഗ്നി ദഹിപ്പിക്കും. സുകൃതികള് നിരപായം സ്വര്ഗത്തിലെത്തും. ഉപനിഷത്തുകള് പുനര്ജന്മത്തിന് പ്രാധാന്യം കൊടുക്കുന്നു. യഥാര്ഥ ജ്ഞാനം സംസാരത്തില്നിന്ന് മോചനം നേടിത്തരുന്നു. മുജ്ജന്മ കര്മങ്ങള് അനുസരിച്ച് ഓരോരുത്തനും പുനര്ജന്മത്തില് വ്യത്യസ്ത ശരീരങ്ങള് സ്വീകരിക്കുന്നു. അനേക ജന്മങ്ങള്ക്കു ശേഷമായിരിക്കും ഒരാള്ക്ക് മുക്തി കൈവരിക.<br />
<br />
ആദ്യന്തരഹിതമായ പ്രപഞ്ചം നിരന്തര പരിണാമാവസ്ഥയിലാണ്. നാലു യുഗങ്ങള് ചേര്ന്ന ഹിരണ്യഗര്ഭന്റെ ഒരു ദിവസംകൊണ്ട് പ്രപഞ്ചം, സൃഷ്ടി-സ്ഥിതി-സംഹാരാവസ്ഥകളിലൂടെ കടന്നുപോകുന്നു. ഹിരണ്യഗര്ഭന്റെ നൂറുവര്ഷങ്ങള് കഴിയുമ്പോള് കല്പാന്തകാലവും അനേക കല്പങ്ങള്ക്കുശേഷം ആത്യന്തിക പ്രളയവും സംഭവിക്കുന്നു. ഈ പ്രക്രിയ തുടര്ന്നുപോകുന്നു. നോ: കര്മസിദ്ധാന്തം<br />
<br />
'''ബുദ്ധമതം.''' കര്മഫലമായി പുനര്ജന്മം ഉണ്ടാകുന്നു. മനുഷ്യന് മുജ്ജന്മകര്മമനുസരിച്ച് ദേവന്, മൃഗം, സസ്യം, പ്രേതം ഇവയിലൊന്നായി ജനിക്കും. പ്രേതങ്ങളെ ദാനധര്മാദികള് കൊണ്ട് മോചിപ്പിക്കാം. മൃഗങ്ങള്ക്ക് യോഗ്യതസമ്പാദനവും നിര്വാണവും സാധ്യമല്ല. വിവിധ സ്വര്ഗങ്ങള്, നരകങ്ങള് എന്നിവയെപ്പറ്റിയും അനന്തരകാലങ്ങളിലെ മതദാര്ശനികന്മാര് പഠിപ്പിക്കുന്നുണ്ട്. മഹായാനപ്രകാരം ബോധിസത്വന്റെ പ്രവര്ത്തനഫലമായി നരകവാസികള് രക്ഷപ്രാപിക്കും. ബുദ്ധമതദര്ശനം അനുസരിച്ച് പ്രപഞ്ചം നിരന്തര ചലനത്തിനും ആവര്ത്തനത്തിനും വിധേയമാണ്.<br />
<br />
'''സരതുഷ്ട്രമതം.''' ആത്മാവ് മൂന്നു ദിവസത്തേക്ക് ശവകുടീരത്തിനുസമീപം വസിക്കുന്നു. അപ്പോള് ദുഷ്ടാത്മാക്കള് പീഡിപ്പിക്കപ്പെടും. സുകൃതികളെ 'സ്രോഷ്' സഹായിക്കും. അതിനുശേഷം യോഗ്യതാനുസരണം ശിക്ഷയോ സമ്മാനമോ പ്രാപിക്കുന്നതിന് ആത്മാക്കള് ദുഷ്ടരൂപികളുടെയോ ശിഷ്ടരൂപികളുടെയോ അകമ്പടിയോടെ പുറപ്പെടുന്നു. ചിന്വത്പാലത്തില്വച്ച് സുന്ദരിയായ ഒരു കന്യക ശിഷ്ടാത്മാവിനെ സ്വീകരിച്ച് സ്വര്ഗത്തില് അഹൂരമസ്ദായുടെ (നോ: അഹൂരമസ്ദാ) സവിധത്തിലേക്ക് ആനയിക്കുന്നു. ദുഷ്ടാത്മാവ് നരകത്തില് തള്ളപ്പെടുന്നു.<br />
<br />
ചരിത്രം 3000 വര്ഷങ്ങള് വീതമുള്ള നാലു യുഗങ്ങള് ചേര്ന്നതാണ്. അവസാനയുഗത്തില് തിന്മയുടെ ശക്തികള് പ്രബലമാകും. ഒടുവില് സാവ്യോഷ്യാന്ത് (രക്ഷകന്) പ്രത്യക്ഷപ്പെടും. അതോടെ മരിച്ചവര് ഉയിര്ത്തെഴുന്നേല്ക്കും. ദുഷ്ടര് നരകത്തില് തള്ളപ്പെടും. പ്രപഞ്ചം ഉരുകിയൊലിക്കും. അഹ്രിമാനെയും (നോ: അഹ്രിമാന്) സഹായികളെയും അഹൂരമസ്ദാ തോല്പിക്കും. അതിനുശേഷം എല്ലാവരും ഒരുമിച്ചുകൂടും, പരസ്പരം തിരിച്ചറിയും, സമ്മാനങ്ങള് കൈമാറും. എല്ലാവര്ക്കും ആത്മീയശരീരവും അമരത്വവും ലഭിക്കും. ഭൂമി നവീകരിക്കപ്പെട്ട് അനശ്വരമായിത്തീരുകയും ചെയ്യും. <br />
<br />
'''ഇസ്ലാംമതം.''' മരണാനന്തരം മയ്യിത്ത് (ശവം) കബറില് അടക്കം ചെയ്തുകഴിയുമ്പോള് ദൈവദൂതന്മാര് സന്ദര്ശിച്ചു സത്പ്രവൃത്തികള് ചെയ്തവര്ക്ക് സന്തോഷവാര്ത്തയും ദുഷ്ടര്ക്ക് വരുവാനിരിക്കുന്ന കഷ്ടപ്പാടിന്റെ സൂചനയായി നേരിയ പീഡനങ്ങളും നല്കുന്നു. ജഡം അന്ത്യനാള്വരെ ശവക്കല്ലറയില് തന്നെ ജീര്ണിച്ചോ അല്ലാതെയോ കിടക്കും (മഹാന്മാരുടെ ജഡങ്ങള് ജീര്ണിക്കാതെ കണ്ടുവരാറുണ്ടെന്ന് വിശ്വസിക്കപ്പെടുന്നു.) അന്ത്യനാളിനടുത്തു മഹ്ദി എന്ന സ്ഥാനപ്പേരോടുകൂടിയ ഒരു നീതിമാന് ലോകത്തില് സമാധാനം പുനഃസ്ഥാപിക്കുകയും ജനങ്ങള്ക്ക് ക്ഷേമം അതിന്റെ അത്യുച്ചകോടിയില് എത്തിക്കുകയും ചെയ്യുന്നു. തിന്മയുടെ മൂര്ത്തീകരണമായ ദജ്ജാല് (എതിര്ക്രിസ്തു) ലോകത്തില് അക്രമവും അനീതിയും അഴിച്ചുവിടുകയും ദൈവത്തിനുപകരം അവനെ ആരാധിക്കുവാന് ആവശ്യപ്പെടുകയും ചെയ്യും. ഇതിനെതിരായി ഈസാനബി (യേശുക്രിസ്തു) ആകാശങ്ങളില്നിന്ന് ഇറങ്ങിവന്ന് ദജ്ജാലിനെ നശിപ്പിച്ചശേഷം ലോകത്തു സമാധാനം പുനഃസ്ഥാപിക്കുകയും വിവാഹിതനായി കുടുംബജീവിതം നയിച്ച് മുന്ജീവിതത്തില് നിറവേറ്റപ്പെടാത്ത കാര്യങ്ങള് നിര്വഹിക്കുകയും ചെയ്യും. അന്ത്യനാളില് (ഖിയ്യാമത്ത് നാളില്) കാഹളങ്ങള് മുഴക്കപ്പെടുമ്പോള് ആദ്യം സര്വജീവികളും നശിക്കുകയും തുടര്ന്ന് എല്ലാറ്റിനും ജീവന് നല്കപ്പെടുകയും ഈ ലോകത്തില് ചെയ്ത പ്രവൃത്തികളുടെ ഫലം അനുഭവിക്കുന്നതിനായി അവര് ദൈവസന്നിധിയില് ഹാജരാക്കപ്പെടുകയും ചെയ്യും. ഓരോ വ്യക്തിയുടെയും പ്രവൃത്തികളെ സംബന്ധിച്ച രേഖകള് പരിശോധിക്കപ്പെടുകയും അതിനനുയോജ്യമായ പ്രതിഫലം വിധിക്കപ്പെടുകയും ചെയ്യും. സത്പ്രവൃത്തികള്ക്ക് മുന്തൂക്കം ഉണ്ടെങ്കില് അവന് സകലവിധ സന്തോഷങ്ങളുടെയും ഇരിപ്പിടമായ സ്വര്ഗത്തില് പ്രവേശിക്കും. അല്ലാത്തപക്ഷം നരകത്തില് പതിക്കും. എന്നാല് കാലക്രമേണ പാപികള്ക്കു മാപ്പുനല്കി വളരെപ്പേരെ നരകാഗ്നിയില്നിന്ന് വിമുക്തരാക്കുമെന്നും വിശ്വസിക്കപ്പെടുന്നു.<br />
<br />
'''ക്രൈസ്തവസിദ്ധാന്തം.''' ദൈവം ചരിത്രത്തെ നിയന്ത്രിക്കുന്നു. അദ്ദേഹം അതിനെ പൂര്ണമാക്കും. സൌഭാഗ്യപൂരിതമായ ദൈവരാജ്യം വരും. 'യാഹ്വേയുടെ ദിനത്തില്' ദൈവം ദുഷ്ടരെ വധിക്കും. തിന്മ പ്രവര്ത്തിക്കുന്നവന് നശിക്കും. എങ്കിലും ജനത്തിന്റെ ഒരു ഭാഗം രക്ഷ പ്രാപിക്കും. തുടര്ന്ന് ദൈവരാജ്യം സ്ഥാപിതമാകും. മരിച്ചവര് 'ഷിയോല്' എന്ന സ്ഥലത്ത് കഴിയുന്നു. 'ഷിയോല്' ഒരുതരം സ്വപ്നലോകമാണ്. ശരിയായ വ്യക്തിത്വമോ മാനസികവ്യാപാരങ്ങളോ അവിടെയില്ല. സുകൃതികള് മഹത്വത്തില് ഉയിര്ക്കുമെന്നും ദുഷ്ടര് നിത്യമായ അപമാനം അനുഭവിക്കുമെന്നും ഉള്ള വിശ്വാസം ബി.സി. 2-ാം ശ.-ത്തില് പ്രബലമായി. പുതിയ യുഗത്തിന്റെ ഉദയത്തിനു മുമ്പായി പ്രകൃതിവിക്ഷോഭങ്ങളും ദുഷ്ടന്മാരുടെ പരാജയവും ഉണ്ടാകുമെന്ന് വെളിപ്പാട് സാഹിത്യത്തില് രേഖപ്പെടുത്തിയിരിക്കുന്നു. മിശിഹ പ്രത്യക്ഷനായി അന്ത്യന്യായവിധി നടത്തും (നോ: അന്ത്യന്യായവിധി). പഴയ ലോകം നശിക്കും. പുതിയ യെരുശലേം സ്വര്ഗത്തില് നിന്നിറങ്ങിവരും. അത് തെരഞ്ഞെടുക്കപ്പെട്ടവരുടെ വാസസ്ഥലമായിരിക്കും. പ്രവാചകന്മാര് പ്രതീക്ഷിച്ചിരുന്ന നിര്ണായകമായ ദൈവികസമ്പര്ക്കം ക്രിസ്തുവില് സംഭവിച്ചിരിക്കുന്നുവെന്നും, ക്രിസ്തുവിലൂടെ 'അന്ത്യം' ലോകത്തില് പ്രവേശിച്ചുകഴിഞ്ഞുവെന്നും പുതിയ നിയമകര്ത്താക്കള് പഠിപ്പിച്ചു. ക്രിസ്തുവിലൂടെ ദൈവരാജ്യം ഭൂമിയില് പ്രവേശിച്ചു. എന്നാല് ദൈവരാജ്യം അതിന്റെ പൂര്ണതയില് ഇനിയും വരുവാനിരിക്കുന്നതേയുള്ളു. യേശുവിന്റെ പുനരാഗമനത്തില് അതു സംഭവിക്കും. അന്ന് അര്ഹതാടിസ്ഥാനത്തിലായിരിക്കും സ്വര്ഗരാജ്യപ്രവേശനം.<br />
<br />
മരണം പാപത്തിന്റെ ശിക്ഷയാണ്. എന്നാല് ദൈവസ്നേഹത്തില് മരിക്കുന്നവന് മരണം ജീവനിലേക്കുള്ള കവാടമാണ്. മരണശേഷം യോഗ്യതയ്ക്ക് ഏറ്റക്കുറവുണ്ടാകുന്നില്ല. ഓരോരുത്തര്ക്കും യോഗ്യതാനുസരണം സമ്മാനമോ ശിക്ഷയോ ലഭിക്കുന്നു. മനുഷ്യന്റെ നിര്ണായകമായ അന്ത്യം സ്വര്ഗമോ നരകമോ ആണ്; രണ്ടും നിത്യമാണ്. മഹത്വം പ്രാപിച്ച ക്രിസ്തുവിന്റെ സവിധത്തില് ഇരിക്കുന്നതും ക്രിസ്തുവഴി ദൈവവുമായി സമ്പര്ക്കത്തിലിരിക്കുന്നതുമാണ് സ്വര്ഗം. സ്വര്ഗം പ്രതിഫലം എന്നതിനെക്കാള് ദൈവദാനമാണ്. എന്നാല് നരകശിക്ഷയുടെ മുഖ്യോത്തര വാദിത്വം മനുഷ്യനാണ്. സ്നേഹത്തിന്റെ അഭാവമാണ് നരകശിക്ഷയുടെ അടിസ്ഥാന ഘടകം. നരകവാസികള് ഘോരപീഡകള് അനുഭവിക്കും.<br />
<br />
അന്ത്യകാലസമൂഹമായ സഭ മാനവസമൂഹത്തെയും സൃഷ്ടിയെ മുഴുവനും നവീകരിക്കുന്ന ശ്രമത്തില് ഏര്പ്പെട്ടിരിക്കുന്നു. ലോകാവസാനത്തിലായിരിക്കും സഭയുടെ പൂരണം. അന്ന് യേശു വീണ്ടും വരും. അദ്ദേഹം മൃതശരീരങ്ങളെ പുനര്ജീവിപ്പിക്കും. സുകൃതികള് മഹത്വത്തിന്റെ ശരീരവും ദുഷ്ടജനങ്ങള് അപമാനത്തിന്റെ ശരീരവും സ്വീകരിക്കും. ക്രിസ്തുവിന്റെ പുനരാഗമനത്തില് അന്ത്യന്യായവിധി നടക്കുന്നു. സുകൃതികള് മഹത്വപൂര്ണമായ ശരീരങ്ങളോടെ സ്വര്ഗസൌഭാഗ്യം പ്രാപിക്കുന്നു. അവര് ദൈവമഹത്വം ദര്ശിച്ചുകൊണ്ട് നിത്യാനന്ദം അനുഭവിക്കും. മനുഷ്യനെ അനുഗമിച്ച് പ്രപഞ്ചവും മഹത്വം പ്രാപിക്കും. ദുഷ്ടമനുഷ്യര് നരകത്തില് നിത്യശിക്ഷ അനുഭവിക്കും.<br />
<br />
(ഡോ. ജോര്ജ് പുന്നക്കോട്ടില്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%B6%E0%B4%BE%E0%B4%B8%E0%B4%A8%E0%B4%82അന്ത്യശാസനം2008-02-26T11:09:20Z<p>116.68.64.48: </p>
<hr />
<div>= അന്ത്യശാസനം =<br />
Ultimatum<br />
<br />
ഒരു രാഷ്ട്രം മറ്റൊരു രാഷ്ട്രത്തിനയ്ക്കുന്ന വ്യക്തവും നിര്വചിതവുമായ അന്തിമസന്ദേശം. ഈ സന്ദേശത്തിലെ ആവശ്യങ്ങളും നിര്ദേശങ്ങളും നിരാകരിക്കയോ ലംഘിക്കയോ ചെയ്താല് ആ രാഷ്ട്രവുമായി നയതന്ത്രവിഛേദം മുതല് യുദ്ധപ്രഖ്യാപനം വരെ ഉണ്ടാകുമെന്ന മുന്നറിയിപ്പ് അതില് അടങ്ങിയിരിക്കും.<br />
<br />
ലത്തീന് ഭാഷയില് 'അവസാനത്തേത്' എന്നര്ഥം വരുന്ന ഒരു വാക്കില്നിന്നും ഉദ്ഭവിച്ച 'ultimatum' എന്ന ഇംഗ്ളീഷ് പദത്തിന്റെ മലയാള വിവര്ത്തനമാണ് 'അന്ത്യശാസനം.' എന്നാല് രാഷ്ട്രതന്ത്രത്തില് നിര്വചിതമായ ഒരു സാങ്കേതികാര്ഥത്തിലാണ് ഇത് പ്രയോഗിക്കപ്പെടുന്നത്. ഒരു രാഷ്ട്രം മറ്റൊരു രാഷ്ട്രത്തിനയയ്ക്കുന്ന വ്യക്തവും നിര്വചിതവുമായ സന്ദേശം അഥവാ താക്കീത് എന്നതാണ് സാങ്കേതിക വിവക്ഷ. അന്ത്യശാസനത്തിലെ നിര്ദേശാനുസരണം പ്രവര്ത്തിച്ചില്ലെങ്കില് ഗൌരവാവഹമായ ഭവിഷ്യത്തുകള് ഉണ്ടാകുമെന്ന മുന്നറിയിപ്പും ഇതിലടങ്ങിയിരിക്കുന്നു. കൂടിയാലോചനകളുടെ പൂര്ണവിരാമം, സാമ്പത്തിക നയതന്ത്രബന്ധങ്ങളുടെ വിഛേദം, ബലപ്രയോഗം എന്നിവയെല്ലാം സൂചിതങ്ങളാകാം. യുദ്ധപ്രഖ്യാപനംപോലും ഇതില് ഉള്പ്പെടാം. എന്നാല് യുദ്ധപ്രഖ്യാപനം അന്താരാഷ്ട്ര നിയമവ്യവസ്ഥകള്ക്ക് വിധേയമാണ്. യു.എന്. പ്രമാണങ്ങളില് അംഗരാഷ്ട്രങ്ങള്ക്കു തങ്ങളുടെ ദേശീയനയത്തിന്റെ പേരില് യുദ്ധം പ്രഖ്യാപിക്കാനുള്ള അധികാരത്തിന് ചില നിയന്ത്രണങ്ങള് ഏര്പ്പെടുത്തിയിട്ടുണ്ട്.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B4%B2%E0%B4%BF%E0%B4%B1%E0%B5%8D%E0%B4%B1%E0%B4%BF%E0%B4%95%E0%B5%8D_%E0%B4%AB%E0%B4%99%E0%B5%8D%E0%B4%B7%E0%B4%A8%E0%B5%8D%E2%80%8Dഅനലിറ്റിക് ഫങ്ഷന്2008-02-26T11:09:20Z<p>116.68.64.48: </p>
<hr />
<div>= അനലിറ്റിക് ഫങ്ഷന്<br />
<br />
Analytic function<br />
<br />
ഗണിതശാസ്ത്രശാഖയായ സമ്മിശ്രവിശ്ളേഷണ(complex analysis)ത്തിലെ ഗണിതപ്രാധാന്യമുള്ള ഫലനം. വിശ്ളേഷകഫലനം, ഹോളൊമോര്ഫികഫലനം (Holomorphic function), നിയമിതഫലനം (Regular function) എന്നീ പേരുകളിലും ഇതറിയപ്പെടുന്നു.<br />
<br />
<br />
'''ചരിത്രം'''. വിശ്ളേഷണഫലന സിദ്ധാന്ത(അനലിറ്റിക് ഫങ്ഷന്)ത്തിന്റെ ആദ്യകാല ഗവേഷകര് കോഷി, റീമാന്, വെയര്സ്റ്റ്രോസ് എന്നിവരാണ്. വ്യുത്പന്നം (derivative) അഥവാ അവകലജഗുണാങ്കം (differential coefficient) ഉള്ള ഫലനങ്ങളാണ് കോഷിസിദ്ധാന്തത്തിന്റെ അടിസ്ഥാനം. സമ്മിശ്രസമാകല(complex integration)ത്തിന്റെ ഉപാധിയിലൂടെയാണ് 1814-ല് കോഷി ഈ സിദ്ധാന്തത്തിനു രൂപംകൊടുത്തത്. ഗണിതശാസ്ത്രജ്ഞനായ ഗൂര്ഷ (Goursat) 1900-ത്തില് അതിനെ നവീകരിച്ചു. അനലിറ്റിക് ഫങ്ഷന്റെ ജ്യാമിതീയ പ്രാധാന്യമാണ് റീമാന് പഠന വിധേയമാക്കിയത്. ഘാതശ്രേണി (power series) ആണ് വെയര്സ്റ്റ്രോസ്തത്ത്വത്തിന്റെ അടിസ്ഥാനം. വിശ്ളേഷക-അവിച്ഛിന്നത(analytic continuum)യുടെ താത്ത്വിക വശങ്ങളിലാണ് വെയര്സ്റ്റ്രോസ് ശ്രദ്ധിച്ചത്.<br />
<br />
<br />
'''സമ്മിശ്രചരങ്ങളുടെ ഫലനം''' (function of complex variables). R, S എന്നീ രണ്ടു സമ്മിശ്ര സംഖ്യാഗണങ്ങള് (sets of complex numbers) ആദ്യത്തേതിലെ ഓരോ അംഗ(z)ത്തിനും രണ്ടാമത്തേതിലെ ഒരംഗത്തെ നിര്ദേശിക്കുന്ന നിയമം (f) ആണ്, ഇവിടെ 'ഫലനം' എന്നതുകൊണ്ടു സൂചിപ്പിക്കപ്പെടുന്നത്. ഫലനത്തിന്റെ ഡൊമെയിന് (domain) R-ഉം റെയിഞ്ച് (range) S-ഉം ആണ്. ഡൊമെയിന് ഒരു വിവൃത-ബന്ധിതം (open connected) ആയിരിക്കും. ഇത്തരം R-ഗണത്തെ റീജിയന് (region) എന്നു പറയുന്നു. R-റീജിയനില് f(z) നിര്വചിക്കപ്പെട്ടിരിക്കുന്നു; Z എന്ന സമ്മിശ്രചരം Z0-നോടു സമീപിക്കുമ്പോള്,<br />
<br />
f(Z) - f(Z0)/Z - Z0<br />
<br />
എന്ന അംശബന്ധം (ratio) ഒരു പരിമേയ സീമ(finite limit)യോടടുക്കുന്നു; എങ്കില് R-ലെ Z0 ബിന്ദുവില് f(Z) അവകലനീയം (differentiable) ആണ് എന്നു പറയുന്നു. Z0-ലേക്കു Z അടുക്കുന്ന രൂപരേഖ (contour) ഏതു തന്നെ ആയാലും f(Z) - f(Z0)/Z-Z0-ന്റെ സീമയ്ക്കു മാറ്റമുണ്ടാകാന് പാടില്ല. ഈ സീമയെ f(Z)-ന്റെ Z0 എന്ന ബിന്ദുവിലെ വ്യുത്പന്നം (derivative) f'(Z) എന്നു പറയുന്നു. R-ലുള്ള എല്ലാ ബിന്ദുക്കളിലും f'(Z)-നു അസ്തിത്വമുണ്ടെങ്കില് f(Z) എന്ന ഫലനം R എന്ന പ്രദേശത്തു വിശ്ളേഷകമാണെന്നു പറയുന്നു. n ഒരു ധനാത്മകപൂര്ണസംഖ്യ ആണെങ്കില് Zn പരിമിത (സമ്മിശ്ര) തലത്തില് വിശ്ളേഷകമാണ്. അതുകൊണ്ട് എല്ലാ ബഹുപദങ്ങളും (polynominals) വിശ്ളേഷകഫലനങ്ങളാണ്.<br />
<br />
<br />
f(Z) = u(x,y) + i v(x, y) സമ്മിശ്രതലത്തിലെ R-റീജിയനില് വിശ്ളേഷകമാണെന്നു കരുതിയാല് u(x,y), v(x, y) എന്നീ വാസ്തവികമൂല്യ ഫലനങ്ങള് (real valued functions) താഴെ പറയുന്ന സമവാക്യങ്ങള്ക്ക് അനുസൃതമായിരിക്കുമെന്നു കാണാം.<br />
<br />
du/dx = dv/dy, du/dy = - dv/dx<br />
<br />
എന്നിവയെ കോഷി-റീമാന് സമവാക്യങ്ങള് (Cauchy-Riemann equations) എന്നു പറയുന്നു. ഇതില് പെടുന്ന ആംശികവ്യുത്പന്നങ്ങള് (partial derivatives), കോഷി-റീമാന് സമവാക്യങ്ങളെ തൃപ്തിപ്പെടുത്തുന്ന അവിച്ഛിന്ന ഫലനങ്ങള് (continuous functions) ആണെങ്കില് R-പ്രദേശത്ത്<br />
<br />
f(z) = u(x,y) + iv (x,y)<br />
<br />
എന്ന ഫലനം വിശ്ളേഷകമായിരിക്കും.<br />
<br />
<br />
'''ഘാതശ്രേണി''' (Power Series). എന്ന ഘാതശ്രേണി, |z-a|യുടെ മൂല്യം pഎന്നൊരു വാസ്തവിക സംഖ്യയില് കുറഞ്ഞിരിക്കുമ്പോള്, അഭികേന്ദ്രസരണവും (convergent) കൂടുതലായിരിക്കുമ്പോള് അപകേന്ദ്രസരണവും (divergent) ആണെങ്കില് p, ആ ശ്രേണിയുടെ അഭികേന്ദ്രസരണ വ്യാസാര്ധം (radius of convergence) ആകുന്നു. തുല്യമായിരിക്കുമ്പോള് z-ബിന്ദുക്കളുടെ ബിന്ദുപഥം (locus) വൃത്തമാണ്. ഇതാണ് ശ്രേണിയുടെ അഭികേന്ദ്രസരണവൃത്തം (circle of convergence). ഈ വൃത്തത്തിന്മേലുള്ള ബിന്ദുക്കളില്, ശ്രേണി അഭികേന്ദ്രസരണമോ അപകേന്ദ്രസരണമോ ആകാം. p-യുടെ മൂല്യം കണ്ടുപിടിക്കാന്<br />
<br />
<br />
<br />
എന്ന സമവാക്യം ഉപയോഗിക്കുന്നു (നോ: അങ്കനങ്ങള്, ഗണിത) ഈ വൃത്തത്തിനുള്ളില് ഘാതശ്രേണിയുടെ സങ്കലനഫലനം (sum function) f(z) ഒരു വിശ്ളേഷകഫലനമായിരിക്കും.<br />
<br />
<br />
'''കോഷി സിദ്ധാന്തം''' (Cauchy Theory). വിശ്ളേഷകഫലനങ്ങളുടെ സവിശേഷതകളില് പലതും തെളിയിക്കുന്നത്, സമ്മിശ്ര സമാകലം ഉപയോഗിച്ചാണ്. പരിമേയമായ (finite) നിഷ്കോണചാപങ്ങ(smooth arcs)ളുടെ അവിച്ഛിന്ന ശൃംഖലയ്ക്ക് രൂപരേഖ (contour) എന്നു പറയുന്നു.<br />
<br />
x= , y=<br />
<br />
a<=t<=b എന്നിവ c എന്ന രൂപരേഖയെ നിര്വചിക്കുന്നു. ഇവിടെ (t), (t) എന്നീ ഫലനങ്ങള് എന്ന വാസ്തവിക പ്രാചല(real parameter)ത്തിന്റെ ഭാഗിക-അവിച്ഛിന്ന ഫലനമാണ് (piecewise continuous function). c എന്ന രൂപരേഖയില് f(z) ഭാഗിക-അവിച്ഛിന്നഫലനമാണെന്നു കരുതുക. f(z)-ന്റെ, c-യിലെ രൂപരേഖാസമാകലം (contour integral) നിര്വചിക്കപ്പെടുന്നതിങ്ങനെയാണ്:<br />
<br />
<br />
<br />
കോഷി-ഗൂര്ഷാപ്രമേയമനുസരിച്ച്, c എന്ന സംവൃത രൂപരേഖയിലും അതിനകത്തും f(z)വിശ്ളേഷകമാണെങ്കില്<br />
<br />
<br />
f(z)dz = 0<br />
വിശ്ളേഷകഫലന സിദ്ധാന്തത്തിലെ പലനിഗമനങ്ങള്ക്കും അടിസ്ഥാനം ഈ പ്രമേയമാണ്. c എന്ന രൂപരേഖയില് f(z)-ന്റെ രൂപരേഖാസമാകലമാണ്<br />
<br />
<br />
<br />
വിശ്ളേഷകഫലനത്തിന്റെ വ്യുത്പന്നങ്ങളും വിശ്ളേഷകമായിരിക്കും.<br />
<br />
<br />
'''വിശ്ളേഷകഫലനത്തിന്റെ ഘാതശ്രേണീവികാസം''' (Power series development of an Analytic function). സമ്മിശ്രതലത്തില് f(z) വിശ്ളേഷകമാകാതിരിക്കുന്ന ബിന്ദുവിനെയാണ് വിചിത്രത (singularity) എന്നു പറയുന്നത്. a എന്ന ബിന്ദുവിന്റെ 'സാമീപ്യ'ത്തില് f(z)-നു വേറെ വിചിത്രതകളില്ലെങ്കില് z = a-യെ f(z)-ന്റെ ഏകാന്തവിചിത്രത (isolated singularity) എന്നു പറയുന്നു.<br />
<br />
<br />
|z-a|<= r1, |z-a|<=r2 എന്നിവ രണ്ടു വൃത്തങ്ങളാണ്. കേന്ദ്രം x = a. r1നും r2നുമിടയ്ക്കുള്ള പ്രദേശം (c) വലയാകാരം (ring shaped) ആയിരിക്കും. c-യില് f(z) വിശ്ളേഷകമാണെങ്കില്,<br />
<br />
<br />
<br />
ഇവിടെ an, bn എന്നിവ കണക്കാക്കാന് കഴിയും. b1, b2 എന്നു തുടങ്ങിയവയെല്ലാം പൂജ്യം ആണെങ്കില്, z = a ഒരു അപനേയ വിചിത്രത (removable singularity) എന്നും, f(z)-ന്റെ ശ്രേണിയിലെ രണ്ടാംഭാഗം (മുഖ്യഭാഗം) ഒരു അനന്തശ്രേണിയാണെങ്കില് <br />
z = a ഒരു അനിവാര്യവിചിത്രത (essential singularity) എന്നും മുഖ്യ ഭാഗത്തില് പദങ്ങളുടെ എണ്ണം പരിമേയം (finite) ആണെങ്കില് x = a ഒരു ധ്രുവം (pole) എന്നും പറയുന്നു. z = a എന്ന ബിന്ദുവിലുള്ള f(z)-ന്റെ പരിശിഷ്ടം ആണ് b1.<br />
<br />
'''പരിശിഷ്ടപ്രമേയം''' (Residue Theorem).<br />
<br />
<br />
<br />
ആകണമെങ്കില് രൂപരേഖ (c)-യിലും അതിനകത്തും f(z) വിശ്ളേഷകമായിരിക്കണം. എന്നാല് c-യിലും c-യുടെ അകത്തു പരിമേയ വിചിത്രതകളൊഴിച്ചുള്ള (finite singularities) ബിന്ദുക്കളിലും f(z) വിശ്ളേഷകമാണെങ്കില്,<br />
<br />
<br />
<br />
ഇതില് Ri രൂപരേഖയുടെ അകത്തുള്ള z = zi എന്ന വിചിത്രതയിലെ പരിശിഷ്ടം കുറിക്കുന്നു. ഇതാണ് കോഷിയുടെ പരിശിഷ്ടപ്രമേയം. ഈ പ്രമേയം ചില നിശ്ചിതസമാകലങ്ങളുടെ മൂല്യം നിര്ണയിക്കാനുപയോഗിക്കാറുണ്ട്. കൂടാതെ എലിപ്റ്റികഫലനസിദ്ധാന്ത(elliptic function theory)ത്തില് ഈ പ്രമേയത്തിനു വളരെ പ്രാധാന്യമുണ്ട്. നോ: അനാലിസിസ്, അവകലനം സമാകലനം, ഗണസിദ്ധാന്തം, ഫലനം (ഗണിതം), സമ്മിശ്രവിശ്ളേഷണം<br />
<br />
(കെ. ജയചന്ദ്രന്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B4%B2%E0%B4%BF%E0%B4%B1%E0%B5%8D%E0%B4%B1%E0%B4%BF%E0%B4%95%E0%B5%8D_%E0%B4%AB%E0%B4%99%E0%B5%8D%E0%B4%B7%E0%B4%A8%E0%B5%8D%E2%80%8Dഅനലിറ്റിക് ഫങ്ഷന്2008-02-26T11:08:19Z<p>116.68.64.48: </p>
<hr />
<div>= അനലിറ്റിക് ഫങ്ഷന്<br />
=<br />
Analytic function<br />
<br />
ഗണിതശാസ്ത്രശാഖയായ സമ്മിശ്രവിശ്ളേഷണ(complex analysis)ത്തിലെ ഗണിതപ്രാധാന്യമുള്ള ഫലനം. വിശ്ളേഷകഫലനം, ഹോളൊമോര്ഫികഫലനം (Holomorphic function), നിയമിതഫലനം (Regular function) എന്നീ പേരുകളിലും ഇതറിയപ്പെടുന്നു.<br />
<br />
<br />
'''ചരിത്രം'''. വിശ്ളേഷണഫലന സിദ്ധാന്ത(അനലിറ്റിക് ഫങ്ഷന്)ത്തിന്റെ ആദ്യകാല ഗവേഷകര് കോഷി, റീമാന്, വെയര്സ്റ്റ്രോസ് എന്നിവരാണ്. വ്യുത്പന്നം (derivative) അഥവാ അവകലജഗുണാങ്കം (differential coefficient) ഉള്ള ഫലനങ്ങളാണ് കോഷിസിദ്ധാന്തത്തിന്റെ അടിസ്ഥാനം. സമ്മിശ്രസമാകല(complex integration)ത്തിന്റെ ഉപാധിയിലൂടെയാണ് 1814-ല് കോഷി ഈ സിദ്ധാന്തത്തിനു രൂപംകൊടുത്തത്. ഗണിതശാസ്ത്രജ്ഞനായ ഗൂര്ഷ (Goursat) 1900-ത്തില് അതിനെ നവീകരിച്ചു. അനലിറ്റിക് ഫങ്ഷന്റെ ജ്യാമിതീയ പ്രാധാന്യമാണ് റീമാന് പഠന വിധേയമാക്കിയത്. ഘാതശ്രേണി (power series) ആണ് വെയര്സ്റ്റ്രോസ്തത്ത്വത്തിന്റെ അടിസ്ഥാനം. വിശ്ളേഷക-അവിച്ഛിന്നത(analytic continuum)യുടെ താത്ത്വിക വശങ്ങളിലാണ് വെയര്സ്റ്റ്രോസ് ശ്രദ്ധിച്ചത്.<br />
<br />
<br />
'''സമ്മിശ്രചരങ്ങളുടെ ഫലനം''' (function of complex variables). R, S എന്നീ രണ്ടു സമ്മിശ്ര സംഖ്യാഗണങ്ങള് (sets of complex numbers) ആദ്യത്തേതിലെ ഓരോ അംഗ(z)ത്തിനും രണ്ടാമത്തേതിലെ ഒരംഗത്തെ നിര്ദേശിക്കുന്ന നിയമം (f) ആണ്, ഇവിടെ 'ഫലനം' എന്നതുകൊണ്ടു സൂചിപ്പിക്കപ്പെടുന്നത്. ഫലനത്തിന്റെ ഡൊമെയിന് (domain) R-ഉം റെയിഞ്ച് (range) S-ഉം ആണ്. ഡൊമെയിന് ഒരു വിവൃത-ബന്ധിതം (open connected) ആയിരിക്കും. ഇത്തരം R-ഗണത്തെ റീജിയന് (region) എന്നു പറയുന്നു. R-റീജിയനില് f(z) നിര്വചിക്കപ്പെട്ടിരിക്കുന്നു; Z എന്ന സമ്മിശ്രചരം Z0-നോടു സമീപിക്കുമ്പോള്,<br />
<br />
f(Z) - f(Z0)/Z - Z0<br />
<br />
എന്ന അംശബന്ധം (ratio) ഒരു പരിമേയ സീമ(finite limit)യോടടുക്കുന്നു; എങ്കില് R-ലെ Z0 ബിന്ദുവില് f(Z) അവകലനീയം (differentiable) ആണ് എന്നു പറയുന്നു. Z0-ലേക്കു Z അടുക്കുന്ന രൂപരേഖ (contour) ഏതു തന്നെ ആയാലും f(Z) - f(Z0)/Z-Z0-ന്റെ സീമയ്ക്കു മാറ്റമുണ്ടാകാന് പാടില്ല. ഈ സീമയെ f(Z)-ന്റെ Z0 എന്ന ബിന്ദുവിലെ വ്യുത്പന്നം (derivative) f'(Z) എന്നു പറയുന്നു. R-ലുള്ള എല്ലാ ബിന്ദുക്കളിലും f'(Z)-നു അസ്തിത്വമുണ്ടെങ്കില് f(Z) എന്ന ഫലനം R എന്ന പ്രദേശത്തു വിശ്ളേഷകമാണെന്നു പറയുന്നു. n ഒരു ധനാത്മകപൂര്ണസംഖ്യ ആണെങ്കില് Zn പരിമിത (സമ്മിശ്ര) തലത്തില് വിശ്ളേഷകമാണ്. അതുകൊണ്ട് എല്ലാ ബഹുപദങ്ങളും (polynominals) വിശ്ളേഷകഫലനങ്ങളാണ്.<br />
<br />
<br />
f(Z) = u(x,y) + i v(x, y) സമ്മിശ്രതലത്തിലെ R-റീജിയനില് വിശ്ളേഷകമാണെന്നു കരുതിയാല് u(x,y), v(x, y) എന്നീ വാസ്തവികമൂല്യ ഫലനങ്ങള് (real valued functions) താഴെ പറയുന്ന സമവാക്യങ്ങള്ക്ക് അനുസൃതമായിരിക്കുമെന്നു കാണാം.<br />
<br />
du/dx = dv/dy, du/dy = - dv/dx<br />
<br />
എന്നിവയെ കോഷി-റീമാന് സമവാക്യങ്ങള് (Cauchy-Riemann equations) എന്നു പറയുന്നു. ഇതില് പെടുന്ന ആംശികവ്യുത്പന്നങ്ങള് (partial derivatives), കോഷി-റീമാന് സമവാക്യങ്ങളെ തൃപ്തിപ്പെടുത്തുന്ന അവിച്ഛിന്ന ഫലനങ്ങള് (continuous functions) ആണെങ്കില് R-പ്രദേശത്ത്<br />
<br />
f(z) = u(x,y) + iv (x,y)<br />
<br />
എന്ന ഫലനം വിശ്ളേഷകമായിരിക്കും.<br />
<br />
<br />
'''ഘാതശ്രേണി''' (Power Series). എന്ന ഘാതശ്രേണി, |z-a|യുടെ മൂല്യം pഎന്നൊരു വാസ്തവിക സംഖ്യയില് കുറഞ്ഞിരിക്കുമ്പോള്, അഭികേന്ദ്രസരണവും (convergent) കൂടുതലായിരിക്കുമ്പോള് അപകേന്ദ്രസരണവും (divergent) ആണെങ്കില് p, ആ ശ്രേണിയുടെ അഭികേന്ദ്രസരണ വ്യാസാര്ധം (radius of convergence) ആകുന്നു. തുല്യമായിരിക്കുമ്പോള് z-ബിന്ദുക്കളുടെ ബിന്ദുപഥം (locus) വൃത്തമാണ്. ഇതാണ് ശ്രേണിയുടെ അഭികേന്ദ്രസരണവൃത്തം (circle of convergence). ഈ വൃത്തത്തിന്മേലുള്ള ബിന്ദുക്കളില്, ശ്രേണി അഭികേന്ദ്രസരണമോ അപകേന്ദ്രസരണമോ ആകാം. p-യുടെ മൂല്യം കണ്ടുപിടിക്കാന്<br />
<br />
<br />
<br />
എന്ന സമവാക്യം ഉപയോഗിക്കുന്നു (നോ: അങ്കനങ്ങള്, ഗണിത) ഈ വൃത്തത്തിനുള്ളില് ഘാതശ്രേണിയുടെ സങ്കലനഫലനം (sum function) f(z) ഒരു വിശ്ളേഷകഫലനമായിരിക്കും.<br />
<br />
<br />
'''കോഷി സിദ്ധാന്തം''' (Cauchy Theory). വിശ്ളേഷകഫലനങ്ങളുടെ സവിശേഷതകളില് പലതും തെളിയിക്കുന്നത്, സമ്മിശ്ര സമാകലം ഉപയോഗിച്ചാണ്. പരിമേയമായ (finite) നിഷ്കോണചാപങ്ങ(smooth arcs)ളുടെ അവിച്ഛിന്ന ശൃംഖലയ്ക്ക് രൂപരേഖ (contour) എന്നു പറയുന്നു.<br />
<br />
x= , y=<br />
<br />
a<=t<=b എന്നിവ c എന്ന രൂപരേഖയെ നിര്വചിക്കുന്നു. ഇവിടെ (t), (t) എന്നീ ഫലനങ്ങള് എന്ന വാസ്തവിക പ്രാചല(real parameter)ത്തിന്റെ ഭാഗിക-അവിച്ഛിന്ന ഫലനമാണ് (piecewise continuous function). c എന്ന രൂപരേഖയില് f(z) ഭാഗിക-അവിച്ഛിന്നഫലനമാണെന്നു കരുതുക. f(z)-ന്റെ, c-യിലെ രൂപരേഖാസമാകലം (contour integral) നിര്വചിക്കപ്പെടുന്നതിങ്ങനെയാണ്:<br />
<br />
<br />
<br />
കോഷി-ഗൂര്ഷാപ്രമേയമനുസരിച്ച്, c എന്ന സംവൃത രൂപരേഖയിലും അതിനകത്തും f(z)വിശ്ളേഷകമാണെങ്കില്<br />
<br />
<br />
f(z)dz = 0<br />
വിശ്ളേഷകഫലന സിദ്ധാന്തത്തിലെ പലനിഗമനങ്ങള്ക്കും അടിസ്ഥാനം ഈ പ്രമേയമാണ്. c എന്ന രൂപരേഖയില് f(z)-ന്റെ രൂപരേഖാസമാകലമാണ്<br />
<br />
<br />
<br />
വിശ്ളേഷകഫലനത്തിന്റെ വ്യുത്പന്നങ്ങളും വിശ്ളേഷകമായിരിക്കും.<br />
<br />
<br />
'''വിശ്ളേഷകഫലനത്തിന്റെ ഘാതശ്രേണീവികാസം''' (Power series development of an Analytic function). സമ്മിശ്രതലത്തില് f(z) വിശ്ളേഷകമാകാതിരിക്കുന്ന ബിന്ദുവിനെയാണ് വിചിത്രത (singularity) എന്നു പറയുന്നത്. a എന്ന ബിന്ദുവിന്റെ 'സാമീപ്യ'ത്തില് f(z)-നു വേറെ വിചിത്രതകളില്ലെങ്കില് z = a-യെ f(z)-ന്റെ ഏകാന്തവിചിത്രത (isolated singularity) എന്നു പറയുന്നു.<br />
<br />
<br />
|z-a|<= r1, |z-a|<=r2 എന്നിവ രണ്ടു വൃത്തങ്ങളാണ്. കേന്ദ്രം x = a. r1നും r2നുമിടയ്ക്കുള്ള പ്രദേശം (c) വലയാകാരം (ring shaped) ആയിരിക്കും. c-യില് f(z) വിശ്ളേഷകമാണെങ്കില്,<br />
<br />
<br />
<br />
ഇവിടെ an, bn എന്നിവ കണക്കാക്കാന് കഴിയും. b1, b2 എന്നു തുടങ്ങിയവയെല്ലാം പൂജ്യം ആണെങ്കില്, z = a ഒരു അപനേയ വിചിത്രത (removable singularity) എന്നും, f(z)-ന്റെ ശ്രേണിയിലെ രണ്ടാംഭാഗം (മുഖ്യഭാഗം) ഒരു അനന്തശ്രേണിയാണെങ്കില് <br />
z = a ഒരു അനിവാര്യവിചിത്രത (essential singularity) എന്നും മുഖ്യ ഭാഗത്തില് പദങ്ങളുടെ എണ്ണം പരിമേയം (finite) ആണെങ്കില് x = a ഒരു ധ്രുവം (pole) എന്നും പറയുന്നു. z = a എന്ന ബിന്ദുവിലുള്ള f(z)-ന്റെ പരിശിഷ്ടം ആണ് b1.<br />
<br />
'''പരിശിഷ്ടപ്രമേയം''' (Residue Theorem).<br />
<br />
<br />
<br />
ആകണമെങ്കില് രൂപരേഖ (c)-യിലും അതിനകത്തും f(z) വിശ്ളേഷകമായിരിക്കണം. എന്നാല് c-യിലും c-യുടെ അകത്തു പരിമേയ വിചിത്രതകളൊഴിച്ചുള്ള (finite singularities) ബിന്ദുക്കളിലും f(z) വിശ്ളേഷകമാണെങ്കില്,<br />
<br />
<br />
<br />
ഇതില് Ri രൂപരേഖയുടെ അകത്തുള്ള z = zi എന്ന വിചിത്രതയിലെ പരിശിഷ്ടം കുറിക്കുന്നു. ഇതാണ് കോഷിയുടെ പരിശിഷ്ടപ്രമേയം. ഈ പ്രമേയം ചില നിശ്ചിതസമാകലങ്ങളുടെ മൂല്യം നിര്ണയിക്കാനുപയോഗിക്കാറുണ്ട്. കൂടാതെ എലിപ്റ്റികഫലനസിദ്ധാന്ത(elliptic function theory)ത്തില് ഈ പ്രമേയത്തിനു വളരെ പ്രാധാന്യമുണ്ട്. നോ: അനാലിസിസ്, അവകലനം സമാകലനം, ഗണസിദ്ധാന്തം, ഫലനം (ഗണിതം), സമ്മിശ്രവിശ്ളേഷണം<br />
<br />
(കെ. ജയചന്ദ്രന്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%AA%E0%B5%8D%E0%B4%B0%E0%B4%BE%E0%B4%B8%E0%B4%82അന്ത്യപ്രാസം2008-02-26T11:07:10Z<p>116.68.64.48: </p>
<hr />
<div>= അന്ത്യപ്രാസം =<br />
<br />
കവിതയില് ഓരോ പാദത്തിന്റെയും അവസാനം, അഥവാ ഓരോ പദത്തിന്റെയും അന്ത്യത്തില്, ഒരേ വര്ണം ആവര്ത്തിക്കുന്ന പ്രാസരീതി. മറാഠിയില് വളരെ പ്രചാരമുള്ളതിനാല് 'മഹാരാഷ്ട്രപ്രാസ'മെന്നും ഇതിനു പേരുണ്ട്.<br />
<br />
പദാന്ത്യത്തില് :<br />
<br />
(1) അകൃത്രിമദ്യുതിരനവദ്യേയം<br />
<br />
അടുത്തു ചെന്നിനി അനുപശ്യേയം<br />
<br />
ആകൃതി കണ്ടാലതിരംഭേയം<br />
<br />
ആരാലിവള് തന്നധരം പേയം.'<br />
<br />
(2)'പതിയായ് വിജയിക്ക ധാരിണിക്കും<br />
<br />
ശതവര്ഷാവധി ഭൂതധാരണിക്കും;<br />
<br />
അതുലക്ഷമകൊണ്ടു രണ്ടുപേര്ക്കും<br />
<br />
സ്ഥിതി സാരപ്രസവാപ്തി കൊണ്ടുമൊക്കും.'<br />
<br />
പദാന്ത്യത്തില്:<br />
<br />
'കുരുടനെങ്കിലും ജഠരനെങ്കിലും<br />
<br />
നരയനെങ്കിലും ജരയനെങ്കിലും<br />
<br />
കള്ളനെങ്കിലും കാടനെങ്കിലും<br />
<br />
മുള്ളനെങ്കിലും മൂഢനെങ്കിലും.'<br />
<br />
ഈരടിയുടെ അവസാനം മാത്രം എന്ന ക്രമത്തിലും വരാറുണ്ട്.<br />
<br />
'ഇരു ഭാഗത്തിലായ് പകുതി പിന്നിയ<br />
<br />
ചികുരം മാതിരി പാടം;<br />
<br />
അതിന് കരയിലായ് മുകുളപാണിപോല്<br />
<br />
കടത്തുകാരന്റെ മാടം.'<br />
<br />
ആംഗലകവിതയെപ്പോലെ വിഷമപാദങ്ങളില് ഒരേ മട്ടില്, സമപാദങ്ങളില് ഒരേ മട്ടില് എന്നിങ്ങനെയും അന്ത്യപ്രാസമുണ്ട്:<br />
<br />
'ഗതി വക്രതയാര്ന്ന മണ്ണില് നിന്<br />
<br />
ഗതി നിര്ത്തീടുവതിന്നു നേരമായ്;<br />
<br />
അതിരറ്റൊരു നീല വിണ്ണില് നിന്<br />
<br />
ദ്യുതി ചേരട്ടിനി സാന്ധ്യതാരമായ്.'</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%A8%E0%B5%8D%E0%B4%AF%E0%B4%BE%E0%B4%AF%E0%B4%B5%E0%B4%BF%E0%B4%A7%E0%B4%BFഅന്ത്യന്യായവിധി2008-02-26T11:04:43Z<p>116.68.64.48: </p>
<hr />
<div>= അന്ത്യന്യായവിധി =<br />
Last Judgment<br />
<br />
1. ക്രിസ്തുമതവിശ്വാസപ്രകാരം ലോകാവസാനത്തില് ദൈവം (യാഹ്വേ) നടത്തുന്ന സാര്വത്രിക വിധി. ദൈവം യഹൂദേതര ജനതകളുടെമേല് വിധി കല്പിക്കുമെന്നും അവരെ ശിക്ഷിക്കുമെന്നും ഇസ്രായേല്ക്കാര് വിശ്വസിച്ചു. ജലപ്രളയം, സോദോമിന്റെ നാശം എന്നിവ ഇത്തരം വിധികള്ക്ക് ഉദാഹരണമാണ്. ശത്രുക്കളുടെ പരാജയവും സമൂലനാശവും യാഹ്വേ നടത്തുന്ന വിധിയാണ്. 'യാഹ്വേയുടെ ദിന'ത്തില് (അന്ത്യദിനം) ദൈവം ഇസ്രായേലിന്റെ ശത്രുക്കളെ വിധിക്കുകയും കഠിനമായി ശിക്ഷിക്കുകയും ചെയ്യും. അന്ന് യോസഫാത്തിന്റെ താഴ്വരയില്വച്ച് വിജാതീയരുടെ സൈന്യങ്ങളെ ദൈവം നശിപ്പിക്കും (യോവേല് 3 : 4, 8; സെഖര്യാവ് 12 : 14). എങ്കിലും വിധി ഇസ്രായേലിനെക്കൂടി ബാധിക്കുമെന്ന് പ്രവാചകന്മാര് പഠിപ്പിച്ചു. ഇസ്രായേലിന്റെ പരാജയവും അടിമത്തവും ദൈവം നടത്തുന്ന ന്യായവിധിയാണ്. സെഫനിയിസിന്റെ പ്രവചനപ്രകാരം ഈ ന്യായവിധി സാര്വത്രികമാണ്. അത് വലിയൊരു വിഭാഗത്തെ നശിപ്പിക്കും; എങ്കിലും ചെറിയ ഒരു വിഭാഗം രക്ഷപ്രാപിക്കും. മറ്റു മതാനുയായികളിലും കുറേപ്പേര് രക്ഷപ്പെടും. ദാനിയേലും ദൈവത്തിന്റെ സാര്വത്രികന്യായവിധിയെപ്പറ്റി പഠിപ്പിക്കുന്നു. സമൂലനാശം വിധിയുടെ ഒരു വശമാണെങ്കിലും നാശം പുതിയ ഒരു യുഗത്തിന്റെ ആരംഭമാണ്. സുകൃതികള് നിത്യസമ്മാനത്തിനായി ഉയിര്ത്തെഴുന്നേല്ക്കും. ദുഷ്ടര് നിത്യമായ അപമാനം അനുഭവിക്കും. മിശിഹാ (അഭിഷിക്തന്) നടത്തുന്ന വിധിക്കുശേഷം സമാധാനപൂര്ണമായ ഒരു ഘട്ടവും അതിനു ശേഷം അന്ത്യവിധിയും ഉണ്ടെന്ന് വെളിപ്പാട് ഗ്രന്ഥങ്ങളില് പറയുന്നു. നോ: അപ്പോക്കാലിപ്സ് സാഹിത്യം<br />
<br />
ന്യായവിധി ആസന്നമായിരിക്കുമെന്ന് യേശു സൂചിപ്പിച്ചു. 'ജാഗരൂകരായിരിക്കുവിന്' എന്ന മുന്നറിയിപ്പു വിധിയുടെ അത്യാസന്നത അറിയിക്കുന്നു. പഴയനിയമത്തിലെപ്പോലെ ന്യായാധിപന് ദൈവമാണ്. (മത്തായി 18:35; റോമര് 14:10; 1 പത്രോസ് 1:17) ദൈവപുത്രനായ യേശുവിന് ന്യായം വിധിക്കാനുള്ള അധികാരം നല്കിയിരിക്കുന്നു. അതുകൊണ്ട് വിധിദിവസത്തെ 'യേശുവിന്റെ പ്രത്യക്ഷപ്പെടലിന്റെ ദിവസം', 'യേശുവിന്റെ ദിവസം' എന്നെല്ലാം പറയുന്നു. (2 തെസ്സ. 1:5-7).<br />
<br />
യേശുവിലൂടെ ദൈവം വിധിക്കും. മാലാഖമാരും വിശുദ്ധരും അവനോടൊത്തുണ്ടായിരിക്കും. ക്രിസ്തു തന്റെ മഹത്വത്തില് സര്വമനുഷ്യരെയും വിധിക്കുവാന് വീണ്ടും വരും. തന്നില് വിശ്വസിക്കുന്നവരും അല്ലാത്തവരുമായ സര്വരേയും യേശു വിധിക്കും. വിധിയുടെ മാനദണ്ഡം ക്രിസ്തുവിനോടുള്ള ഓരോരുത്തരുടെയും മനോഭാവമായിരിക്കും. യേശുവിനെ ഏറ്റുപറയുവാന് ലജ്ജിക്കുന്നവര് തിരസ്കരിക്കപ്പെടും. ഇദ്ദേഹത്തില് വിശ്വസിക്കാത്തവരും ഇദ്ദേഹത്തിന്റെ സന്ദേശവാഹകരെ സ്വീകരിക്കാത്തവരും വിധിക്കപ്പെടും (മത്തായി 10:14; 11:20, 24; 23:33). ഓരോരുത്തനേയും അവനവന്റെ പ്രവൃത്തിക്കനുസരിച്ച് ക്രിസ്തു വിധിക്കും. സഹജീവികള്ക്കു ചെയ്യുന്ന നന്മയും തിന്മയും ക്രിസ്തുവിനു ചെയ്തതായി ഗണിക്കുന്നതാണ്. ക്രിസ്തുവിനെ അറിയാത്തവര് അവരുടെ മനസ്സാക്ഷിയുടെ നിയമപ്രകാരം വിധിക്കപ്പെടും. ക്രിസ്തുവിനെ അനുഗമിക്കുന്നവര് ആകട്ടെ, സുവിശേഷനിയമപ്രകാര(റോമര് 2:14-16)മായിരിക്കും വിധിക്കപ്പെടുക.<br />
<br />
ഓരോരുത്തരുടെയും ഹൃദയരഹസ്യങ്ങള് അന്ന് വെളിപ്പെടും (റോമര് 2:16; 1 കൊരി. 5:5), ദുഷ്ടര് ലജ്ജിതരായിത്തീരും എന്നെല്ലാം ക്രൈസ്തവര് വിശ്വസിക്കുന്നു.<br />
<br />
അന്ത്യന്യായവിധി ഒരു വിധിപ്രസ്താവന മാത്രമല്ല; ഇതുമൂലം, മരിച്ചവര് ഉയിര്ത്തെഴുന്നേല്ക്കുന്നു. യേശു ഓരോരുത്തനും അവനവന്റെ ആത്മാവിന്റെ സ്ഥിതിക്കനുസൃതമായ ശരീരം കൊടുക്കുന്നു. ദൈവികോദ്ദേശ്യത്തോടുള്ള വിധേയത്വത്തിലും ദൈവസ്നേഹത്തിലും സ്ഥിരീകൃതരായവര് മഹത്വത്തിന്റെ ശരീരവും അല്ലാത്തവര് അപമാനത്തിന്റെ ശരീരവും സ്വീകരിക്കുന്നു. ഈ പ്രവൃത്തി ഇരുകൂട്ടരേയും വേര്തിരിക്കുന്നതു കൂടാതെ ദൈവത്തോടു സ്നേഹത്താല് ബന്ധിക്കപ്പെട്ടവരുടെ ഒരു സമൂഹം സൃഷ്ടിക്കുകയും ചെയ്യുന്നു. തദ്വാരാ സൃഷ്ടികര്മത്തില് ദൈവത്തിന്റെ ഉദ്ദിഷ്ടലക്ഷ്യം നിറവേറ്റപ്പെടുന്നു എന്നു ക്രൈസ്തവ ദര്ശനത്തില് പ്രസ്താവമുണ്ട്.<br />
<br />
'''ആധുനിക വ്യാഖ്യാനം.''' ക്രിസ്തുവിന്റെ സ്വര്ഗാരോഹണവും പുനരാഗമനവും സത്താപരം (essential) മാത്രമാണ് എന്ന് ചില ആധുനിക ദൈവശാസ്ത്രജ്ഞര് വാദിക്കുന്നു. സ്വര്ഗാരോഹണം ക്രിസ്തു തന്റെ മഹത്വത്തിലേക്ക് പ്രവേശിക്കുന്നതിനെ സൂചിപ്പിക്കുന്നു. യേശു സര്വസൃഷ്ടിയുടെയും മേല് ദൈവത്തിനുള്ള പരമാധികാരത്തില് ഭാഗഭാക്കാകുന്നു. പുനരാഗമനം ക്രിസ്തുവിന്റെ ശക്തിയോടുകൂടിയ സാന്നിധ്യമാണ്, ശാരീരികമായുള്ള തിരിച്ചു വരവല്ല. ഈ സാന്നിധ്യം മനുഷ്യരുടെ ആത്മീയ ഉണര്വിലാണ് പ്രകടമാകുന്നത്. ദൈവികശക്തി ഫലപ്രദമാംവിധം പ്രവര്ത്തിച്ചുകൊണ്ട് യേശു വീണ്ടും ലോകത്തില് സന്നിഹിതനാകുന്നു. ലോകത്തിന്റെമേലുള്ള തന്റെ പരമാധികാരം പ്രയോഗിച്ചുകൊണ്ട് അദ്ദേഹം ലോകത്തെ പൂര്ണതയില് എത്തിക്കുന്നു. പുനരാഗമനം, ഉയിര്പ്പ്,അന്ത്യന്യായവിധി എന്നിവ ഒരേ ദൈവികപ്രവൃത്തിയുടെ വിവിധവശങ്ങളാണ്. ക്രിസ്തുവിന്റെ പുനരാഗമനത്തോട് അനുബന്ധിച്ച് ഉണ്ടാകുമെന്നു വിവരിക്കപ്പെടുന്ന പ്രകൃതിക്ഷോഭങ്ങളും അദ്ഭുതപ്രതിഭാസങ്ങളും അപ്പോകാലിപ്സ് സാഹിത്യത്തിന്റെ പ്രത്യേകതകളായി മനസ്സിലാക്കിയാല് മതിയെന്നാണ് പ്രസ്തുത ദൈവശാസ്ത്രജ്ഞന്മാരുടെ അഭിപ്രായം.<br />
<br />
(ഡോ. ജോര്ജ് പുന്നക്കോട്ടില്)<br />
<br />
2. മാര്പാപ്പാമാരുടെ ആസ്ഥാനമായ വത്തിക്കാനിലെ സിസ്റ്റൈന് ചാപ്പലില് മൈക്കല് ആഞ്ജലോ രചിച്ച പ്രസിദ്ധമായ ചുവര് ചിത്രം. 1534-ല് പോള് മൂന്നാമന് മാര്പാപ്പയുടെ നിര്ദേശമനുസരിച്ചാണ് ചിത്രം രചിക്കപ്പെട്ടത്. ഈ ചിത്രം പൂര്ണമാക്കുന്നതിന് അഞ്ചുവര്ഷം വേണ്ടിവന്നു. ഇതിനുമുമ്പ് ജൂലിയസ് രണ്ടാമന് മാര്പാപ്പായുടെ നിര്ദേശാനുസരണം ഇദ്ദേഹം ചാപ്പലിന്റെ മുകള്ത്തട്ടു മുഴുവന് ബൈബിള് പ്രമേയങ്ങള് ചിത്രീകരിച്ചു കഴിഞ്ഞിരുന്നു (1508-12). 'അന്ത്യവിധി' അള്ത്താരയുടെ പിന്നിലുള്ള ചുവരിലാണ് രചിച്ചത്. 20.12 മീ. നീളവും 7 മീ. ഉയരവുമുണ്ട് ചിത്രതലത്തിന്. മുകള്ത്തട്ടിലെ ചിത്രങ്ങള് ഉജ്വലമാണെങ്കില് 'അന്ത്യവിധി' മ്ളാനവും ഗൌരവപൂര്ണവുമാണ്. ക്രിസ്തുവിന്റെ രണ്ടാം വരവില്, മരിച്ചവരെയും ജീവനുള്ളവരെയും ന്യായം വിധിക്കുന്നതാണ് ചിത്രത്തിന്റെ പ്രമേയം. ചിത്രമധ്യത്തില് മഹിമയുടെ സിംഹാസനത്തില്നിന്ന് എഴുന്നേല്ക്കുന്ന ഭാവത്തില് ക്രിസ്തു ചിത്രീകരിക്കപ്പെട്ടിരിക്കുന്നു. മുമ്പില് രക്തസാക്ഷിത്വം വരിച്ച വിശുദ്ധന്മാര് തങ്ങള് അനുഭവിച്ച പീഡകള് വിവരിക്കുന്നു. തങ്ങളെ പീഡിപ്പിക്കുന്നതിനും കൊല്ലുന്നതിനും പീഡകര് ഉപയോഗിച്ച മാരകായുധങ്ങള് അവര് എടുത്തുകാട്ടുന്നു. ബാര്ത്തലോമിയോ പുണ്യവാളന്റെ കൈയില് മനുഷ്യശരീരത്തില്നിന്ന് ഊരിയെടുത്ത തുകലുണ്ട്. (ഈ വിശുദ്ധനെ തൊലിയുരിച്ചു കൊല്ലുകയാണുണ്ടായത്). ഈ തുകലിന്റെ ചുളിവില് ഒരു മുഖംകൂടി വരച്ചു ചേര്ത്തിട്ടുണ്ട്. അത് മൈക്കല് ആഞ്ജലോയുടേതുതന്നെയാണ്. നരകത്തിലും പാതാളത്തിലും കിടക്കുന്ന മനുഷ്യരൂപങ്ങള് വിവിധതരം തീവ്രയാതനകള് അനുഭവിച്ചു ഞെളിയുകയും പിരിയുകയും പ്രലപിക്കുകയും ചെയ്യുന്നു. ഇറ്റാലിയന് മഹാകവി ദാന്തേയുടെ ഡിവൈന് കോമഡിയില് വര്ണിച്ചിട്ടുള്ള രീതിയിലാണ് നരകവും പാതാളവും ചിത്രീകരിച്ചിട്ടുള്ളത്. ഈ ഭീകരതകള് കണ്ടിരിക്കുവാന് കഴിവില്ലാത്ത കന്യകാമാതാവ് മുഖം തിരിച്ചുപിടിക്കുന്നു.<br />
<br />
മൈക്കല് ആഞ്ജലോ രചിച്ച മനുഷ്യരൂപങ്ങളെല്ലാം നഗ്നമായിരുന്നു. ഒരു വിശുദ്ധ ദേവാലയത്തില് ഇത്തരം ചിത്രണം പാടില്ലെന്നു കരുതിയ പില്ക്കാല മാര്പാപ്പാമാര് അവയുടെ മേല് വസ്ത്രങ്ങള് ആലേഖനം ചെയ്തു ചേര്പ്പിച്ചു. പോള് നാലാമന്റെ കാലത്ത് ഡാനിയല് ഡാ വോള്ട്ടെറായും 18-ാം ശ.-ത്തില് ക്ളെമന്റ് പന്ത്രണ്ടാമന്റെ കാലത്ത് പോസ്സോയും ഇപ്രകാരം അന്ത്യന്യായവിധിയെ പരിഷ്കരിച്ചിട്ടുണ്ട്. യാതനാഗ്രസ്തമായ മനുഷ്യത്വത്തിന്റെ ചിത്രമത്രേ 'അന്ത്യന്യായവിധി'. മൈക്കല് ആഞ്ജലോയ്ക്ക് മനുഷ്യന്റെ ഭാഗധേയങ്ങളോടുള്ള അത്യഗാധമായ അനുഭാവത്തെയാണ് ഈ ചിത്രം പ്രകാശിപ്പിക്കുന്നത്. നോ: മൈക്കല് ആഞ്ജലോ<br />
<br />
(ഇ.എം.ജെ. വെണ്ണിയൂര്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%A4%E0%B4%BF%E0%B4%B0%E0%B5%81%E0%B4%B5%E0%B4%A4%E0%B5%8D%E0%B4%A4%E0%B4%BE%E0%B4%B4%E0%B4%82അന്ത്യതിരുവത്താഴം2008-02-26T11:03:01Z<p>116.68.64.48: </p>
<hr />
<div>= അന്ത്യതിരുവത്താഴം =<br />
The Last Supper<br />
<br />
ക്രിസ്തുവിന്റെ അവസാന അത്താഴത്തെ പ്രമേയമാക്കി രചിക്കപ്പെട്ട ചിത്രം. ലിയൊനാര്ഡോ ഡാവിഞ്ചി (1452-1519) ഡൊമിനിക്കന് സന്ന്യാസി സമൂഹത്തിനുവേണ്ടി ഇറ്റലിയിലെ മിലാന് നഗരത്തില് സാന്താമാറിയാ ഡെല്ഗ്രാസിയില് രചിച്ച ചുവര് ചിത്രമാണിത്. 'ഞാന് സത്യമായി നിങ്ങളോടു പറയുന്നു, നിങ്ങളില് ഒരുവന് എന്നെ ഒറ്റിക്കൊടുക്കും' എന്നു ക്രിസ്തു പ്രഖ്യാപിക്കുന്ന സന്ദര്ഭമാണ് ഇതില് ചിത്രീകരിച്ചിരിക്കുന്നത്. ആഹാരത്തിലേക്കു നീട്ടിയ കൈ അപരാധബോധം കൊണ്ടെന്നപോലെ പിന്വലിക്കുന്ന യൂദായുടെ ഇരുണ്ട രൂപം ക്രിസ്തുവിന്റെ വലതുഭാഗത്ത് മൂന്നാമതായി കാണാം. യൂദായുടെ പിന്നില് ക്രിസ്തുവിന്റെ തൊട്ടു വലതുവശത്തിരിക്കുന്ന യോഹന്നാനുമായി സംസാരിക്കുന്ന പത്രോസും ഇടതുവശത്ത് എഴുന്നേറ്റുനിന്ന് നെഞ്ചില് കൈവച്ചുകൊണ്ട് 'കര്ത്താവേ, അതു ഞാനല്ല എന്നു നീ അറിയുന്നുവല്ലോ' എന്നു പ്രസ്താവിക്കുന്ന ഭാവത്തോടുകൂടിയ ഫിലിപ്പും ചിത്രത്തിലുണ്ട്. യൂദാ ഒഴികെയുള്ള മറ്റു ശിഷ്യന്മാര് ഉത്കണ്ഠാപൂര്വം ക്രിസ്തുവിന്റെ പ്രഖ്യാപനം ചര്ച്ച ചെയ്യുന്നു. തീന്മേശയുടെ മധ്യത്തിലിരിക്കുന്ന ക്രിസ്തുവിന്റെ പുറകിലുള്ള തുറസ്സായ ഭാഗത്തുനിന്നുവരുന്ന വെളിച്ചം ക്രിസ്തുവിനു ചുറ്റും ഒരു പ്രഭാവലയം സൃഷ്ടിക്കുന്നു. മേശയുടെ ഒരു വശത്തു മാത്രമായിട്ടാണ് ആളുകള് നിരന്നിരിക്കുന്നത്. എല്ലാവരേയും ഒരേ നിരയില് കേന്ദ്രീകരിച്ച് അവരുടെ ഭിന്നങ്ങളായ മാനസികാവസ്ഥകളും സ്വഭാവ വൈചിത്യ്രങ്ങളും ഓരോ ശിഷ്യനും ഗുരുവിനോടുള്ള ബന്ധത്തിന്റെ സവിശേഷതകളും ഒരേ സമയം ധ്വനിപ്പിക്കുകകൂടിയാണ് ഡാവിഞ്ചി ചെയ്തിരിക്കുന്നത്. ക്രിസ്തുവിന്റെ മുഖത്തു നിഴലിടുന്ന വിധേയത്വഭാവം ദൈവഹിതത്തിന് താന് സ്വയം സമര്പ്പിക്കുന്നു എന്ന പ്രതീതി വളര്ത്തുന്നു. അപ്പത്തെ സ്വന്തം ശരീരമായും വീഞ്ഞിനെ രക്തമായും വിഭാവനം ചെയ്യുന്ന തിരുവത്താഴത്തിന്റെ സന്ദേശവും ചിത്രത്തില് നിഴലിടുന്നു. 'മനുഷ്യന്റെ ആത്മാവിലെ ഉദ്ദേശ്യങ്ങളെ' അംഗവിക്ഷേപാദികളിലൂടെ ചിത്രീകരിക്കുകയാണ് ചിത്രകലയുടെ പരമോന്നതവും ഏറ്റവും ക്ളേശകരവുമായ ധര്മം എന്ന സ്വന്തം സിദ്ധാന്തത്തെ ഡാവിഞ്ചി ഈ ചിത്രത്തിലൂടെ ഉദാഹരിക്കുന്നു.<br />
<br />
1493-ല് മിലാന് ഡ്യൂക്കായ ലുഡോവിക്കോ സ്ഫോര്സായുടെ ക്ഷണപ്രകാരം മിലാനില് താമസിക്കുമ്പോഴാണ് ഡാവിഞ്ചി ഈ ചിത്രം രചിച്ചത്. 1495-ല് തുടങ്ങിയ പ്രസ്തുത ചിത്രം 1498-ല് പൂര്ണമാക്കി. ചിത്രരചന വൈകുന്നതില് അക്ഷമനായ പ്രധാന പുരോഹിതന് ഡ്യൂക്കിനോടു പരാതിപ്പെട്ടുവെന്നും യൂദായുടെ ശിരസ്സിനുപോന്ന ഒരു മാതൃക കണ്ടെത്തുവാന് തനിക്കു കഴിയാതെപോയതാണ് താമസത്തിനു കാരണമെന്ന് ഡാവിഞ്ചി സമാധാനം നല്കിയെന്നും പുരോഹിതന് അത്രയേറെ അക്ഷമനാണെങ്കില് അദ്ദേഹത്തിന്റെ (പുരോഹിതന്റെ) ശിരസ്സു തന്നെ വരച്ചു ചേര്ത്തേക്കാമെന്ന് കലാകാരന് തുടര്ന്നു പ്രസ്താവിച്ചു എന്നും ഒരു കഥയുണ്ട്. ചിത്രം ഡാവിഞ്ചിയുടെ കാലത്തുതന്നെ മങ്ങിത്തുടങ്ങി. പരീക്ഷണ തത്പരനായ കലാകാരന് ചുവര്ചിത്രചായങ്ങള്ക്കു പകരം എണ്ണച്ചായമിശ്രിതങ്ങള് ഉപയോഗിച്ചതാണ് കാരണം. പലരും അതു പുനരുദ്ധരിക്കുവാന് ശ്രമിച്ചുവെങ്കിലും അപ്പോഴേക്കും അത് തീരെ മങ്ങിപ്പോയിരുന്നു.<br />
<br />
അവസാന അത്താഴത്തെ ആസ്പദമാക്കി ഡാവിഞ്ചിക്കു മുന്പ് കാസ്താഞ്ഞോ എന്ന ഫ്ളോറന്സ് ചിത്രകാര(1423-57)നും പിന്നീട് വെനീസിലെ ടിന്റോറെറ്റോ(1518-94)യും ജര്മന് എക്സ്പ്രഷനിസ്റ്റ് ചിത്രകാരനായ എവില് നോര്ഡെ(1867-1956)യും രചിച്ച ചിത്രങ്ങള് പ്രസിദ്ധങ്ങളാണ്. കാസ്താഞ്ഞോയുടെ ചിത്രത്തില് യൂദാ മാത്രം ഒറ്റപ്പെട്ടവനെപ്പോലെ ക്രിസ്തുവിന് എതിരായി ഇരിക്കുന്നു. മധ്യകാലകലയില് യൂദായെ വേര്തിരിച്ചിരുത്തുക പതിവാണ്. ടിന്റോറെറ്റോയുടെ ചിത്രത്തില് ക്രിസ്തുവിന്റെ ശിരസ്സിനു ചുറ്റും ഒരു പ്രഭാവലയുമുണ്ട്. നോല്ഡെയുടെ ചിത്രം അനലംകൃതവും ഭാവപ്രകാശനസമര്ഥവും തെല്ലുപ്രാകൃതവുമാണ്.<br />
<br />
(ഇ.എം.ജെ. വെണ്ണിയൂര്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%95%E0%B5%82%E0%B4%A6%E0%B4%BE%E0%B4%B6അന്ത്യകൂദാശ2008-02-26T11:02:04Z<p>116.68.64.48: </p>
<hr />
<div>= അന്ത്യകൂദാശ =<br />
Last Sacrament<br />
<br />
ആസന്നമരണനായ ഒരു വിശ്വാസിക്ക് ക്രൈസ്തവ പുരോഹിതന് നല്കുന്ന അവസാനശുശ്രൂഷ. തൈലലേപന ശുശ്രൂഷ (Annointing of the Sick) എന്ന പേരാണ് ഇതിന് ഏറ്റവും അനുയോജ്യമെന്ന് രണ്ടാം വത്തിക്കാന് കൌണ്സിലില് പരാമര്ശമുണ്ടായി. 9-ാം ശ.-ത്തിലുണ്ടായ 'കരോലിംഗ്' പരിഷ്കരണത്തിനുശേഷം സ്വര്ഗത്തിലേക്കുള്ള യാത്രയ്ക്കുതകുന്ന 'പാഥേയം' ആയ പാപമോചനം, തൈലാഭിഷേകം, കുര്ബാനാനുഭവം എന്നിവ ലഭിക്കാതെ ആരെയും മരണകവാടത്തിലേക്കു പ്രവേശിപ്പിക്കാനനുവദിക്കരുതെന്നു സഭാധികാരികള് അനുശാസിച്ചു. തന്മൂലം അന്ത്യകൂദാശ ഏറ്റവും ഒടുവില് ചെയ്യേണ്ട സഭാശുശ്രൂഷയായി പരിണമിച്ചു. ആരാധനയെപ്പറ്റിയുള്ള 1963-ലെ നിയമാവലിയില് ഇപ്രകാരം പറയുന്നു:-- വാര്ധക്യമോ, രോഗമോ മൂലം മരണം ആസന്നം എന്നു കരുതുമ്പോള് ആണ് അന്ത്യകൂദാശ സ്വീകരിക്കാനുള്ള അനുയോജ്യമായ സമയം.<br />
<br />
തൈലലേപനമാണ് ഈ ശുശ്രൂഷയിലെ മുഖ്യഘടകം. തൈലലേപന ശുശ്രൂഷയുടെയും തദവസരത്തില് നടത്തുന്ന പ്രാര്ഥനയുടെയും പ്രധാനോദ്ദേശ്യം ആസന്നമരണന്റെ പാപമോചനവും രോഗശാന്തിയും ആകുന്നു എന്ന അഭിപ്രായത്തില് പൌരസ്ത്യ-പാശ്ചാത്യ ക്രൈസ്തവസഭകള് യോജിക്കുന്നു. രോഗികള്ക്കായുള്ള ഈ വിശുദ്ധകര്മം ബൈബിള്-പുതിയ നിയമത്തിന് അനുസൃതമാണ്. മര്ക്കോസിന്റെ സുവിശേഷത്തില് വളരെയധികം രോഗികളെ അപ്പോസ്തലന്മാര് തൈലലേപനം നല്കി സുഖപ്പെടുത്തി (മര്ക്കോ. 6:13) എന്നു കാണുന്നു. അപ്പോസ്തലനായിരുന്ന യാക്കോബ് "നിങ്ങളില് രോഗിയായ ഒരുവനുണ്ടെങ്കില് അവന് സഭയിലെ മൂപ്പന്മാരെ വരുത്തട്ടെ. അവര് അവനുവേണ്ടി പ്രാര്ഥിക്കുകയും അവന്റെമേല് കര്ത്താവിന്റെ നാമത്തില് തൈലാഭിഷേകം നടത്തുകയും ചെയ്യട്ടെ.'' (യാക്കോബ് 5:14) എന്ന് രേഖപ്പെടുത്തിയിട്ടുണ്ട്.<br />
<br />
ഈ കൂദാശയില് പ്രത്യേകമായി പുരോഹിതന് ആശീര്വദിച്ച ഒലിവെണ്ണ രോഗിയുടെ പഞ്ചേന്ദ്രിയങ്ങളില് ഓരോന്നിലും പ്രത്യേകം പ്രത്യേകം പൂശുന്നു. 'ഈ പരിശുദ്ധ ശുശ്രൂഷയാലും ദൈവത്തിന്റെ ഏറ്റവും വലിയ സ്നേഹാര്ദ്രതയാലും നിന്റെ പാപങ്ങളില് നിന്നും മോചനം ലഭിക്കട്ടെ' എന്ന പ്രാര്ഥന ഓരോ പ്രാവശ്യവും ആവര്ത്തിക്കുന്നു. രോഗിക്ക് രോഗശമനത്തിനും ആത്മധൈര്യത്തിനും ഉതകുന്ന ദൈവികനല്വരം (കൃപ) ലഭിക്കുക എന്നതാണ് ഇതിന്റെ മുഖ്യോദ്ദേശ്യം. തൈലലേപനം കൂടാതെയുള്ള അന്ത്യകൂദാശകള് ചില സഭകള് നടത്താറുണ്ട്. ആധിക്ക് എതിരെ പ്രത്യാശയും ദുരിതാനുഭവങ്ങള്ക്കെതിരെ സഹനശക്തിയും പരീക്ഷണങ്ങള്ക്ക് എതിരെ ആത്മധൈര്യവും ദേവകൃപമൂലം ഈ ശുശ്രൂഷയിലൂടെ ലഭിക്കുമെന്നു കരുതപ്പെടുന്നു. ശരീരസൌഖ്യവും പാപം, ശിക്ഷ എന്നിവയില്നിന്നുള്ള മോചനവും ലഭിക്കുന്നതിന് വിശ്വാസവും പശ്ചാത്താപവും ആവശ്യമാകുന്നു. ഇവയെ പ്രചോദിപ്പിക്കുന്ന അന്ത്യകൂദാശാശുശ്രൂഷയില് കൃപാവരങ്ങളെപ്പറ്റിയും പ്രതിപാദിച്ചിരിക്കുന്നു.<br />
<br />
ആംഗ്ളോ-കത്തോലിക്കരൊഴികെ, മറ്റു ആംഗ്ളിക്കന് സഭകള് അന്ത്യകൂദാശയില് തൈലലേപന ശുശ്രൂഷ നടത്താറില്ല. ഈ ഭാഗം അവരുടെ പ്രാര്ഥനാക്രമത്തില് നിന്ന് നീക്കം ചെയ്തു. യു.എസ്സിലെ എപ്പിസ്കോപ്പല് സഭകള് ഇതിനെ സ്വീകരിച്ചുകാണുന്നു. മലങ്കര ഓര്ത്തഡോക്സ് സുറിയാനി സഭയില് ഈ ശുശ്രൂഷ ഇന്നും നടത്തിവരുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8B%E0%B4%B8%E0%B5%8B%E0%B4%B5അന്തോസോവ2008-02-26T10:59:23Z<p>116.68.64.48: </p>
<hr />
<div>= അന്തോസോവ =<br />
Anthozoa<br />
<br />
സീലന്ററേറ്റ (Coelenterata) ഫൈലത്തിലെ കടല്-ആനിമോണുകള് (Sea-anemones), കോറലുകള് (Corals) എന്നീ ജലജീവികള് ഉള്പ്പെടുന്ന ജന്തുവര്ഗം. അന്തോസോവ എന്ന വാക്കിന് 'പുഷ്പാകൃതിയുള്ള ജന്തുക്കള്' എന്നാണര്ഥം. ഒറ്റയായോ സംഘമായോ എവിടെയെങ്കിലും പറ്റിപ്പിടിച്ചു ജീവിക്കുന്ന സമുദ്രജീവികളാണ് ഇവയെല്ലാം. കടല്ത്തീരത്തിനടുത്ത് പാറക്കഷണങ്ങളിലും മറ്റും പറ്റിപിടിച്ചു പലനിറത്തോടൂകൂടി പുഷ്പങ്ങള് വിരിഞ്ഞുനില്ക്കുന്നതുപോലെ കാണപ്പെടുന്ന കടല്-ആനിമോണുകള്, പവിഴപ്പുറ്റുകള് (corals), കടല്വിശറികള് (Sea fans), കടല്ത്തൂവലുകള് (Sea feathers) എന്നിവയെല്ലാം ഈ ജന്തുവര്ഗത്തില് ഉള്പ്പെടുന്നു.<br />
<br />
'''ലേഖന സംവിധാനം'''<br />
<br />
I. അവയവ ഘടന<br />
<br />
II. വര്ഗീകരണം<br />
<br />
1. ആല്സിയൊണേറിയ<br />
<br />
i. സ്റ്റൊളോണിഫെറ<br />
<br />
ii. റ്റൈലസ്റ്റേഷിയ<br />
<br />
iii. ആല്സിയൊണേഷിയ<br />
<br />
iv. സീനോതിക്കേലിയ<br />
<br />
v. ഗോര്ഗൊണേഷിയ<br />
<br />
vi. പെന്നാറ്റുലേഷിയ<br />
<br />
2. സൊവാന്തേറിയ<br />
<br />
i. ആക്റ്റിനിയേറിയ<br />
<br />
ii. മാഡ്രിപൊറേറിയ<br />
<br />
iii. സൊവാന്തിഡിയ<br />
<br />
iv. ആന്റിപതേറിയ<br />
<br />
v. സെറിയാന്തേറിയ<br />
<br />
'''I. അവയവ ഘടന.''' അടിസ്ഥാനപരമായി ഒരു അച്ചുതണ്ടിനു ചുറ്റും വിന്യസിച്ചിരിക്കുന്ന ശരീരഭാഗങ്ങളാണ് ഇവയ്ക്കുള്ളത്. ഇതിന് ത്രിജ്യതാ-സമമിതി (radial symmetry) എന്നു പറയുന്നു. ഈ സമമിതി പല വിധത്തില് രൂപാന്തരപ്പെട്ടിരിക്കുന്നു. ഒരു വൃത്തസ്തംഭത്തിന്റെ ആകൃതിയാണ് ശരീരത്തിനുള്ളത്. ഇതിന്റെ ഒരറ്റം സ്വതന്ത്രമായും മറ്റേയറ്റം എവിടെയെങ്കിലും പറ്റിപ്പിടിച്ചും ഇരിക്കുന്നു. സ്വതന്ത്രാഗ്രം ഒരു വദനഫലകമായി (oral disc) വികസിച്ചിരിക്കുന്നു. ഈ ഭാഗത്ത് മധ്യത്തിലായി ഒരു വിടവുപോലെ വായ് സ്ഥിതിചെയ്യുന്നു. ഇതിനു ചുറ്റും പൊള്ളയായ ഗ്രാഹികള് കാണാം. ചില അന്തോസോവകളില് ഒരു ഗുദ-ദ്വാരം (anal pore) കാണുന്നുണ്ടെങ്കിലും സാധാരണയായി ഗുദം (anus) ഈ ജീവികളില് കാണാറില്ല. വായില്നിന്നും തൊണ്ടയ്ക്കു തുല്യമായ ഒരു പരന്ന കുഴല് ഉള്ഭാഗത്തേക്കു നീണ്ടുപോകുന്നു. ഇത് ഗ്രസനി (pharynx) എന്ന പേരില് അറിയപ്പെടുന്നു. ഗ്രസനി സീലന്ററോണ് (coelenteron) എന്ന ശരീരഗുഹികയിലേക്കു തുറക്കുന്നു. ഗ്രസനിയോട് ചേര്ന്ന് ഒന്നോ രണ്ടോ സിലിയാമയ-പാത്തികള് കാണപ്പെടുന്നു. സൈഫണോഗ്ളീഫ് (syphonoglyph) എന്നറിയപ്പെടുന്ന ഈ പാത്തികള് സീലന്ററോണിനുള്ളിലേക്ക് ജലം പമ്പുചെയ്യാന് സഹായിക്കുന്നു. ഗ്രസനി ഉള്ളില് ഒരു നാളിയിലേക്കാണ് തുറക്കുന്നത്. ഈ നാളിയും ശരീരഭിത്തിയുമായി ലംബമാനമായ അനവധി ഉള്ഭിത്തികള് (mesen-teries) മൂലം ബന്ധിച്ചിരിക്കുന്നു. ഈ ഉള്ഭിത്തികള് സീലന്ററോണിനെ അനവധി അറകളായി തിരിക്കുന്നു.<br />
<br />
വദനഫലകത്തിനു ചുറ്റുമായി കാണുന്ന ഗ്രാഹികള് ആഹാരസമ്പാദനത്തിനും പ്രതിരോധത്തിനുമായാണ് ഉപയോഗപ്പെടുത്തുന്നത്. ഇവയെ വികസിപ്പിക്കുവാനും ചുരുക്കുവാനും സാധിക്കും. ഗ്രാഹികളില് കാണുന്ന അസംഖ്യം സൂക്ഷ്മദംശകോശികകള് (nematocysts) ആണ് പ്രതിരോധകായുധങ്ങളായി പ്രവര്ത്തിക്കുന്നത്. വിഷലിപ്തമായ ഈ ദംശകോശികള്കൊണ്ടുള്ള കുത്ത് സൂക്ഷ്മജീവികളെ കൊന്നുകളയുകയോ ഓടിച്ചകറ്റുകയോ ചെയ്യുന്നു.<br />
<br />
പരിണാമപരമായി താഴ്ന്ന നിലവാരത്തിലുള്ള ശരീരഘടനയാണ് ഇവയ്ക്കുള്ളത്. ബാഹ്യചര്മവും (ectoderm), ദഹനക്രിയയെ സഹായിക്കുന്ന അന്തശ്ചര്മവും (endoderm) ചേര്ന്ന രണ്ടു പാളികള്കൊണ്ടാണ് ശരീരം നിര്മിച്ചിരിക്കുന്നത്. ഈ രണ്ടുപാളികളെയും ജല്ലിപോലെയുള്ള മീസോഗ്ളിയ (Mesogloea) എന്ന ഒരു സ്തരം വേര്തിരിക്കുന്നു. സീലന്ററേറ്റയിലെ മറ്റു വര്ഗങ്ങളായ ഹൈഡ്രോസോവ (Hydrozoa), സ്കൈഫോസോവ (Scyphozoa) എന്നിവയിലെക്കാള് കോശമയമാണ് അന്തോസോവയില് കാണപ്പെടുന്ന മീസോഗ്ളിയയുടെ ഘടന. ഇതിന് ഘടനാപരമായി സംയോജനകല(connective tissue)യുമായാണ് സാദൃശ്യമുള്ളത്.<br />
<br />
മിക്ക അന്തോസോവകളിലും വലിയ തോതില് സഞ്ചാര സ്വാതന്ത്യ്രം കാണാറില്ല. ഗ്രാഹികളുടെ ചലനത്താലും ശരീരത്തിന്റെ വികാസ-സങ്കോചങ്ങളാലും ആണ് ഇവ സഞ്ചരിക്കാറുള്ളത്. വിവിധ ആഹാരരീതികളുണ്ടെങ്കിലും അന്തോസോവകള് മൊത്തത്തില് മാംസാഹാരികളാണ്.<br />
<br />
നാഡീവ്യൂഹം, രക്തപര്യയനവ്യൂഹം, വിസര്ജനേന്ദ്രിയങ്ങള് എന്നിവ ഇവയില് കാണാറില്ല. ശരീരകോശങ്ങള് പൊതുവേ ഈ കര്മങ്ങള് നിര്വഹിക്കുന്നു.<br />
<br />
ബീജകോശങ്ങള് അന്തച്ഛര്മത്തില് നിന്നാണുടലെടുക്കുന്നത്. വളര്ച്ചയെത്തിയ ബീജകോശങ്ങള് സ്വതന്ത്രമായി വായ്ദ്വാരം വഴി വെളിയിലേക്കു നീങ്ങുകയോ ഉള്ളില്വച്ചു തന്നെ ബീജസങ്കലനവിധേയമാകുകയോ ചെയ്യുന്നു. സീലന്ററേറ്റയുടെ മറ്റു വിഭാഗങ്ങളിലേതുപോലെ ഇവിടെയും ബീജസങ്കലനത്തിനുശേഷം പ്ളാനുല (Planula) എന്ന ലാര്വ ഉണ്ടാകുന്നു. ഒരു സ്വതന്ത്രജീവിതത്തിനുശേഷം എവിടെയെങ്കിലും പറ്റിപ്പിടിച്ച് ഇവ വളര്ച്ച മുഴുമിപ്പിക്കുകയാണ് പതിവ്.<br />
<br />
'''II. വര്ഗീകരണം.''' അന്തോസോവയെ രണ്ട് ഉപവര്ഗങ്ങളായി തിരിച്ചിരിക്കുന്നു.<br />
<br />
1. ആല്സിയൊണേറിയ (ഒക്ടോകൊറേലിയ)<br />
<br />
2. സൊവാന്തേറിയ (ഹെക്സാകൊറേലിയ)<br />
<br />
'''1. ആല്സിയൊണേറിയ''' (Alcyonaria). സംഘജീവികള്. ഓരോന്നും താരതമ്യേന ചെറിയവയാണ്. പവിഴപ്പുറ്റു നിരയിലെ ഒരു പ്രധാന ഘടകമാണിത്. ഒരു മാതൃകാംഗത്തില് 8 ഗ്രാഹികളും 8 ഉള്ഭിത്തികളും ഉണ്ട്. ഗ്രാഹികള് തൂവല്മാതിരിയുള്ള പാര്ശ്വഭാഗങ്ങളോടുകൂടിയവാണ്. തൊണ്ടയുടെ ഒരു കോണില്, നീളത്തില് സിലിയാമയമായ ഒരു പാത്തി (siphonoglyph)യുണ്ട്. അവയിലെ സിലിയകളുടെ പ്രവര്ത്തനംമൂലം തൊണ്ടയില്കൂടെ തുടര്ച്ചയായി ഉള്ളിലേക്ക് ജലം ഒഴുകും. തൊണ്ടയുടെ പാത്തിയില്ലാത്ത കോണിന്റെ ഭാഗത്തുള്ള രണ്ടു വലിയ ഭിത്തികളിലെ സിലിയകളുടെ പ്രവര്ത്തനം മൂലം ജലം പുറത്തേക്കു പൊയ്ക്കൊണ്ടിരിക്കും. മറ്റ് 6 ഭിത്തികള് ചെറുതും പല ദഹന ഗ്രന്ഥികോശങ്ങളുള്ളവയും ജനനേന്ദ്രിയങ്ങളെ വഹിക്കുന്നവയുമായിരിക്കും. ഈ ജീവികളുടെ മുട്ടകള് പ്ളാനുല എന്ന ലാര്വയാകുകയും കാലക്രമത്തില് എവിടെയെങ്കിലും പറ്റിപ്പിടിച്ച് ജീവിതം ആരംഭിക്കുകയും ചെയ്യുന്നു. ഒരു പ്രത്യേക രീതിയില് പുതിയ മൊട്ടുകള് ഉദ്ഭവിപ്പിച്ച് പല രൂപഭേദങ്ങളിലൂടെ വളര്ച്ച മുഴുമിപ്പിക്കുന്ന ഇവ കാലപ്പഴക്കത്തില് ഒരു സംഘജീവിയായിത്തീരുന്നു. പ്രാണിയില്നിന്നും കുഴല്രൂപത്തില് പാര്ശ്വങ്ങളിലേക്കു വളരുന്ന സ്കന്ദങ്ങളില് (solenia) നിന്നായിരിക്കും മൊട്ടുകള് ആവിര്ഭവിക്കുക. ഈ സ്കന്ദങ്ങള് അന്തശ്ചര്മം കൊണ്ടുള്ളതാണ്. ഇവ സംഘജീവികളുടെ പൊള്ളയായ ഭാഗങ്ങളെ തമ്മില് ബന്ധിപ്പിച്ച് ഒന്നാക്കിത്തീര്ക്കുന്നു. പ്രാണികള് വളരുന്നതോടുകൂടി ഉള്ളില് അസ്ഥികൂടം സ്രവിക്കപ്പെടുന്നു. അങ്ങനെ സംഘജീവികള്ക്ക് മൊത്തമായി വലിയ ഒരു അസ്ഥികൂടം ഉണ്ടാകുന്നു. ചില ജീവികളില് അസ്ഥികൂടത്തിന്റെ സ്ഥാനത്ത് നിരവധി സ്വതന്ത്ര കണ്ഡികകള് (spicules) കാണാം. അന്തോസോവകളില് ബഹുരൂപത (polymorphism) പ്രദര്ശിപ്പിക്കുന്നത് ആല്സിയൊണേറിയ മാത്രമാണ്. ഈ ഭിന്നാംഗങ്ങളില് ഒരിനം (Gastro-zooids) ആഹാര പ്രക്രിയ നടത്തുകയും, മറ്റൊരിനം (Siphono-zooids) സംഘജീവിയുടെ ഉള്ളിലും സ്കന്ദങ്ങളിലും കൂടെ ജലപ്രവാഹത്തെ നയിക്കുകയും ചെയ്യുന്നു. ആദ്യത്തെ ഇനം മേല്വിവരിച്ച ശരീരഘടനയുള്ളവയാണ്. രണ്ടാം ഇനത്തിന്റെ തൊണ്ടയുടെ പാത്തി ഒഴിച്ചുള്ള ശരീരഭാഗങ്ങളില് വലിയ ലഘൂകരണം നടന്നിരിക്കുന്നു.<br />
<br />
ജീവിച്ചിരിക്കുന്ന ആല്സിയൊണേറിയ പല വിഭാഗങ്ങളില്പ്പെടുന്നു.<br />
<br />
'''i. സ്റ്റൊളോണിഫെറ''' (Stolonifera). ഇതിലെ അംഗങ്ങള്ക്കെല്ലാംകൂടെ ഒരു പൊതുകല (coenosarc) ഇല്ല. അംഗങ്ങള് ഇഴഞ്ഞുവളരുന്ന സ്റ്റോളനില് (Stolen) നിന്നും ഒറ്റയൊറ്റയായി ഉദ്ഭവിച്ച് ലംബമാനമായി വളരുന്നു. സ്റ്റോളന്റെ ഉള്ളിലുള്ള സ്കന്ദങ്ങള് കൊണ്ട് അംഗങ്ങള് ബന്ധിപ്പിക്കപ്പെട്ടിരിക്കും. അസ്ഥികൂടം ചോക്കു പോലുള്ളതും കണ്ഡികയുടെ ആകൃതിയുള്ളതുമായിരിക്കും.<br />
<br />
'''ii. റ്റെലസ്റ്റേഷിയ''' (Telestacea). ചുവട്ടിലുള്ള സ്റ്റോളനില് നിന്നും മുളയായി ഉദയം ചെയ്യുന്ന ആദ്യത്തെ അംഗങ്ങള് ലംബമാനമായി വളര്ന്നുയരുന്നു. തുടര്ന്ന് അവയുടെ പാര്ശ്വങ്ങളില് മറ്റംഗങ്ങള് ഉണ്ടാകുന്നു. കണ്ഡികയുടെ രൂപത്തിലുള്ള അസ്ഥികൂടങ്ങള് കുറെയൊക്കെ ബന്ധിക്കപ്പെട്ടിരിക്കുന്നു.<br />
<br />
'''iii. ആല്സിയൊണേഷിയ''' (Alcyonacea). സോഫ്റ്റ് കോറല്സ്. മാംസളമായ ഒരു പൊതുകലയില് നിന്നും അംഗങ്ങള് തള്ളിനില്ക്കുന്നു. ഈ പൊതുകല പല ജീവികളില് പല ആകൃതിയിലായിരിക്കും.<br />
<br />
iv. സീനോതിക്കേലിയ (Coenothecalia). നീലപ്പവിഴം. ഇതിന്റെ ഘനമായ അസ്ഥികൂടത്തില് ലംബവും സമാന്തരവുമായി മുകളിലേക്കു മാത്രം തുറന്നിരിക്കുന്ന നിരവധി കുഴലുകള് ഉണ്ട്. ഇവ രണ്ടു വലുപ്പത്തിലാണ്. വലുതില് അംഗങ്ങളുടെ ചുവടുഭാഗം ഇരിക്കുന്നു. ചെറുത് എണ്ണത്തില് വളരെ കൂടുതലുള്ളതും ഉള്ളില് വലപോലെ സ്കന്ദങ്ങളുള്ളതുമാണ്. അസ്ഥികൂടത്തിന്റെ ഉപരിതലത്തില് പൊതുകല സ്ഥിതിചെയ്യുന്നു. ഇതില്നിന്നുമാണ് സ്കന്ദങ്ങള് ഉദ്ഭവിക്കുന്നത്. ഈ സ്കന്ദങ്ങള് അംഗങ്ങളുടെ മധ്യഭാഗങ്ങളെ തമ്മില് ബന്ധിപ്പിക്കുന്നു. നേരത്തെ പറഞ്ഞ സ്കന്ധങ്ങള് ഇവയില്നിന്നും കീഴോട്ട് വളര്ന്നു നില്ക്കുന്നവയാണ്. <br />
<br />
'''v. ഗോര്ഗൊണേഷിയ''' (Gorgonacea). ഹോണീ (horney) കോറലുകള്-കടല്ചാട്ട, കടല്തൂവല്, കടല്വിശറി മുതലായവ. സാധാരണ ഗോര്ഗൊണിന് (gorgonian) എന്ന കടുപ്പമുള്ള സാധനംകൊണ്ട് അസ്ഥികൂടം സൃഷ്ടിക്കുന്നു. ചുവട്ടിലുള്ള സ്റ്റോളനില് നിന്നും ലംബമാനമായി ചെടികളെപ്പോലെയോ, തുവല്, വിശറി മുതലായവയെപ്പോലെയോ വളരുന്നു. ഇവയുടെ തണ്ടുപോലുള്ള (stem) ഭാഗങ്ങളുടെ ഉള്ളിലാണ് അസ്ഥികൂടം കാണപ്പെടുന്നത്. ഇതിനെ ചുറ്റി ഒരു പൊതുകലയുണ്ട്; ഇതില് നിറയെ സ്കന്ധങ്ങളും. തണ്ടിന്റെ അക്ഷത്തിനു ലംബമായി അംഗങ്ങള് വളര്ന്ന് പുറത്തേക്കു തള്ളിനില്ക്കുന്നു. സ്കന്ദങ്ങള് ഈ അംഗങ്ങളെ തമ്മില് ബന്ധിപ്പിക്കുന്നു.<br />
<br />
'''vi. പെന്നാറ്റുലേഷിയ''' (Pennatulacea). കടല്പേനകള്. മാംസളമായ സംഘജീവികളാണ് ഇവയെല്ലാം. പ്രധാനമായ അംഗം വളരെ നീളത്തില് വളര്ന്ന് സംഘജീവിയുടെ ഒരു ഞെട്ട് പോലെ നില്ക്കുന്നു. അതിന്റെ ഇരുപാര്ശ്വങ്ങളിലും മറ്റംഗങ്ങള് വളരുന്നു. ചിലതില് രണ്ടാമത് പറഞ്ഞതരം അംഗങ്ങള് പ്രധാനാംഗത്തിന്റെ എല്ലാ വശത്തേക്കും വളര്ന്നുനില്ക്കുന്നതു കാണാം. പ്രധാനാംഗത്തിന്റെ മധ്യത്തിലാണ് അസ്ഥികൂടം സ്ഥിതിചെയ്യുന്നത്. മറ്റംഗങ്ങള് മേല് വിവരിച്ചമാതിരി രണ്ടുതരമാണ് - ആഹാരപ്രക്രിയ നടത്തുന്നവയും ജലപ്രവാഹത്തെ നയിക്കുന്നവയും.<br />
<br />
'''2. സൊവാന്തേറിയ''' (Zoantharia). ഗ്രാഹികളും (tentacles) ഉള്ഭിത്തികളും വളരെ അധികമായിരിക്കും (ഒരിക്കലും 8 ആയിരിക്കയില്ല). ഗ്രാഹികള് ലഘുവും കമ്പിളിനാരങ്ങയുടെ അല്ലികളോട് സാദൃശ്യമുള്ളവയുമാണ്. തൊണ്ടയുടെ രണ്ടു കോണുകളിലും പാത്തി കാണപ്പെടുന്നു. സൊവാന്തേറിയ ഭിന്നജാതീയമായ (വലലൃീേഴലിലീൌ) ഒരു വിഭാഗമാണ്. ഇവയെ 5 വര്ഗങ്ങളായി തിരിച്ചിരിക്കുന്നു.<br />
<br />
'''i. ആക്റ്റിനിയേറിയ''' (Actiniaria). കടല് പുഷ്പങ്ങള്. സംഘജീവികള് അല്ല. ഇവയില് അസ്ഥികൂടങ്ങള് കാണപ്പെടുന്നില്ല., കല്ലുകളിലോ, സഞ്ചരിക്കുന്ന മറ്റു ജീവികളില് പറ്റിപ്പിടിച്ചോ, മണ്ണ് തുരന്ന് അതിലോ ആണ് സാധാരണ ജീവിക്കുന്നത്. പറ്റിപ്പിടിച്ചിരിക്കുമെങ്കിലും നിരങ്ങി നീങ്ങുവാന് കഴിയുന്നു. ശരീരം വൃത്തസ്തംഭാകൃതിയിലുള്ളതാണ്.<br />
<br />
'''ii. മാഡ്രിപൊറേറിയ''' (Madriporaria). മാതൃകാപവിഴപ്പുറ്റ്. സ്റ്റോണീ (stony) കോറല്സ്. കൂടുതലും സംഘജീവികള്. അംഗങ്ങള് കടല് പുഷ്പങ്ങളെപ്പോലിരിക്കും. പക്ഷേ നിരങ്ങിനീങ്ങുവാന് കഴിവില്ല. ഓരോ അംഗവും കപ്പിന്റെ ആകൃതിയിലുള്ള ഒരു അസ്ഥികൂടം സ്രവിച്ച് അതിനകത്തിരിക്കുന്നു. കപ്പിന്റെ ഉള്ളില് നിന്നും ജീവിയുടെ ഉള്ഭിത്തികളുടെ മധ്യഭാഗത്തേക്ക് അസ്ഥികൂടം തള്ളിനില്ക്കും (sclerosepta). എല്ലാ ജീവികളുടെയും അസ്ഥികൂടം ഒന്നിച്ചിരിക്കയാല് വളരെ വിസ്തൃതമായിരിക്കും. പഴയ ജീവികളില് പുതിയ മുളകള് ആവിര്ഭവിച്ച് വളര്ന്നാണ് വലിയ സംഘജീവികളായിത്തീരുന്നത്. കടലില് പലയിടങ്ങളിലും കാണുന്ന പവിഴപ്പുറ്റുനിരകള് പ്രധാനമായും മാതൃകാപവിഴപ്പുറ്റുകളെക്കൊണ്ട് ഉണ്ടായവയാണ്.<br />
<br />
'''iii. സൊവാന്തിഡിയ''' (Zoanthidia). മിക്കവയും സംഘജീവികള്. അസ്ഥികൂടം ഇല്ല. അംഗങ്ങള് ഏറെക്കുറെ പുഷ്പജീവികളുടേതുപോലിരിക്കും. സംഘജീവികള് സ്കന്ദങ്ങള് കൊണ്ടോ ചുവട്ടിലുള്ള പൊതുകലകൊണ്ടോ ബന്ധിക്കപ്പെട്ടിരിക്കുന്നു. കനമായ പൊതുകലയില്നിന്നും അംഗങ്ങളുടെ മുഖഭാഗം (oral end) മാത്രം പുറത്തേക്ക് തള്ളിനില്ക്കും.<br />
<br />
'''iv. ആന്റിപതേറിയ''' (Antipatharia). കരിംപവിഴം അഥവാ മുള്പവിഴം. ശോഷിച്ച് ചെടികളെപ്പോലുള്ള സംഘജീവികള്. ഉള്ളിലൂടെ ഒരു അസ്ഥികൂടകാണ്ഡം ഉണ്ട്; ഇതിനെ ചുറ്റി ഒരു പൊതുകലയും. അതില്നിന്നും ജീവികള് പുറത്തേക്കു തള്ളിനില്ക്കുന്നു.<br />
<br />
'''v. സെറിയാന്തേറിയ''' (Ceriantharia). കടല്പുഷ്പം പോലുള്ള ഏകഗണവിഭാഗം. മണലില് കുഴികളുണ്ടാക്കി അതിനുള്ളിലാണ് ജീവിക്കുന്നത്. മുകള്ഭാഗം മാത്രമേ മണല്പ്പരപ്പിനുമുകളില് വരികയുള്ളു. മുഖത്തുള്ള ഗ്രാഹികള് രണ്ടു വൃത്തങ്ങളിലായിട്ടായിരിക്കും. വൃത്തസ്തംഭാകൃതിയിലുള്ള ശരീരത്തിന്റെ ചുവട്ടില് ഒരു ദ്വാരം കാണപ്പെടുന്നു.<br />
<br />
(പ്രൊഫ. എം.പി. മധുസൂദനന്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8B%E0%B4%A8%E0%B5%86%E0%B4%B2%E0%B5%8D%E0%B4%B2%E0%B5%8B_%E0%B4%A6_%E0%B4%AE%E0%B5%86%E0%B4%B8%E0%B5%8D%E0%B4%B8%E0%B5%80%E0%B4%A8അന്തോനെല്ലോ ദ മെസ്സീന2008-02-26T10:31:02Z<p>116.68.64.48: </p>
<hr />
<div>= അന്തോനെല്ലോ ദ മെസ്സീന (1414 - 79) =<br />
Antonello Da Messina<br />
<br />
ഇറ്റാലിയന് ചിത്രകാരന്. സിസിലിയില് മെസ്സീന എന്ന സ്ഥലത്ത് ജനിച്ച ഇദ്ദേഹം നേപ്പിള്സില് നിന്നാണ് ചിത്രരചന അഭ്യസിച്ചത്. ഇറ്റാലിയന് നവോത്ഥാനത്തിന്റെ ആദ്യകാല സന്തതികളില് ഒരാളായിരുന്നു അന്തോനെല്ലോ. ഒരു പ്രത്യേക വെനീഷ്യന് ചിത്രരചനാശൈലിക്കു തന്നെ ഇദ്ദേഹം അടിത്തറ പാകി. തനി ഇറ്റാലിയന് രീതിയും ഫ്ളെമിഷ് സങ്കേതങ്ങളും യഥാതഥ്യാവിഷ്കരണങ്ങളും ഇദ്ദേഹത്തിന്റെ കലാസൃഷ്ടികളില് സമ്യക്കായി മേളിച്ചിരുന്നു. 'ക്രൂശിതരൂപ'വും 'വി. ജെറോം പഠനത്തില്' എന്ന ചിത്രവുമാണ് ഇദ്ദേഹത്തിന്റെ ആദ്യകാലസൃഷ്ടികളില് പ്രസിദ്ധി നേടിയത്. മഡോണയും ശിശുവും (Madonna and the child), മംഗലവാര്ത്താസമയത്തെ കന്യാമറിയം (Virgin of the Annunciation), മൃതനായ ക്രിസ്തുവും മാലാഖമാരും (The dead Christ with Angels) തുടങ്ങിയവയാണ് ഇദ്ദേഹത്തിന്റെ മറ്റു പ്രശസ്ത ചിത്രങ്ങള്.<br />
<br />
എണ്ണച്ചായചിത്രരചനയുടെ ഉപജ്ഞാതാവും ഇദ്ദേഹമാണെന്നു കരുതപ്പെടുന്നു. സാന് കാസ്സിയാനോ ദേവാലയത്തിലെ അള്ത്താരയില് അന്തോനെല്ലോയുടെ ആലേഖ്യഭംഗി തെളിഞ്ഞു കാണാം. പ്രശസ്ത സമകാലിക ഇറ്റാലിയന് ചിത്രകാരനായ ഗിയോവന്നി ബെല്ലിനി ഇദ്ദേഹത്തിന്റെ കലാസിദ്ധികളെ ഉദാരമായി ശ്ളാഘിച്ചിട്ടുണ്ട്. അന്തോനെല്ലോ 1479-ല് വെനീസില് നിര്യാതനായി.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8B%E0%B4%A3%E0%B4%BF%E0%B4%AF%E0%B5%8B%E0%B4%B8%E0%B5%8D,_%E0%B4%B5%E0%B4%BF%E0%B4%B6%E0%B5%81%E0%B4%A6%E0%B5%8D%E0%B4%A7_(%E0%B4%AA%E0%B4%BE%E0%B4%A6%E0%B5%81%E0%B4%B5)അന്തോണിയോസ്, വിശുദ്ധ (പാദുവ)2008-02-26T10:16:55Z<p>116.68.64.48: </p>
<hr />
<div>= അന്തോണിയോസ്, വിശുദ്ധ (പാദുവ) (1195 - 1231) =<br />
Anthony of Padua<br />
<br />
ഫ്രാന്സിസ്കന് സന്ന്യാസിയും വിശുദ്ധനും. 1195 ആഗ. 15-ന് ലിസ്ബണില് ജനിച്ചു. പട്ടത്വം സ്വീകരിച്ച് അല്പകാലം കഴിഞ്ഞപ്പോള് കോയിംബ്രായില് അഞ്ചു ഫ്രാന്സിസ്കന് സന്ന്യാസിമാരുടെ രക്തസാക്ഷിത്വം ഇദ്ദേഹത്തിന്റെ ഹൃദയത്തെ വല്ലാതെ മഥിച്ചു. രക്തസാക്ഷിയാകണമെന്ന ആഗ്രഹത്തോടുകൂടി ഇദ്ദേഹം 1220-ല് ഫ്രാന്സിസ്കന് സമൂഹത്തില് ചേര്ന്നു. എങ്കിലും വേദശാസ്ത്രപണ്ഡിതന് എന്ന നിലയില് ബൊളോഞ്ഞാ മോണ്ട് വെല്ലിയര്, പാദുവ എന്നീ വിദ്യാപീഠങ്ങളില് ഇദ്ദേഹം സേവനം അനുഷ്ഠിക്കുകയാണുണ്ടായത്. ആ നിലയില് ഇറ്റലിയില് ഇദ്ദേഹം പ്രസിദ്ധനായിത്തീര്ന്നു. ഫ്രാന്സിസ്കന് സമൂഹത്തിന്റെ മേധാവിയായിരുന്ന എലിയാസ് അക്കാലത്ത് ആവിഷ്കരിച്ച വ്രതകാഠിന്യം കുറയ്ക്കുന്ന പരിഷ്കാരങ്ങള്ക്കെതിരെ തീവ്രവാദിയായി ഇദ്ദേഹം നിലകൊണ്ടു. 1231 ജൂണ് 13-ന് പാദുവയ്ക്കടുത്തുള്ള അറസെല്ലാ എന്ന സന്ന്യാസിമഠത്തില്വച്ച് ഇദ്ദേഹം നിര്യാതനായി. അതിനെ തുടര്ന്ന് പാദുവയിലെ വി. അന്തോണിയോസ് എന്നിദ്ദേഹം അറിയപ്പെട്ടു. അടുത്ത വര്ഷം ഗ്രിഗറി IX മാര്പാപ്പാ ഇദ്ദേഹത്തെ പുണ്യവാളനായി അംഗീകരിച്ചു. ജൂണ് 13 ഇദ്ദേഹത്തിന്റെ പെരുന്നാളായി ആചരിച്ചു വരുന്നു. 1946 ജനു. 12-ന് പോപിയൂസ് VII അന്തോണിയോസിനെ ഡോക്ടര് ഒഫ് ദി ചര്ച്ച് ആയി പ്രഖ്യാപിച്ചു. ഇദ്ദേഹത്തോടു പ്രാര്ഥിച്ചാല് നഷ്ടപ്പെട്ട സാധനങ്ങള് തിരികെ ലഭിക്കുമെന്ന് ചിലര് വിശ്വസിക്കുന്നു. പാവപ്പെട്ടവരുടെ പുണ്യവാളനായും ഇദ്ദേഹം അറിയപ്പെടുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%8B%E0%B4%A3%E0%B4%BF%E0%B4%AF%E0%B5%8B%E0%B4%B8%E0%B5%8D,_%E0%B4%B5%E0%B4%BF%E0%B4%B6%E0%B5%81%E0%B4%A6%E0%B5%8D%E0%B4%A7അന്തോണിയോസ്, വിശുദ്ധ2008-02-26T10:15:34Z<p>116.68.64.48: </p>
<hr />
<div>= അന്തോണിയോസ്, വിശുദ്ധ (250 - 356) =<br />
Anthony,Saint<br />
<br />
പ്രഥമ ക്രൈസ്തവ സന്ന്യാസിയും ക്രൈസ്തവ സന്ന്യാസത്തിന്റെ സ്ഥാപകനും. മധ്യ-ഈജിപ്തില് ഹെരാക്ളിയോപ്പോലീസിനടുത്തു ജനിച്ച ഇദ്ദേഹം 20-ാം വയസ്സില് വസ്തുവകകളെല്ലാം ഉപേക്ഷിച്ച് സന്ന്യാസജീവിതം ആരംഭിച്ചു. 15 വര്ഷത്തിനുശേഷം നൈല്നദിക്കടുത്തുള്ള പിസ്വിര് പര്വതപ്രദേശത്തേക്ക് ഏകാന്തത തേടിപ്പോയി. 4-ാം ശ.-ത്തിന്റെ ആരംഭത്തില് സന്ന്യാസജീവിതം പ്രചരിപ്പിക്കാന് പുറത്തുവന്നു. സന്ന്യാസജീവിതത്തില് താല്പ്പര്യമുള്ളവരെ സംഘടിപ്പിച്ച് ചെങ്കടല്തീരത്തേക്ക് മാറി താമസിച്ചു. ഇന്ന് ഇദ്ദേഹത്തിന്റെ പേരില് അറിയപ്പെടുന്ന ദര്മാര് അന്തോനിയോസ് എന്ന മഠം സ്ഥിതിചെയ്യുന്നത് അവിടെയാണ്. മരണത്തിന് അല്പകാലം മുന്പ് ഇദ്ദേഹം അലക്സാണ്ട്രിയയിലേക്ക് 'ആരിയൂസ് വാദം' (നോ: ആരിയൂസ്വാദം) എന്ന പാഷണ്ഡോപദേശത്തെ എതിര്ക്കാന് പുറപ്പെട്ടു. ഇത്തരം പല ആശയസമരങ്ങളിലും ഇദ്ദേഹം പങ്കെടുത്തിട്ടുണ്ട്.<br />
<br />
കുടുംബജീവിതത്തിന്റെ സൌഭാഗ്യങ്ങളും ആനന്ദവും സന്ന്യാസജീവിതത്തിന്റെ കഷ്ടപ്പാടുകളും വിവരിച്ചുകൊണ്ട് സാത്താന് ഇദ്ദേഹത്തെ പരീക്ഷിച്ചു എന്ന് അത്തനേഷ്യസ് പറയുന്നു. ഉപവാസാവസരങ്ങളില് ആഹാരവുമായി വരുന്ന സന്ന്യാസി, വന്യമൃഗങ്ങള്, പടയാളികള്, സ്ത്രീകള് എന്നീ വിവിധ വേഷങ്ങളില് ഇദ്ദേഹം പരീക്ഷിക്കപ്പെട്ടെന്നും അതിലെല്ലാം ഇദ്ദേഹം വിജയിച്ചെന്നും രേഖപ്പെടുത്തിയിട്ടുണ്ട്.<br />
<br />
സന്ന്യാസജീവിതത്തിന്റെ നിയമങ്ങളെക്കുറിച്ച് അന്തോണിയോസിന്റെ പേരില് അറിയപ്പെടുന്ന രേഖകള് ഇദ്ദേഹത്തിന്റെ പ്രസ്താവനകളില്നിന്നും ലേഖനങ്ങളില്നിന്നും അത്തനേഷ്യസ് തെരഞ്ഞെടുത്തു ക്രോഡീകരിച്ചതായിരിക്കാമെന്നു കരുതപ്പെടുന്നു. അവയെ ഇന്നും കോപ്ടിക്സിറിയന്-അര്മേനിയന് സന്ന്യാസിസമൂഹങ്ങള് ആദരിച്ചുവരുന്നു. 356 ജനു. 17-ന് ഇദ്ദേഹം അന്തരിച്ചു എന്ന് കരുതപ്പെടുന്നു. ജനു. 17 ഇദ്ദേഹത്തിന്റെ പെരുനാള് ആയി ആഘോഷിക്കപ്പെടുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B5%86%E0%B4%B8%E0%B4%BF%E0%B4%B8%E0%B5%8Dഅന്തെസിസ്2008-02-26T10:14:46Z<p>116.68.64.48: </p>
<hr />
<div>= അന്തെസിസ് =<br />
Anthesis<br />
<br />
പുഷ്പങ്ങളിലെ കേസരങ്ങള് പൂര്ണ വളര്ച്ച പ്രാപിക്കുമ്പോള് ആന്തര്പാളികള് പൊട്ടി പരാഗരേണുക്കള് വിതരണം ചെയ്യുന്ന പ്രക്രിയ. തന്തു, സംയോജകം, ആന്തര് എന്നീ മൂന്നു ഭാഗങ്ങളാണ് ഒരു കേസരത്തിനുള്ളത്. ഓരോ ആന്തറിനും രണ്ടു പാളികള് വീതമുണ്ട്. (ഒരു പാളി മാത്രമുള്ള ആന്തറുകളും ഉണ്ട്.) ഈ രണ്ടു പാളികളും സംയോജകംകൊണ്ട് ബന്ധിച്ചിരിക്കുന്നു.<br />
<br />
ആന്തറിന്റെ വളര്ച്ചയില് ഓരോ ആന്തര്പാളിയിലും ഈരണ്ടു പരാഗസഞ്ചികള് അഥവാ സൂക്ഷ്മസ്പൊറാഞ്ചിയ (microsporangia)ങ്ങളും ഓരോ പരാഗസഞ്ചിയും ധാരാളം പരാഗകണങ്ങളും (സൂക്ഷമസ്പോര്) ഉദ്ഭവിക്കുന്നു. അന്തെസിസിന് മുമ്പായി, ഓരോ ആന്തര്പാളിയിലുമുള്ള രണ്ടു പരാഗസഞ്ചികളും അവയ്ക്കിടയിലുള്ള കലകള് ക്ഷയിച്ചുപോകുന്നതുകൊണ്ട് ഒന്നിക്കുന്നു. പരാഗധൂളികള് പൂര്ണ വളര്ച്ചയെത്തുമ്പോള് ഓരോ ആന്തര്പാളിയും നെടുകെയോ കുറുകെയോ അല്ലെങ്കില് ചില സുഷിരങ്ങളില്ക്കൂടിയോ പൊട്ടുകയും അതില്ക്കൂടി പരാഗധൂളി അഥവാ പൂമ്പൊടി പുറത്തുവരികയും ചെയ്യുന്നു. ആന്തറിന്റെ ഈ സ്ഫോടനം നടക്കുന്നത് അതിന്റെ ഭിത്തിയിലെ ചില കോശങ്ങളുടെ പ്രത്യേക പ്രവര്ത്തനം മൂലമാണ്.<br />
<br />
(ഡോ. ജോസ് കെ. മംഗലി)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B4%B2%E0%B4%BF%E0%B4%B1%E0%B5%8D%E0%B4%B1%E0%B4%BF%E0%B4%95%E0%B5%8D_%E0%B4%A8%E0%B4%AE%E0%B5%8D%E0%B4%AA%E0%B4%B0%E0%B5%8D%E2%80%8D_%E0%B4%A4%E0%B4%BF%E0%B4%AF%E0%B4%B1%E0%B4%BFഅനലിറ്റിക് നമ്പര് തിയറി2008-02-26T10:14:22Z<p>116.68.64.48: </p>
<hr />
<div>= അനലിറ്റിക് നമ്പര് തിയറി =<br />
<br />
Analytic number theory<br />
<br />
<br />
പൂര്ണസംഖ്യകളുടെ ബഹുമുഖമായ സവിശേഷതകളെ അടിസ്ഥാനപരമായി വിശകലനം ചെയ്യുന്ന ഗണിതശാസ്ത്രശാഖ. വിശ്ളേഷകസംഖ്യാസിദ്ധാന്തം എന്നും ഇത് അറിയപ്പെടുന്നു. പ്രാചീന ഗ്രീക് ഗണിതശാസ്ത്രജ്ഞനായ യൂക്ളിഡും ഭാരതീയാചാര്യന്മാരായ ബ്രഹ്മഗുപ്തനും ഭാസ്കരാചാര്യനും സംഖ്യാസിദ്ധാന്തം (Number theory) വികസിപ്പിച്ചവരാണ്. എന്നാല് അടുത്ത കാലത്താണ് ഈ ശാഖയ്ക്ക് ഏറെ വളര്ച്ചയുണ്ടായിട്ടുള്ളത്. ലീഷാണ്, ഗോസ്, വോണ് മങ്കോള്ട്, ബെര്ട്രന്റ്, ഷെബിഷെഫ്, മെര്ടണ്സ്, ലാന്റോ, മിങ്കൌസ്കീ, ഡിറീക്ലെ, റീമാന്, ഇങ്ഹാം, ഉസ്പെന്സ്കി, സീഗല്, ഹഡമാര്ഡ്, ഡെലാവാലി പൂസ്സിന്, ലിന്നിക്ക്, സെല്ബര്ഗ്, വിനഗ്രഡോഫ്, ഹാര്ഡി, രാമാനുജന്, എസ്.എസ്.പിള്ള എന്നീ ഗണിതശാസ്ത്രജ്ഞന്മാര് വിശ്ളേഷകസംഖ്യാസിദ്ധാന്തത്തെ പരിപോഷിപ്പിച്ചിട്ടുണ്ട്.<br />
<br />
അനാലിസിസ്' (Analysis) അഥവാ വിശ്ളേഷണം എന്ന ഗണിതശാഖയുടെ തത്ത്വങ്ങള് ഉപയോഗിച്ച്, പൂര്ണസംഖ്യകള് ഉള്ക്കൊള്ളുന്ന അനന്തശ്രേണികളുടേയും അനന്തമായി തുടരുന്ന അഭാജ്യസംഖ്യകളുടേയും (prime numbers) ഗുണധര്മ വിചിന്തനം സാധിക്കുന്നു. വിശ്ളേഷണത്തിലെ ഒരു പ്രധാനതത്ത്വമായ സീമ (limit) ഇതില് സാര്വത്രികമായി പ്രയോഗിച്ചുവരുന്നു. സംഖ്യാസിദ്ധാന്തത്തിലെ പ്രാഥമികമായ തത്ത്വങ്ങളും അതിലുപരി അങ്കഗണിതഫലനങ്ങളുടെ മൌലികമായ ഗുണധര്മങ്ങളും വിശ്ളേഷകസംഖ്യാസിദ്ധാന്തത്തിന്റെ അവശ്യഘടകങ്ങളാണ്. ഈ തത്ത്വങ്ങളില് പടുത്തുയര്ത്തിയിട്ടുള്ള ഈ ഗണിതശാഖ ഗവേഷണരംഗത്തെ സജീവപ്രശ്നമായി തുടരുന്നു. ആധുനിക ഗണിതശാഖകളായ ഗണസിദ്ധാന്തം (Set Theory), കേവല ബീജഗണിതം (Abstract Algebra), ടോപോളജി (Topology) എന്നിവയുടെ പ്രേരണകൊണ്ട് ബഹുമുഖമായ വളര്ച്ചയ്ക്കു വിധേയമായിക്കൊണ്ടിരിക്കുകയാണ് അനലിറ്റിക് നമ്പര് തിയറി.<br />
<br />
''''ലേഖന സംവിധാനം'''<br />
<br />
I. മൌലിക തത്ത്വങ്ങള്<br />
<br />
1. അനന്തത<br />
2. വിഗണസംഖ്യകള്-ഗണസംഖ്യകള്-ഏകദേശനം<br />
<br />
3. അങ്കഗണിത ഫലനങ്ങളും ജാലിക ബിന്ദുക്കളും<br />
<br />
II. വിഭജന പ്രശ്നം<br />
<br />
1. വെയറിങ് പ്രശ്നം<br />
<br />
2. ജാലികബിന്ദു ഫലനം<br />
<br />
3. ഗോസ് തിയറം<br />
<br />
4. ഘടകഫലനത്തിന്റെ അളവുമാനം<br />
<br />
5. ഓയിലര് ഫലനത്തിന്റെ അളവുമാനം<br />
<br />
6. മോബയസ് ഫലനത്തിന്റെ അളവുമാനം<br />
<br />
7. റീമാന് സീറ്റാ ഫലനം, ഡിറീക്ലെ ശ്രേണികള്<br />
<br />
III. അഭാജ്യ സംഖ്യാപ്രമിതി<br />
<br />
'''I. മൌലിക തത്ത്വങ്ങള്''' പൂര്ണസംഖ്യകളുടെ ലളിതമായ സവിശേഷതകള് ഏകദേശമായ സ്വയംസമ്പൂര്ണതയ്ക്കായി താഴെചേര്ക്കുന്നു.<br />
<br />
1-ഉം അതേ സംഖ്യയുമൊഴികെ മറ്റൊരു ഘടകവുമില്ലാത്ത പൂര്ണസംഖ്യയാണ് അഭാജ്യസംഖ്യ (prime number); ഇത്തരത്തിലല്ലാത്തവ സങ്കീര്ണസംഖ്യയും (composite number). ഏതു പൂര്ണസംഖ്യയും അഭാജ്യസംഖ്യകളുടെ ഗുണിതമായി കണക്കാക്കാന് കഴിയും. ഒരു പൂര്ണസംഖ്യയ്ക്ക് ഒന്നില് കൂടുതല് രൂപത്തില് ഈ അഭാജ്യഘടകസംവിധാനം ഉണ്ടായിരിക്കയില്ല. പൂര്ണസംഖ്യകളുടെ ഈ സവിശേഷതയ്ക്ക് ഐകഘടകീകരണതത്ത്വം (Unique Factorisation Theorem) എന്നു പറയുന്നു. ഇതനുസരിച്ചാണ് പൂര്ണസംഖ്യയെ n = pa qb ......rc അഥവാ IIpa എന്നിങ്ങനെ ഘടകരൂപത്തില് എഴുതുന്നത്.<br />
<br />
'''1. അനന്തത''' (Infinity). ഒരു പൂര്ണസംഖ്യയെ തുടര്ന്നു വരുന്ന മറ്റൊരു പൂര്ണസംഖ്യയുണ്ട്. ഈ ദര്ശനം തുടര്ന്നു പോയാല് സ്വാഭാവികമായി തോന്നുന്ന ഒരു ആശയമാണ് അനന്തത. പൂര്ണസംഖ്യകള് അനന്തമായി അനുസ്യൂതം തുടരുന്നുവെന്നൂഹിക്കാം. എന്നാല് അഭാജ്യസംഖ്യകളും ഇതുപോലെ അനന്തമായി തുടരുന്നുണ്ടോയെന്ന് അല്പം ചിന്തിക്കേണ്ടിവരും. അഭാജ്യസംഖ്യകളും അപ്രകാരം തന്നെ തുടരുന്നുണ്ട്. 2, 3, 5, 7, 11, 13, 17, 19 എന്നു തുടങ്ങിയ അഭാജ്യസംഖ്യകളുടെ അനുക്രമം അനന്തമാണ്. യൂക്ളിഡ് എന്ന ഗണിതശാസ്ത്രാചാര്യന് ഈ വസ്തുത തെളിയിച്ചിട്ടുണ്ട്. അഭാജ്യസംഖ്യകളുടെ അനുക്രമം ഒന്നും വിടാതെ p എന്ന അഭാജ്യസംഖ്യവരെ, തമ്മില് ഗുണിച്ചാല്, ഈ ഗുണിതത്തെ p വരെയുള്ള എല്ലാ അഭാജ്യസംഖ്യകള്കൊണ്ടും കൃത്യമായി ഹരിക്കാന് കഴിയുന്നു. എന്നാല് ഈ ഗുണിതത്തിനോട് 1 ചേര്ത്തുണ്ടാകുന്ന സംഖ്യയെ p വരെയുള്ള ഏതൊരു അഭാജ്യസംഖ്യകൊണ്ടും ഹരിക്കാന് കഴിയില്ലെന്നതിനാല്ത്തന്നെ ആ സംഖ്യ ഒരു അഭാജ്യസംഖ്യ ആണന്നോ, അല്ലാത്തപക്ഷം അതിന് p യേക്കാള് വലിയ ഒരു അഭാജ്യസംഖ്യാഘടകം ഉണ്ടന്നോ മനസ്സിലാക്കാം. ഈ വാദം തുടരുന്നതായാല് ഒരു അഭാജ്യസംഖ്യയ്ക്കപ്പുറത്ത് മറ്റൊന്നുണ്ടെന്നും അങ്ങനെ ആ അനുക്രമം അനന്തമായി തുടരുന്നുവെന്നും സിദ്ധിക്കുന്നു.<br />
<br />
അനന്തതയുമായുള്ള ഈ ബന്ധം യഥാര്ഥമായ ചില പ്രശ്നങ്ങള്ക്കു വഴിതെളിച്ചു. ഏതെങ്കിലുമൊരു പൂര്ണസംഖ്യക്ക് താഴെ ആ സംഖ്യയോട് ആപേക്ഷിക അഭാജ്യതയുള്ള (relative prime), അതായത് ആ സംഖ്യയുമായി 1 ഒഴികെ പൊതുഘടകമില്ലാത്ത, സംഖ്യകളുടെ എണ്ണം, ഒരു സംഖ്യയുടെ അഭാജ്യഘടകങ്ങളുടെ എണ്ണം, അവയുടെ ആകെത്തുക എന്നീ പ്രശ്നങ്ങള് അങ്കഗണിതഫലനംവഴി മനസ്സിലാക്കി. (n), d(n), (n) എന്നിവ ക്രമത്തില് ഈ ഫലനങ്ങളാണ്.<br />
<br />
'''2. വിഗണസംഖ്യകള്''' (Irrationals)- '''ഗണസംഖ്യകള്''' (Rationals)-ഏകദേശനം (Approximation). /2 ഒരു വിഗണസംഖ്യയാണ്. /2 വിന് 1.414 എന്നൊരു മൂല്യം ആരോപിക്കുന്നതായി കാണാം. ഇതില് അടങ്ങിയിട്ടുള്ള തത്ത്വമാണ് ഏകദേശനം എന്ന ആശയത്തിലുള്ളത്. ഏതൊരു വിഗണസംഖ്യയ്ക്കും ഒരു ഗണസംഖ്യയെ ഏകദേശ മൂല്യമായി അംഗീകരിക്കാമെന്നു തെളിയിച്ചിട്ടുണ്ട്. ഈ പ്രമേയങ്ങള് ഇതിനുപോദ്ബലകമായി എടുക്കാം.<br />
<br />
a ഒരു വിഗണസംഖ്യയും, N ധനാത്മക പൂര്ണസംഖ്യയും ആണെങ്കില് താഴെപറയുന്ന വ്യവസ്ഥകളിലേതെങ്കിലും ഒന്നനുസരിച്ച്, a-യോട് അടുപ്പമുള്ള h/k എന്ന ഒരു ഗണസംഖ്യയുണ്ടായിരിക്കും. ഇവിടെ (k<= N) <br />
<br />
(i)|a-h/k| < 1/kN (ii) |a-h/k| < 1/k(N+1)<br />
<br />
ഇതിലെ രണ്ടാമത്തെ വ്യവസ്ഥ വാസ്തവത്തില് ആദ്യത്തേതിനേക്കാള് കണിശമാണ്; രണ്ടാമത്തേതില് ഒന്നാമത്തേതും ഉള്പ്പെടുന്നു. ഇത്തരം മെച്ചപ്പെടുത്തലുകളാണ് ഇമ്മാതിരി പ്രക്രിയയിലുള്ള ഗവേഷണത്തിന്റെ ലക്ഷ്യം.<br />
<br />
'''3. അങ്കഗണിത ഫലനങ്ങളും ജാലിക ബിന്ദുക്കളും''' (Arithmetical Functions and Lattice Points). അങ്കഗണിതഫലനങ്ങളുടെ മൂല്യത്തില് ആധാരസംഖ്യയുടെ വലുപ്പച്ചെറുപ്പമനുസരിച്ചുണ്ടാകുന്ന മാറ്റങ്ങളെപ്പറ്റിയുള്ള പഠനം ഈ ശാഖയിലെ പ്രധാന വശമാണ്. n-നേക്കാള് കുറഞ്ഞതും n-നോട് ആപേക്ഷിക അഭാജ്യവുമായ പൂര്ണ സംഖ്യകളുടെ എണ്ണം, അതായത് (n), n-നേക്കാള് കുറവായിരിക്കുമെന്നത് വളരെ എളുപ്പം മനസ്സിലാക്കാം: (n) < n ഈ അസമതാവാക്യത്തെ മെച്ചപ്പെടുത്തിയിട്ടുണ്ട്. അതുപോലെ d(n) എന്ന ഘടകഫലന (divisor function) ത്തിന്റെ മൂല്യം, n ഒരു അഭാജ്യസംഖ്യയായിരിക്കുമ്പോള്, 2 ആണ്; അതായത് d(n)-ന്റെ അല്പതമ സീമ 2. (n), (n), (n) എന്നീ അങ്കഗണിതഫലനങ്ങളും ഇവയുടെ സാമാന്യവത്കരണങ്ങളും പഠനവിധേയമായിട്ടുണ്ട്. അനലിറ്റിക് നമ്പര് തിയറിയിലെ ഏറ്റവും മൌലികമായ പ്രശ്നം അഭാജ്യ സംഖ്യാപ്രമിതി (Prime Number Theorem) എന്നതാണ്. ഓയിലര്, സീഗല്, ഷെബിഷെഫ്, ലാന്റോ, സെല്ബര്ഗ്, വിനഗ്രഡോഫ് എന്നിവരെല്ലാം ഈ പ്രമേയത്തിനു ഭേദഗതികള് നല്കിയിട്ടുണ്ട്. അഭാജ്യസംഖ്യാ ശ്രേണി അനന്തമായി തുടരുന്നു. അതിനാല് ഏതെങ്കിലും ഒരു ക്ളിപ്തസംഖ്യയ്ക്കു താഴെ എത്ര അഭാജ്യസംഖ്യകളുണ്ടായിരിക്കുമെന്നു മനസ്സിലാക്കേണ്ടതാവശ്യമായി വരുന്നു. ഇതിനൊരു ഫോര്മുല തീര്ക്കാന് കഴിയാത്തതിനാല് ഏകദേശനിലയില് തിട്ടപ്പടുത്താന് ശ്രമം നടന്നു. ഇതിന്റെ ഫലമായിട്ടാണ് ഈ പ്രസിദ്ധമായ പ്രമിതി രൂപപ്പെട്ടത്. f(n) ഒരു അങ്കഗണിതഫലനം ആണെങ്കില് താഴെയുള്ള<br />
<br />
<br />
<br />
എന്ന ആകെത്തുകയ്ക്ക് ആകലനഫലനം (summatory function) എന്നു പറയാം. അങ്കഗണിതഫലനത്തിന്റെ ഗതിവിഗതികള് പഠിക്കാന് ആകലനഫലനവും അതിന്റെ ശരാശരി ഫലനവും (average function) ഉപയോഗിക്കാറുണ്ട്.<br />
<br />
ചില അങ്കഗണിത ഫലനങ്ങള്ക്കു ജ്യാമിതീയ വ്യാഖ്യാനങ്ങളുണ്ട്. എളുപ്പത്തില് ഗ്രഹിക്കാവുന്ന ജ്യാമിതീയ മാര്ഗങ്ങള് ഉപയോഗിച്ച്, സംഖ്യാസിദ്ധാന്തത്തിലെ വിശ്ളേഷണ പ്രശ്നങ്ങള്ക്കു പരിഹാരം കാണാന് കഴിയും. n-മാന യുക്ളീഡിയ പ്രതലത്തിലെ (n-Dimensional Euclidean Space) പൂര്ണ സംഖ്യാനിര്ദേശാങ്കങ്ങളുള്ള (Integer co-ordinates) ബിന്ദുവാണ് ജാലികബിന്ദു. ഒരു പ്രത്യേക തലത്തിലെ ജാലികബിന്ദുക്കളുടെ എണ്ണവുമായി ബന്ധപ്പെടുത്തി അങ്കഗണിതഫലനങ്ങളുടെ ഗതിവിഗതികള് തിട്ടപ്പെടുത്താന് കഴിയും.<br />
<br />
'''II. വിഭജന പ്രശ്നം''' (Partition Problem). n എന്ന ധനപരമായ ഒരു പൂര്ണസംഖ്യയെ ധനപരമായ മറ്റു പൂര്ണസംഖ്യകളുടെ തുകയായി എത്രവിധത്തില് എഴുതാമെന്നൊരു പ്രശ്നമുണ്ട്. വിഭജനപ്രശ്നം എന്നാണിതിനു പേര്. p(n) എന്നാണ് ഈ ഫലനത്തെ സൂചിപ്പിച്ചുപോരുന്നത്. ഉദാ.<br />
<br />
5 = 4+1 = 3+2 = 3+1+1 = 2+2+1<br />
<br />
= 2+1+1+1 = 1+1+1+1+1<br />
<br />
അങ്ങനെ 5 എന്ന സംഖ്യയെ ഏഴു തരത്തില് സംഖ്യകളുടെ തുകകളായി പ്രകടിപ്പിക്കാം. അതായത് p(5) = 7. p(n)-ന്റെ മൂല്യം കണിശമായി കണ്ടുപിടിക്കുവാന് കഴിഞ്ഞിട്ടില്ല :<br />
<br />
<br />
<br />
രാമാനുജനും ഹാര്ഡിയും കൂടി കണ്ടെത്തിയ ഒരു വ്യഞ്ജകം ആണിത് (1917).<br />
<br />
'''1. വെയറിങ് പ്രശ്നം''' (Waring Problem). നിസര്ഗസംഖ്യകളെ പ്രതിനിധാനം ചെയ്യാവുന്ന രൂപങ്ങളെ (forms) കുറിച്ചുള്ള പഠനമാണ് വെയറിങ് പ്രശ്നം ഉള്ക്കൊള്ളുന്നത്. അതായത്, ഏത് ഒറ്റ സംഖ്യയും രണ്ടു നിസര്ഗ സംഖ്യകളുടെ വര്ഗവ്യത്യാസത്തിനു തുല്യമായിരിക്കും: 7 = 42-32; 2n+1 = (n+1)2-n2. ഇതില് 7-നെ 42-32 എന്ന രൂപത്തില് പ്രകടിപ്പിച്ചിരിക്കുന്നു. ഇത്തരം പ്രശ്നങ്ങളുടെ ഉപജ്ഞാതാവ് എ.ഡി. മൂന്നാം ശ.-ത്തില് ജീവിച്ചിരുന്ന ഡയോഫാന്റസ് എന്ന ഗണിതശാസ്ത്രജ്ഞനാണ്. <br />
<br />
1 + 2 + 3 + ....... + n = n (n+1) / 2<br />
<br />
എന്ന സമവാക്യത്തിന്റെ വലതുഭാഗത്തുനിന്ന് n എന്നതിന് 1, 2, 3, 4, .... എന്നീ മൂല്യങ്ങള് ഉപയോഗിച്ചുകിട്ടുന്ന സംഖ്യകള് ക്രമത്തില് 1, 3, 6, 10, ... എന്നിവയാണ്. ഈ സംഖ്യകളെ ത്രിഭുജസംഖ്യകളെന്നു പറയുന്നു. ഇതുപോലെ ബഹുഭുജസംഖ്യകളെ n + 1/2(x-2)(n2-n) എന്നു സൂചിപ്പിക്കാം. ഇതില് n = 0, 1, 2,... എന്നെടുത്താല് വിവിധതരം ബഹുഭുജസംഖ്യകള് കിട്ടുന്നു; x ന്റെ മൂല്യം 4 ആണെങ്കില് വര്ഗസംഖ്യകളായിരിക്കും കിട്ടുക. ഏതു വര്ഗസംഖ്യയും ത്രിഭുജസംഖ്യയോ അല്ലെങ്കില് രണ്ടോ മൂന്നോ അത്തരം സംഖ്യകളുടെ ആകെത്തുകയോ ആയിരിക്കുമെന്ന് ഫെര്മെ (1636) എന്ന ഗണിതശാസ്ത്രജ്ഞന് പ്രസ്താവിക്കുകയുണ്ടായി. അതില് കവിഞ്ഞ്, ഏതു നിസര്ഗസംഖ്യയും x രാശിയിലുള്ള x ബഹുഭുജസംഖ്യകളുടെ ആകെത്തുകയായിരിക്കും എന്നുകൂടി ഫെര്മെയുടെ പ്രമേയം സൂചിപ്പിക്കുന്നു. ഏതു നിസര്ഗസംഖ്യയും 4 വര്ഗസംഖ്യകളുടെ ആകെത്തുകയായിരിക്കുമെന്ന് ലഗ്രാഞ്ചെ (1772) തെളിയിക്കുകയുണ്ടായി; ത്രിഭുജസംഖ്യകള്ക്കു ലീഷാണും (1798) മറ്റുള്ളവയ്ക്കു കോഷിയും (1813-15). ഏതു നിസര്ഗസംഖ്യയും കവിഞ്ഞത് 9 ഘനമാനങ്ങളുടെ ആകെത്തുകയായിരിക്കും; അഥവാ കവിഞ്ഞത് 19 ചതുര്മാനങ്ങളുടെ ആകെത്തുക; കവിഞ്ഞത്, 37 പഞ്ചമാനങ്ങളുടെ ആകെത്തുക. 1770-ല് ഇ.വെയറിങ് അഭിപ്രായപ്പെട്ടതാണിത്. ചുരുങ്ങിയത് എത്ര പദങ്ങള് (terms) ഓരോ പ്രതിനിധാനത്തിലുമുണ്ടായിരിക്കുമെന്ന പ്രശ്നം അവശേഷിച്ചു. ജി.എച്ച്. ഹാര്ഡി, ലിറ്റില്വൂഡ്, രാമാനുജന് എന്നീ ഗണിതശാസ്ത്രജ്ഞന്മാരാണ് വെയറിങ് പ്രശ്നം പിന്നീട് (1917) ഗഹനമായി പഠിച്ചത്. ഓരോ പ്രതിനിധാനത്തിലും ഉണ്ടാകാവുന്ന k-രാശിയിലുള്ള സംഖ്യകളുടെ എണ്ണം ചുരുങ്ങിയത് g(k) ആണെങ്കില്, g(k)-യെ വെയറിങ് സ്ഥിരാങ്കമെന്നു പറയുന്നു. g(6)-ന്റെ മൂല്യം 184-ല് താഴെയും g(7)-ന്റേത് 323-ല് താഴെയും g(8)-ന്റേത് 596-ല് താഴെയും ആയിരിക്കുമെന്ന് 1934-ല് ആര്.ഡി. ജെയിംസ് തെളിയിച്ചു. ഐ.എം. വിനഗ്രഡോഫ് ചില ഗവേഷണഫലങ്ങള് പ്രസിദ്ധീകരിച്ചതിനെത്തുടര്ന്ന് യു.എസ്സിലെ എല്.ഇ. ഡിക്സണും ഇന്ത്യയിലെ എസ്.എസ്. പിള്ളയും കുറെ പരീക്ഷണങ്ങള് നടത്തി. 1936-ല് അവര് സ്വതന്ത്രമായി ഈ പ്രശ്നം മിക്കവാറും പരിഹരിച്ചു. q=(3/2)kഎന്നിരിക്കട്ടെ. അവര് തെളിയിച്ചത് ഇതാണ്: <br />
<br />
<br />
g(k)=2k + q-2; k>=7<br />
<br />
(3/2)k - q <= 1 -(1/2)k (q+3)<br />
<br />
400-ല് താഴെയാണ് k-യുടെ മൂല്യമെങ്കില് ഇത് ശരിയായിരിക്കും. മറ്റുള്ള മൂല്യങ്ങളെ സംബന്ധിച്ച വ്യവസ്ഥയാണ് താഴെ കാണുന്നത്:<br />
<br />
(3/2)k - q =1-(1/2)k (q+2)<br />
<br />
1944-ല് ഐ. നിവന് ഈ വ്യവസ്ഥയിലും പ്രശ്നം പരിഹരിച്ചു. 1940-ല് എസ്.എസ്.പിള്ള തന്നെ g(6) = 73 എന്നു തെളിയിച്ചു. 1944 ആയപ്പോഴേക്കും k = 4, 5 എന്നീ വ്യവസ്ഥകളൊഴികെ മറ്റെല്ലാം വെയറിങ് പ്രശ്നത്തില് പരിഹൃതങ്ങളായി.<br />
<br />
<br />
'''2. ജാലികബിന്ദു ഫലനം''' (Lattice Point Function). ഒരു പൂര്ണസംഖ്യ(n)യെ രണ്ടു പൂര്ണസംഖ്യകളുടെ വര്ഗങ്ങളുടെ ആകെത്തുകയായി ഏതേതുവിധത്തിലെല്ലാം പ്രതിനിധാനം ചെയ്യാന് കഴിയുമെന്നതിന്റെ എണ്ണം സൂചിപ്പിക്കുന്നതാണ് ഈ ഫലനം. ?(ി) എന്നാണിതിന്റെ ചിഹ്നം. അതായത്, x2+y2 = n എന്ന സമവാക്യം x, y, n എന്നിവ പൂര്ണസംഖ്യകളാകുന്നവിധം നിര്ധാരണം ചെയ്യാവുന്നതിന്റെ എണ്ണം ?(n). ഉദാ. 1 = (+-1)2 + 02 =02 + (+-1)2. അതുകൊണ്ട് ?(1) = 4. ?(n) ഗുണനാത്മകഫലനം (multiplicative function) അല്ല. നോ: അങ്കഗണിതഫലനം<br />
<br />
ചില സംഖ്യകളെ (n), n = x2 + y2 എന്ന രൂപത്തില് n, x, y പൂര്ണസംഖ്യകളാകുന്നവിധം പ്രതിനിധാനം ചെയ്യാന് കഴികയില്ല. അതുകൊണ്ട് ?(n) ചുരുങ്ങിയത് പൂജ്യം ആകാം. അതായത് <br />
<br />
<br />
<br />
?(n) = O(n)?, ????>0 : ?(n)n < k, ??<br />
<br />
k n-നെ ആശ്രയിക്കാത്ത ഒരു സ്ഥിരസംഖ്യ. ?(n)-ന്റെ ഈ അളവുമാനത്തെക്കാള് (order of magnitude) പഠനവിധേയത്വമുള്ളത് R(N)എന്നൊരു ഫലനമാണ്. x2 + y2 = N എന്ന വൃത്തത്തിന്റെ പരിധിയിന്മേലും അകത്തും ഉള്ക്കൊള്ളുന്ന ജാലികബിന്ദുക്കളുടെ എണ്ണമാണ് R(N) സൂചിപ്പിക്കുന്നതെന്ന് ജ്യാമിതീയ പരിഗണനകള് വഴി മനസ്സിലാക്കാം. ഏകദേശം ആ വൃത്തത്തിന്റെ വിസ്തീര്ണം ആയിരിക്കും R(N).<br />
<br />
'''3. ഗോസ് തിയറം''' (Gauss Theorem).<br />
<br />
ചിത്രം (1)-ല് ഏകക വിസ്തീര്ണം (unit area) ഉള്ള ചതുരങ്ങളുടെ ശീര്ഷങ്ങളാണ് വൃത്തത്തിന്റെ സമതലത്തിലുള്ള ജാലികബിന്ദുക്കള്. വൃത്തത്തിനകത്തും പരിധിയിന്മേലും ഉള്ള ജാലികബിന്ദുക്കള്ക്ക് അനുയോഗത്തിലുള്ള ചതുരങ്ങള് കണക്കാക്കിയാല് R(N) ഈ ചതുരങ്ങളുടെ ആകെ വിസ്തീര്ണമാണെന്നു മനസ്സിലാക്കാം. കണക്കാക്കേണ്ടതായ എല്ലാ ചതുരങ്ങളും വൃത്തത്തിനകത്തല്ല. ഏതായാലും x2+y2 = (/N + /2)2 എന്ന വൃത്തത്തിനകത്തായിരിക്കും. അതുകൊണ്ട് R(N) < II(/N + /2)2. അതുപോലെതന്നെ ആ ചതുരങ്ങള് (/N - /2) വ്യാസാര്ധമുള്ള വൃത്തത്തിനു പുറത്തായിരിക്കും. R(N)> II(/N - /2)2 ,N>=2 അതുകൊണ്ട് II(N-2/2N + 2) < R(N)< II (N+2/2N + 2) അതുകൊണ്ട്,R(N)=IIN + O(N) .<br />
<br />
'''4. ഘടക ഫലനത്തിന്റെ അളവുമാനം.''' d(n)-ന്റെ ഏറ്റവും കുറഞ്ഞ മൂല്യം 2 ആണ്. കൂടിയത് എത്രയുമാകാം. xy = n എന്ന സമവാക്യം x, y, n എന്നിവ പൂര്ണ സംഖ്യകളാകുന്നവിധം നിര്ധാരണം ചെയ്യാവുന്ന എണ്ണമാണ് d(n). ചിത്രം 2-ലെ, xy = n എന്ന ബഹിര്വളയത്തിന്മേലും, അതിനും OX-, OY- അക്ഷങ്ങള്ക്കുമിടയിലുള്ളതുമായ ജാലികബിന്ദുക്കളുടെ എണ്ണമാണ് d(n). d(n) = O(n?), ??> 0 എന്നു തെളിയിച്ചിട്ടുണ്ട്.<br />
<br />
'''5. ഓയിലര് ഫലനത്തിന്റെ അളവുമാനം.''' (n)<n എന്നത് എളുപ്പം മനസ്സിലാക്കാം. , ി(n) = n(1-1/p), n=pm, 1/p =?? എന്നെടുത്താല് (ി) > n (1 ?) എന്നു സിദ്ധിക്കുന്നു. ഇതില്നിന്നു <br />
<br />
<br />
<br />
(ി)-ന്റെ അളവുമാനത്തിന്റെ മറ്റൊരു സീമയാണ്.<br />
<br />
<br />
<br />
'''6. മോബയസ് ഫലനത്തിന്റെ അളവുമാനം'''. മോബയസ് ഫലനത്തിന്റെ അളവുമാനമെടുക്കാന്<br />
<br />
<br />
<br />
എന്ന വാക്യമാണുപയോഗിക്കുന്നത്.<br />
<br />
<br />
<br />
എന്നീ അനന്തശ്രേണികള് രണ്ടും നിരപേക്ഷ-അഭികേന്ദ്രസരണം (absolutely convergent) ആണ്.<br />
<br />
<br />
<br />
ഈ ഗുണിതത്തില് ആദ്യത്തെപദം ഒന്നും മറ്റെല്ലാം പൂജ്യവുമായിരിക്കും.<br />
<br />
<br />
<br />
എന്നു തെളിയിക്കാന് കഴിയും. ഇതില് നിന്നു മനസ്സിലാക്കുന്നത്.<br />
<br />
<br />
<br />
എന്നാണ്.<br />
<br />
'''7. റീമാന് സീറ്റാഫലനം'''. (s)ഡിറീക്ലെ ശ്രേണികള്. s > 1 ആണെങ്കില്, താഴെ പറയുന്ന അനന്തശ്രേണികള് അഭികേന്ദ്രസരണങ്ങളാണ്. അനലിറ്റിക് നമ്പര് തിയറിയില് ഈ ഫലനത്തിന് വളരെ പ്രാധാന്യമുണ്ട്.<br />
<br />
(1-1/ps)-1<br />
<br />
ഇതിനു റീമാന് സീറ്റാ ഫലനമെന്നു പറയുന്നു. സീറ്റാ ഫലനമുപയോഗിച്ച് അങ്കഗണിതഫലനങ്ങള് ഉള്ക്കൊള്ളുന്ന ശ്രേണികളുടെ പഠനം നടത്താവുന്നതാണ്. f(n) ഒരു അങ്കഗണിതഫലനമാണെങ്കില്,<br />
<br />
<br />
<br />
ഒരു ഡിറീക്ലെ ശ്രേണിയാണ്. അഭികേന്ദ്രസരണവ്യവസ്ഥകള്ക്ക് വിധേയമായി<br />
<br />
<br />
<br />
എന്നിവ ഗുണിച്ചാല് ഫലം<br />
<br />
<br />
<br />
എന്നൊരു ഡിറീക്ലെ ശ്രേണിതന്നെയായിരിക്കും. ഇവിടെ h(n) എന്ന അങ്കഗണിതഫലനം,<br />
<br />
<br />
<br />
എന്ന ഡിറീക്ലെ സംയോഗമാണ്. റീമാന് സീറ്റാഫലനവുമായി ഇതിനെ ബന്ധപ്പെടുത്താന് കഴിഞ്ഞിട്ടുണ്ട്.<br />
<br />
<br />
ഈ ആശയങ്ങളെല്ലാം ആധുനിക ബീജഗണിതത്തിന്റെ തത്ത്വങ്ങള് ഉപയോഗിച്ച് സാമാന്യവത്കരിക്കാനും പുതിയ രൂപങ്ങളില് പ്രകടിപ്പിക്കാനും കഴിയുന്നതാണ്.<br />
<br />
'''III. അഭാജ്യ സംഖ്യാപ്രമിതി''' (Prime Number Theorem). x സാമാന്യമായ ഒരു അഭാജ്യസംഖ്യയെ കുറിക്കുന്നു. x ഉള്പ്പെടെ x വരെയുള്ള എല്ലാ അഭാജ്യസംഖ്യകളുടെയും എണ്ണം ?(x). ?(x)-ന്റെ 'ഏകദേശമൂല്യം' (approximate value) x / loge x ആണെന്ന് ക്രിസ്ത്വബ്ദം 1800-നടുപ്പിച്ച് ലീഷാണ് (ലജന്റര്: Legendre,1752-1833) എന്ന ഫ്രഞ്ചുഗണിതശാസ്ത്രജ്ഞനും ഗോസ് (Gauss,1777-1855) എന്ന ജര്മന് ഗണിതശാസ്ത്രജ്ഞനും അന്യോന്യമറിയാതെ കണ്ടെത്തി.<br />
<br />
x അനന്തതയോട് അടുക്കുമ്പോള് II(x)/X/loge X <br />
<br />
എന്ന അംശബന്ധത്തിന്റെ വില ഒന്നിനോടടുക്കുന്നു. ഇതാണ് അഭാജ്യസംഖ്യാപ്രമിതി. ഗണിതശാസ്ത്രമണ്ഡലത്തില് മികച്ച ഒരു സ്ഥാനമാണ് ഈ തിയറത്തിനുള്ളത്. ജെ. ഹഡമാര്ഡ് (J.Hadamard, 1865-1963) എന്ന ഫ്രഞ്ചു ഗണിതശാസ്ത്രജ്ഞനും ബല്ജിയക്കാരനായ ഡെ ല വാലി പൂസ്സിന് (De la Vallee Poussin, 1866-1962) എന്ന ഗണിതശാസ്ത്രജ്ഞനും അന്യോന്യമറിയാതെ അഭാജ്യസംഖ്യാ പ്രമിതിക്ക് 1896-ല് ഉപപത്തി (proof) കണ്ടുപിടിച്ചു. പിന്നീടു പല ഉപപത്തികളും ആവിഷ്കൃതങ്ങളായിട്ടുണ്ടെങ്കിലും 1949-ല് എര്ഡോ, സെല്ബര്ഗ് (Erdoo and Selberg) എന്നിവര് ചേര്ന്ന് പ്രൊസീഡിങ്സ് ഒഫ് നാഷണല് അക്കാദമി ഒഫ് സയന്സസ് എന്ന പ്രസിദ്ധീകരണത്തിലും അതേകൊല്ലം സെല്ബര്ഗ് തനിച്ച് ആനല്സ് ഒഫ് മാത്തമാറ്റിക്സ് എന്ന പ്രസിദ്ധീകരണത്തിലും ഇതിനു സരളമായ ഉപപത്തികള് പ്രസിദ്ധം ചെയ്തു. നോ: അനാലിസിസ്, അങ്കഗണിതഫലനം, സംഖ്യാസിദ്ധാന്തം</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B4%B2%E0%B4%BF%E0%B4%B1%E0%B5%8D%E0%B4%B1%E0%B4%BF%E0%B4%95%E0%B5%8D_%E0%B4%A8%E0%B4%AE%E0%B5%8D%E0%B4%AA%E0%B4%B0%E0%B5%8D%E2%80%8D_%E0%B4%A4%E0%B4%BF%E0%B4%AF%E0%B4%B1%E0%B4%BFഅനലിറ്റിക് നമ്പര് തിയറി2008-02-26T10:12:24Z<p>116.68.64.48: </p>
<hr />
<div>= അനലിറ്റിക് നമ്പര് തിയറി =<br />
<br />
Analytic number theory<br />
<br />
<br />
പൂര്ണസംഖ്യകളുടെ ബഹുമുഖമായ സവിശേഷതകളെ അടിസ്ഥാനപരമായി വിശകലനം ചെയ്യുന്ന ഗണിതശാസ്ത്രശാഖ. വിശ്ളേഷകസംഖ്യാസിദ്ധാന്തം എന്നും ഇത് അറിയപ്പെടുന്നു. പ്രാചീന ഗ്രീക് ഗണിതശാസ്ത്രജ്ഞനായ യൂക്ളിഡും ഭാരതീയാചാര്യന്മാരായ ബ്രഹ്മഗുപ്തനും ഭാസ്കരാചാര്യനും സംഖ്യാസിദ്ധാന്തം (Number theory) വികസിപ്പിച്ചവരാണ്. എന്നാല് അടുത്ത കാലത്താണ് ഈ ശാഖയ്ക്ക് ഏറെ വളര്ച്ചയുണ്ടായിട്ടുള്ളത്. ലീഷാണ്, ഗോസ്, വോണ് മങ്കോള്ട്, ബെര്ട്രന്റ്, ഷെബിഷെഫ്, മെര്ടണ്സ്, ലാന്റോ, മിങ്കൌസ്കീ, ഡിറീക്ലെ, റീമാന്, ഇങ്ഹാം, ഉസ്പെന്സ്കി, സീഗല്, ഹഡമാര്ഡ്, ഡെലാവാലി പൂസ്സിന്, ലിന്നിക്ക്, സെല്ബര്ഗ്, വിനഗ്രഡോഫ്, ഹാര്ഡി, രാമാനുജന്, എസ്.എസ്.പിള്ള എന്നീ ഗണിതശാസ്ത്രജ്ഞന്മാര് വിശ്ളേഷകസംഖ്യാസിദ്ധാന്തത്തെ പരിപോഷിപ്പിച്ചിട്ടുണ്ട്.<br />
<br />
അനാലിസിസ്' (Analysis) അഥവാ വിശ്ളേഷണം എന്ന ഗണിതശാഖയുടെ തത്ത്വങ്ങള് ഉപയോഗിച്ച്, പൂര്ണസംഖ്യകള് ഉള്ക്കൊള്ളുന്ന അനന്തശ്രേണികളുടേയും അനന്തമായി തുടരുന്ന അഭാജ്യസംഖ്യകളുടേയും (prime numbers) ഗുണധര്മ വിചിന്തനം സാധിക്കുന്നു. വിശ്ളേഷണത്തിലെ ഒരു പ്രധാനതത്ത്വമായ സീമ (limit) ഇതില് സാര്വത്രികമായി പ്രയോഗിച്ചുവരുന്നു. സംഖ്യാസിദ്ധാന്തത്തിലെ പ്രാഥമികമായ തത്ത്വങ്ങളും അതിലുപരി അങ്കഗണിതഫലനങ്ങളുടെ മൌലികമായ ഗുണധര്മങ്ങളും വിശ്ളേഷകസംഖ്യാസിദ്ധാന്തത്തിന്റെ അവശ്യഘടകങ്ങളാണ്. ഈ തത്ത്വങ്ങളില് പടുത്തുയര്ത്തിയിട്ടുള്ള ഈ ഗണിതശാഖ ഗവേഷണരംഗത്തെ സജീവപ്രശ്നമായി തുടരുന്നു. ആധുനിക ഗണിതശാഖകളായ ഗണസിദ്ധാന്തം (Set Theory), കേവല ബീജഗണിതം (Abstract Algebra), ടോപോളജി (Topology) എന്നിവയുടെ പ്രേരണകൊണ്ട് ബഹുമുഖമായ വളര്ച്ചയ്ക്കു വിധേയമായിക്കൊണ്ടിരിക്കുകയാണ് അനലിറ്റിക് നമ്പര് തിയറി.<br />
<br />
''''ലേഖന സംവിധാനം'''<br />
<br />
I. മൌലിക തത്ത്വങ്ങള്<br />
<br />
1. അനന്തത<br />
2. വിഗണസംഖ്യകള്-ഗണസംഖ്യകള്-ഏകദേശനം<br />
<br />
3. അങ്കഗണിത ഫലനങ്ങളും ജാലിക ബിന്ദുക്കളും<br />
<br />
II. വിഭജന പ്രശ്നം<br />
<br />
1. വെയറിങ് പ്രശ്നം<br />
<br />
2. ജാലികബിന്ദു ഫലനം<br />
<br />
3. ഗോസ് തിയറം<br />
<br />
4. ഘടകഫലനത്തിന്റെ അളവുമാനം<br />
<br />
5. ഓയിലര് ഫലനത്തിന്റെ അളവുമാനം<br />
<br />
6. മോബയസ് ഫലനത്തിന്റെ അളവുമാനം<br />
<br />
7. റീമാന് സീറ്റാ ഫലനം, ഡിറീക്ലെ ശ്രേണികള്<br />
<br />
III. അഭാജ്യ സംഖ്യാപ്രമിതി<br />
<br />
'''I. മൌലിക തത്ത്വങ്ങള്''' പൂര്ണസംഖ്യകളുടെ ലളിതമായ സവിശേഷതകള് ഏകദേശമായ സ്വയംസമ്പൂര്ണതയ്ക്കായി താഴെചേര്ക്കുന്നു.<br />
<br />
1-ഉം അതേ സംഖ്യയുമൊഴികെ മറ്റൊരു ഘടകവുമില്ലാത്ത പൂര്ണസംഖ്യയാണ് അഭാജ്യസംഖ്യ (prime number); ഇത്തരത്തിലല്ലാത്തവ സങ്കീര്ണസംഖ്യയും (composite number). ഏതു പൂര്ണസംഖ്യയും അഭാജ്യസംഖ്യകളുടെ ഗുണിതമായി കണക്കാക്കാന് കഴിയും. ഒരു പൂര്ണസംഖ്യയ്ക്ക് ഒന്നില് കൂടുതല് രൂപത്തില് ഈ അഭാജ്യഘടകസംവിധാനം ഉണ്ടായിരിക്കയില്ല. പൂര്ണസംഖ്യകളുടെ ഈ സവിശേഷതയ്ക്ക് ഐകഘടകീകരണതത്ത്വം (Unique Factorisation Theorem) എന്നു പറയുന്നു. ഇതനുസരിച്ചാണ് പൂര്ണസംഖ്യയെ n = pa qb ......rc അഥവാ IIpa എന്നിങ്ങനെ ഘടകരൂപത്തില് എഴുതുന്നത്.<br />
<br />
'''1. അനന്തത''' (Infinity). ഒരു പൂര്ണസംഖ്യയെ തുടര്ന്നു വരുന്ന മറ്റൊരു പൂര്ണസംഖ്യയുണ്ട്. ഈ ദര്ശനം തുടര്ന്നു പോയാല് സ്വാഭാവികമായി തോന്നുന്ന ഒരു ആശയമാണ് അനന്തത. പൂര്ണസംഖ്യകള് അനന്തമായി അനുസ്യൂതം തുടരുന്നുവെന്നൂഹിക്കാം. എന്നാല് അഭാജ്യസംഖ്യകളും ഇതുപോലെ അനന്തമായി തുടരുന്നുണ്ടോയെന്ന് അല്പം ചിന്തിക്കേണ്ടിവരും. അഭാജ്യസംഖ്യകളും അപ്രകാരം തന്നെ തുടരുന്നുണ്ട്. 2, 3, 5, 7, 11, 13, 17, 19 എന്നു തുടങ്ങിയ അഭാജ്യസംഖ്യകളുടെ അനുക്രമം അനന്തമാണ്. യൂക്ളിഡ് എന്ന ഗണിതശാസ്ത്രാചാര്യന് ഈ വസ്തുത തെളിയിച്ചിട്ടുണ്ട്. അഭാജ്യസംഖ്യകളുടെ അനുക്രമം ഒന്നും വിടാതെ p എന്ന അഭാജ്യസംഖ്യവരെ, തമ്മില് ഗുണിച്ചാല്, ഈ ഗുണിതത്തെ p വരെയുള്ള എല്ലാ അഭാജ്യസംഖ്യകള്കൊണ്ടും കൃത്യമായി ഹരിക്കാന് കഴിയുന്നു. എന്നാല് ഈ ഗുണിതത്തിനോട് 1 ചേര്ത്തുണ്ടാകുന്ന സംഖ്യയെ p വരെയുള്ള ഏതൊരു അഭാജ്യസംഖ്യകൊണ്ടും ഹരിക്കാന് കഴിയില്ലെന്നതിനാല്ത്തന്നെ ആ സംഖ്യ ഒരു അഭാജ്യസംഖ്യ ആണന്നോ, അല്ലാത്തപക്ഷം അതിന് p യേക്കാള് വലിയ ഒരു അഭാജ്യസംഖ്യാഘടകം ഉണ്ടന്നോ മനസ്സിലാക്കാം. ഈ വാദം തുടരുന്നതായാല് ഒരു അഭാജ്യസംഖ്യയ്ക്കപ്പുറത്ത് മറ്റൊന്നുണ്ടെന്നും അങ്ങനെ ആ അനുക്രമം അനന്തമായി തുടരുന്നുവെന്നും സിദ്ധിക്കുന്നു.<br />
<br />
അനന്തതയുമായുള്ള ഈ ബന്ധം യഥാര്ഥമായ ചില പ്രശ്നങ്ങള്ക്കു വഴിതെളിച്ചു. ഏതെങ്കിലുമൊരു പൂര്ണസംഖ്യക്ക് താഴെ ആ സംഖ്യയോട് ആപേക്ഷിക അഭാജ്യതയുള്ള (relative prime), അതായത് ആ സംഖ്യയുമായി 1 ഒഴികെ പൊതുഘടകമില്ലാത്ത, സംഖ്യകളുടെ എണ്ണം, ഒരു സംഖ്യയുടെ അഭാജ്യഘടകങ്ങളുടെ എണ്ണം, അവയുടെ ആകെത്തുക എന്നീ പ്രശ്നങ്ങള് അങ്കഗണിതഫലനംവഴി മനസ്സിലാക്കി. (n), d(n), (n) എന്നിവ ക്രമത്തില് ഈ ഫലനങ്ങളാണ്.<br />
<br />
'''2. വിഗണസംഖ്യകള്''' (Irrationals)- '''ഗണസംഖ്യകള്''' (Rationals)-ഏകദേശനം (Approximation). /2 ഒരു വിഗണസംഖ്യയാണ്. /2 വിന് 1.414 എന്നൊരു മൂല്യം ആരോപിക്കുന്നതായി കാണാം. ഇതില് അടങ്ങിയിട്ടുള്ള തത്ത്വമാണ് ഏകദേശനം എന്ന ആശയത്തിലുള്ളത്. ഏതൊരു വിഗണസംഖ്യയ്ക്കും ഒരു ഗണസംഖ്യയെ ഏകദേശ മൂല്യമായി അംഗീകരിക്കാമെന്നു തെളിയിച്ചിട്ടുണ്ട്. ഈ പ്രമേയങ്ങള് ഇതിനുപോദ്ബലകമായി എടുക്കാം.<br />
<br />
a ഒരു വിഗണസംഖ്യയും, N ധനാത്മക പൂര്ണസംഖ്യയും ആണെങ്കില് താഴെപറയുന്ന വ്യവസ്ഥകളിലേതെങ്കിലും ഒന്നനുസരിച്ച്, a-യോട് അടുപ്പമുള്ള h/k എന്ന ഒരു ഗണസംഖ്യയുണ്ടായിരിക്കും. ഇവിടെ (k<= N) <br />
<br />
(i)|a-h/k| < 1/kN (ii) |a-h/k| < 1/k(N+1)<br />
<br />
ഇതിലെ രണ്ടാമത്തെ വ്യവസ്ഥ വാസ്തവത്തില് ആദ്യത്തേതിനേക്കാള് കണിശമാണ്; രണ്ടാമത്തേതില് ഒന്നാമത്തേതും ഉള്പ്പെടുന്നു. ഇത്തരം മെച്ചപ്പെടുത്തലുകളാണ് ഇമ്മാതിരി പ്രക്രിയയിലുള്ള ഗവേഷണത്തിന്റെ ലക്ഷ്യം.<br />
<br />
'''3. അങ്കഗണിത ഫലനങ്ങളും ജാലിക ബിന്ദുക്കളും''' (Arithmetical Functions and Lattice Points). അങ്കഗണിതഫലനങ്ങളുടെ മൂല്യത്തില് ആധാരസംഖ്യയുടെ വലുപ്പച്ചെറുപ്പമനുസരിച്ചുണ്ടാകുന്ന മാറ്റങ്ങളെപ്പറ്റിയുള്ള പഠനം ഈ ശാഖയിലെ പ്രധാന വശമാണ്. n-നേക്കാള് കുറഞ്ഞതും n-നോട് ആപേക്ഷിക അഭാജ്യവുമായ പൂര്ണ സംഖ്യകളുടെ എണ്ണം, അതായത് (n), n-നേക്കാള് കുറവായിരിക്കുമെന്നത് വളരെ എളുപ്പം മനസ്സിലാക്കാം: (n) < n ഈ അസമതാവാക്യത്തെ മെച്ചപ്പെടുത്തിയിട്ടുണ്ട്. അതുപോലെ d(n) എന്ന ഘടകഫലന (divisor function) ത്തിന്റെ മൂല്യം, n ഒരു അഭാജ്യസംഖ്യയായിരിക്കുമ്പോള്, 2 ആണ്; അതായത് d(n)-ന്റെ അല്പതമ സീമ 2. (n), (n), (n) എന്നീ അങ്കഗണിതഫലനങ്ങളും ഇവയുടെ സാമാന്യവത്കരണങ്ങളും പഠനവിധേയമായിട്ടുണ്ട്. അനലിറ്റിക് നമ്പര് തിയറിയിലെ ഏറ്റവും മൌലികമായ പ്രശ്നം അഭാജ്യ സംഖ്യാപ്രമിതി (Prime Number Theorem) എന്നതാണ്. ഓയിലര്, സീഗല്, ഷെബിഷെഫ്, ലാന്റോ, സെല്ബര്ഗ്, വിനഗ്രഡോഫ് എന്നിവരെല്ലാം ഈ പ്രമേയത്തിനു ഭേദഗതികള് നല്കിയിട്ടുണ്ട്. അഭാജ്യസംഖ്യാ ശ്രേണി അനന്തമായി തുടരുന്നു. അതിനാല് ഏതെങ്കിലും ഒരു ക്ളിപ്തസംഖ്യയ്ക്കു താഴെ എത്ര അഭാജ്യസംഖ്യകളുണ്ടായിരിക്കുമെന്നു മനസ്സിലാക്കേണ്ടതാവശ്യമായി വരുന്നു. ഇതിനൊരു ഫോര്മുല തീര്ക്കാന് കഴിയാത്തതിനാല് ഏകദേശനിലയില് തിട്ടപ്പടുത്താന് ശ്രമം നടന്നു. ഇതിന്റെ ഫലമായിട്ടാണ് ഈ പ്രസിദ്ധമായ പ്രമിതി രൂപപ്പെട്ടത്. f(n) ഒരു അങ്കഗണിതഫലനം ആണെങ്കില് താഴെയുള്ള<br />
<br />
<br />
<br />
എന്ന ആകെത്തുകയ്ക്ക് ആകലനഫലനം (summatory function) എന്നു പറയാം. അങ്കഗണിതഫലനത്തിന്റെ ഗതിവിഗതികള് പഠിക്കാന് ആകലനഫലനവും അതിന്റെ ശരാശരി ഫലനവും (average function) ഉപയോഗിക്കാറുണ്ട്.<br />
<br />
ചില അങ്കഗണിത ഫലനങ്ങള്ക്കു ജ്യാമിതീയ വ്യാഖ്യാനങ്ങളുണ്ട്. എളുപ്പത്തില് ഗ്രഹിക്കാവുന്ന ജ്യാമിതീയ മാര്ഗങ്ങള് ഉപയോഗിച്ച്, സംഖ്യാസിദ്ധാന്തത്തിലെ വിശ്ളേഷണ പ്രശ്നങ്ങള്ക്കു പരിഹാരം കാണാന് കഴിയും. n-മാന യുക്ളീഡിയ പ്രതലത്തിലെ (n-Dimensional Euclidean Space) പൂര്ണ സംഖ്യാനിര്ദേശാങ്കങ്ങളുള്ള (Integer co-ordinates) ബിന്ദുവാണ് ജാലികബിന്ദു. ഒരു പ്രത്യേക തലത്തിലെ ജാലികബിന്ദുക്കളുടെ എണ്ണവുമായി ബന്ധപ്പെടുത്തി അങ്കഗണിതഫലനങ്ങളുടെ ഗതിവിഗതികള് തിട്ടപ്പെടുത്താന് കഴിയും.<br />
<br />
'''II. വിഭജന പ്രശ്നം''' (Partition Problem). n എന്ന ധനപരമായ ഒരു പൂര്ണസംഖ്യയെ ധനപരമായ മറ്റു പൂര്ണസംഖ്യകളുടെ തുകയായി എത്രവിധത്തില് എഴുതാമെന്നൊരു പ്രശ്നമുണ്ട്. വിഭജനപ്രശ്നം എന്നാണിതിനു പേര്. p(n) എന്നാണ് ഈ ഫലനത്തെ സൂചിപ്പിച്ചുപോരുന്നത്. ഉദാ.<br />
<br />
5 = 4+1 = 3+2 = 3+1+1 = 2+2+1<br />
<br />
= 2+1+1+1 = 1+1+1+1+1<br />
<br />
അങ്ങനെ 5 എന്ന സംഖ്യയെ ഏഴു തരത്തില് സംഖ്യകളുടെ തുകകളായി പ്രകടിപ്പിക്കാം. അതായത് p(5) = 7. p(n)-ന്റെ മൂല്യം കണിശമായി കണ്ടുപിടിക്കുവാന് കഴിഞ്ഞിട്ടില്ല :<br />
<br />
<br />
<br />
രാമാനുജനും ഹാര്ഡിയും കൂടി കണ്ടെത്തിയ ഒരു വ്യഞ്ജകം ആണിത് (1917).<br />
<br />
'''1. വെയറിങ് പ്രശ്നം''' (Waring Problem). നിസര്ഗസംഖ്യകളെ പ്രതിനിധാനം ചെയ്യാവുന്ന രൂപങ്ങളെ (forms) കുറിച്ചുള്ള പഠനമാണ് വെയറിങ് പ്രശ്നം ഉള്ക്കൊള്ളുന്നത്. അതായത്, ഏത് ഒറ്റ സംഖ്യയും രണ്ടു നിസര്ഗ സംഖ്യകളുടെ വര്ഗവ്യത്യാസത്തിനു തുല്യമായിരിക്കും: 7 = 42-32; 2n+1 = (n+1)2-n2. ഇതില് 7-നെ 42-32 എന്ന രൂപത്തില് പ്രകടിപ്പിച്ചിരിക്കുന്നു. ഇത്തരം പ്രശ്നങ്ങളുടെ ഉപജ്ഞാതാവ് എ.ഡി. മൂന്നാം ശ.-ത്തില് ജീവിച്ചിരുന്ന ഡയോഫാന്റസ് എന്ന ഗണിതശാസ്ത്രജ്ഞനാണ്. <br />
<br />
1 + 2 + 3 + ....... + n = n (n+1) / 2<br />
<br />
എന്ന സമവാക്യത്തിന്റെ വലതുഭാഗത്തുനിന്ന് n എന്നതിന് 1, 2, 3, 4, .... എന്നീ മൂല്യങ്ങള് ഉപയോഗിച്ചുകിട്ടുന്ന സംഖ്യകള് ക്രമത്തില് 1, 3, 6, 10, ... എന്നിവയാണ്. ഈ സംഖ്യകളെ ത്രിഭുജസംഖ്യകളെന്നു പറയുന്നു. ഇതുപോലെ ബഹുഭുജസംഖ്യകളെ n + 1/2(x-2)(n2-n) എന്നു സൂചിപ്പിക്കാം. ഇതില് n = 0, 1, 2,... എന്നെടുത്താല് വിവിധതരം ബഹുഭുജസംഖ്യകള് കിട്ടുന്നു; x ന്റെ മൂല്യം 4 ആണെങ്കില് വര്ഗസംഖ്യകളായിരിക്കും കിട്ടുക. ഏതു വര്ഗസംഖ്യയും ത്രിഭുജസംഖ്യയോ അല്ലെങ്കില് രണ്ടോ മൂന്നോ അത്തരം സംഖ്യകളുടെ ആകെത്തുകയോ ആയിരിക്കുമെന്ന് ഫെര്മെ (1636) എന്ന ഗണിതശാസ്ത്രജ്ഞന് പ്രസ്താവിക്കുകയുണ്ടായി. അതില് കവിഞ്ഞ്, ഏതു നിസര്ഗസംഖ്യയും x രാശിയിലുള്ള x ബഹുഭുജസംഖ്യകളുടെ ആകെത്തുകയായിരിക്കും എന്നുകൂടി ഫെര്മെയുടെ പ്രമേയം സൂചിപ്പിക്കുന്നു. ഏതു നിസര്ഗസംഖ്യയും 4 വര്ഗസംഖ്യകളുടെ ആകെത്തുകയായിരിക്കുമെന്ന് ലഗ്രാഞ്ചെ (1772) തെളിയിക്കുകയുണ്ടായി; ത്രിഭുജസംഖ്യകള്ക്കു ലീഷാണും (1798) മറ്റുള്ളവയ്ക്കു കോഷിയും (1813-15). ഏതു നിസര്ഗസംഖ്യയും കവിഞ്ഞത് 9 ഘനമാനങ്ങളുടെ ആകെത്തുകയായിരിക്കും; അഥവാ കവിഞ്ഞത് 19 ചതുര്മാനങ്ങളുടെ ആകെത്തുക; കവിഞ്ഞത്, 37 പഞ്ചമാനങ്ങളുടെ ആകെത്തുക. 1770-ല് ഇ.വെയറിങ് അഭിപ്രായപ്പെട്ടതാണിത്. ചുരുങ്ങിയത് എത്ര പദങ്ങള് (terms) ഓരോ പ്രതിനിധാനത്തിലുമുണ്ടായിരിക്കുമെന്ന പ്രശ്നം അവശേഷിച്ചു. ജി.എച്ച്. ഹാര്ഡി, ലിറ്റില്വൂഡ്, രാമാനുജന് എന്നീ ഗണിതശാസ്ത്രജ്ഞന്മാരാണ് വെയറിങ് പ്രശ്നം പിന്നീട് (1917) ഗഹനമായി പഠിച്ചത്. ഓരോ പ്രതിനിധാനത്തിലും ഉണ്ടാകാവുന്ന k-രാശിയിലുള്ള സംഖ്യകളുടെ എണ്ണം ചുരുങ്ങിയത് g(k) ആണെങ്കില്, g(k)-യെ വെയറിങ് സ്ഥിരാങ്കമെന്നു പറയുന്നു. g(6)-ന്റെ മൂല്യം 184-ല് താഴെയും g(7)-ന്റേത് 323-ല് താഴെയും g(8)-ന്റേത് 596-ല് താഴെയും ആയിരിക്കുമെന്ന് 1934-ല് ആര്.ഡി. ജെയിംസ് തെളിയിച്ചു. ഐ.എം. വിനഗ്രഡോഫ് ചില ഗവേഷണഫലങ്ങള് പ്രസിദ്ധീകരിച്ചതിനെത്തുടര്ന്ന് യു.എസ്സിലെ എല്.ഇ. ഡിക്സണും ഇന്ത്യയിലെ എസ്.എസ്. പിള്ളയും കുറെ പരീക്ഷണങ്ങള് നടത്തി. 1936-ല് അവര് സ്വതന്ത്രമായി ഈ പ്രശ്നം മിക്കവാറും പരിഹരിച്ചു. q=(3/2)kഎന്നിരിക്കട്ടെ. അവര് തെളിയിച്ചത് ഇതാണ്: <br />
<br />
<br />
g(k)=2k + q-2; k>=7<br />
<br />
(3/2)k - q <= 1 -(1/2)k (q+3)<br />
<br />
400-ല് താഴെയാണ് k-യുടെ മൂല്യമെങ്കില് ഇത് ശരിയായിരിക്കും. മറ്റുള്ള മൂല്യങ്ങളെ സംബന്ധിച്ച വ്യവസ്ഥയാണ് താഴെ കാണുന്നത്:<br />
<br />
(3/2)k - q =1-(1/2)k (q+2)<br />
<br />
1944-ല് ഐ. നിവന് ഈ വ്യവസ്ഥയിലും പ്രശ്നം പരിഹരിച്ചു. 1940-ല് എസ്.എസ്.പിള്ള തന്നെ g(6) = 73 എന്നു തെളിയിച്ചു. 1944 ആയപ്പോഴേക്കും k = 4, 5 എന്നീ വ്യവസ്ഥകളൊഴികെ മറ്റെല്ലാം വെയറിങ് പ്രശ്നത്തില് പരിഹൃതങ്ങളായി.<br />
<br />
<br />
'''2. ജാലികബിന്ദു ഫലനം''' (Lattice Point Function). ഒരു പൂര്ണസംഖ്യ(n)യെ രണ്ടു പൂര്ണസംഖ്യകളുടെ വര്ഗങ്ങളുടെ ആകെത്തുകയായി ഏതേതുവിധത്തിലെല്ലാം പ്രതിനിധാനം ചെയ്യാന് കഴിയുമെന്നതിന്റെ എണ്ണം സൂചിപ്പിക്കുന്നതാണ് ഈ ഫലനം. ?(ി) എന്നാണിതിന്റെ ചിഹ്നം. അതായത്, x2+y2 = n എന്ന സമവാക്യം x, y, n എന്നിവ പൂര്ണസംഖ്യകളാകുന്നവിധം നിര്ധാരണം ചെയ്യാവുന്നതിന്റെ എണ്ണം ?(n). ഉദാ. 1 = (+-1)2 + 02 =02 + (+-1)2. അതുകൊണ്ട് ?(1) = 4. ?(n) ഗുണനാത്മകഫലനം (multiplicative function) അല്ല. നോ: അങ്കഗണിതഫലനം<br />
<br />
ചില സംഖ്യകളെ (n), n = x2 + y2 എന്ന രൂപത്തില് n, x, y പൂര്ണസംഖ്യകളാകുന്നവിധം പ്രതിനിധാനം ചെയ്യാന് കഴികയില്ല. അതുകൊണ്ട് ?(n) ചുരുങ്ങിയത് പൂജ്യം ആകാം. അതായത് <br />
<br />
<br />
<br />
?(n) = O(n)?, ????>0 : ?(n)n < k, ??<br />
<br />
k n-നെ ആശ്രയിക്കാത്ത ഒരു സ്ഥിരസംഖ്യ. ?(n)-ന്റെ ഈ അളവുമാനത്തെക്കാള് (order of magnitude) പഠനവിധേയത്വമുള്ളത് R(N)എന്നൊരു ഫലനമാണ്. x2 + y2 = N എന്ന വൃത്തത്തിന്റെ പരിധിയിന്മേലും അകത്തും ഉള്ക്കൊള്ളുന്ന ജാലികബിന്ദുക്കളുടെ എണ്ണമാണ് R(N) സൂചിപ്പിക്കുന്നതെന്ന് ജ്യാമിതീയ പരിഗണനകള് വഴി മനസ്സിലാക്കാം. ഏകദേശം ആ വൃത്തത്തിന്റെ വിസ്തീര്ണം ആയിരിക്കും R(N).<br />
<br />
'''3. ഗോസ് തിയറം''' (Gauss Theorem).<br />
<br />
ചിത്രം (1)-ല് ഏകക വിസ്തീര്ണം (unit area) ഉള്ള ചതുരങ്ങളുടെ ശീര്ഷങ്ങളാണ് വൃത്തത്തിന്റെ സമതലത്തിലുള്ള ജാലികബിന്ദുക്കള്. വൃത്തത്തിനകത്തും പരിധിയിന്മേലും ഉള്ള ജാലികബിന്ദുക്കള്ക്ക് അനുയോഗത്തിലുള്ള ചതുരങ്ങള് കണക്കാക്കിയാല് R(N) ഈ ചതുരങ്ങളുടെ ആകെ വിസ്തീര്ണമാണെന്നു മനസ്സിലാക്കാം. കണക്കാക്കേണ്ടതായ എല്ലാ ചതുരങ്ങളും വൃത്തത്തിനകത്തല്ല. ഏതായാലും x2+y2 = (/N + /2)2 എന്ന വൃത്തത്തിനകത്തായിരിക്കും. അതുകൊണ്ട് R(N) < II(/N + /2)2. അതുപോലെതന്നെ ആ ചതുരങ്ങള് (/N - /2) വ്യാസാര്ധമുള്ള വൃത്തത്തിനു പുറത്തായിരിക്കും. R(N)> II(/N - /2)2 ,N>=2 അതുകൊണ്ട് II(N-2/2N + 2) < R(N)< II (N+2/2N + 2) അതുകൊണ്ട്,R(N)=IIN + O(N) .<br />
<br />
'''4. ഘടക ഫലനത്തിന്റെ അളവുമാനം.''' d(n)-ന്റെ ഏറ്റവും കുറഞ്ഞ മൂല്യം 2 ആണ്. കൂടിയത് എത്രയുമാകാം. xy = n എന്ന സമവാക്യം x, y, n എന്നിവ പൂര്ണ സംഖ്യകളാകുന്നവിധം നിര്ധാരണം ചെയ്യാവുന്ന എണ്ണമാണ് d(n). ചിത്രം 2-ലെ, xy = n എന്ന ബഹിര്വളയത്തിന്മേലും, അതിനും OX-, OY- അക്ഷങ്ങള്ക്കുമിടയിലുള്ളതുമായ ജാലികബിന്ദുക്കളുടെ എണ്ണമാണ് d(n). d(n) = O(n?), ??> 0 എന്നു തെളിയിച്ചിട്ടുണ്ട്.<br />
<br />
'''5. ഓയിലര് ഫലനത്തിന്റെ അളവുമാനം.''' (n)<n എന്നത് എളുപ്പം മനസ്സിലാക്കാം. , ി(n) = n(1-1/p), n=pm, 1/p =?? എന്നെടുത്താല് (ി) > n (1 ?) എന്നു സിദ്ധിക്കുന്നു. ഇതില്നിന്നു <br />
<br />
<br />
<br />
(ി)-ന്റെ അളവുമാനത്തിന്റെ മറ്റൊരു സീമയാണ്.<br />
<br />
<br />
<br />
'''6. മോബയസ് ഫലനത്തിന്റെ അളവുമാനം'''. മോബയസ് ഫലനത്തിന്റെ അളവുമാനമെടുക്കാന്<br />
<br />
<br />
<br />
എന്ന വാക്യമാണുപയോഗിക്കുന്നത്.<br />
<br />
<br />
<br />
എന്നീ അനന്തശ്രേണികള് രണ്ടും നിരപേക്ഷ-അഭികേന്ദ്രസരണം (absolutely convergent) ആണ്.<br />
<br />
<br />
<br />
ഈ ഗുണിതത്തില് ആദ്യത്തെപദം ഒന്നും മറ്റെല്ലാം പൂജ്യവുമായിരിക്കും.<br />
<br />
<br />
<br />
എന്നു തെളിയിക്കാന് കഴിയും. ഇതില് നിന്നു മനസ്സിലാക്കുന്നത്.<br />
<br />
<br />
<br />
എന്നാണ്.<br />
<br />
'''7. റീമാന് സീറ്റാഫലനം'''. (s)ഡിറീക്ലെ ശ്രേണികള്. s > 1 ആണെങ്കില്, താഴെ പറയുന്ന അനന്തശ്രേണികള് അഭികേന്ദ്രസരണങ്ങളാണ്. അനലിറ്റിക് നമ്പര് തിയറിയില് ഈ ഫലനത്തിന് വളരെ പ്രാധാന്യമുണ്ട്.<br />
<br />
(1-1/ps)-1<br />
<br />
ഇതിനു റീമാന് സീറ്റാ ഫലനമെന്നു പറയുന്നു. സീറ്റാ ഫലനമുപയോഗിച്ച് അങ്കഗണിതഫലനങ്ങള് ഉള്ക്കൊള്ളുന്ന ശ്രേണികളുടെ പഠനം നടത്താവുന്നതാണ്. f(n) ഒരു അങ്കഗണിതഫലനമാണെങ്കില്,<br />
<br />
<br />
<br />
ഒരു ഡിറീക്ലെ ശ്രേണിയാണ്. അഭികേന്ദ്രസരണവ്യവസ്ഥകള്ക്ക് വിധേയമായി<br />
<br />
<br />
<br />
എന്നിവ ഗുണിച്ചാല് ഫലം<br />
<br />
<br />
<br />
എന്നൊരു ഡിറീക്ലെ ശ്രേണിതന്നെയായിരിക്കും. ഇവിടെ h(n) എന്ന അങ്കഗണിതഫലനം,<br />
<br />
<br />
<br />
എന്ന ഡിറീക്ലെ സംയോഗമാണ്. റീമാന് സീറ്റാഫലനവുമായി ഇതിനെ ബന്ധപ്പെടുത്താന് കഴിഞ്ഞിട്ടുണ്ട്.<br />
<br />
<br />
ഈ ആശയങ്ങളെല്ലാം ആധുനിക ബീജഗണിതത്തിന്റെ തത്ത്വങ്ങള് ഉപയോഗിച്ച് സാമാന്യവത്കരിക്കാനും പുതിയ രൂപങ്ങളില് പ്രകടിപ്പിക്കാനും കഴിയുന്നതാണ്.<br />
<br />
'''III. അഭാജ്യ സംഖ്യാപ്രമിതി''' (Prime Number Theorem). x സാമാന്യമായ ഒരു അഭാജ്യസംഖ്യയെ കുറിക്കുന്നു. x ഉള്പ്പെടെ x വരെയുള്ള എല്ലാ അഭാജ്യസംഖ്യകളുടെയും എണ്ണം ?(x). ?(x)-ന്റെ 'ഏകദേശമൂല്യം' (approximate value) x / loge x ആണെന്ന് ക്രിസ്ത്വബ്ദം 1800-നടുപ്പിച്ച് ലീഷാണ് (ലജന്റര്: Legendre,1752-1833) എന്ന ഫ്രഞ്ചുഗണിതശാസ്ത്രജ്ഞനും ഗോസ് (Gauss,1777-1855) എന്ന ജര്മന് ഗണിതശാസ്ത്രജ്ഞനും അന്യോന്യമറിയാതെ കണ്ടെത്തി.<br />
<br />
x അനന്തതയോട് അടുക്കുമ്പോള് II(x)/X/loge X <br />
<br />
എന്ന അംശബന്ധത്തിന്റെ വില ഒന്നിനോടടുക്കുന്നു. ഇതാണ് അഭാജ്യസംഖ്യാപ്രമിതി. ഗണിതശാസ്ത്രമണ്ഡലത്തില് മികച്ച ഒരു സ്ഥാനമാണ് ഈ തിയറത്തിനുള്ളത്. ജെ. ഹഡമാര്ഡ് (J.Hadamard, 1865-1963) എന്ന ഫ്രഞ്ചു ഗണിതശാസ്ത്രജ്ഞനും ബല്ജിയക്കാരനായ ഡെ ല വാലി പൂസ്സിന് (De la Vallee Poussin, 1866-1962) എന്ന ഗണിതശാസ്ത്രജ്ഞനും അന്യോന്യമറിയാതെ അഭാജ്യസംഖ്യാ പ്രമിതിക്ക് 1896-ല് ഉപപത്തി (proof) കണ്ടുപിടിച്ചു. പിന്നീടു പല ഉപപത്തികളും ആവിഷ്കൃതങ്ങളായിട്ടുണ്ടെങ്കിലും 1949-ല് എര്ഡോ, സെല്ബര്ഗ് (Erdoo and Selberg) എന്നിവര് ചേര്ന്ന് പ്രൊസീഡിങ്സ് ഒഫ് നാഷണല് അക്കാദമി ഒഫ് സയന്സസ് എന്ന പ്രസിദ്ധീകരണത്തിലും അതേകൊല്ലം സെല്ബര്ഗ് തനിച്ച് ആനല്സ് ഒഫ് മാത്തമാറ്റിക്സ് എന്ന പ്രസിദ്ധീകരണത്തിലും ഇതിനു സരളമായ ഉപപത്തികള് പ്രസിദ്ധം ചെയ്തു. നോ: അനാലിസിസ്, അങ്കഗണിതഫലനം, സംഖ്യാസിദ്ധാന്തം</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%82%E0%B4%B0%E0%B4%BF%E0%B4%A4_%E0%B4%85%E0%B4%AE%E0%B5%80%E0%B4%A8%E0%B5%81%E0%B4%95%E0%B4%B3%E0%B5%8D%E2%80%8Dഅപൂരിത അമീനുകള്2008-02-26T10:03:03Z<p>116.68.64.48: </p>
<hr />
<div>= അപൂരിത അമീനുകള് =<br />
Unsaturated Amines<br />
<br />
അമോണിയ(NH_3)യിലുള്ള ഹൈഡ്രജനെ അപൂരിത-ആല്ക്കൈല് ഗ്രൂപ്പു കൊണ്ടു പ്രതിസ്ഥാപിച്ചുകിട്ടുന്ന കാര്ബണികയൌഗികങ്ങള്. ഉദാ. വിനൈല് അമീന്, അല്ലൈല് അമീന്, ന്യൂറിന്.<br />
<br />
1. ഏറ്റവും സരളമായ അപൂരിത അമീന് ആണ് വിനൈല് അമീന്. ഫോര്മുല CH_2CHNH_2. സിറപ്പുരൂപത്തിലുള്ള ദ്രവം; തിളനില 56ബ്ബഇ. ഇതിന് അമോണിയയുടേതുപോലുള്ള രൂക്ഷമായ ഗന്ധമുണ്ട്. ജലവുമായി കലരും. പ്രബല-ബേസ് (base) ആയ ഇതു സള്ഫ്യൂറസ് അമ്ളവുമായി പ്രതിപ്രവര്ത്തിച്ച് ടൌറീന് (taurine) എന്ന യൌഗികം ലഭ്യമാക്കുന്നു. മനുഷ്യന്റെ പിത്തരസത്തിലുള്ള ഒരു പദാര്ഥമാണ് ടൌറിന്. എഥിലീന് ബ്രോമൈഡും അമോണിയയും തമ്മിലുള്ള പ്രതിപ്രവര്ത്തനത്തിന്റെ ഫലമായി ലഭിക്കുന്ന ഉത്പന്നത്തെ ആല്ക്കഹോളിക പൊട്ടാസിയം ഹൈഡ്രോക്സൈഡ് ചേര്ത്തു തപിപ്പിച്ച് വിനൈല് അമീന് നിര്മിക്കാം.<br />
<br />
CH_2 Br- CH_2Br ചഒ2 <br />
<br />
ഇഒ2 ഇഒ ചഒ2<br />
<br />
വിനൈല് അമീന് ഒരു ചാക്രിക സംയുക്തമായിട്ടാണു സ്ഥിതി ചെയ്യുന്നതെന്ന് അഭ്യൂഹിക്കപ്പെടുന്നു.<br />
<br />
2. അല്ലൈല് അമീന് നിറമില്ലാത്ത ഒരു ദ്രവമാണ്. ഫോര്മുല, CH_2=CH=CH_2=NH_2 തിളനില 53^0C. അമോണിയയുടെ ഗന്ധമുണ്ടായിരിക്കും. ജലവുമായി കലരുന്നു. അല്ലൈല് അയഡൈഡില് അമോണിയ ചേര്ത്തു ചൂടാക്കിയോ അല്ലെങ്കില് അസോസയനേറ്റില് നേര്ത്ത ഹൈഡ്രോക്ളോറിക് അമ്ളം ചേര്ത്തു തിളപ്പിച്ചോ ഇതു ലഭ്യമാക്കാം.<br />
<br />
CH_2 = CH = CH_2l + NH_2 CH_2.CH.CH_2.NH_2 + HI<br />
<br />
CH_2 = CH = CH_2.NCS +H_2O CH_2.CH.CH_2.NH_2+COS<br />
<br />
.<br />
<br />
3. ന്യൂറിന് എന്നത് ട്രൈമീഥൈല് വിനൈല് അമോണിയം ഹൈഡ്രോക്സൈഡ് ആണ്. സിറപ്പുരൂപത്തിലുള്ള വിഷാലുവായ ഒരു ദ്രവം. കോളിനും (choline) ബേരിയം ഹൈഡ്രോക്സൈഡും കൂടി തിളപ്പിച്ചും ട്രൈമീഥൈല് അമീനും എഥിലീന് ബ്രോമൈഡും തമ്മില് പ്രവര്ത്തിപ്പിച്ചു കിട്ടിയ ഉത്പന്നത്തെ ജലവും സില്വര് ഓക്സൈഡും ചേര്ത്തു തപിപ്പിച്ചും ന്യൂറിന് നിര്മിക്കാം. ജലസാന്നിധ്യത്തില് 60^0C-ല് അസറ്റിലീനും ട്രൈമീഥൈല് അമീനും ഉച്ചമര്ദത്തില് അന്യോന്യം പ്രവര്ത്തിപ്പിച്ച് ഈ യൌഗികം സംശ്ളേഷണം ചെയ്യാവുന്നതുമാണ്. നോ: അമീനുകള്</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BF%E0%B4%AE%E0%B4%BF%E0%B4%AF%E0%B4%B8%E0%B5%8D,_%E0%B4%9F%E0%B5%8D%E0%B4%B0%E0%B4%B2%E0%B5%80%E0%B4%B8%E0%B4%BF%E0%B4%B2%E0%B5%86അന്തിമിയസ്, ട്രലീസിലെ2008-02-26T10:00:52Z<p>116.68.64.48: </p>
<hr />
<div>= അന്തിമിയസ്, ട്രലീസിലെ =<br />
<br />
Anthemeius of Tralles<br />
<br />
6-ാം ശ.-ത്തില് ജീവിച്ചിരുന്ന ഗ്രീക് ഗണിതശാസ്ത്രജ്ഞനും ശില്പിയും. ഭിഷഗ്വരനായ സ്റ്റീഫാനസ്സിന്റെ പുത്രനായി ഒരു അഭിജാത കുടുംബത്തില് ജനിച്ചു. സഹോദരനായ അലക്സാണ്ടര് ഒരു വൈദ്യശാസ്ത്ര ലേഖകനായിരുന്നു. ഇസ്താംബൂളിലെ സോഫിയാ പള്ളി (Hagia Sophia) സംവിധാനം ചെയ്തത് അന്തിമിയസ് ആണ്. 532-ല് പണി ആരംഭിച്ച ഈ പള്ളി 537-ലാണ് പൂര്ത്തിയായത്. അന്തിമിയസ്സിന്റെ കാലശേഷം 558-ല് കുംഭക(dome)ത്തിന്റെ തകരാറു മൂലം ഇതു പുതുക്കുകയുണ്ടായി.<br />
<br />
അനലിറ്റിക്കല് ജ്യോമട്രിയിലെ കോണിക (conics)ങ്ങളെ നിര്വചിക്കുന്നതിന് നിയന്ത്രണരേഖ അഥവാ ഡയറക്ട്രിക്സ് (directrix) ഉപയോഗിക്കാം എന്ന ഗണിതതത്ത്വം ആദ്യമായി പ്രയോജനപ്പെടുത്തിയത് അന്തിമിയസ് ആണ്. ഒരേ രേഖയിലൂടെ കടന്നുപോകുന്ന രശ്മികളെയും സമാന്തര രശ്മികളെയും മറ്റൊരു ബിന്ദുവിലേക്കു പ്രതിഫലിപ്പിക്കുവാന് ഉതകുന്ന പ്രതലം ഇദ്ദേഹം കണ്ടെത്തി; അതാണ് ദീര്ഘവൃത്തം (ellipse). ഗ്രീക് ഗണിതശാസ്ത്രജ്ഞനായ അപ്പോളോണിയസിന്റെ ഗണിതത്തില് ഉള്പ്പെടാത്ത ഒരു തത്ത്വമാണ് ഇവിടെ പ്രയോജനപ്പെടുത്തിയത്. ആ തത്ത്വം ഇങ്ങനെ ആവിഷ്കരിക്കാം: ദീര്ഘവൃത്തത്തിലേക്ക് ഒരേ ബിന്ദുവിലൂടെ വരയ്ക്കുന്ന സ്പര്ശകങ്ങള് ദീര്ഘവൃത്തത്തിന്റെ അഭികേന്ദ്ര (focus)ത്തില് സമ്മുഖമാക്കുന്ന കോണങ്ങള് തുല്യമായിരിക്കും. നോ: അനലിറ്റിക്കല് ജ്യോമട്രി</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BF%E0%B4%AE%E0%B4%BF%E0%B4%AF%E0%B4%B8%E0%B5%8Dഅന്തിമിയസ്2008-02-26T09:58:04Z<p>116.68.64.48: </p>
<hr />
<div>= അന്തിമിയസ് (420 - 472) =<br />
Anthemius<br />
<br />
പശ്ചിമ റോമാസാമ്രാജ്യത്തിലെ ചക്രവര്ത്തി. പൌരസ്ത്യ റോമാ ചക്രവര്ത്തി മാര്ഷ്യന്റെ (396-457) പുത്രി യുഫിമിയ ആയിരുന്നു ഇദ്ദേഹത്തിന്റെ പത്നി. പൌരസ്ത്യ റോമന് ചക്രവര്ത്തി ലിയോ-ക (ഭ.കാ. 457-474) അന്തിമിയസിനെ പശ്ചിമ റോമാ സാമ്രാജ്യത്തിലെ ചക്രവര്ത്തിയായി (467 ഏ. 12) തെരഞ്ഞെടുത്തു. പ്രാകൃതരായ വാന്ഡലുകളുടെ രാജാവായ ഗെയിസറിക്കിന് (428-477) എതിരായി സാമ്രാജ്യത്തെ ഏകീകരിക്കാനായിരുന്നു ലിയോ I, അന്തിമിയസിനെ ചക്രവര്ത്തിയായി വാഴിച്ചത്. ഇറ്റലിക്കാരനായ റിസിമര് (5-ാം ശ.) അന്ന് റോമാസാമ്രാജ്യത്തില് ചക്രവര്ത്തിമാരെ അധികാരത്തില് ഏറ്റുന്നതിലും നീക്കം ചെയ്യുന്നതിലും ഗണ്യമായ സ്വാധീനശക്തി ചെലുത്തിയിരുന്നു. അദ്ദേഹം നേരത്തെ മജോറിയാനസിനെ പശ്ചിമ റോമാ ചക്രവര്ത്തിയായി വാഴിച്ചിരുന്നു. മജോറിയാനസ് 461 ആഗ. 7-ന് വധിക്കപ്പെട്ടതിനാല് ലിബിയസ് സെവറസ് എന്നൊരാളെ പകരം ചക്രവര്ത്തിയായി വാഴിച്ചു. 465-ല് ലിബിയസും വധിക്കപ്പെട്ടതോടെ ലിയോ I-ാമന്റെ സ്ഥാനാര്ഥിയായ അന്തിമിയസിനെ പശ്ചിമ റോമാചക്രവര്ത്തിയാക്കാന് റിസിമര് സമ്മതിച്ചു. അന്തിമിയസിന്റെ പുത്രിയായ ആലിപ്പിയയെ വിവാഹം ചെയ്യാമെന്ന് റിസിമര് വാഗ്ദാനവും ചെയ്തിരുന്നു. പക്ഷേ, താമസിയാതെ റിസിമറും അന്തിമിയസും ശത്രുതയിലായി. മിലാനിലെത്തിയ റിസിമര് 472-ല് അന്തിമിയസിനെതിരായി യുദ്ധം പ്രഖ്യാപിച്ചു. മിലാനിലെ മെത്രാനായ സെയിന്റ് എപ്പിഫേനിയസ്, അന്തിമിയസും റിസിമറും തമ്മില് ഒരു താത്കാലിക സന്ധിയുണ്ടാക്കാന് ശ്രമിച്ചെങ്കിലും സാധിച്ചില്ല. തുടര്ന്നു മൂന്നുമാസം നീണ്ടുനിന്ന യുദ്ധത്തിനു ശേഷം, 472 ജൂല. 1-ന് റിസിമര് റോമാനഗരം കീഴടക്കി. യുദ്ധത്തില് തോറ്റോടിയ അന്തിമിയസ് വേഷപ്രച്ഛന്നനായി വിശുദ്ധ ക്രിസോഗോണസ് പള്ളിഅങ്കണത്തിലെ യാചകരുടെ ഇടയില് ഒളിവില് കഴിച്ചുകൂട്ടി. താമസിയാതെ ഇദ്ദേഹത്തെ ശത്രുക്കള് കണ്ടുപിടിച്ച് ശിരച്ഛേദം (472 <br />
<br />
ജൂല. 11) ചെയ്തു. നോ: ഗെയിസറിക്ക്, മാര്ഷ്യന്, ലിയോ I, റിസിമര്, റോമാസാമ്രാജ്യം</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BF%E0%B4%95%E0%B5%8D%E0%B4%95%E0%B4%BE%E0%B4%9F%E0%B5%8Dഅന്തിക്കാട്2008-02-26T09:56:09Z<p>116.68.64.48: </p>
<hr />
<div>= അന്തിക്കാട് =<br />
<br />
<br />
തൃശൂര് ജില്ലയിലെ ഒരു ഗ്രാമപഞ്ചായത്ത്. തൃശൂര് താലൂക്കിലെ തെക്കുപടിഞ്ഞാറേ കോണിലാണ് അന്തിക്കാട് സ്ഥിതിചെയ്യുന്നത്. 10ത്ഥ 27' വ., 76ത്ഥ 80' കി. വടക്ക് മണലൂര്, എരവ്, വെളുത്തൂര് എന്നിവയും കി. പുള്ളും തെക്കുചാഴൂര്, കിഴക്കുമുറി എന്നിവയും പ. വടക്കുമ്മുറി, പടിയം എന്നിവയുമാണ് അന്തിക്കാടിനു ചുറ്റുമുള്ള വില്ലേജുകള്. ഒരു കള്ളുചെത്തുവ്യവസായകേന്ദ്രമാണ് അന്തിക്കാട്. വിസ്തീര്ണം 7.5 ച.കി.മീ.<br />
<br />
<br />
വില്ലേജിന്റെ കി.-ഉം വ.-ഉം ഭാഗങ്ങള് പൊതുവേ ആള്പ്പാര്പ്പില്ലാത്തതാണ്. മണക്കുടിക്കായല് നികത്തിയെടുത്ത 'കോള്കൃഷി'പ്പാടങ്ങള് ഇവിടെ വ്യാപിച്ചു കിടക്കുന്നു. സമുദ്രനിരപ്പിലും താണുകിടക്കുന്ന ഈ പ്രദേശം ആണ്ടില് ഏഴെട്ടുമാസത്തോളവും വെള്ളത്തിനടിയിലാണ്; വേനല്ക്കാലത്തു വെള്ളം വറ്റിച്ചു നെല്ലു കൃഷി ചെയ്യുന്നു. അന്തിക്കാടിന്റെ പടിഞ്ഞാറെ പകുതി നിരപ്പായ കൃഷിസ്ഥലങ്ങളാണ്. തെങ്ങിന്തോപ്പുകളും ഇരുപ്പൂനിലങ്ങളും കൊണ്ടു നിറഞ്ഞ ഇവിടെ ജനങ്ങള് തിങ്ങിപ്പാര്ക്കുന്നു.<br />
<br />
കള്ളുചെത്തും കോള്കൃഷിയുമാണ് ഇവിടത്തെ പ്രധാന തൊഴിലുകള്. ജനങ്ങളില് ഭൂരിഭാഗവും ഈഴവരാണ്; ബാക്കിയുള്ളവര് ക്രിസ്ത്യാനികള്, മുസ്ളിങ്ങള്, വേട്ടുവര് തുടങ്ങിയവരും.<br />
<br />
<br />
തൃശൂര്-തൃപ്രയാര് റോഡാണ് പ്രധാന ഗതാഗതമാര്ഗം. പോലീസ് സ്റ്റേഷന്, സബ്-രജിസ്ട്രാര് ആഫീസ്, വില്ലേജ് ആഫീസ്, പഞ്ചായത്ത് ആഫീസ് തുടങ്ങിയ ഗവണ്മെന്റ് സ്ഥാപനങ്ങളും മറ്റു സ്ഥാപനങ്ങളും ഇവിടെ പ്രവര്ത്തിച്ചുവരുന്നു. അന്തിക്കാട് ബ്ളോക്കിന്റെ ആസ്ഥാനം വില്ലേജിനു പുറത്താണ്. ഇവിടെ ധാരാളം ക്ഷേത്രങ്ങളും പള്ളികളുമുണ്ട്. ഇവിടത്തെ മൂകാംബികക്ഷേത്രം പ്രസിദ്ധമാണ്.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0%E0%B5%80%E0%B4%AF%E0%B5%8B%E0%B4%A6%E0%B5%8D%E0%B4%97%E0%B5%8D%E0%B4%B0%E0%B4%A5%E0%B4%A8%E0%B4%82അന്താരാഷ്ട്രീയോദ്ഗ്രഥനം2008-02-26T09:54:52Z<p>116.68.64.48: </p>
<hr />
<div>= അന്താരാഷ്ട്രീയോദ്ഗ്രഥനം =<br />
<br />
International Integration<br />
<br />
രാഷ്ട്രീയ-സാമ്പത്തികതലങ്ങളിലെ ഭിന്നതകള് അവസാനിപ്പിച്ച് പല രാഷ്ട്രങ്ങള് ഒന്നിച്ചുചേരുന്ന പ്രക്രിയയും തത്ഫലമായുളവാകുന്ന സംശ്ളിഷ്ടഭാവവുമാണ് അന്താരാഷ്ട്രീയോദ്ഗ്രഥനം. രാഷ്ട്രങ്ങളുടെ സ്വയംഭരണസ്വഭാവം ഈ സംയോജനത്തോടെ മിക്കവാറും ഇല്ലാതാകുന്നു എന്നാണ് സിദ്ധാന്തം. വംശങ്ങളും വര്ഗങ്ങളും ട്രേഡ് യൂണിയനുകളും രാഷ്ട്രീയകക്ഷികളും മറ്റും തമ്മിലടുത്ത്, വൈജാത്യങ്ങള് മറന്ന് സഹകരിച്ച്, കൂടുതല് ശക്തിയാര്ജിക്കാറുണ്ട്. എന്നാല് പരമാധികാര രാഷ്ട്രങ്ങള്ക്കുതമ്മില് ചില പൊതുകാര്യങ്ങളിലൊഴിച്ച്, ആത്യന്തികമായ സംയോജനം ഉണ്ടാകുക വിഷമമാണ്. ചില സാമ്പത്തിക രാഷ്ട്രീയ വൈഷമ്യങ്ങളില്നിന്നു മുക്തി നേടുന്നതിനും സ്വന്തം വ്യക്തിത്വത്തെ ഉയര്ത്തുന്നതിനുംവേണ്ടി സ്വായത്തമാക്കിയ ശക്തിയുടെ ചില അംശങ്ങള് ഒരു കേന്ദ്രാധികാരത്തിന് അടിയറവയ്ക്കുന്നു എന്നതാണ് ഈ രാഷ്ട്രങ്ങള് തമ്മിലുള്ള ഉദ്ഗ്രഥനത്തിന്റെ മൌലികസ്വഭാവം. വൈജാത്യങ്ങളും ദേശപരമായ വ്യക്തിത്വവും വിസ്മരിച്ച് സ്വമേധയാ നടക്കുന്ന സംയോജനത്തിലൂടെ മാത്രമേ ശരിയായ ഉദ്ഗ്രഥനം സാധ്യമാകുകയുള്ളു. സമ്മര്ദംകൊണ്ടും ബലപ്രയോഗംകൊണ്ടും സാധ്യമാകുന്നതല്ല ഇത്. ആക്രമിച്ചു കീഴടക്കിയ രാഷ്ട്രങ്ങളെ ഒരുമിച്ചുചേര്ത്ത് ഒരു ബൃഹദ്രാഷ്ട്രം ഉണ്ടാക്കാമെങ്കിലും, അവിടെ നൈയാമികമായ ഉദ്ഗ്രഥനം കൈവരുത്തുക പ്രയാസമാണ്. അതുകൊണ്ട്, സമാധാനപരമായി സംഭവിക്കുന്ന ഒരു ആന്തരികപരിണാമമാണ് അന്താരാഷ്ട്രീയോദ്ഗ്രഥനം എന്നു പറയാം. <br />
<br />
<br />
'''പ്രാദേശികോദ്ഗ്രഥനം.''' ഉദ്ഗ്രഥനത്തെ പ്രാദേശികമെന്നും അന്താരാഷ്ട്രപരമെന്നും രണ്ടായി തിരിക്കാം. ഏതെങ്കിലും ഭൂപരമായ മേഖലയ്ക്കുള്ളില് ഒന്നിലധികം രാഷ്ട്രങ്ങള് സഹകരിച്ച് ആഭ്യന്തര വിദേശനയങ്ങള് ഒരു കേന്ദ്രത്തിന്റെ നിയന്ത്രണത്തില് കൊണ്ടുവരുമ്പോള് അത് പ്രാദേശികോദ്ഗ്രഥനമാകുന്നു. മേഖലാധിഷ്ഠിതമല്ലാതെ ലോകരാഷ്ട്രങ്ങള്ക്കൊന്നിച്ചുനിന്നു പ്രവര്ത്തിക്കുന്നതിനുള്ള ഒരു സാഹചര്യമാണ് അന്താരാഷ്ട്രീയോദ്ഗ്രഥനംകൊണ്ടു സാധിക്കുന്നത്. അമേരിക്കന് കോളനികള് വിപ്ളവത്തിലൂടെ നേടിയത് പ്രാദേശികോദ്ഗ്രഥനമാണ്. രണ്ടാംലോകയുദ്ധാനന്തരം ഉണ്ടായ മേഖലാസഖ്യങ്ങള് (അറബിലീഗ്, സെന്റൊ, നാറ്റൊ, വാഴ്സാ എന്നീ സഖ്യങ്ങള്) പ്രാദേശികോദ്ഗ്രഥനത്തിന് ഉദാഹരണങ്ങളാണ്. <br />
<br />
<br />
ദേശരാഷ്ട്രങ്ങളുടെ സമാധാനപരമായ സംയോജനത്തിലൂടെ പുരാതനകാലം മുതല് ലോകത്തിന്റെ പല ഭാഗങ്ങളിലും പ്രാദേശികോദ്ഗ്രഥനം നടന്നിട്ടുണ്ട്. ഫെഡറേഷന്, ലീഗ്, സഖ്യം എന്നിങ്ങനെ പല പേരിലും ഈ പ്രക്രിയ നടന്നതായി കാണാം. രാഷ്ട്രീയവും സാമ്പത്തികവുമായ ആവശ്യങ്ങള്ക്കു വേണ്ടിയാണ് പ്രധാനമായും ഈ സംയോജനങ്ങള് സാധിച്ചിട്ടുള്ളത്. പ്രതിരോധമാണ് ലക്ഷ്യമെങ്കില്, യുദ്ധഭീഷണി മാറുന്നതോടെ ഈ ഉദ്ഗ്രഥനത്തിന്റെ അടിസ്ഥാനം ഇല്ലാതാകുന്നു. സാമ്പത്തികപുരോഗതിയാണ് ലക്ഷ്യമെങ്കില് പരാധീനത മാറുന്നതോടെ മേഖലാസംയോജനം മാര്ഗതടസ്സമായി അംഗരാഷ്ട്രങ്ങള്ക്ക് അനുഭവപ്പെടാന് തുടങ്ങും. <br />
<br />
<br />
രണ്ടാം ലോകയുദ്ധത്തിനുശേഷം ഇത്തരം പ്രാദേശികസംയോജനശ്രമങ്ങള് ലോകത്തെങ്ങും വര്ധിച്ച തോതില് നടന്നു. വ്യക്തിജീവിതത്തിന്റെ ഓരോ തലത്തിലും ഭരണകൂടങ്ങള് ആധിപത്യം ചെലുത്താന് തുടങ്ങിയതോടെ വ്യവസായം, വാണിജ്യം, സാങ്കേതികവിദ്യ, സാമൂഹികപ്രവര്ത്തനം, ആരോഗ്യം, തൊഴില് തുടങ്ങിയ രംഗങ്ങളില് കൂട്ടുപ്രവര്ത്തനം സാധിക്കുമോ എന്ന് പല രാജ്യങ്ങളും ആരായാന് തുടങ്ങി. തത്ഫലമായി പല അന്താരാഷ്ട്ര സംഘടനകളും യൂറോപ്പിലും ആഫ്രിക്കയിലും അമേരിക്കയിലും ഏഷ്യയിലും ഉടലെടുത്തു (നോ: അന്താരാഷ്ട്ര സംഘടനകള്). ഈ അന്താരാഷ്ട്രസംഘടനകളെല്ലാം ചില പ്രത്യേക സാഹചര്യങ്ങളില്, ചില പ്രത്യേകാവശ്യങ്ങള് സാധിക്കുവാന്വേണ്ടി രൂപവത്കരിക്കപ്പെട്ടവയാണ്. പ്രാദേശികമായ ഉദ്ഗ്രഥനത്തെക്കാള് അവ പ്രാമാണികമായി ലോകത്തെ വിഭജിക്കുകയാണ് ചെയ്തിട്ടുള്ളത് എന്നൊരു വാദഗതിയുമുണ്ട്. <br />
<br />
<br />
രാഷ്ട്രീയവും സാമ്പത്തികവുമായ പൊതുകര്മപദ്ധതികള് സ്വീകരിച്ച് ഉദ്ഗ്രഥനത്തിനൊരുമ്പെടുന്ന രാഷ്ട്രങ്ങളുടെ സൈന്യ ശക്തിയും സാമ്പത്തികശേഷിയും ഭരണവ്യവസ്ഥയും അനുസരിച്ചിരിക്കും സംഘടനയുടെ പ്രവര്ത്തനവും വിജയവും. വ്യത്യസ്തരീതിയിലുള്ള രാഷ്ട്രങ്ങള്ക്കു സ്വരൈക്യവും മാനസികൈക്യവും സാധിക്കുവാന് പ്രയാസമാണ്. <br />
<br />
<br />
'''അന്താരാഷ്ട്രീയോദ്ഗ്രഥനം.''' അന്താരാഷ്ട്രീയോദ്ഗ്രഥനം പ്രാദേശികോദ്ഗ്രഥനത്തെക്കാള് ദുഷ്കരമാണ്. കേവലം നാമമാത്രമായ ഒരു സംയോജനം കാണപ്പെടുന്നത് ഐക്യരാഷ്ട്രസംഘടനയിലും അതിന്റെ അവാന്തരവിഭാഗങ്ങളിലും ഒത്തുപ്രവര്ത്തിക്കുന്ന രാഷ്ട്രങ്ങള്ക്കിടയിലാണ്. ഒരു കേന്ദ്രശക്തിക്കു സ്വന്തം സ്വായത്തശക്തി ഒഴിഞ്ഞുകൊടുത്തുകൊണ്ടുള്ള ഉദ്ഗ്രഥനമൊന്നും ഈ സംഘടനയിലൂടെ സഞ്ജാതമാകുന്നില്ല. രാഷ്ട്രങ്ങള്ക്കുമുകളില് വര്ത്തിക്കുന്ന ഒരതിരാഷ്ട്രവുമല്ല അത്. അതിന്റെ നിര്ദേശങ്ങള് സ്വീകരിക്കാന് അംഗരാഷ്ട്രങ്ങള് ബാധ്യസ്ഥരാണെങ്കിലും, സ്വീകരിക്കാതിരുന്നാല് നിര്ബന്ധിച്ച് അനുസരിപ്പിക്കുന്നതിനുള്ള കഴിവ് അതിനില്ല. <br />
<br />
<br />
എങ്കിലും 'വിശ്വമാനവസമുദായം' എന്ന ഒരു സങ്കല്പം നിലവില് വന്നിട്ടുള്ളത് ഈ അന്താരാഷ്ട്രീയോദ്ഗ്രഥനത്തിന്റെ ഫലമായിട്ടാണ്. പല അന്താരാഷ്ട്ര സഹകരണമേഖലകളിലൂടെയും ഈ സങ്കല്പം യാഥാര്ഥ്യമായി അനുഭവപ്പെടുന്നുമുണ്ട്. അന്താരാഷ്ട്രതൊഴില്സംഘടന, ലോകാരോഗ്യസംഘടന, ലോകബാങ്ക്, യുനെസ്കോ തുടങ്ങിയ സംഘടനകള്ക്കു ലോകജനതയെ യോജിപ്പിക്കുന്നതിന് ഒരളവുവരെ സാധിച്ചിട്ടുണ്ട്. മനുഷ്യന് ഗ്രഹാന്തരയാത്ര നടത്തുന്ന ഇന്നത്തെ കാലഘട്ടത്തില് ഈ അന്താരാഷ്ട്രവ്യവസ്ഥയുടെ വ്യാപ്തി വീണ്ടും വര്ധിച്ചിരിക്കുന്നു. <br />
<br />
<br />
'''പ്രശ്നങ്ങള്.''' പ്രാദേശികോദ്ഗ്രഥനം അഥവാ മേഖലോദ്ഗ്രഥനം കൂടുതല് പ്രാധാന്യം അര്ഹിക്കുന്നു. വാസ്തവത്തില് ഇവിടെ ഉദ്ഗ്രഥനമാണോ പ്രത്യുത സഹകരണമാണോ സംഭവിക്കുന്നതെന്നു പരിശോധിക്കേണ്ടിയിരിക്കുന്നു. <br />
<br />
<br />
ഭൂപരമായി അടുത്തുകിടക്കുന്ന രാഷ്ട്രങ്ങള് വിദേശകാര്യങ്ങളിലും സാമ്പത്തികകാര്യങ്ങളിലും പരസ്പരം ബന്ധപ്പെട്ടുണ്ടാകുന്ന ഒരു രാഷ്ട്രസഖ്യമാണ്, മേഖലോദ്ഗ്രഥനംകൊണ്ട് അര്ഥമാക്കപ്പെടുന്നത്. ഭരണകൂടങ്ങളുടെ സവിശേഷസ്വഭാവംകൊണ്ടോ, ജനങ്ങളുടെ ജീവിതരീതികളിലുള്ള വൈജാത്യങ്ങള്കൊണ്ടോ, ആശയങ്ങളിലുള്ള വൈരുധ്യങ്ങള്കൊണ്ടോ, ചരിത്രപരമായ മറ്റു സവിശേഷതകള് നിമിത്തമോ ഈ നാടുകള് തമ്മില് ഇണക്കമോ പിണക്കമോ എന്താണു നിലനില്ക്കുന്നത് എന്ന കാര്യം ഈ മേഖലാബന്ധത്തെ ബാധിക്കുന്നില്ല. മറ്റുള്ളവരുടെ പ്രവര്ത്തനങ്ങള് ഓരോ ഘടകരാഷ്ട്രത്തിന്റെയും സാമ്പത്തികനിലയെയും വിദേശനയത്തെയും സാരമായി ബാധിക്കുന്നതുകൊണ്ട് രാജ്യരക്ഷാപരമായ നിലനില്പിന് കൂട്ടുകെട്ടുകള് സഹായകമാകും എന്നതാണ് മേഖലാസമ്പ്രദായത്തിന്റെ അടിസ്ഥാനം. മേഖലാതീതമായ താത്പര്യങ്ങള് ചില അംഗങ്ങള്ക്ക് ഉണ്ടാവാമെങ്കിലും ഭൂപരമായ അവയുടെ കിടപ്പ് മുഖ്യമായും വിദേശകാര്യങ്ങളില് പ്രാദേശികതാത്പര്യങ്ങളോടടുത്തു നില്ക്കാന് അവയെ പ്രേരിപ്പിക്കുന്നുണ്ട്. <br />
<br />
<br />
അംഗരാഷ്ട്രങ്ങള് തമ്മിലുള്ള ബന്ധങ്ങള് വിലയിരുത്തുമ്പോഴാണ് മേഖലാരാഷ്ട്രീയത്തിലെ അസ്ഥിരത ബോധ്യപ്പെടുന്നത്. ഘടകരാഷ്ട്രങ്ങള് സ്വായത്താധികാരം അവയ്ക്കു മുകളിലുള്ള ശക്തിക്ക് ഭാഗികമായെങ്കിലും ഒഴിഞ്ഞുകൊടുക്കണമെന്നത് ഉദ്ഗ്രഥനത്തിന്റെ ഒരാവശ്യമാണ്. എന്നാല് സാമ്പത്തിക സാമൂഹിക സൈനികരാഷ്ട്രീയ കാര്യങ്ങളില് സൌകര്യാര്ഥം സഹകരണം നേടുക എന്നതില് കവിഞ്ഞ പ്രക്രിയയൊന്നും ഇവിടെ നടക്കുന്നില്ല. പണ്ഡിതന്മാര് സൈനികസഖ്യങ്ങളെയും സാമ്പത്തികസമൂഹങ്ങളെയും അന്താരാഷ്ട്രസംഘടനകളെയും എങ്ങിനെ വ്യാഖ്യാനിച്ചാലും രാഷ്ട്രങ്ങളുടെ ദേശീയസ്വഭാവത്തില് മാറ്റമൊന്നും വരികയില്ല. <br />
<br />
<br />
ഒരേ മേഖലയില്തന്നെ സഖ്യരാഷ്ട്രങ്ങളുടെ ആഭ്യന്തരവിദേശനയങ്ങളെ താരതമ്യപ്പെടുത്തിയാലും വൈജാത്യവൈരുധ്യങ്ങള് വ്യക്തമാകും. പശ്ചിമയൂറോപ്യന് കമ്യൂണിറ്റിയിലേതായാലും, ലാറ്റിന്-അമേരിക്കന് രാഷ്ട്രസഖ്യത്തിലേതായാലും, അറബി ലീഗിലേതായാലും അംഗരാഷ്ട്രങ്ങളുടെ അംഗീകൃതതാത്പര്യങ്ങളും ഉദ്ദേശ്യ ലക്ഷ്യങ്ങളും തുലോം വിഭിന്നങ്ങളാണ്. സാധര്മ്യങ്ങളെക്കാള് വൈരുധ്യങ്ങളും പരസ്പരരൈക്യത്തേക്കാള് വിഭാഗീയതകളും ഇവര് തമ്മിലുള്ള ബന്ധങ്ങളില് തെളിഞ്ഞുകാണാം. <br />
<br />
<br />
മേല്പറഞ്ഞ പ്രാദേശികോദ്ഗ്രഥനശ്രമങ്ങളില് ഒരു സുനിശ്ചിതഘടകമെന്നനിലയില് വന്ശക്തികളുടെ സ്വാധീനത കാണപ്പെടുന്നു. ഇതിന്നര്ഥം, ഓരോ മേഖലയിലേയും രാഷ്ട്രങ്ങളുടെ ആഭ്യന്തരതാത്പര്യങ്ങളും പൊതുലക്ഷ്യങ്ങളും നിര്ണയിക്കുന്നതില് പ്രധാന പങ്കു വന്ശക്തികള് കൈയ്യടക്കിവച്ചിരിക്കുന്നു എന്നാണ്. അത്രത്തോളം അന്താരാഷ്ട്രീയോദ്ഗ്രഥനം കൃത്രിമമായിത്തീരുന്നു. ഉള്ളില്നിന്നുള്ള പ്രേരണകൊണ്ടുണ്ടാകുന്നതല്ലാതെ പുറമേനിന്ന് അടിച്ചേല്പ്പിക്കപ്പെടുന്നത് ഉദ്ഗ്രഥനമല്ല, മറിച്ച് ചെറുകിടക്കാര്ക്കു വന്കിടക്കാര് നല്കുന്ന സൌജന്യമാണ്. <br />
<br />
<br />
മേഖലാരാഷ്ട്രീയത്തില് വന്ശക്തികള് പങ്കാളികളാകുന്നത് രണ്ടുതരത്തിലാണ്: ഒന്ന്, രാഷ്ട്രീയപ്രാധാന്യമുള്ള പങ്കാളിത്തം; രണ്ട്, രാഷ്ട്രീയപ്രാധാന്യമില്ലാത്ത പങ്കാളിത്തം. സാമ്പത്തികവിഭവസഹായം, വാണിജ്യസൌകര്യം, മൂലധനമിറക്കല്, സാംസ്കാരികസാമൂഹികപ്രവര്ത്തനങ്ങള് എന്നിവയിലൂടെയാണ് രണ്ടാമത്തെ പങ്കാളിത്തം സാധിതമാക്കുന്നത്. രാഷ്ട്രീയോദ്ദേശ്യത്തോടുകൂടിയാകാമെങ്കിലും ഈ പങ്കാളിത്തം ശക്തിസമീകരണത്തിനുവേണ്ടിയുള്ളതല്ല; സഹകരണത്തിലൂടെ പ്രത്യേകപദവി നേടാനുള്ള ഒരു ശ്രമം മാത്രമാണ്. <br />
<br />
<br />
ആദ്യത്തേതാവട്ടെ, രാഷ്ട്രീയോദ്ദേശ്യത്തോടുകൂടി ശക്തിസമീകരണത്തിനുവേണ്ടി വന്ശക്തികള് ചെറുരാഷ്ട്രങ്ങള്ക്കു നല്കുന്ന സഹായമാണ്. ഈ പങ്കാളിത്തത്തിന്റെ പ്രകാശനം പ്രത്യേകാവകാശങ്ങള് ഉറപ്പിച്ചുകൊണ്ടോ കോളനി സ്ഥാപിച്ചുകൊണ്ടോ സൈനികസാമ്പത്തികസഹായം നല്കിക്കൊണ്ടോ ആകാം. സൈനികസഖ്യത്തിലൂടെ ഒരു മേഖലയില് പുതിയൊരു ശക്തികേന്ദ്രീകരണം നടത്തി ഒരു വന്ശക്തി പുറത്തുനിന്നും പ്രവേശിക്കുമ്പോള് മറ്റു വന്ശക്തികളും ഇതേപടി പ്രവര്ത്തിക്കാന് ശ്രമിക്കും എന്നുള്ളതുകൊണ്ട് സംഘര്ഷാവസ്ഥ മുമ്പുണ്ടായിരുന്നതിനേക്കാള് കുറയുന്നില്ല. ഫലത്തില്, ഇത്തരം സഹായസഹകരണങ്ങള്കൊണ്ട് ഒരു മേഖലയിലെ രാഷ്ട്രങ്ങള്ക്കു സുരക്ഷിതത്വബോധം വര്ധിക്കുന്നുമില്ല. മധ്യേഷ്യയിലും പശ്ചിമയൂറോപ്പിലും പൂര്വയൂറോപ്പിലും ദക്ഷിണേഷ്യയിലും ഉണ്ടായിക്കൊണ്ടിരിക്കുന്ന ഉദ്ഗ്രഥനപരിപാടികളുടെ അടിസ്ഥാനം ഈ ശക്തിരാഷ്ട്രീയം (Power Politics) ആണെന്നുള്ളതിനു സംശയമില്ല. <br />
<br />
<br />
ഉദ്ഗ്രഥനത്തെക്കാള് ബാഹ്യമായ ഒരു ബന്ധദാര്ഢ്യം മാത്രമാണ് ചില രാഷ്ട്രങ്ങളില് കാണുന്നത്. ഓരോ രാഷ്ട്രത്തിലേയും രാഷ്ട്രീയബന്ധങ്ങളെ വിലയിരുത്തുമ്പോള് ഉദ്ഗ്രഥനംകൊണ്ട് ഉദ്ദേശിക്കേണ്ടത് അധികാരപ്രയോഗത്തെ സംബന്ധിച്ച വിശാലമായ ബോധം ജനങ്ങളില് ഉളവാക്കി, സങ്കുചിതപ്രാദേശികമനോഭാവത്തെ കീഴ്പ്പെടുത്തുകയോ ദൂരീകരിക്കുകയോ ചെയ്യുക എന്നതാണ്. അന്താരാഷ്ട്രബന്ധങ്ങളില് ബന്ധരാഷ്ട്രങ്ങളുടെ വ്യത്യസ്തവ്യക്തിത്വം പരമാധികാരം രൂപംകൊള്ളുന്ന പ്രക്രിയയെയാണ് പ്രതിനിധാനം ചെയ്യേണ്ടത്. എന്നാല് വാസ്തവത്തില് ഉദ്ഗ്രഥനം അന്താരാഷ്ട്രബന്ധങ്ങളില് ഉണ്ടാകുന്നില്ല; സംഭവിക്കുന്നത് കെട്ടുറപ്പ് (cohesion) മാത്രമാണ്. സമീപരാഷ്ട്രങ്ങളുടെ ലക്ഷ്യങ്ങള്ക്കുതമ്മില് ഏകീഭാവം ഉണ്ടാകുമ്പോള് അവ കൂടുതല് അടുത്തുപ്രവര്ത്തിക്കുകയും വൈരുധ്യങ്ങള് ആകാവുന്നിടത്തോളം ഇല്ലാതാകുകയും ചെയ്യുന്നു; പൊതുവായ അപായബോധം ഇവയെ ഒന്നായി നില്ക്കാന് പ്രേരിപ്പിക്കുന്നു. എന്നാല് ഇപ്രകാരം അടുക്കുന്നതുകൊണ്ട് ഇവയുടെ വ്യക്തിത്വം തെളിയുകയാണ് ചെയ്യുന്നത്. അതുകൊണ്ട് ഇവര് തമ്മില് യോജിപ്പുണ്ടാകുമെങ്കിലും സംയോജനം നടക്കുന്നില്ല. മേഖലയിലെ പ്രധാന രാഷ്ട്രങ്ങള്തമ്മില് യുദ്ധമുണ്ടാകുകയില്ല എന്ന ഒരുറപ്പുമാത്രമാണ് ഉദ്ഗ്രഥനംകൊണ്ട് സാധിക്കുന്നത്. ഉദ്ഗ്രഥനംകൊണ്ടുദ്ദേശിക്കപ്പെടുന്നത് ഘടകരാഷ്ട്രങ്ങളുടെ വെവ്വേറെയുള്ള പരമാധികാരം ഒരു കേന്ദ്രത്തിന് ഒഴിഞ്ഞുകൊടുക്കലാണെങ്കിലും, സാധിച്ചുകാണുന്നത് പരമാധികാരത്തെ ശക്തിപ്പെടുത്തുന്നതിനുവേണ്ടി പുറം കാര്യങ്ങളില് യോജിച്ചുപ്രവര്ത്തിക്കുക എന്നതാണ്. <br />
<br />
പരമാധികാരത്തിന്റെ പരിധി ചുരുങ്ങാനിടവരുമെന്നു കാണുമ്പോഴേല്ലാം ഉദ്ഗ്രഥന പ്രക്രിയയ്ക്ക് ഉലച്ചില് ഉണ്ടായിട്ടുണ്ട്; അഥവാ, ഉദ്ഗ്രഥനഫലമായുളവാകുന്ന കേന്ദ്രശക്തി ഏതെങ്കിലും വിധത്തില് ഘടകരാഷ്ട്രത്തിന്റെ പരമാധികാരത്തിനുള്ളില് കടക്കാന് ശ്രമിച്ചാല് അതു ശിഥിലീകരണത്തിലേ കലാശിക്കുകയുള്ളു. <br />
<br />
'''അന്താരാഷ്ട്ര-രാഷ്ട്രതന്ത്രവും ഉദ്ഗ്രഥനവും.''' അന്താരാഷ്ട്ര-രാഷ്ട്രതന്ത്രത്തില് ഉദ്ഗ്രഥനം എന്ന പ്രതിഭാസം കാണപ്പെടുന്നുണ്ടെങ്കിലും അതിന്റെ പരിമിതി വളരെ വ്യക്തമാണ്. അന്താരാഷ്ട്രീയോദ്ഗ്രഥനമായാലും പ്രാദേശികോദ്ഗ്രഥനമായാലും സംഘടിക്കുന്ന രാഷ്ട്രങ്ങളുടെ പരമാധികാരത്തിനു പുറത്തുമാത്രമേ അതിന്റെ പ്രവര്ത്തനമണ്ഡലം വ്യാപരിക്കുന്നുള്ളു. <br />
<br />
<br />
ഉദ്ഗ്രഥനത്തിനുവേണ്ടിയുള്ള ഒരു സംരംഭത്തിലും ദേശീയത വഴിമാറികൊടുത്തതായി കാണുകയില്ല. കൌണ്സില് ഒഫ് യൂറോപ്പ് നിലവില്വന്നെങ്കിലും നിയമനിര്മാണത്തിനോ നിയമപാലനത്തിനോ അതിനര്ഹതയുണ്ടായിരുന്നില്ല. യൂറോപ്യന് ഐക്യം എന്ന സങ്കല്പം സാക്ഷാത്കരിച്ചു എന്നല്ലാതെ പുതിയതും വലിയതുമായ ഒരു ദേശീയരാഷ്ട്രം നിലവില്വന്നില്ല. <br />
<br />
<br />
എന്നാല് നിയതാര്ഥത്തിലുള്ള ഉദ്ഗ്രഥനത്തെക്കാള് കര്മാധിഷ്ഠിത(functional)മായ ഉദ്ഗ്രഥനം പല നാടുകള് തമ്മിലും നടക്കുന്നതായി കാണാം. ഇത് സ്വന്തം പരമാധികാരത്തിനകത്തു നിന്നുകൊണ്ട് ഗവണ്മെന്റുകള് യോജിച്ച് പ്രവര്ത്തിക്കുന്നതുകൊണ്ടാണ് സാധിക്കുന്നത്. ഇതാവട്ടെ കേവലം സഹകരണത്തില് കവിഞ്ഞ ഒന്നുമല്ല. എന്നാല് ഉദ്ഗ്രഥനം സഹകരണത്തില്നിന്നുയര്ന്ന് ഘടകരാഷ്ട്രങ്ങളുടെ ഭാഗികമായ ഏകോപനമാണ് സാധിക്കുന്നത്. 1944-ല് ബനലക്സ് യൂണിയന് ഉണ്ടായി; ബല്ജിയം, നെതര്ലണ്ട്സ്, ലെക്സംബര്ഗ് എന്നീ മൂന്നു രാഷ്ട്രങ്ങളെ തമ്മില് അകറ്റിയിരുന്ന കടല്ചുങ്കങ്ങള് എല്ലാം ഒഴിവാക്കുകയും ഒരു ഏകരൂപമായ താരിപ്പ്നയം ഇറക്കുമതിക്കാര്യത്തില് ഉണ്ടാക്കുകയും ചെയ്തു. സാമ്പത്തികമായ സഹകരണം അതുകൊണ്ടു സാധിച്ചു. ഇതു പ്രാവര്ത്തികമായ ഉദ്ഗ്രഥനത്തിന്റെ ഏകദേശരൂപം നമുക്കു നല്കുന്നുവെങ്കിലും ഇതിനെ സഹകരണം എന്നല്ലാതെ സംയോജനം എന്നു പേര് വിളിക്കാന് പ്രയാസമാണ്. ഓരോ രാഷ്ട്രവും ചില പരിമിതികള്ക്കും നിയന്ത്രണങ്ങള്ക്കും സ്വയം വിധേയമാകാന് സമ്മതിച്ചു എന്നതില്കവിഞ്ഞ് ഒരു സര്വാധികാരിയുടെ നിയന്ത്രണത്തിനു കീഴിലാകുവാന് ഒരുങ്ങി എന്ന് പറയുക വയ്യ. <br />
<br />
<br />
മേഖലാഫെഡറേഷനുകളിലും കമ്യൂണിറ്റികളിലും ലീഗുകളിലും മറ്റും കൂടിയാലോചനകള്വഴി കേന്ദ്രഭരണകൂടം തീരുമാനിക്കുന്ന രീതിയിലാണ് കാര്യങ്ങള് നടക്കുന്നതെന്നും അംഗരാഷ്ട്രങ്ങള് അതിന്റെ തീരുമാനങ്ങള് നടപ്പാക്കുക മാത്രമാണു ചെയ്യുന്നതെന്നും പലപ്പോഴും കീഴ്വഴക്കങ്ങളില്നിന്ന് വിപരീതമായി അന്തര്ദേശീയമെന്നും ദേശീയമെന്നുമുള്ള വ്യത്യാസങ്ങള് മാഞ്ഞ് ഇല്ലാതാകുമെന്നും മറ്റും അന്താരാഷ്ട്രീയോദ്ഗ്രഥനത്തെ അനുകൂലിക്കുന്നവര് പറയുന്നത് തികച്ചും ശരിയല്ല. ചില ആഭ്യന്തരകാര്യങ്ങള് ഇതുവഴി അന്തര്ദേശീയ കാര്യങ്ങളാകുന്നുണ്ടെന്ന് സമ്മതിച്ചാല് തന്നെ, അത്തരം ഇടപെടലുകള് ദേശീയതാത്പര്യത്തിന്റെ പേരിലാണ് രാഷ്ട്രങ്ങള് സ്വീകരിക്കുന്നതെന്നത് വ്യക്തമാണ്. സൈനിക പ്രവര്ത്തനങ്ങളിലും (രാജ്യരക്ഷയ്ക്കായി മാത്രം) വ്യാവസായികോത്പാദനത്തിലും വിലനിയന്ത്രണത്തിലും താരിപ്പിലും മറ്റും ഇങ്ങനെ പുറമേനിന്നു സഹായങ്ങള് സ്വീകരിക്കുന്നത് നിയന്ത്രണങ്ങള് എന്ന നിലയിലല്ല. അന്തര്ദേശീയ ശക്തിയെ ആഭ്യന്തരശക്തിയായി മാറ്റുന്ന ഒരു പ്രക്രിയയാണത്; അല്ലാതെ ആഭ്യന്തരമായ അശക്തിയെ അന്തര്ദേശീയാധികാരത്തിനു ബലിയാക്കലല്ല.<br />
<br />
<br />
അന്താരാഷ്ട്രീയോദ്ഗ്രഥനം ഈ അര്ഥത്തില് അന്താരാഷ്ട്ര തലത്തിലും മേഖലാതലത്തിലും ശരിക്കും സംഭവിക്കുന്നില്ല; യാഥാര്ഥ്യവുമായി ബന്ധമില്ലാത്ത ഒരു സങ്കല്പം മാത്രമാണത്. നോ: അന്താരാഷ്ട്ര ബന്ധങ്ങള്, അന്താരാഷ്ട്ര-രാഷ്ട്രതന്ത്രം, അന്താരാഷ്ട്ര സംഘടനകള്, അന്താരാഷ്ട്രീയത<br />
<br />
(ഡോ. ടി.കെ. രവീന്ദ്രന്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%82%E0%B4%B0%E0%B5%8D%E2%80%8D%E0%B4%B5%E0%B4%AE%E0%B5%83%E0%B4%A4%E0%B5%8D%E0%B4%A4%E0%B5%81%E0%B4%95%E0%B4%B3%E0%B5%8D%E2%80%8Dഅപൂര്വമൃത്തുകള്2008-02-26T09:53:01Z<p>116.68.64.48: </p>
<hr />
<div>= അപൂര്വമൃത്തുകള് =<br />
Rare Earths<br />
<br />
ആവര്ത്തന പട്ടികയിലെ മൂന്നാംഗ്രൂപ്പിലെ ബി-ഉപഗ്രൂപ്പില്പ്പെട്ട 17 ലോഹങ്ങളുടെ ഓക്സൈഡുകള്. സ്കാന്ഡിയം, യിട്രിയം, ലാന്ഥനം, സീറിയം, പ്രസിയോഡൈമിയം, നിയോഡൈമിയം, പ്രൊമീഥിയം, സമേരിയം, യൂറോപിയം, ഗഡോലിനിയം, ടെര്ബിയം, ഡിസ് പ്രോസിയം, ഹോള്മിയം, എര്ബിയം, ഥുലിയം, യിറ്റര്ബിയം, ലുട്ടീഷ്യം എന്നിവയാണ് ഈ ലോഹങ്ങള്. ഓക്സൈഡിന്റെ സാമാന്യ ഫോര്മുല, R_2 O_8 (R = ലോഹ അണു) എന്നാണെങ്കിലും മറ്റ് ഒക്സൈഡുകളും (ഉദാ. Ce O_2, PrO_2, Pr_4 O_7, Tb_4 O_7) വിരളമല്ല. ഈ ലോഹങ്ങളുടെ ബേസിക് ഓക്സൈഡുകള്ക്കു (R_2 O_8) മാത്രമേ അപൂര്വമൃത്തുകള് എന്ന പേര് നിഷ്കൃഷ്ടമായി ഉപയോഗിക്കുവാന് പാടുള്ളു എങ്കിലും ചിലപ്പോള് ഈ 17 മൂലകങ്ങള്ക്കും അവയുടെ യൌഗികങ്ങള്ക്കും സാമാന്യമായി 'അപൂര്വമൃത്തുകള്' എന്നു പറയാറുണ്ട്. ഇവയില് സ്കാന്ഡിയം, യിട്രിയം എന്നിവയൊഴികെയുള്ള മൂലകങ്ങള് ഒന്നിച്ച് 'ലാന്ഥനൈഡുകള്' (Lanthanides) എന്നും പേരുണ്ട്.<br />
<br />
അപൂര്വമൃത്തുകള് ഭൂവല്കത്തില് പല ഖനിജങ്ങളിലും വ്യാപകമായി വിതരണം ചെയ്യപ്പെട്ടിട്ടുണ്ട്. ബാഹുല്യത്തില് ഇവ അത്രതന്നെ പിന്നിലല്ല. ഭൂവല്കത്തില് ഇവയുടെ മൊത്തം ശ.മാ. ഏകദേശം 0.04 ആണ്. ഇതു വളരെ കുറവാണെന്നു തോന്നാമെങ്കിലും കോപ്പര് (ചെമ്പ്), ലെഡ് (കാരീയം), സിങ്ക് (തുത്തനാകം), ടിന് (വെളുത്തീയം), മെര്ക്കുറി (രസം), അയഡിന്, ഗോള്ഡ് (സ്വര്ണം) എന്നിങ്ങനെയുള്ള അനേകം പരിചിതമൂലകങ്ങളുടെ ശതമാനം ഇതിലും കുറവാണെന്ന് അറിയുമ്പോള് 'അപൂര്വമൃത്തുകള്' എന്ന പേര് ഉചിതമാണോ എന്നു തോന്നിയേക്കാം. അളവില് കൂടുതലാണെങ്കിലും ഇവ ലഭ്യതയില് തികച്ചും അപൂര്വങ്ങളാണ്. ഇരുനൂറോളം അപൂര്വമൃത്-ഖനിജങ്ങളുണ്ടെങ്കിലും അവയില് പ്രധാനം മോണാസൈറ്റ്, പോളിക്രേസ്, സമര്സ്കൈറ്റ്, ഗഡൊലിനൈറ്റ്, സീറൈറ്റ്, ഫെര്ഗൂസണൈറ്റ്, യൂസറൈറ്റ് (euxerite), അല്ലനൈറ്റ് എന്നിവയാണ്. മോണാസൈറ്റില് തോറിയവും അടങ്ങിയിട്ടുണ്ട്. ഈ ഖനിജം കേരളത്തില് സമൃദ്ധമാണ്. ഇന്ത്യ, ബ്രസീല്, നോര്വേ, ആസ്റ്റ്രേലിയ എന്നിവിടങ്ങളിലാണ് അപൂര്വമൃത്ഖനിജങ്ങള് താരതമ്യേന കൂടുതലായിട്ടുള്ളത്. ചന്ദ്രന്റെ ഉപരിതലത്തില് ഇവയുടെ ഉപസ്ഥിതി ഭൂമിയിലുള്ളതിന്റെ 2-14 മടങ്ങു കൂടുതലാണത്രേ.<br />
<br />
ശാസ്ത്രചരിത്രത്തില് അപൂര്വമൃത്തുകളുടെ കഥ ആരംഭിക്കുന്നത് 1751-ല് പുതിയ ചില ഗുണധര്മങ്ങളോടുകൂടിയ ഒരു നൂതനഖനിജം വിവരിക്കപ്പെട്ടതോടുകൂടിയാണ്. ബെര്സേലിയസ്സും ഹിസിംഗറും (Berzelius,Hisinger) കൂടി 1803-ല് ഈ ഖനിജം പുനഃപരിശോധിക്കുകയും, അതിനെ സീറൈറ്റ് (Cerite) എന്നു വിളിക്കുകയും ചെയ്തു. ഇതില് നിന്ന് അശുദ്ധരൂപത്തില് സീറിയം ഓക്സൈഡ് അവര്ക്കു ലഭിച്ചു. ആ കൊല്ലം തന്നെ ക്ളാപ്റോത്ത് എന്ന ശാസ്ത്രജ്ഞനും ഇതേ പദാര്ഥം ലഭിക്കുകയുണ്ടായി. 1794-ല് സ്വീഡിഷ് രസതന്ത്രജ്ഞനായ ഗഡോലിന് (Gadolin), യിറ്റര്ബി എന്ന സ്ഥലത്തിനടുത്തുനിന്ന് കിട്ടിയ ഒരു ഖനിജം വിവരിക്കുകയും അതില് ഒരു 'പുതിയമൃത്ത്' ഉണ്ടെന്ന് ഊഹിക്കുകയും ചെയ്തിരുന്നു. എക്ബെര്ഗ് (Ekeberg), എന്ന ശാസ്ത്രജ്ഞന് ഇതില്നിന്ന് 1797-ല് അശുദ്ധമായ യിട്രിയ (യിട്രിയം ഓക്സൈഡ്) നിര്മിച്ചു. ഇത്തരം ഖനിജങ്ങളുടെ സങ്കീര്ണസ്വഭാവം മനസ്സിലായത് 1839 മുതല് മൊസാന്ഡര് നടത്തിയ സീറൈറ്റ്-ഗവേഷണത്തില് നിന്നാണ്. അദ്ദേഹവും കൂട്ടുകാരും അനേകം പുതിയ മൃത്തുകള് വേര്തിരിച്ചു. പ്രൊമീഥിയം ഒഴികെയുള്ള ലോഹങ്ങളുടെ ഓക്സൈഡുകള് അങ്ങനെ ഓരോന്നായി പൃഥക്കൃതങ്ങളായി. ഇവയില് അവസാനത്തേതാണ് 1908-ല് കണ്ടുപിടിക്കപ്പെട്ട ലുട്ടീഷ്യം ഒക്സൈഡ്. അവസാനമായി കണ്ടുപിടിക്കപ്പെട്ട അപൂര്വമൃണ്മൂലകം പ്രൊമീഥിയം ആണ്. 1948-ല് മാറിന്സ്കി, ഗ്ളന്ഡനിന് എന്നിവരാണ് യുറേനിയം 235-ന്റെ അപഘടന-ഉത്പന്നങ്ങളില് ഈ ലോഹമൂലകം കണ്ടെത്തിയത്.<br />
<br />
<br />
അപൂര്വമൃത്തുകളും അവയുടെ ഇതരയൌഗികങ്ങളും തമ്മില് രാസികവും ഭൌതികവും ആയ ഗുണധര്മങ്ങളില് വിസ്മയാവഹമായ സാദൃശ്യമുണ്ട്. കൂടാതെ, ഖനിജങ്ങളില് ഇവയുടെ മിശ്രിതമാണ് പ്രായേണ കാണപ്പെടുന്നത്. ഗുണധര്മസാദൃശ്യത്താല് ഇവയുടെ പൃഥക്കരണം അടുത്തകാലം വരെ അതീവ ദുഷ്കരമായിരുന്നു. എന്നാല് അയോണ്-വിനിമയം (ion exchange), ലായകനിഷ്കര്ഷണം (solvent extraction) മുതലായ നൂതനവിശ്ളേഷണതന്ത്രങ്ങള് ഉപയോഗിച്ച് ഈ യൌഗികങ്ങളെ അനായാസേന പരസ്പരം വേര്തിരിച്ചെടുക്കാം എന്നായിട്ടുണ്ട്. ഈ 17 മൂലകങ്ങളുടേയും അണുക്കളുടെ ഇലക്ട്രോണ് വിന്യാസത്തില് കാണുന്ന ഒരു സവിശേഷത, അവയുടെ ഏറ്റവും പുറമേയുള്ള ഷെല്ലില് 2-ഉം തൊട്ടു പിന്നിലുള്ള ഷെല്ലില് 9-ഉം ഇലക്ട്രോണുകള് വീതം ഉണ്ട് എന്നുള്ളതാണ്.അപൂര്വമൃത്തുകളുടെ പരസ്പരസാദൃശ്യം ഇത്ര വര്ധിക്കുവാന് കാരണവും ഇതുതന്നെയാണ്. അപൂര്വമൃത്തുകളുടെ ക്ളോറൈഡുകളെ വിദ്യുദപഘടനത്തിന് (electrolysis) വിധേയമാക്കിയും, ആല്ക്കലി ലോഹങ്ങള് ചേര്ത്തു ചൂടാക്കിയും അതതു മൂലകങ്ങള് നിര്മിക്കാം. <br />
<br />
അപൂര്വമൃത്തുകളുടെ യൌഗികങ്ങള്ക്കും മൂലകങ്ങള്ക്കും അനേകം വ്യാവസായിക പ്രയോജനങ്ങള് ഉണ്ട്. സീറിയം, ഇരുമ്പ് എന്നിവയുടെ മിശ്രലോഹം, ഉരസുമ്പോള് തീപ്പൊരി ഉണ്ടാക്കുന്നതിനാല്, സിഗരറ്റ് ലൈറ്ററുകളില് ഫ്ളിന്റ്-ലോക്ക് ആയി ഉപയോഗിക്കുന്നു. ഗ്ളാസ്-കളിമണ് വ്യവസായങ്ങളില് പാത്രങ്ങള്ക്കും മററും ചില പ്രത്യേകനിറം ഉണ്ടാക്കുന്നതിനും അക്ഷരങ്ങളും ചിത്രങ്ങളും പതിപ്പിക്കാനുള്ള പ്രത്യേക രാസമിശ്രിതങ്ങള് നിര്മിക്കുന്നതിനും അപൂര്വമൃത്തുകള് ഉപയോഗിച്ചുവരുന്നുണ്ട്. ടെലിവിഷന്, ലേസര് മുതലായ ആധുനികയന്ത്രങ്ങളില് ഇവ അത്യന്താപേക്ഷിതങ്ങളാണ്. കണ്ണടകള്ക്കുപയോഗിക്കുന്ന ക്രൂക്സ് ഗ്ളാസ്സില് അപൂര്വമൃത്തുകള് ചേര്ക്കപ്പെടുന്നു. ഇവ അള്ട്രാ വയലറ്റ് രശ്മികളെ അവശോഷണം ചെയ്യുകയും ദൃശ്യരശ്മികളെ കടത്തിവിടുകയും ചെയ്യും. പ്രസിയോഡൈമിയവും നിയോഡൈമിയവും ഇതിന് വിശേഷിച്ചും ഉപകരിക്കുന്നു. മൈക്രൊവേവ് കുഴലുകള്, വൈദ്യുതമോട്ടോറുകള്, ഉച്ചഭാഷിണികള് എന്നിങ്ങനെയുള്ള ഉപകരണങ്ങളില് അപൂര്വമൃത്ലോഹങ്ങളും കോബാള്ടും അടങ്ങിയ പ്രത്യേകതരം കാന്തങ്ങള് ഉപയോഗിക്കുന്നു. പ്രവര്ത്തനശേഷിയും ആയുര്ദൈര്ഘ്യവുമുള്ള ഉത്കൃഷ്ടങ്ങളായ അനേകം ഉത്പ്രേരകങ്ങള് അപൂര്വമൃത്തുകളില്നിന്ന് ഉണ്ടാക്കപ്പെടുന്നു.<br />
<br />
<br />
അപൂര്വമൃത് വ്യവസായത്തില് കേരളത്തിന് സമുന്നതമായ സ്ഥാനമുണ്ട്. നീണ്ടകരയിലും കായംകുളത്തും മറ്റുമായി അനേക ലക്ഷം ടണ് മോണസൈറ്റ്-മണല് നിക്ഷേപം ഉണ്ട്. ഇതിന്റെ സംസ്കരണം ആലുവായിലെ റെയര്-എര്ത്ത് ഫാക്ടറിയില് നടക്കുന്നു. ഈ ഖനിജത്തില് നിന്ന് അണുശക്തി ഉത്പാദനത്തിനുതകുന്ന തോറിയവും ലഭ്യമാക്കുന്നു. ഭാരതത്തിന്റെ കയറ്റുമതി വസ്തുക്കളില് അപൂര്വമൃത്തുകള്ക്കു പ്രധാനമായ സ്ഥാനമുണ്ട്.<br />
<br />
അപൂര്വമൃത്തുകളെ സീറൈറ്റ് മൃത്തുകള് (Cerite earths) എന്നും ഗഡൊലിനൈറ്റ് മൃത്തുകള് (Gadolinite earths) എന്നും തരംതിരിക്കാറുണ്ട്. ലാന്ഥനം, സീറിയം, പ്രസിയോഡൈമിയം, നിയോഡൈമിയം, പ്രൊമീഥിയം, സമേരിയം, യൂറോപിയം എന്നിവയുടെ ഓക്സൈഡുകളാണ് സീറൈറ്റ് മൃത്തുകള്. ഇവയുടെ സള്ഫേറ്റുകള് പൂരിതവും ശീതളവും ആയ പൊട്ടാസിയം (അഥവാ സോഡിയം) സള്ഫേറ്റ് ലായനിയില് അലേയങ്ങളാണ്. ഗഡൊലിനൈറ്റ് മൃത്തുകളുടെ സള്ഫേറ്റുകള് ഈ ലായനിയില് ലേയങ്ങളാണ്. ലേയത്വത്തില് മധ്യവര്ത്തികളായ യൂറോപിയം, ഗഡൊലിനിയം, ടെര്ബിയം എന്നിവയുടെ ഓക്സൈഡുകളെ ചിലപ്പോള് ടെര്ബിയം മൃത്തുകള് എന്നു പ്രത്യേകമായി വിഭജിച്ചുകാണുന്നതുമുണ്ട്. ചിലര് ഗഡൊലിനൈറ്റ് മൃത്തുകളെ യിട്രിയം മൃത്തുകള് എന്നും പറയുന്നു.<br />
<br />
<br />
(ഡോ. കെ.പി. ധര്മരാജയ്യര്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0%E0%B5%80%E0%B4%AF%E0%B4%A4അന്താരാഷ്ട്രീയത2008-02-26T09:50:32Z<p>116.68.64.48: </p>
<hr />
<div>= അന്താരാഷ്ട്രീയത =<br />
Internationalism<br />
<br />
വിവിധ രാഷ്ട്രങ്ങള് തമ്മില് സമാധാനപരമായ സഹകരണം വളര്ത്തുന്നതിനെ ലക്ഷ്യമാക്കിക്കൊണ്ടുള്ള ഒരു ചിന്താപദ്ധതിയും അതനുസരിച്ചുള്ള പ്രവര്ത്തനങ്ങളും. സമാധാനത്തിലും യോജിപ്പിലും ജീവിക്കുന്നതും തുല്യതയുടെ അടിസ്ഥാനത്തില് ഒരുമിച്ചു നില്ക്കുന്നതും സ്വയം ഭരിക്കപ്പെടുന്നതുമായ രാഷ്ട്രങ്ങളുടെ ഒരു കുടുംബത്തിനുവേണ്ടിയാണ് അന്താരാഷ്ട്രീയത എന്ന ആദര്ശം നിലകൊള്ളുന്നത്. രാഷ്ട്രങ്ങളുടെ നിലനില്പ് ആവശ്യമാണെന്ന് അംഗീകരിക്കുകയും, അതേസമയം ദേശീയ താത്പര്യങ്ങളെ വിവിധ ജനതകളുടെ വിശാല താത്പര്യങ്ങളുമായി പൊരുത്തപ്പെടുത്താന് ലക്ഷ്യം വയ്ക്കുകയും ചെയ്യുന്ന ഒന്നാണ് പ്രസ്തുത ആദര്ശം. <br />
<br />
ദേശീയത എന്ന ആശയവും അതിന്റെ അടിസ്ഥാനത്തില് പുനഃസംഘടിപ്പിക്കപ്പെട്ട രാഷ്ട്രങ്ങളും മാനവപുരോഗതിക്കുവേണ്ടി ചെയ്തിട്ടുള്ള സേവനങ്ങള് വിലപ്പെട്ടതാണ്. അക്കാരണത്താല് ആരോഗ്യപ്രദമായ അന്താരാഷ്ട്രീയതയ്ക്കാവശ്യമായ ഒരു നാന്ദിയായിട്ടാണ് ദേശീയതയെ കാണേണ്ടത്. രാഷ്ട്രങ്ങളുടെ ഇടയില് പൊതുവേ കാണുന്ന സമരമനോഭാവവും മറ്റു രാജ്യങ്ങളോടുള്ള പകയും അന്താരാഷ്ട്രീയതയുടെ ശത്രുക്കളാണ്. സാംസ്കാരികവും സാന്മാര്ഗികവും ആയ ദേശീയത അന്താരാഷ്ട്രീയതയുടെ മിത്രവും സഹായിയുമാണ്. <br />
<br />
'''പല സംരംഭങ്ങള്.''' വിവിധ ജനതകള് തമ്മിലുള്ള ബന്ധത്തെ വളര്ത്തുന്ന എന്തിനെയും അന്താരാഷ്ട്രീയത എന്ന ആശയത്തിന്റെ സാക്ഷാത്കരണത്തിനുള്ള സംഭാവനയായി കണക്കാക്കാം. ചരിത്രാരംഭ കാലം മുതല് ഇന്നു വരെ പലതരം മനുഷ്യബന്ധങ്ങള് സാധ്യമാക്കുന്നതിനുവേണ്ടി പല പദ്ധതികള്ക്കും രൂപം കൊടുക്കുവാന് ചിന്തകന്മാരും ഭരണകര്ത്താക്കളും ശ്രമിച്ചിട്ടുണ്ട്. ഫ്രഞ്ച് നിയമജ്ഞനും രാഷ്ട്രീയ ലേഖകനുമായ പിയറി ഡുബായ് (1250-1320), ഇറ്റാലിയന് കവിയും രാഷ്ട്രമീമാംസകനുമായ ദാന്തേ (1265-1321), ഇംഗ്ളീഷ് ക്വേക്കറായ വില്യം പെന് (1644-1718), ഫ്രഞ്ച് ദാര്ശനികനായ റൂസോ (1712-78), ഇംഗ്ളീഷ് ജൂറിസ്റ്റും ദാര്ശനികനുമായ ജറേമി ബന്താം (1748-1832), ജര്മന് ദാര്ശനികനായ ഇമ്മാനുവല് കാന്റ് (1724-1804) തുടങ്ങിയവര് നിര്ദേശിച്ച സാങ്കല്പിക പദ്ധതികള്, റഷ്യയിലെ അലക്സാണ്ടര് ക (1777-1825), ആസ്റ്റ്രിയയിലെ മെറ്റേര്ണിക് (1773-1859) തുടങ്ങിയ ഭരണകര്ത്താക്കളുടെ ശ്രമങ്ങള്, ഹേഗ് കോടതി (1899), ഒന്നും രണ്ടും യുദ്ധങ്ങള്ക്കുശേഷം നിലവില് വന്ന സര്വരാഷ്ട്രസഖ്യം, ഐക്യരാഷ്ട്രസംഘടന എന്നിവയുടെ പ്രവര്ത്തനങ്ങള് തുടങ്ങിയവയാണ് ഈ ആശയം സഫലീകരിക്കുന്നതിനുള്ള സംരംഭങ്ങളില് പ്രധാനപ്പെട്ടവ. ആദ്യകാലത്ത് യൂറോപ്പിലുള്ള രാജ്യങ്ങള് മാത്രമേ ഇത്തരം സംരംഭങ്ങളില് ഭാഗഭാക്കുകളായിരുന്നുള്ളു. പില്ക്കാലത്ത് എല്ലാ ഭൂഖണ്ഡങ്ങളിലുമുള്ള വളരെയധികം രാഷ്ട്രങ്ങള് ഈ വഴിക്ക് ചിന്തിക്കുകയും സഹകരിച്ച് പ്രവര്ത്തിക്കുകയും ചെയ്തുതുടങ്ങി. അന്താരാഷ്ട്ര അരാജകത്വം മാറ്റി സമാധാനം സ്ഥാപിക്കുക എന്നത് ഏറ്റവും പ്രധാനപ്പെട്ട ഒരാവശ്യമായി മനുഷ്യന് മനസ്സിലാക്കിത്തുടങ്ങിയിരിക്കുന്നു. <br />
<br />
'''ദേശീയതയും അന്താരാഷ്ട്രീയതയും.''' 18-ഉം 19-ഉം ശ.-ങ്ങളില് ദേശീയത ശക്തി പ്രാപിക്കുകയും അതിന്റെ അടിസ്ഥാനത്തില് സംഘടിക്കപ്പെട്ട രാഷ്ട്രങ്ങള് നിലവില് വരികയും ചെയ്തു. പൊതുവായ നന്മയ്ക്കു വേണ്ടി നിലകൊള്ളുന്നു എന്ന വിശ്വാസം ജനിപ്പിക്കാനും അക്കാരണത്താല്തന്നെ എല്ലാ ജനങ്ങളുടെയും കൂറു നേടാനും കഴിഞ്ഞ ഏറ്റവും വിശാലമായ സാമൂഹിക രാഷ്ട്രീയ സംഘടനയാണ് ആധുനിക രാഷ്ട്രം. കമ്യൂണിസവും സോഷ്യലിസവും അവയുടെ സ്വാധീനത ചെലുത്തിക്കൊണ്ടിരിക്കുന്നു എങ്കിലും നിയമപരമായി പരമാധികാരം പ്രയോഗിക്കാന് കഴിവുള്ള ഒരേയൊരു കേന്ദ്രശക്തിയായി രാഷ്ട്രങ്ങള് തുടര്ന്നുപോകുന്നു. സാമ്രാജ്യത്വമോഹവും യുദ്ധഭീതിയും ഇല്ലാത്ത ഒരു യഥാര്ഥ അന്താരാഷ്ട്ര വ്യവസ്ഥിതി നിലവില് വരുത്തുവാന് തൊഴിലാളി വര്ഗത്തിനു മാത്രമേ സാധ്യമാകൂ എന്നതാണ് കാറല് മാര്ക്സ് (1818-83) മുതലിങ്ങോട്ടുള്ള കമ്യൂണിസ്റ്റ് ചിന്തകന്മാരുടെയും കമ്യൂണിസ്റ്റ് പ്രസ്ഥാനത്തിന്റെയും വിശ്വാസം. ദേശീയതയുടെ അതിര്ത്തിവരമ്പുകള്ക്കപ്പുറത്തു പോയി ലോകമെങ്ങുമുള്ള അധ്വാനിക്കുന്ന ജനങ്ങളെയാകെ ഒന്നായിക്കാണുന്ന കമ്യൂണിസ്റ്റു കക്ഷികള് ലോകയുദ്ധങ്ങളില് പങ്കെടുത്തതും കമ്യൂണിസ്റ്റു രാജ്യങ്ങള്ക്കിടയില്തന്നെ ദേശീയ താത്പര്യത്തിന്റെ പേരിലും അതിര്ത്തികളുടെ കാര്യത്തിലും ഉള്ള വഴക്കുകള്ക്ക് നേതൃത്വം കൊടുത്തതും തെളിയിക്കുന്നത്, അന്താരാഷ്ട്രീയതയെക്കാളും കുറെക്കൂടെ ശക്തിമത്തായ ഒരു വൈകാരിക ചിന്തയാണ് ദേശീയത എന്നതാണ്. എത്രതന്നെ സ്വാഭാവികമായ ഒരു വികാരമാണ് ദേശീയതയെങ്കിലും അതിന് പരിമിതികളുണ്ട്. അത് പലപ്പോഴും സങ്കുചിതമായ വീക്ഷണം, അഹങ്കാരം എന്നിവയ്ക്കും ചിലപ്പോള് ദേശീയമായ അകല്ച്ച, ആക്രമണം തുടങ്ങിയവയ്ക്കും കാരണം ആയേക്കാം. ഒരു ദേശീയ വിഭാഗം രാഷ്ട്രപദവി നേടുന്നതുകൊണ്ടു മാത്രം തൃപ്തിപ്പെടുന്നില്ലെന്നും ആ പദവി നേടുന്നതിനുവേണ്ടി അതു വിനിയോഗിക്കുന്ന ശക്തിയും ആ പ്രക്രിയയില്കൂടി നേടിയെടുക്കുന്ന ആത്മവിശ്വാസവും മറ്റു രാജ്യങ്ങളെ ആക്രമിക്കുന്നതിന് അതിനെ പ്രേരിപ്പിക്കും എന്നുള്ളതും ഒരു ചരിത്രസത്യമാണ്. <br />
<br />
'''യുദ്ധഭീതി.''' അന്താരാഷ്ട്രീയത എന്ന വ്യവസ്ഥിതിയിലേക്ക് മനുഷ്യരാശിയെ തള്ളിവിടുന്ന പ്രേരകശക്തികളില് പ്രധാനമായത് അണ്വായുധയുദ്ധം വരുത്തിവച്ചേക്കാവുന്ന നാശത്തെ സംബന്ധിച്ച ഭീതിയാണ്. ഈ ഭീതിമൂലം അന്താരാഷ്ട്രസമൂഹത്തിന് പൊതുവായ ഒരു ഭരണകൂടം ഉണ്ടാകണമെന്ന ചിന്താഗതി വളര്ന്നുവന്നു. ആധുനികയുദ്ധം വ്യക്തികളുടെ ജീവിതത്തെ എങ്ങനെയൊക്കെ ബാധിക്കുമെന്നുള്ളതിനെ സംബന്ധിച്ച് ഒരു സാധാരണ പൌരന് ഇന്നു തികച്ചും ബോധവാനാണ്. 20-ാം ശ.-ത്തിനുമുമ്പുള്ള യുദ്ധങ്ങള് ഇന്നത്തേതുപോലെ അത്ര വിനാശകരങ്ങള് ആയിരുന്നില്ല. വര്ധിച്ച നിരക്കില് നികുതി കൊടുക്കുക എന്നതൊഴിച്ചാല് ജനസംഖ്യയില് ഭൂരിഭാഗവും, തങ്ങളുടെ രാജ്യം ഒരു യുദ്ധത്തിലേര്പ്പെട്ടിരുന്നു എന്നതിനെക്കുറിച്ച് അന്ന് തീരെ അജ്ഞരായിരുന്നിരിക്കണം. എന്നാല് ഇന്നാകട്ടെ, ഒരു യുദ്ധം അതില് ഏര്പ്പെട്ടിട്ടില്ലാത്ത രാജ്യങ്ങളിലെ ജനജീവിതത്തെപ്പോലും സാരമായി ബാധിക്കുന്നു. ലോകത്തെങ്ങുമുള്ള സാധാരണ മനുഷ്യര്ക്കു യുദ്ധത്തോടുള്ള മനോഭാവം അന്താരാഷ്ട്രീയത എന്ന ആദര്ശത്തെ പ്രവൃത്തിപഥത്തില് കൊണ്ടുവരുന്നതിന് സഹായകരമാണ്. ഈ ആദര്ശം പ്രാവര്ത്തികമാക്കുന്നതിനുള്ള ബുദ്ധിമുട്ടുകളെയും തടസ്സങ്ങളെയും കുറിച്ച് ബോധവാന്മാരല്ലെങ്കില്കൂടിയും അവരെല്ലാം യുദ്ധത്തെ വെറുക്കുന്നു. ഈ ആദര്ശത്തെ പ്രബലമാക്കുന്ന മറ്റൊരു കാരണം രാഷ്ട്രങ്ങള്ക്കിടയില് കാണുന്ന സാമ്പത്തികമായ പരസ്പരാശ്രയത്വമാണ്. സാമ്പത്തികതലത്തിലുള്ള അന്താരാഷ്ട്രീയതയുടെ മുന്നോട്ടുള്ള ഒരു വലിയ ചുവടുവയ്പ് സാധ്യമാക്കിത്തീര്ത്തതും, പരസ്പരാശ്രയത്വംകൊണ്ടുണ്ടാകുന്ന ഗുണങ്ങളെ വര്ധിപ്പിച്ചതും സാങ്കേതിക പുരോഗതിയാണ്. ലോകത്തെങ്ങുമുള്ള സാമ്പത്തിക വിഭവങ്ങളെ ഏറ്റവും ഫലപ്രദമായി വികസിപ്പിച്ചെടുക്കുന്നതിനും ഉപയോഗിക്കുന്നതിനും ലോകരാഷ്ട്രങ്ങളുടെ ആ വഴിക്കുള്ള പ്രവര്ത്തനങ്ങളെ ഏകോപിപ്പിക്കേണ്ടത് ആവശ്യമായിരിക്കുന്നു. എല്ലാ ജനതകളും പരസ്പരം ആശ്രയിക്കുകയും ഒരു ജനതയുടെ സുഭിക്ഷതയെയും സുരക്ഷിതത്വത്തെയും മറ്റൊന്നിന്റെ പ്രവര്ത്തനം ഗുണമായോ ദോഷമായോ ബാധിക്കുകയും ചെയ്യുന്ന ഒരു സ്ഥിതിവിശേഷമാണ് ഇന്നുള്ളത്. വ്യക്തികളെ മാത്രമല്ല, രാഷ്ട്രങ്ങളെയും പരസ്പരം ആശ്രയിക്കുന്നതിന് നിര്ബന്ധിതമാക്കിയ ഒരു സംഭവമാണ് വ്യാവസായികവിപ്ളവം. സാമ്പത്തിക മേഖലയില് മാത്രമായി ഒതുങ്ങി നില്ക്കുന്ന ഒന്നല്ല ഈ പരസ്പരാശ്രയത്വം. രാഷ്ട്രങ്ങളുടെ അതിര്വരമ്പുകളെ മാനിക്കാത്ത ശാസ്ത്രത്തിന്റെയും കലയുടെയും സംസ്കാരത്തിന്റെയുമൊക്കെ രംഗങ്ങളില് ഈ അവസ്ഥ ദൃശ്യമാകുന്നുണ്ട്. <br />
<br />
'''പ്രവൃത്തിപഥത്തില്.''' വിഭിന്നങ്ങളായ ദേശീയ താത്പര്യങ്ങളെ സമീകരിക്കുന്നതിനും പൊരുത്തപ്പെടുത്തുന്നതിനും സഹായകരമായ രീതിയില് പൊതുവായ ചില തത്ത്വങ്ങളുടെ അടിസ്ഥാനത്തിലായിരിക്കണം അന്താരാഷ്ട്രസഹകരണം സംഘടിപ്പിക്കപ്പെടേണ്ടത്. ഒരു രാഷ്ട്രത്തിന്റെ വീക്ഷണം മറ്റു രാഷ്ട്രങ്ങളുടെ മേല് അടിച്ചേല്പിക്കാനുള്ള ഒരു ശ്രമവും വിജയിക്കുകയില്ല. സഹകരണം ഇല്ലാതാകാന്പോലും അതു കാരണമാകയും ചെയ്യും. അന്താരാഷ്ട്രീയത എന്ന ആദര്ശത്തെ പ്രാവര്ത്തികമാക്കുന്നത് യു.എന്. പോലുള്ള ഒരു സ്ഥാപനത്തിന്റെ ചട്ടക്കൂടില് കൂടിയായിരിക്കണം. രാഷ്ട്രങ്ങള് തമ്മില് യോജിച്ചു പ്രവര്ത്തിച്ചാല് മാത്രമേ അവയ്ക്കിടയിലുള്ള സംശയങ്ങളും അവിശ്വാസവും ദൂരികരിക്കപ്പെടാനും പരസ്പരധാരണയുടെ അന്തരീക്ഷം സൃഷ്ടിക്കപ്പെടാനും കഴിയൂ. ഇത് സാധ്യമാക്കുന്നതിനുവേണ്ടിയുള്ള ശ്രമങ്ങള് 19-ാം ശ.-ത്തിനു മുമ്പുണ്ടായിട്ടുണ്ട്. തത്കാല രാഷ്ട്രീയ സ്ഥിതിയെ നിലനിര്ത്തുക എന്ന സങ്കുചിതവും സ്വാര്ഥതാത്പര്യപ്രേരിതവുമായ ആ വിധ ശ്രമങ്ങളൊക്കെതന്നെ പരാജയപ്പെട്ടു. ഒന്നാം ലോകയുദ്ധത്തിനുശേഷം നിലവില്വന്ന സര്വരാഷ്ട്രസഖ്യത്തിനും ഈ ദുരന്തം നേരിട്ടു. എങ്കിലും അന്താരാഷ്ട്രീയത എന്ന ആശയത്തിന്റെ പ്രായോഗികതയ്ക്കാവശ്യമായ വ്യവസ്ഥാപിത ചട്ടവട്ടങ്ങള് അതിനുണ്ടായിരുന്നു. ആ നിലയ്ക്ക് അന്താരാഷ്ട്രീയതയുടെ സാക്ഷാത്കരണസംരംഭങ്ങളിലെ ആദ്യത്തെ നാഴികക്കല്ലായി അത് കണക്കാക്കപ്പെടുന്നു. കഴിഞ്ഞകാലശ്രമങ്ങള് പരാജയമടഞ്ഞതെന്തെന്നു മനസ്സിലാക്കാനും ഭാവിപ്രതീക്ഷകള്ക്കുള്ള കാരണങ്ങള് അവയില് കണ്ടെത്താനും കഴിയുമെങ്കിലും സുനിശ്ചിതമായ രീതിയില് ഈ ആദര്ശത്തെ നടപ്പാക്കുന്നതിനുള്ള ഒരു പദ്ധതി ആവിഷ്കരിക്കാന് ഇതുവരെ സാധിച്ചിട്ടില്ല. ഒരു 'സര്വരാഷ്ട്ര സഖ്യ'മല്ല ഒരു 'സര്വജനസഖ്യ സഭ'യാണ് അന്താരാഷ്ട്രീയതയുടെ പ്രായോഗികതയ്ക്കാവശ്യമായിട്ടുള്ളത് എന്ന് ഇടതുപക്ഷ ചിന്താഗതിക്കാരായ ജനാധിപത്യവാദികളും ഭരണകര്ത്താക്കളും ഒന്നാം ലോകയുദ്ധത്തിനുശേഷം പ്രഖ്യാപിച്ചിട്ടുണ്ട്. പരസ്പരവിരുദ്ധമായ തത്ത്വങ്ങളില് അധിഷ്ഠിതമാണ് മേല്പറഞ്ഞ രണ്ടു സമ്പ്രദായങ്ങളും. സഖ്യത്തിലെ ഓരോ അംഗത്തിന്റെയും പരമാധികാരത്തെ മാനിക്കുന്നതാണ് ആദ്യത്തേത്. ജനാഭിലാഷത്തിന്റെ പ്രതിഫലനമെന്നനിലയില് എല്ലാ രാഷ്ട്രങ്ങളും ചേര്ന്നുണ്ടാകുന്ന പുതിയൊരു ലോകത്തെ രൂപപ്പെടുത്തുന്നതിനെ ലക്ഷ്യമാക്കിക്കൊണ്ടുള്ളതാണ് രണ്ടാമത്തേത്. അംഗരാജ്യങ്ങളിലെ ജനങ്ങളാല് തെരഞ്ഞെടുക്കപ്പെട്ടതും പരമാധികാരസ്വഭാവത്തോടുകൂടിയതുമായ ഒരു അന്താരാഷ്ട്രനിയമസഭയും, രാഷ്ട്രീയവും ഭരണപരവും സൈനികവുമായ അധികാരങ്ങളുള്ള ഒരു നിര്വഹണസമിതിയും ഉള്ക്കൊള്ളുന്നതാണ് രണ്ടാമത്തെ പദ്ധതി. വിവിധജനതകള് തമ്മില് പരിപൂര്ണമായ ഐക്യം ഇന്നില്ല എന്നതുകൊണ്ട് ലോകതാത്പര്യങ്ങളെ സംബന്ധിച്ച യഥാര്ഥ ബോധമുള്ള ഒരു നിയമസഭ സൃഷ്ടിക്കപ്പെടാന് സാധ്യമല്ലെന്നാണ് ആദ്യം പറഞ്ഞ പദ്ധതിക്കുവേണ്ടി നിലകൊള്ളുന്നവരുടെ അഭിപ്രായം. ഒരു അന്താരാഷ്ട്രഭരണകൂടം യഥാര്ഥത്തില് നിലവില്വരാതെ അന്താരാഷ്ട്രബോധം സാധ്യമല്ലെന്നാണ് ഇതിനൊരു മറുപടിയായി പറയപ്പെടുന്നത്. ഈ ബോധം ജനഹൃദയങ്ങളില് ജനിപ്പിക്കുന്നതിന് സമയം, പരിശീലനം, പരിചയം തുടങ്ങിയവ ആവശ്യമാണ്. സോഷ്യലിസ്റ്റു ചേരി തകരുകയും ശീതസമരം അവസാനിക്കുകയും ചെയ്തതോടെ, ആഗോളവത്ക്കരണവും ഉദാരവത്ക്കരണവും കൂടുതല് വ്യാപകവും സ്വീകാര്യവുമായിത്തീര്ന്നിരിക്കുന്നു. പക്ഷേ, ലോകത്തിന്റെ വിവിധ ഭാഗങ്ങളില് നടക്കുന്ന വംശീയ സംഘട്ടനങ്ങളും മേഖലായുദ്ധങ്ങളും ലോകസമാധാനത്തിനു പുതിയ ഭീഷണികളുയര്ത്തുന്നു. ശീതയുദ്ധത്തിന്റെ അന്ത്യത്തിന്റെ ഫലമായി അമേരിക്കയ്ക്കു ലഭിച്ച മേധാവിത്വം അന്താരാഷ്ട്രീയതയുടെ സന്തുലിതത്വത്തെ പ്രതികൂലമായി ബാധിക്കുന്നു എന്ന് ചിലര് വിമര്ശിക്കുന്നുണ്ട്.<br />
<br />
'''ഏകലോകാദര്ശം.''' രാഷ്ട്രീയസാമ്പത്തിക താത്പര്യങ്ങളെ നിയന്ത്രിക്കുന്നതിന് ഒരു അന്താരാഷ്ട്രസംഘടന കൂടാതെ കഴിയാന് മനുഷ്യര്ക്ക് സാധ്യമല്ല. ഇന്നത്തെ മനുഷ്യര് തങ്ങള്ക്കു ശരിയാണെന്നു തോന്നുന്ന മാര്ഗങ്ങള് പരീക്ഷിച്ചുനോക്കുന്നു. എന്നാല് രാഷ്ട്രങ്ങള് തമ്മിലുള്ള ബന്ധങ്ങള് ദൃഢപ്പെടുത്തുന്നതിനാവശ്യമായ നീതിബോധം, സദാചാരബോധം എന്നിവയില് അവയ്ക്കുള്ള വിശ്വാസക്കുറവുകൊണ്ടും രാഷ്ട്രങ്ങളുടെ പരമാധികാരത്തിന്റെ കണികയെങ്കിലും ബലിയര്പ്പിക്കാനുള്ള തയ്യാറില്ലായ്മകൊണ്ടും സങ്കുചിതമായ ദേശീയതാത്പര്യങ്ങള്ക്ക് മുന്തൂക്കം നല്കുന്നതുകൊണ്ടും അത്തരം ശ്രമങ്ങളൊന്നും തന്നെ അന്താരാഷ്ട്രബോധം വളര്ത്തുന്നതിന് സഹായകരമാകുന്നില്ല. അന്താരാഷ്ട്രീയതയ്ക്കെതിരെയുള്ള വെല്ലുവിളികളെ ഫലപ്രദമായി നേരിടുന്നതിനാവശ്യമായ സൈനികശക്തിയോടുകൂടിയ ഒരു ലോക ഭരണകൂടമുണ്ടെങ്കില് മാത്രമേ ശാശ്വതസമാധാനം നിലനിര്ത്താന് അന്താരാഷ്ട്രസമൂഹത്തിനു കഴിയുകയുള്ളു. ഇതിന്റെ അര്ഥം ദേശീയഭരണകൂടങ്ങളില്നിന്നും വളരെയധികം അധികാരങ്ങള് ലോകഭരണകൂടത്തിലേക്ക് മാറ്റുക എന്നതാണ്. അത്തരത്തിലൊരു ഭരണകൂടം സ്ഥാപിക്കുകയെന്നത് അനായാസേന സാധിക്കാവുന്ന ഒന്നായിട്ടാണ് അന്താരാഷ്ട്രീയതയെക്കുറിച്ച് ആവേശഭരിതരാകുന്നവര് ചിന്തിക്കാറുള്ളത്. ഇന്നത്തെ സാഹചര്യത്തില് ജനാധിപത്യരീതിയിലുള്ള ഒരു ലോകഭരണകൂടം സൃഷ്ടിക്കപ്പെടുക എന്നത് ബുദ്ധിമുട്ടേറിയ ഒരു കാര്യമായിരിക്കും. ആ ഭരണകൂടത്തിനു കീഴില് ജനങ്ങള്ക്ക് സമാധാനപരമായി കഴിയണമെന്നുണ്ടെങ്കില് അതു സ്ഥാപിക്കുന്നതിനുള്ള പ്രവര്ത്തനങ്ങള് വളരെ ധൃതിപിടിച്ചതും ഉഗ്രപ്രയോഗസ്വഭാവത്തോടുകൂടിയതും ആയിക്കൂടാ. മന്ദഗതിയിലുള്ള ഒരു പ്രക്രിയയില് കൂടിയായിരിക്കണം ഈ ലക്ഷ്യത്തിലെത്തേണ്ടത്. ജനതകളുടെ വൈകാരികമായ ചിന്തയ്ക്കും അവര് തമ്മില് നിലനില്ക്കുന്ന ബന്ധത്തിന്റെ സ്വഭാവത്തിനും വിപ്ളവകരമായ ഒരു മാറ്റം ഇതിനാവശ്യമാണ്. പൊതുവായ നയങ്ങള് ആവിഷ്കരിക്കുന്നതിനുള്ള അധികാരത്തോടുകൂടിയ ഒരു കേന്ദ്രശക്തിയെ സ്വമേധയാ അംഗീകരിക്കാന് രാഷ്ട്രങ്ങള് തയ്യാറാകണം. ഈ ഭരണകൂടത്തിന്റെ ചുമതലകള് പ്രധാനപ്പെട്ടതും വ്യക്തമായി നിര്വചിക്കപ്പെട്ടതും ആയിരിക്കണം. അതിനു പുറമേ ഓരോ അംഗരാഷ്ട്രവും സ്വകര്മം നിറവേറ്റുന്ന കാര്യത്തില് പ്രതിജ്ഞാബദ്ധമായി നിലകൊള്ളണം. ഈ സവിശേഷതകളൊത്തുചേര്ന്ന ഒരു ലോകഭരണകൂടം സ്ഥാപിക്കുന്ന ശ്രമത്തില് ഏര്പ്പെട്ടിരിക്കുകയാണ് പല ചിന്തകന്മാരും ഭരണകര്ത്താക്കളും. ഭാവിയിലുണ്ടാകാനിരിക്കുന്ന അന്താരാഷ്ട്രീയതയെന്ന ആദര്ശത്തിലധിഷ്ഠിതമായ രാഷ്ട്രീയസംവിധാനത്തിന്റെ രൂപവും ഭാവവും എന്തായിരിക്കുമെന്ന് കാലേകൂട്ടി നിര്വചിക്കുക പ്രയാസമാണ്. നോ: അന്താരാഷ്ട്രബന്ധങ്ങള്, അന്താരാഷ്ട്ര-രാഷ്ട്രതന്ത്രം<br />
<br />
(കെ. കൃഷ്ണന് നായര്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B8%E0%B5%8D%E0%B4%A5%E0%B4%BF%E0%B4%A4%E0%B4%BF%E0%B4%B5%E0%B4%BF%E0%B4%B5%E0%B4%B0_%E0%B4%B8%E0%B4%82%E0%B4%98%E0%B4%9F%E0%B4%A8%E0%B4%95%E0%B4%B3%E0%B5%8D%E2%80%8Dഅന്താരാഷ്ട്ര സ്ഥിതിവിവര സംഘടനകള്2008-02-26T09:48:16Z<p>116.68.64.48: </p>
<hr />
<div>= അന്താരാഷ്ട്ര സ്ഥിതിവിവര സംഘടനകള് =<br />
International Statistical Organisation<br />
<br />
വിവിധരാഷ്ട്രങ്ങളിലെ സ്ഥിതിവിവരങ്ങളുടെ താരതമ്യപഠനം സുഗമമാക്കുവാന് അവിടങ്ങളിലുള്ള ജനതകളുടെ സാമ്പത്തികവും സാമൂഹികവും മറ്റുമായ ഘടനകളെപ്പറ്റിയുള്ള കണക്കുകള് സംഭരിക്കുക എന്ന പ്രധാന ലക്ഷ്യത്തില് പ്രവര്ത്തിക്കുന്ന സംഘടനകള്. ഇപ്രകാരമുള്ള താരതമ്യപഠനം ശരിയാകണമെങ്കില് വിവരങ്ങള് ശേഖരിക്കുന്ന രീതികളില് സാമാന്യമായ ഐകരൂപ്യം ഉണ്ടാകേണ്ടതുണ്ട്. ഇവയെ സംബന്ധിക്കുന്ന ആശയങ്ങള്, നിര്വചനങ്ങള്, വകുപ്പുവിഭജനം എന്നിവയെല്ലാം സാമാന്യമാനദണ്ഡങ്ങളെ അവലംബിച്ചായിരിക്കണം. <br />
<br />
'''അന്താരാഷ്ട്ര സ്ഥിതിവിവര കോണ്ഗ്രസ്.''' (International Statistical Congress). ഉപയോഗപ്രദമായ മാനദണ്ഡങ്ങള് ഈ മണ്ഡലത്തില് ഉണ്ടാക്കുവാനുള്ള ശ്രമങ്ങള് 1853-ല് ബ്രസല്സില് ചേര്ന്ന അന്താരാഷ്ട്രസ്ഥിതിവിവരകോണ്ഗ്രസ്സില് ആരംഭിച്ചു. വില്യംഫാര്, എണസ്റ്റ് എന്ഗെല്, എഡ്വേര്ഡ് ജാര്വിസ് തുടങ്ങിയ ശാസ്ത്രജ്ഞന്മാര് പങ്കെടുത്ത പ്രസ്തുത സമ്മേളനത്തിന്റെ പ്രമുഖ സംഘാടകന് ബല്ജിയന് ജ്യോതിഃശാസ്ത്രജ്ഞനായ അഡോള്ഫ് ക്വറ്റലേറ്റ് (1796-1874) ആയിരുന്നു. ഇരുപതോളം രാഷ്ട്രങ്ങളുടെ പ്രതിനിധികള് ഇതില് പങ്കെടുത്തു. അതിനെതുടര്ന്ന് 1855-ലും 1876-ലുമായി യൂറോപ്പിലെ വിവിധ നഗരങ്ങളിലായി എട്ടോളം ആലോചനായോഗങ്ങള് സംഘടിപ്പിക്കപ്പെട്ടു. ഈ വിഷയം കൈകാര്യം ചെയ്യുവാന് ഒരു സ്ഥിരം സംഘടനയുടെ ആവശ്യം പ്രകടമായെങ്കിലും 1872 വരെ അതിനുള്ള യത്നങ്ങള് ഫലവത്തായില്ല. ജര്മന് ചാന്സലറായിരുന്ന ബിസ്മാര്ക്കിന്റെ (1815-98) നിസ്സഹകരണ മനോഭാവമായിരുന്നു ഇതിനുകാരണം എന്നു പറയപ്പെടുന്നു. <br />
<br />
സ്ഥിരം സംഘടനയുടെ കാര്യം താത്കാലികമായി പരാജയപ്പെട്ടെങ്കിലും ഈ രംഗത്തുള്ള പ്രവര്ത്തനങ്ങള് നിലച്ചില്ല. കാനേഷുമാരി കണക്കുകളില് ശേഖരിക്കേണ്ട വിവരങ്ങള് എന്തൊക്കെയായിരിക്കണമെന്ന് ഇക്കാലത്ത് നിശ്ചയിക്കപ്പെട്ടു. പില്ക്കാലങ്ങളില് രോഗങ്ങള്, അപകടങ്ങള്, മരണകാരണങ്ങള് എന്നിവയെപ്പറ്റി സുവ്യക്തമായ നിര്വചനങ്ങള് ആവശ്യമായിവന്നു. ഈ ഉദ്ദേശ്യത്തോടെ സംഘടനയുടെ വകുപ്പുകള് വിഭജിക്കപ്പെട്ടു. വകുപ്പുവിഭജനത്തിന്നാധാരമായ കാര്യങ്ങള് 1853-ല് തന്നെ ചര്ച്ച ചെയ്തു തീരുമാനിച്ചിരുന്നു. <br />
<br />
'''അന്താരാഷ്ട്ര സ്ഥിതിവിവര സ്ഥാപനം''' (International Statistical Institute:ISI). സാമ്പത്തികവും സാമൂഹികവുമായ രംഗങ്ങളിലെ അന്താരാഷ്ട്രസഹകരണവും സഹപ്രവര്ത്തനവും സ്ഥിതിവിവരശേഖരണത്തിന്റെ പ്രാധാന്യം വര്ധിപ്പിക്കയാല് 1885-ല് ഒരു അന്താരാഷ്ട്ര സ്ഥിതിവിവരസ്ഥാപനം (International Statistical Institute) ജന്മമെടുത്തു. മുന്പുണ്ടായിരുന്ന സ്ഥാപനത്തിനു നേരിട്ട കുഴപ്പങ്ങളൊഴിവാക്കാന് ഇത് ഒരു സ്വകാര്യ (അനൌദ്യോഗിക) സംഘടനയാക്കി. 1887-ല് റോമില് ആദ്യയോഗം ചേര്ന്ന ഈ സ്ഥാപനം 1913 വരെ രണ്ടു വര്ഷത്തിലൊരിക്കല് സമ്മേളിക്കുക പതിവായിരുന്നു. ഒന്നാം ലോകയുദ്ധകാലത്ത് ഈ പതിവിനു വിഘാതമുണ്ടായി. ഓരോ രാഷ്ട്രത്തിലെയും സ്ഥിതിവിവരവകുപ്പുമേധാവികള് സ്വന്തം നിലയിലാണ് ഈ യോഗത്തില് ഹാജരായത്. പ്രവര്ത്തനമേഖല ചുരുക്കി, വ്യവസ്ഥയും ചിട്ടയും വരുത്തി ഈ സംഘടന 1923 മുതല് 1938 വരെ വീണ്ടും പ്രവര്ത്തിച്ചു. ഒന്നാം ലോകയുദ്ധാനന്തരം സര്വരാജ്യ സഖ്യത്തിന്റെയും അന്താരാഷ്ട്ര-തൊഴിലാളി സംഘടനയുടെയും ആഭിമുഖ്യത്തില് പ്രവര്ത്തനം നടത്തിയ ഈ സ്ഥാപനം അന്താരാഷ്ട്രകാര്ഷിക സംഘടനയുമായും നിരന്തരബന്ധം പുലര്ത്തിവന്നു. ഇതോടൊപ്പം ഐക്യരാഷ്ട്രസഭയുടെ ലോകാരോഗ്യസംഘടന (WHO) യോടും ഈ സ്ഥാപനം ഭാഗികമായി സഹകരിച്ചുപോന്നു. മുകളില് പരാമൃഷ്ടങ്ങളായ സ്ഥാപനങ്ങള് സ്വന്തം നിലയില് തങ്ങളുടെ പ്രവര്ത്തനമേഖലകളില് സ്ഥിതിവിവരസംഭരണം നടത്തിവന്നതിനാല്, ഈ സംഘടനയുടെ ജോലി ഇക്കാലങ്ങളില് വളരെ ചുരുങ്ങുകയുണ്ടായി. <br />
<br />
രണ്ടാം ലോകയുദ്ധം പൊട്ടിപ്പുറപ്പെട്ടപ്പോള് ഇതിന്റെ പ്രവര്ത്തനം വീണ്ടും തടസ്സപ്പെട്ടു. യുദ്ധാനന്തര പുനഃസംവിധാനത്തില് ഈ സ്ഥാപനത്തിന്റെ പ്രയത്നങ്ങള് പുനരാരംഭിക്കുന്നത് യുനെസ്കോ (UNESCO) യുടെ ഒരു ശാഖയായിട്ടാണ്. എല്ലാ രാഷ്ട്രങ്ങളിലെയും സ്ഥിതിവിവരവകുപ്പുകളുടെ പ്രവര്ത്തനഫലങ്ങളെ സംയോജിപ്പിക്കുക എന്നത് ഇതിന്റെ പരിപാടിയുടെ മുഖ്യഭാഗമായിട്ടുണ്ട്. നെതര്ലന്ഡ്സിലെ ഹേഗിനടുത്തുള്ള വൂര്ബര്ഗ് ആണ് ഇതിന്റെ ആസ്ഥാനം.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%82%E0%B4%B2%E0%B4%BF%E0%B4%AF%E0%B4%B8%E0%B5%8Dഅപൂലിയസ്2008-02-26T09:44:20Z<p>116.68.64.48: </p>
<hr />
<div>= അപൂലിയസ് (125 - ?) =<br />
Apuleius<br />
<br />
<br />
റോമന് പ്രഭാഷകനും ദാര്ശനികനും സാഹിത്യകാരനും. എ.ഡി. 125-ല് ഉത്തരാഫ്രിക്കയില് ജനിച്ചു. കാര്ത്തേജിലും ആഥന്സിലും വിദ്യാഭ്യാസം ചെയ്തു. ഗ്രീസിലും ഏഷ്യാമൈനറിലും വിപുലമായി പര്യടനം നടത്തുകയും ഏതാനും കൊല്ലം റോമില് അഭിഭാഷകവൃത്തിയിലേര്പ്പെടുകയും ചെയ്തിട്ട് സ്വദേശത്തേക്കു മടങ്ങി. ഒരു സാഹിത്യകാരനെന്ന നിലയിലും പ്രഭാഷകന് എന്ന നിലയിലും നിസ്തുലമായ പ്രശസ്തി നേടി. എ.ഡി. 155-ല്, തന്നെക്കാള് പ്രായം കൂടിയ ഒരു ധനികവിധവയെ വിവാഹം ചെയ്തു. ആ സ്ത്രീയെ ആഭിചാരംകൊണ്ടു വശീകരിച്ചാണ് വിവാഹം സാധിച്ചതെന്ന് അവരുടെ ബന്ധുക്കള് പരാതികൊടുത്ത് അപൂലിയസിനെ കോടതി കയറ്റി. ഇദ്ദേഹം മന്ത്രവാദത്തില് തത്പരനായിരുന്നു എന്നത് സത്യമാണ്. എങ്കിലും ഈ കേസില് നിര്ദോഷിയെന്നു കണ്ട് കോടതി ഇദ്ദേഹത്തെ വെറുതെ വിട്ടു. എ.ഡി. 160-ല് ഇദ്ദേഹം കാര്ത്തേജില് താമസമുറപ്പിച്ചു.<br />
<br />
അപൂലിയസിന്റെ പ്രസംഗങ്ങളില് ചിലതുള്ക്കൊള്ളുന്ന ഫ്ളോറിഡാ അഥവാ ഗാര്ലന്ഡ് എന്ന സമാഹാരവും മൂന്നു നാലു ദാര്ശനിക പ്രബന്ധങ്ങളും ന്യായവാദ (Apologia) വും പരിവൃത്തി (The metamorphosis) അഥവാ സ്വര്ണക്കഴുത (The Golden Ass) എന്ന നോവലുമാണ് എണ്ണപ്പെട്ട സാഹിത്യസൃഷ്ടികള്. ഒടുവില് പറഞ്ഞ കൃതിയെ ആശ്രയിച്ചാണ് ഇദ്ദേഹത്തിന്റെ യശസ്സ് ഇന്നു നിലനില്ക്കുന്നത്. മറ്റുള്ളവയെല്ലാം വിസ്മൃതിയില് ആണ്ടുപോയിരിക്കുന്നു.<br />
<br />
ഐതിഹ്യപ്രകാരം ഉത്തരഗ്രീസിലെ മന്ത്രവാദിനികളുടെ നാടായ തെസലിയിലേക്കുപോയ ലൂഷ്യസിന്റെ കഥയാണ് സ്വര്ണക്കഴുതയിലെ പ്രതിപാദ്യം. കഥാനായകന് ഫോട്ടിസ് എന്നൊരു വേലക്കാരിപ്പെണ്ണുമായി പ്രണയത്തിലാവുകയും അവളില്നിന്ന്, പക്ഷിയായി രൂപംമാറാന് ഉതകുന്ന ഒരു മരുന്ന് കൈവശപ്പെടുത്തുകയും ചെയ്യുന്നു. അയാള് അതു പ്രയോഗിച്ചപ്പോഴാകട്ടെ പക്ഷിയാകുന്നതിനുപകരം കഴുതയാവുകയാണ് ചെയ്യുന്നത്. മാനുഷികമായ ബുദ്ധിശക്തി നശിക്കാത്ത ആ മിണ്ടാപ്രാണിയെ ഒരുസംഘം കവര്ച്ചക്കാര് അപഹരിച്ചുകൊണ്ടുപോകുന്നു. അവരുടെകൂടെ അവന് നടത്തുന്ന നിരവധി സാഹസിക പര്യടനങ്ങളാണ് പ്രധാന കഥാവസ്തു. കഴുതയുടെ മുന്പില്വച്ച് ആര്ക്കും കലവറ കൂടാതെ എന്തും സംസാരിക്കാമെന്നുള്ളതുകൊണ്ട് പലരില്നിന്നും ഒട്ടേറെ കഥകള് അവന് കേള്ക്കുന്നു. അത്തരം കഥകളുടെ ഉചിതമായ നിബന്ധനംമൂലം ആഖ്യാനത്തിന് ഭംഗിയും വൈചിത്യ്രവും ലഭിച്ചിട്ടുണ്ട്. 'കാമന്റേയും രതിയുടേയും' (Cupid and Psyche) പ്രേമകഥയാണ് ഗ്രന്ഥത്തിലെ ഏറ്റവും മികച്ച ഉപാഖ്യാനം. ഗ്രീക്കുസാഹിത്യത്തിലോ ലത്തീന്സാഹിത്യത്തിലോ വേറെങ്ങുമോ കാണാനില്ലാത്ത ഒരു പഴയനാടോടിക്കഥയാണിത്. അപൂലിയസ് അത് അതിമനോഹരമായി ആഖ്യാനം ചെയ്തിരിക്കുന്നു.<br />
<br />
കഥാനായകനു മനുഷ്യരൂപം വീണ്ടുകിട്ടാന് അവശ്യം ഭക്ഷിക്കേണ്ട പനിനീര്പ്പൂവിനുവേണ്ടി, അവന് തന്റെ സാഹസികയാത്രയില് അന്വേഷണം നടത്തിക്കൊണ്ടിരുന്നു. ഒടുവില് ഐസിസ എന്ന ദേവിയുടെ സഹായത്താല് ലഭിച്ച പനിനീര്പ്പൂവ് തിന്ന് മനുഷ്യരൂപം വീണ്ടെടുക്കാന് അവനു സാധിക്കുന്നു. അതോടെ അവന് ദേവിയുടേയും ദേവിയുടെ സഹോദരനായ ഒസീരിസ്ദേവന്റേയും ആരാധകനായിത്തീരുന്നു. ഗ്രന്ഥത്തിന് ഏതാണ്ട് ഒരു ആത്മകഥയുടെ മട്ടുണ്ട്. കാമത്തിന്റെ ദാസനായ മനുഷ്യന് മൃഗത്തേക്കാള് മെച്ചപ്പെട്ടവനല്ലെന്നാണ് പ്രതിരൂപാത്മകമായ ഈ പരിഹാസകൃതിയിലെ സൂചന.<br />
<br />
കഥയുടെ വിശദാംശങ്ങളില് ചിലേടത്ത് അശ്ളീലപ്രതീതിയുണ്ടെങ്കിലും സ്വര്ണക്കഴുത ലത്തീന് ഭാഷയിലെ ആകര്ഷകമായ ഒരു നീണ്ടകഥയാണ്. പില്ക്കാല കഥാകൃത്തുക്കള്ക്ക് അതു മാതൃകയായിത്തീര്ന്നു. ബൊക്കാച്ചിയോവിനും സെര്വാന്റസിനും ഈ കൃതിയോടുള്ള കടപ്പാട് പ്രകടമാണ്. ഇതിന് വില്യം അഡ്ലിങ്ടണ് ഇംഗ്ളീഷില് ചമച്ചിട്ടുള്ള തര്ജുമ ഒരു ക്ളാസിക് ആയി പരിഗണിക്കപ്പെടുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B8%E0%B4%BF%E0%B4%B5%E0%B4%BF%E0%B4%B2%E0%B5%8D%E2%80%8D_%E0%B4%B5%E0%B5%8D%E0%B4%AF%E0%B5%8B%E0%B4%AE%E0%B4%AF%E0%B4%BE%E0%B4%A8_%E0%B4%B8%E0%B4%82%E0%B4%98%E0%B4%9F%E0%B4%A8അന്താരാഷ്ട്ര സിവില് വ്യോമയാന സംഘടന2008-02-26T09:43:15Z<p>116.68.64.48: </p>
<hr />
<div>= അന്താരാഷ്ട്ര സിവില് വ്യോമയാന സംഘട =<br />
<br />
International Civil Aviation Organization<br />
<br />
സമാധാനപരമായ ഉദ്ദേശ്യങ്ങള് ലക്ഷ്യമാക്കി അന്താരാഷ്ട്രസിവില് വ്യോമയാനവികസനത്തിനുവേണ്ടി 1947-ല് സ്ഥാപിച്ച സംഘടന. ഇത് ഐക്യരാഷ്ട്രസഭയുടെ ഒരു ഭാഗമായി പ്രവര്ത്തിക്കുന്നു. 2006-ലെ കണക്കനുസരിച്ച് ഈ സംഘടനയില് ഇന്ത്യയുള്പ്പെടെ 189 അംഗങ്ങളുണ്ട്. കാനഡയിലെ മോണ്ട്രിയല് ആണ് ഇതിന്റെ ആസ്ഥാനം.<br />
<br />
ഈ സംഘടനയുടെ ഉന്നതഭരണാധികാരസമിതി അംഗരാഷ്ട്രപ്രതിനിധികള് അടങ്ങുന്ന അസംബ്ളിയാണ്. ഇത് സംഘടനയുടെ നിയമനിര്മാണസമിതികൂടിയാണ്. 1956 വരെ എല്ലാവര്ഷവും അസംബ്ളി യോഗങ്ങള് നടത്തിയിരുന്നു. 1956-നുശേഷം മൂന്നുവര്ഷത്തില് ഒരിക്കല് മാത്രം അസംബ്ളി സമ്മേളിക്കുന്നു. <br />
<br />
അസംബ്ളിഅംഗങ്ങള് തിരഞ്ഞെടുക്കുന്ന 36 രാഷ്ട്രങ്ങളുടെ പ്രതിനിധികള് അടങ്ങുന്ന ഒരു 'കൌണ്സില്' ആണ് സംഘടനയുടെ ഭരണസമിതി. സംഘടനയുടെ കീഴില് ഉപസമിതികള് സ്ഥാപിക്കുക, അംഗരാഷ്ട്രങ്ങള്ക്കുവേണ്ട ഉപദേശങ്ങള് നല്കുക എന്നിവ കൌണ്സിലിന്റെ അധികാരപരിധിയില്പ്പെടുന്നു. പ്രസിഡന്റ്, സെക്രട്ടറിജനറല് എന്നിവരെ തിരഞ്ഞെടുക്കുന്നതും സംഘടനയുടെ പണച്ചുമതല കൈകാര്യം ചെയ്യുന്നതും കൌണ്സില് തന്നെയാണ്. <br />
<br />
കൌണ്സിലിന്റെ നിയന്ത്രണങ്ങളില് 'എയര് നാവിഗേഷന് കമ്മിഷനും' 'എയര് ട്രാന്സ്പോര്ട്ട് കമ്മിറ്റി'യും 'കമ്മിറ്റി ഓണ് ജോയിന്റ് സപ്പോര്ട്ട് ഒഫ് എയര് നാവിഗേഷന് സര്വീസസും ഫിനാന്സ് കമ്മിറ്റി'യും ഉണ്ട്. സംഘടനയുടെ പ്രവര്ത്തനങ്ങള് താഴെപ്പറയുന്നവയാണ്. (1) അന്താരാഷ്ട്രവ്യോമഗതാഗത വ്യവസ്ഥകള് നിശ്ചയിക്കുകയും വ്യോമഗതാഗതനടപടികള് ശുപാര്ശ ചെയ്യുകയും അവ അന്താരാഷ്ട്രസിവില്വ്യോമയാനസംഘടനയുടെ നിയമാവലിയില് ഉള്ക്കൊള്ളിക്കുകയും ചെയ്യുക; (2) വ്യോമഗതാഗതപ്രശ്നങ്ങളില് മധ്യസ്ഥത വഹിക്കുക; (3) അന്താരാഷ്ട്രസിവില്വ്യോമയാനത്തിന്റെ വികാസനത്തില് ഉണ്ടാകാവുന്ന പ്രതിബന്ധങ്ങള് നീക്കാനുള്ള പദ്ധതികള് ആലോചിക്കുക; (4) അന്താരാഷ്ട്രസിവില് വ്യോമയാനഗതാഗതത്തിന്റെ സുഗമവും സുരക്ഷിതവും നിരന്തരവുമായ നടത്തിപ്പിനുവേണ്ട നടപടികള് ആവിഷ്കരിക്കുക. <br />
<br />
ഓരോ പ്രദേശത്തിനും അനുയോജ്യമായ രീതിയില് ഗതാഗതസേവനങ്ങളും നിര്ദിഷ്ടസൌകര്യങ്ങളും ലക്ഷ്യമാക്കി പ്രാദേശികപദ്ധതികള് തയ്യാറാക്കുക എന്നതു സംഘടനയുടെ സാങ്കേതിക പ്രവര്ത്തനങ്ങളുടെ പരിധിയില്പ്പെടുന്നു. വിമാനത്താവളം, വ്യോമഗതാഗതം, ടെലികമ്യൂണിക്കേഷന്സ്, അന്തരീക്ഷഃശാസ്ത്രം, വ്യോമഗതാഗതചാര്ട്ട് എന്നിവയെ സംബന്ധിച്ചുള്ള സാങ്കേതികവിവരങ്ങള് ഇതില്പ്പെട്ടതാണ്. കാലാനുസൃതമായി പ്രാദേശികസമ്മേളനത്തില് ഇതിനെപ്പറ്റിയുള്ള പദ്ധതികള് ആസൂത്രണം ചെയ്യുകയും ഇവയിലെ നിര്ദേശങ്ങള് എയര് നാവിഗേഷന് കമ്മീഷന്റെയും കൌണ്സിലിന്റെയും പരിശോധനയ്ക്കും അംഗീകാരത്തിനും സമര്പ്പിക്കുകയും ചെയ്യുന്നു. <br />
<br />
അന്താരാഷ്ട്രവിമാനത്തപാല്, വ്യോമഗതാഗതംവഴിയുള്ള വാണിജ്യാവകാശങ്ങള്, വിമാനത്താവളത്തിനുള്ള കൂലി നിര്ണയനം, വിമാനമാര്ഗങ്ങള്, സ്ഥിതിവിവരകണക്കുകളുടെ പ്രസിദ്ധീകരണം, വ്യോമഗതാഗതം സുഗമമാക്കുന്നതിനുള്ള നടപടികള് എന്നിവയെപ്പറ്റി ആലോചിച്ചു തീരുമാനങ്ങള് എടുക്കുന്നത് എയര്ട്രാന്സ്പോര്ട്ട് കമ്മിറ്റിയാണ്. <br />
<br />
1969-70-ല് വിമാനക്കൊള്ള (Hijacking) തടയാന് വേണ്ടി ലീഗല് സബ്കമ്മിറ്റി ഒരു കരട്-അന്താരാഷ്ട്ര ഉടമ്പടി തയ്യാറാക്കുകയും വിമാനക്കൊള്ള നടത്തുന്നവരെ സംബന്ധിച്ച എക്സ്ട്രാഡിഷന് നടപടികള് ദ്വിപക്ഷീയ ഉടമ്പടികളില് (Bilateral agreements) ഉള്പ്പെടുത്തണമെന്ന് തീരുമാനിക്കുകയും ചെയ്തിട്ടുണ്ട്. നിയമാനുസൃതമല്ലാത്ത വിമാനം പിടിച്ചെടുക്കല് സംബന്ധിച്ച സാങ്കേതികവും വ്യോമയാനപരവുമായ പ്രശ്നങ്ങള് എയര് ട്രാന്സ്പോര്ട്ട് കമ്മിറ്റിയും എയര് നാവിഗേഷന് കമ്മിഷനും പഠിക്കുന്നു. <br />
<br />
അന്താരാഷ്ട്രവ്യോമഗതാഗതത്തില് നിയമാനുസൃതമല്ലാതുള്ള കൈകടത്തലുകള് തടയുന്നതിനും അവ ഒഴിവാക്കുന്നതിനുവേണ്ടി ഭാവി നടപടികള് ആവിഷ്കരിക്കുന്നതിനും 1969 ഏ.ല് കൌണ്സില് ഒരു കമ്മിറ്റിയെ നിയമിച്ചു. സംഘടനയുടെ ആഭിമുഖ്യത്തില് ഇത്തരം കുറ്റങ്ങളെ സംബന്ധിച്ച് 1963 സെപ്. 14-ന് ടോക്കിയോയില്വച്ച് ആലോചിക്കുകയും 1969 ഡി. 14-ന് ഈ നിയമങ്ങള് പ്രാബല്യത്തില് വരുത്തുകയും ചെയ്തു. <br />
<br />
അന്താരാഷ്ട്ര വ്യോമഗതാഗത നിയമങ്ങള് തയ്യാറാക്കുന്നതും ഈ സംഘടനയാണ്. കാനഡയിലുള്ള കേന്ദ്ര ഓഫീസിനു പുറമേ ഫ്രാന്സ്, തായ്ലന്റ്, ഈജിപ്ത്, മെക്സിക്കോ, പെറു, സെനെഗാള്, കെനിയ എന്നിവിടങ്ങളില് ഈ സംഘടനയ്ക്ക് പ്രത്യേകം ഓഫീസുകളുണ്ട്.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%9C%E0%B5%8B%E0%B4%A3%E0%B5%8D%E2%80%8D,_%E0%B4%B1%E0%B4%BF%E0%B4%9A%E0%B5%8D%E0%B4%9A%E0%B4%BE%E0%B4%B0%E0%B5%8D%E2%80%8D%E0%B4%A1%E0%B5%8Dഅപ്ജോണ്, റിച്ചാര്ഡ്2008-02-26T09:41:20Z<p>116.68.64.48: </p>
<hr />
<div>= അപ്ജോണ്, റിച്ചാര്ഡ് (1802 - 78) =<br />
Upjohn,Richard<br />
<br />
<br />
യു.എസ്. വാസ്തുശില്പവിദഗ്ധനും 'അമേരിക്കന് ഇന്സ്റ്റിറ്റ്യൂട്ട് ഒഫ് ആര്ക്കിടെക്റ്റ്സ്' എന്ന സ്ഥാപനത്തിന്റെ സ്ഥാപകനും. 1802 ജനു. 22-ന് ഇംഗ്ളണ്ടില് ഷാഫ്റ്റ്സ്ബറിയില് ജനിച്ചു. 1829-ല് യു.എസ്സിലേക്കു പോയി. ആദ്യകാലങ്ങളില് ഇദ്ദേഹം നിര്മിച്ച ദേവാലയങ്ങള് ഗോഥിക് നവോത്ഥാനത്തിന്റെ ആദിമഘട്ടത്തെ പ്രതിനിധാനം ചെയ്യുന്നവയായിരുന്നു. 1839-46 വര്ഷങ്ങളില് ന്യൂയോര്ക്കില് ഇദ്ദേഹം ട്രിനിറ്റി ദേവാലയം നിര്മിച്ചു. വാസ്തുനിര്മാണശൈലിയില് പക്വത നേടിയ ഒരു ശില്പിയുടെ സംഭാവനയെന്ന നിലയില് ഇതു പരിഗണന അര്ഹിക്കുന്നു. കലര്പ്പില്ലാത്ത ലംബമാനമായ ഗോഥിക് ശൈലി അതിന്റെ യഥാര്ഥ സ്വഭാവത്തില്തന്നെ പ്രകാശിപ്പിക്കുന്നുവെന്നതാണ് ഇദ്ദേഹത്തിന്റെ ശൈലിയുടെ സവിശേഷത. സാമ്പത്തികമായി പിന്നോക്കം നില്ക്കുന്ന ഗ്രാമപ്രദേശങ്ങള്ക്ക് യോജിക്കുംവിധം തടിയില് ഭംഗിയും വെടിപ്പുമുള്ള ദേവാലയങ്ങള് നിര്മിക്കുന്നതിനാവശ്യമായ വിവരങ്ങള് അപ്ജോണ് ഗ്രാമീണ വാസ്തുശില്പം (Rural Architecture-1852) എന്ന പ്രബന്ധത്തില് നല്കിയിട്ടുണ്ട്. വലിയ എടുപ്പുകളും മോടിയും ഇല്ലെങ്കിലും ഒരു ദേവാലയത്തിനുണ്ടായിരിക്കേണ്ട ലാളിത്യവും പരിശുദ്ധിയും, ആഭ്യന്തരവും ബാഹ്യവുമായ ആകര്ഷകതയും നിലനിര്ത്തിക്കൊണ്ടുള്ള ഒരു സംവിധാനമാണ് അപ്ജോണ് ഇത്തരം മന്ദിരങ്ങള്ക്ക് നല്കിയിട്ടുള്ളത്. ഇറ്റാലിയന് നവോത്ഥാനശൈലിയുടെ പരിഷ്കരിച്ച പതിപ്പായിരുന്നു ഇത്. 1857-ല് ഇദ്ദേഹം 'അമേരിക്കന് ഇന്സ്റ്റിറ്റ്യൂട്ട് ഒഫ് ആര്ക്കിടെക്റ്റ്സ്' എന്ന സ്ഥാപനം ആരംഭിക്കുകയും 1876 വരെ അതിന്റെ പ്രസിഡന്റായി സേവനം അനുഷ്ഠിക്കുകയും ചെയ്തു. 1878 ആഗ. 17-ന് ന്യൂയോര്ക്കില് ഇദ്ദേഹം അന്തരിച്ചു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AAഅപ്പ2008-02-26T09:39:25Z<p>116.68.64.48: </p>
<hr />
<div>= അപ്പ =<br />
<br />
<br />
കൃഷിത്തോട്ടങ്ങളില് സമൃദ്ധമായി വളരുന്ന ഒരു വാര്ഷിക ഔഷധി (Annual herb). നായ്ത്തുളസി എന്നും പേരുണ്ട്. കമ്പോസിറ്റേ (Compositae) സസ്യകുലത്തിലെ അംഗമാണ്. ശാ.നാ. അജിറേറ്റം കോനിസോയിഡസ് (Ageratum Conyzoides). ലോമാവൃതമായ കാണ്ഡം നിവര്ന്നു വളരുന്നു. മൂലവ്യൂഹം (root system) ഭൂമിക്കടിയിലേക്ക് ആഴത്തിലിറങ്ങുന്നില്ല. ഇല ലോമാവൃതമാണ്; വക്കുകള് ദന്തുരവും. പുഷ്പങ്ങള് കാണ്ഡത്തിന്റെയോ ശാഖയുടെയോ അഗ്രഭാഗത്താണ് കാണപ്പെടുന്നത്. ഇതിനെ ശീര്ഷമഞ്ജരി എന്നു പറയുന്നു. പൂക്കള് ഒരേ വലുപ്പമുള്ളവയും ദ്വിലിംഗികളുമാണ്.<br />
<br />
ബാഹ്യദളപുഞ്ജത്തില് അഞ്ച് ബാഹ്യദളങ്ങളും ദളപുഞ്ജത്തില് അഞ്ച് സംയുക്തദളങ്ങളുമുണ്ട്. സാധാരണ അഞ്ച് കേസരങ്ങള് കാണപ്പെടുന്നു. പരാഗകോശങ്ങളുടെ അഗ്രഭാഗത്ത് ഒരു സൂക്ഷ്മഗ്രന്ഥിയുണ്ട്. ജനിയുടെ വര്ത്തികാഗ്രം വിഭജിക്കപ്പെട്ടിരിക്കുന്നു.<br />
<br />
അപ്പയുടെ നീര് വാതരോഗശമനത്തിനുള്ള എണ്ണ കാച്ചാന് ഉപയോഗിക്കുന്നു. ഇല പിഴിഞ്ഞെടുത്ത ചാറ് മുറിവുണക്കാനും ഉപയോഗിക്കുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B8%E0%B4%AE%E0%B4%AF%E0%B4%95%E0%B5%8D%E0%B4%B0%E0%B4%AE%E0%B4%82അന്താരാഷ്ട്ര സമയക്രമം2008-02-26T09:37:39Z<p>116.68.64.48: </p>
<hr />
<div>= അന്താരാഷ്ട്ര സമയക്രമം <br />
<br />
Universal Time <br />
<br />
ഗ്രീനിച്ച് സമയത്തെ (Greenwich Mean Time) അടിസ്ഥാനമാക്കി 1880-ല് അന്താരാഷ്ട്രാവശ്യത്തിനായി ഏര്പ്പെടുത്തിയ സമയഗണനാസമ്പ്രദായം. സൂര്യന്റെ ഉദയാസ്തമനങ്ങളെ ആസ്പദമാക്കി പ്രാദേശികമായ സമയക്രമങ്ങള് ഓരോ രാജ്യവും പുലര്ത്തുകയാണ് പതിവ്. എന്നാല് ടെലിഫോണും ടെലിഗ്രാമും ഗതിവേഗമുള്ള കപ്പലുകളും തീവണ്ടികളും വ്യോമയാനങ്ങളുംകൊണ്ട് രാജ്യങ്ങള് തമ്മില് ബന്ധപ്പെട്ടതോടുകൂടി പൊതുവായ ഒരു സമയക്രമം അത്യന്താപേക്ഷിതമായിത്തീര്ന്നു. വാണിജ്യവ്യാപാരാദികളില് കൂടുതല് വ്യാപൃതമായ രാഷ്ട്രങ്ങള് മുന്കൈയെടുത്ത് കൂടിയാലോചനകള് നടത്തിയതിന്റെ ഫലമായി ഗ്രീനിച്ച് (Greenwich) സമയത്തെ അടിസ്ഥാനമാക്കിയുള്ള അന്താരാഷ്ട്രസമയക്രമം 1880-ല് സ്ഥാപിതമായി. സാന്ഫോര്ഡ് ഫ്ളെമിങ്ങും ചാള്സ് ഡൌളും ആണ് ഇതിനു നേതൃത്വം കൊടുത്തത്. അമേരിക്കന് ഐക്യനാടുകളിലെയും കാനഡയിലെയും റയില്വേകള് ആണ് ആദ്യമായി ഈ സമയക്രമം സ്വീകരിച്ചത്. ഒന്നൊന്നായി മിക്കവാറും എല്ലാ രാജ്യങ്ങളും ഈ സമയക്രമം പിന്നീട് അംഗീകരിക്കുകയുണ്ടായി. <br />
<br />
സാര്വലൌകികസമയത്തിലെ മാത്ര മാധ്യ-സൌരദിനം (Mean Solar day) ആണ്. മുമ്പ് മധ്യാഹ്നം മുതല് അടുത്ത മധ്യാഹ്നം വരെ ആയിരുന്നു ഒരു സൌരദിനം. വര്ഷചക്രത്തില് ഈ സമയത്തിന് ഏറ്റക്കുറച്ചില് വരുന്നതുകൊണ്ട് അവയുടെ ശ.ശ. ആണ് മാധ്യസൌരദിനം. ഇതിന്റെ 24-ല് ഒരംശമാണ് അന്താരാഷ്ട്രസമയക്രമത്തിലെ അഥവാ സാര്വലൌകിക സമയക്രമത്തിലെ ഒരു മണിക്കൂര്. <br />
<br />
ഈ സമയക്രമം ഭൂമിയില് എല്ലായിടത്തും നടപ്പാക്കുന്നതിന് ഗ്രീനിച്ചില് നിന്നാരംഭിച്ച് 15ബ്ബ വീതം അകലമുള്ള ധ്രുവരേഖകളെ കേന്ദ്രമാക്കി അവകൊണ്ട് ഭൂമിയെ 24 സമയമേഖലകളായി വിഭജിച്ചിരിക്കുന്നു. ഓരോ മേഖലയിലെ സമയത്തിനും അതിനടുത്തതിന്റേതില്നിന്ന് ഒരു മണിക്കൂര് വ്യത്യാസമുണ്ട്; അതായത് ഗ്രീനിച്ചിലേതില് നിന്ന് ഒരു മണിക്കൂര് വീതം വ്യത്യാസമുണ്ട്. കിഴക്കോട്ടു പോകുംതോറും സമയക്രമം മുന്നോട്ട് ആയിരിക്കും. സൌകര്യത്തെ കണക്കിലെടുത്ത് രാജ്യത്തിന്റെ ഭൂമിശാസ്ത്രപരമായ കിടപ്പിനുതകുന്ന വ്യതിയാനങ്ങള് ചെറിയതോതില് ഈ മേഖലാക്രമീകരണങ്ങളില് വരുത്താറുണ്ട്. <br />
<br />
ഗ്രീനിച്ച് സമയം, മധ്യയൂറോപ്യന് സമയം, പൌരസ്ത്യ യൂറോപ്യന് സമയം ഇങ്ങനെ ഓരോ മണിക്കൂര് വ്യത്യാസമുള്ള മൂന്നു സമയക്രമങ്ങള് യൂറോപ്പില് നടപ്പിലിരിക്കുന്നു. ഒരു രാജ്യത്തില് തന്നെ കാലത്തിനനുസരിച്ച് വ്യത്യസ്ത സമയക്രമങ്ങള് പാലിക്കപ്പെടുന്നു എന്നു വരാം. ഉദാ. ഇംഗ്ളണ്ടില് ശീതകാലത്ത് ഗ്രീനിച്ച് സമയവും വേനല്ക്കാലത്ത് മധ്യയൂറോപ്യന് സമയവുമാണ് സ്വീകരിച്ചുപോരുന്നത്. ഇതുപകല്സമയം കൂടുതല് ഫലപ്രദമായി ഉപയോഗപ്പെടുത്തുവാനുള്ള ഒരു പ്രാദേശിക ക്രമീകരണം മാത്രമാണ്. <br />
<br />
യു.എസ്സില് ഓരോ മണിക്കൂര് വീതം വ്യത്യാസമുള്ള അത്ലാന്തിക് (Atlantic), ഈസ്റ്റേണ് (Eastern), സെന്ട്രല് (Central), പസഫിക് (Pacific), മൌണ്ടന് (Mountain) എന്നീ സമയക്രമങ്ങള് നിലവിലുണ്ട്. അരമണിക്കൂര്വീതം വ്യത്യാസമുള്ള സമയമേഖലകളും ഉണ്ട്. ഉദാ. ഇന്ത്യയും പാകിസ്താനും യഥാക്രമം ഗ്രീനിച്ച് സമയത്തില് നിന്ന് 51/2 -യും 41/2-യും മണിക്കൂറുകള് മുന്നോട്ടു വ്യത്യാസമുള്ള സമയക്രമങ്ങള് പാലിച്ചുപോരുന്നു. <br />
<br />
180 ഡിഗ്രിയിലുള്ള രേഖാംശത്തെ (ധ്രുവരേഖ) അന്താരാഷ്ട്ര ദിനാങ്കരേഖ (International date line) എന്നു പറയുന്നു. ഈ രേഖയുടെ കിഴക്കും പടിഞ്ഞാറും ഭാഗങ്ങള് തമ്മില് ഒരു കലണ്ടര് ദിവസം വ്യത്യാസമുണ്ട്. പടിഞ്ഞാറുഭാഗത്തെ ദിവസം കിഴക്കുഭാഗത്തേതില്നിന്ന് ഒരു കലണ്ടര് ദിവസം മുന്നിലാണ്. അതായത്, ജനു. 1-ന് കി.നിന്ന് പടിഞ്ഞാറോട്ട് ഈ രേഖകടക്കുമ്പോള് ജനു. 2 എന്ന് കലണ്ടര് തിരുത്തേണ്ടിയിരിക്കുന്നു. ജനു. 1-ന് പ.നിന്ന് കിഴക്കോട്ടാണ് രേഖ കടക്കുന്നതെങ്കില് ഡി. 31 എന്നും തിരുത്തണം. ഈ പൊതുതീരുമാനം (ഭൂമിയുടെ ചക്രണംകൊണ്ട്) സമയക്രമത്തില് വന്നേക്കാവുന്ന അപാകതകള് തിരുത്തുന്നതിനുവേണ്ടിയാകുന്നു. <br />
<br />
ദിവസം ആരംഭിക്കുന്നത് മധ്യാഹ്നത്തില് നിന്നാണ് എന്നു ജ്യോതിഃശാസ്ത്രത്തില് കരുതപ്പെട്ടിരുന്നു. എന്നാല് മറ്റെല്ലാ കാര്യങ്ങള്ക്കും പാതിരാവില് ആരംഭിക്കുന്ന 24 മണിക്കൂറാണ് ഒരു ദിവസം. ഈ വ്യത്യാസം ഇല്ലാതാക്കുന്നതിന് 1922-ല് സമ്മേളിച്ച അന്താരാഷ്ട്ര ജ്യോതിഃശാസ്ത്ര സമ്മേളനത്തില് 1925 മുതല്, പാതിരാത്രിമുതല് ആരംഭിക്കുന്ന ദിവസക്രമം ജ്യോതിഃശാസ്ത്രത്തിലും സ്വീകരിക്കുവാന് തീരുമാനിച്ചു. പല രാജ്യങ്ങളിലും പല പേരുകളിലാണ് ഈ പൊതുസമയക്രമം അറിയപ്പെട്ടിരുന്നത്. 1928-ലെ ജ്യോതിഃശാസ്ത്ര സമ്മേളനത്തിലാണ് 'യൂണിവേഴ്സല് ടൈം' (സാര്വ ലൌകിക സമയക്രമം അഥവാ അന്താരാഷ്ട്ര സമയക്രമം) എന്ന നാമം ഇതിനു നിര്ദേശിക്കപ്പെട്ടത്. ഇംഗ്ളണ്ടില് ഈ സമയക്രമം 'യൂണിവേഴ്സല് ടൈം' (UT) എന്നും ഫ്രാന്സില് 'താം യൂണിവേര്സെല്' (TU) എന്നും ജര്മനിയില് 'വെല്റ്റ് സൈറ്റ്' (Weltzeit:WZ) എന്നും അറിയപ്പെടുന്നു. <br />
<br />
നോ: അക്ഷാംശരേഖാംശങ്ങള്, അന്താരാഷ്ട്ര ദിനാങ്കരേഖ, കലണ്ടര്, പഞ്ചാംഗം<br />
<br />
(പ്രൊഫ. എസ്.എല്. തോമസ്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B8%E0%B4%AE%E0%B4%AF%E0%B4%95%E0%B5%8D%E0%B4%B0%E0%B4%AE%E0%B4%82അന്താരാഷ്ട്ര സമയക്രമം2008-02-26T09:37:07Z<p>116.68.64.48: </p>
<hr />
<div>= അന്താരാഷ്ട്ര സമയക്രമം<br />
Universal Time <br />
<br />
ഗ്രീനിച്ച് സമയത്തെ (Greenwich Mean Time) അടിസ്ഥാനമാക്കി 1880-ല് അന്താരാഷ്ട്രാവശ്യത്തിനായി ഏര്പ്പെടുത്തിയ സമയഗണനാസമ്പ്രദായം. സൂര്യന്റെ ഉദയാസ്തമനങ്ങളെ ആസ്പദമാക്കി പ്രാദേശികമായ സമയക്രമങ്ങള് ഓരോ രാജ്യവും പുലര്ത്തുകയാണ് പതിവ്. എന്നാല് ടെലിഫോണും ടെലിഗ്രാമും ഗതിവേഗമുള്ള കപ്പലുകളും തീവണ്ടികളും വ്യോമയാനങ്ങളുംകൊണ്ട് രാജ്യങ്ങള് തമ്മില് ബന്ധപ്പെട്ടതോടുകൂടി പൊതുവായ ഒരു സമയക്രമം അത്യന്താപേക്ഷിതമായിത്തീര്ന്നു. വാണിജ്യവ്യാപാരാദികളില് കൂടുതല് വ്യാപൃതമായ രാഷ്ട്രങ്ങള് മുന്കൈയെടുത്ത് കൂടിയാലോചനകള് നടത്തിയതിന്റെ ഫലമായി ഗ്രീനിച്ച് (Greenwich) സമയത്തെ അടിസ്ഥാനമാക്കിയുള്ള അന്താരാഷ്ട്രസമയക്രമം 1880-ല് സ്ഥാപിതമായി. സാന്ഫോര്ഡ് ഫ്ളെമിങ്ങും ചാള്സ് ഡൌളും ആണ് ഇതിനു നേതൃത്വം കൊടുത്തത്. അമേരിക്കന് ഐക്യനാടുകളിലെയും കാനഡയിലെയും റയില്വേകള് ആണ് ആദ്യമായി ഈ സമയക്രമം സ്വീകരിച്ചത്. ഒന്നൊന്നായി മിക്കവാറും എല്ലാ രാജ്യങ്ങളും ഈ സമയക്രമം പിന്നീട് അംഗീകരിക്കുകയുണ്ടായി. <br />
<br />
സാര്വലൌകികസമയത്തിലെ മാത്ര മാധ്യ-സൌരദിനം (Mean Solar day) ആണ്. മുമ്പ് മധ്യാഹ്നം മുതല് അടുത്ത മധ്യാഹ്നം വരെ ആയിരുന്നു ഒരു സൌരദിനം. വര്ഷചക്രത്തില് ഈ സമയത്തിന് ഏറ്റക്കുറച്ചില് വരുന്നതുകൊണ്ട് അവയുടെ ശ.ശ. ആണ് മാധ്യസൌരദിനം. ഇതിന്റെ 24-ല് ഒരംശമാണ് അന്താരാഷ്ട്രസമയക്രമത്തിലെ അഥവാ സാര്വലൌകിക സമയക്രമത്തിലെ ഒരു മണിക്കൂര്. <br />
<br />
ഈ സമയക്രമം ഭൂമിയില് എല്ലായിടത്തും നടപ്പാക്കുന്നതിന് ഗ്രീനിച്ചില് നിന്നാരംഭിച്ച് 15ബ്ബ വീതം അകലമുള്ള ധ്രുവരേഖകളെ കേന്ദ്രമാക്കി അവകൊണ്ട് ഭൂമിയെ 24 സമയമേഖലകളായി വിഭജിച്ചിരിക്കുന്നു. ഓരോ മേഖലയിലെ സമയത്തിനും അതിനടുത്തതിന്റേതില്നിന്ന് ഒരു മണിക്കൂര് വ്യത്യാസമുണ്ട്; അതായത് ഗ്രീനിച്ചിലേതില് നിന്ന് ഒരു മണിക്കൂര് വീതം വ്യത്യാസമുണ്ട്. കിഴക്കോട്ടു പോകുംതോറും സമയക്രമം മുന്നോട്ട് ആയിരിക്കും. സൌകര്യത്തെ കണക്കിലെടുത്ത് രാജ്യത്തിന്റെ ഭൂമിശാസ്ത്രപരമായ കിടപ്പിനുതകുന്ന വ്യതിയാനങ്ങള് ചെറിയതോതില് ഈ മേഖലാക്രമീകരണങ്ങളില് വരുത്താറുണ്ട്. <br />
<br />
ഗ്രീനിച്ച് സമയം, മധ്യയൂറോപ്യന് സമയം, പൌരസ്ത്യ യൂറോപ്യന് സമയം ഇങ്ങനെ ഓരോ മണിക്കൂര് വ്യത്യാസമുള്ള മൂന്നു സമയക്രമങ്ങള് യൂറോപ്പില് നടപ്പിലിരിക്കുന്നു. ഒരു രാജ്യത്തില് തന്നെ കാലത്തിനനുസരിച്ച് വ്യത്യസ്ത സമയക്രമങ്ങള് പാലിക്കപ്പെടുന്നു എന്നു വരാം. ഉദാ. ഇംഗ്ളണ്ടില് ശീതകാലത്ത് ഗ്രീനിച്ച് സമയവും വേനല്ക്കാലത്ത് മധ്യയൂറോപ്യന് സമയവുമാണ് സ്വീകരിച്ചുപോരുന്നത്. ഇതുപകല്സമയം കൂടുതല് ഫലപ്രദമായി ഉപയോഗപ്പെടുത്തുവാനുള്ള ഒരു പ്രാദേശിക ക്രമീകരണം മാത്രമാണ്. <br />
<br />
യു.എസ്സില് ഓരോ മണിക്കൂര് വീതം വ്യത്യാസമുള്ള അത്ലാന്തിക് (Atlantic), ഈസ്റ്റേണ് (Eastern), സെന്ട്രല് (Central), പസഫിക് (Pacific), മൌണ്ടന് (Mountain) എന്നീ സമയക്രമങ്ങള് നിലവിലുണ്ട്. അരമണിക്കൂര്വീതം വ്യത്യാസമുള്ള സമയമേഖലകളും ഉണ്ട്. ഉദാ. ഇന്ത്യയും പാകിസ്താനും യഥാക്രമം ഗ്രീനിച്ച് സമയത്തില് നിന്ന് 51/2 -യും 41/2-യും മണിക്കൂറുകള് മുന്നോട്ടു വ്യത്യാസമുള്ള സമയക്രമങ്ങള് പാലിച്ചുപോരുന്നു. <br />
<br />
180 ഡിഗ്രിയിലുള്ള രേഖാംശത്തെ (ധ്രുവരേഖ) അന്താരാഷ്ട്ര ദിനാങ്കരേഖ (International date line) എന്നു പറയുന്നു. ഈ രേഖയുടെ കിഴക്കും പടിഞ്ഞാറും ഭാഗങ്ങള് തമ്മില് ഒരു കലണ്ടര് ദിവസം വ്യത്യാസമുണ്ട്. പടിഞ്ഞാറുഭാഗത്തെ ദിവസം കിഴക്കുഭാഗത്തേതില്നിന്ന് ഒരു കലണ്ടര് ദിവസം മുന്നിലാണ്. അതായത്, ജനു. 1-ന് കി.നിന്ന് പടിഞ്ഞാറോട്ട് ഈ രേഖകടക്കുമ്പോള് ജനു. 2 എന്ന് കലണ്ടര് തിരുത്തേണ്ടിയിരിക്കുന്നു. ജനു. 1-ന് പ.നിന്ന് കിഴക്കോട്ടാണ് രേഖ കടക്കുന്നതെങ്കില് ഡി. 31 എന്നും തിരുത്തണം. ഈ പൊതുതീരുമാനം (ഭൂമിയുടെ ചക്രണംകൊണ്ട്) സമയക്രമത്തില് വന്നേക്കാവുന്ന അപാകതകള് തിരുത്തുന്നതിനുവേണ്ടിയാകുന്നു. <br />
<br />
ദിവസം ആരംഭിക്കുന്നത് മധ്യാഹ്നത്തില് നിന്നാണ് എന്നു ജ്യോതിഃശാസ്ത്രത്തില് കരുതപ്പെട്ടിരുന്നു. എന്നാല് മറ്റെല്ലാ കാര്യങ്ങള്ക്കും പാതിരാവില് ആരംഭിക്കുന്ന 24 മണിക്കൂറാണ് ഒരു ദിവസം. ഈ വ്യത്യാസം ഇല്ലാതാക്കുന്നതിന് 1922-ല് സമ്മേളിച്ച അന്താരാഷ്ട്ര ജ്യോതിഃശാസ്ത്ര സമ്മേളനത്തില് 1925 മുതല്, പാതിരാത്രിമുതല് ആരംഭിക്കുന്ന ദിവസക്രമം ജ്യോതിഃശാസ്ത്രത്തിലും സ്വീകരിക്കുവാന് തീരുമാനിച്ചു. പല രാജ്യങ്ങളിലും പല പേരുകളിലാണ് ഈ പൊതുസമയക്രമം അറിയപ്പെട്ടിരുന്നത്. 1928-ലെ ജ്യോതിഃശാസ്ത്ര സമ്മേളനത്തിലാണ് 'യൂണിവേഴ്സല് ടൈം' (സാര്വ ലൌകിക സമയക്രമം അഥവാ അന്താരാഷ്ട്ര സമയക്രമം) എന്ന നാമം ഇതിനു നിര്ദേശിക്കപ്പെട്ടത്. ഇംഗ്ളണ്ടില് ഈ സമയക്രമം 'യൂണിവേഴ്സല് ടൈം' (UT) എന്നും ഫ്രാന്സില് 'താം യൂണിവേര്സെല്' (TU) എന്നും ജര്മനിയില് 'വെല്റ്റ് സൈറ്റ്' (Weltzeit:WZ) എന്നും അറിയപ്പെടുന്നു. <br />
<br />
നോ: അക്ഷാംശരേഖാംശങ്ങള്, അന്താരാഷ്ട്ര ദിനാങ്കരേഖ, കലണ്ടര്, പഞ്ചാംഗം<br />
<br />
(പ്രൊഫ. എസ്.എല്. തോമസ്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%95%E0%B5%8D%E0%B4%95%E0%B4%BE%E0%B4%B0%E0%B4%82അപ്പക്കാരം2008-02-26T09:30:54Z<p>116.68.64.48: </p>
<hr />
<div>= അപ്പക്കാരം =<br />
Baking Soda<br />
<br />
<br />
അരച്ചുവച്ച ധാന്യമാവുകള് പൊങ്ങുന്നതിനും അവയ്ക്കു മാര്ദവം ലഭിക്കുന്നതിനും യീസ്റ്റിനു (yeast) പകരം ചേര്ക്കുന്ന പദാര്ഥം. ബേക്കിങ് സോഡ (baking soda) എന്നറിയപ്പെടുന്ന സോഡിയം ബൈകാര്ബണേറ്റ് ആണ് ഏറ്റവും സരളമായ അപ്പക്കാരം. എന്നാല് ധാന്യമാവില് ഇതുമാത്രമായി ചേര്ത്താല് അല്പം ചവര്പ്പുരുചിയുണ്ടാകും. ആകയാല് പല പദാര്ഥങ്ങളും ചേര്ന്ന ഒരു മിശ്രിതം ആണ് സാധാരണമായി അപ്പക്കാരമെന്ന നിലയില് ഉപയോഗിക്കുന്നത്. മിശ്രിതത്തില് ബേക്കിങ് സോഡ, ടാര്ടാറിക് അമ്ളം, ക്രീം ഒഫ് ടാര്ടാര് (പൊട്ടാസിയം ആസിഡ് ടാര്ട്രേറ്റ്), ഏതെങ്കിലും ഒരു ആലം എന്നിവ അടങ്ങിയിരിക്കും. മിശ്രിതത്തിലെ അമ്ളതയുള്ള വസ്തുക്കള് ബൈകാര്ബണേറ്റുമായി നടത്തുന്ന രാസപ്രവര്ത്തനംമൂലം മാവിന്നകത്തു കാര്ബണ് ഡൈഓക്സൈഡ് വാതകം ഉണ്ടാകുന്നു. തന്മൂലം മാവു പൊങ്ങുന്നതിനും കൂടുതല് ആസ്വാദ്യമാകുന്നതിനും ഇടയാകുന്നു. അപ്പക്കാരത്തില് പലപ്പോഴും ഡൈസോഡിയമോ കാല്സിയമോ മഗ്നീഷ്യം ആസിഡ് ഫോസ്ഫേറ്റോ ചേര്ക്കാറുണ്ട്. കാര്ബണ് ഡൈഓക്സൈഡ് കൂടൂതല് കിട്ടുന്നതിന് മഗ്നീഷ്യം കാര്ബണേറ്റ് ചേര്ക്കാം. ഘടകങ്ങളെ ഉണക്കിപ്പൊടിച്ച് നേര്ത്ത അരിപ്പയിലൂടെ തെള്ളിയെടുത്തു മിശ്രണം ചെയ്ത് അപ്പക്കാരമുണ്ടാക്കി വായുരോധകങ്ങളായ ഭാജനങ്ങളിലാണ് സംഭരിക്കുന്നത്.<br />
<br />
<br />
കിണ്വനം (fermentation) കൂടാതെ തന്നെ കാര്ബണ് ഡൈഓക്സൈഡ് ലഭ്യമാക്കുന്നു എന്നുള്ളതാണ് യീസ്റ്റിനെ അപേക്ഷിച്ച് അപ്പക്കാരത്തിനുള്ള പ്രധാനമായ മെച്ചം.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%A8%E0%B5%8D%E2%80%8D,_%E0%B4%8E%E0%B4%82.%E0%B4%AA%E0%B4%BF.അപ്പന്, എം.പി.2008-02-26T09:28:44Z<p>116.68.64.48: </p>
<hr />
<div>= അപ്പന്, എം.പി. (1913 - 2003) =<br />
<br />
<br />
മലയാളകവി. ഗദ്യവും പദ്യവും ഒന്നുപോലെ സ്വാധീനമുള്ള ഒരു അനുഗൃഹീത സാഹിത്യശില്പിയായിരുന്നു അപ്പന്. 'കുമാരനാശാനെ കവിതാഗുരുവായി സ്വീകരിച്ചതിനാലാവാം ഗാനങ്ങളില് ഭാവന ചിന്തയാല് നിയന്ത്രിതവും, ചിന്ത ഭാവനയാല് മധുരിതവും ആയി കാണപ്പെടുന്നത്' എന്ന് ആര്. നാരായണപ്പണിക്കര് ഇദ്ദേഹത്തെ പ്രശംസിച്ചിട്ടുണ്ട്.<br />
<br />
<br />
1913 (1088 മീനം 16)-ല് തിരുവനന്തപുരത്ത് ജനിച്ചു. ഗണിതശാസ്ത്രം ഐച്ഛികമായെടുത്ത് തിരുവനന്തപുരം സയന്സ് കോളജില് നിന്നും 1934-ല് ബി.എ. (ഓണേഴ്സ്) പാസ്സായി. 1938-ല് എല്.ടി. പരീക്ഷ ജയിച്ചു. 1935 മുതല് രണ്ടു വര്ഷത്തോളം മൂത്തകുന്നത്തും കാഞ്ഞിരംകുളത്തും സ്വകാര്യ ഹൈസ്കൂളുകളില് അധ്യാപകനായി ജോലിനോക്കി. 1941-ല് സര്ക്കാര് വിദ്യാലയ അധ്യാപകനും 1958-ല് പ്രഥമാധ്യാപകനും ആയി. 1962-ല് മലയാളം എന്സൈക്ളോപീഡിയ ആഫീസില് എഡിറ്റോറിയല് സ്റ്റാഫില് അംഗമായി നിയമിക്കപ്പെട്ടു. 1964-ല് ഡി.ഇ.ഒ. ആയി പ്രമോഷന് ലഭിച്ചെങ്കിലും എന്സൈക്ളോപീഡിയയില് തന്നെ തുടര്ന്നു. 1968-ല് സര്വീസില് നിന്നും വിരമിച്ചു. <br />
<br />
<br />
പദ്യഗദ്യശാഖകളിലായി നാല്പതിലേറെ കൃതികള് എം.പി. അപ്പന് രചിച്ചിട്ടുണ്ട്. സുവര്ണോദയം, വെള്ളിനക്ഷത്രം, തരംഗലീല, സൈനികഗാനം, അന്തിമേഘങ്ങള്, ബാലികാരാമം, കിളിക്കൊഞ്ചല്, പനിനീര്പ്പൂവും പടവാളും, ലീലാസൌധം, സ്വാതന്ത്യ്രഗീതം, സൌന്ദര്യധാര, അമൃതബിന്ദുക്കള്, ഉദ്യാനസൂനം, പ്രസാദം, ജീവിതസായാഹ്നത്തില്, തിരുമധുരം, ഭൂമിയും സ്വര്ഗവും എന്നീ കവിതാസമാഹാരങ്ങളും വാടാമലരുകള് എന്ന നിരൂപണ ഗ്രന്ഥവും വീരാത്മാക്കള്, ശ്രീബുദ്ധന്, ടാഗോര് എന്നീ ബാലസാഹിത്യകൃതികളും ദിവ്യദീപം (ലൈറ്റ് ഒഫ് ഏഷ്യയുടെ ഗദ്യവിവര്ത്തനം) വജ്രബിന്ദുക്കള് എന്നിവയും ഇദ്ദേഹത്തിന്റെ രചനകളില് പ്രാമുഖ്യം അര്ഹിക്കുന്നു.<br />
<br />
പ്രേമഗായകനും പ്രകൃത്യുപാസകനും ദേശസ്നേഹിയുമായ കവിയുടെ വ്യക്തിത്വത്തിന്റെ വിഭിന്ന മുഖങ്ങള് ഈ കൃതികളില് അനാവൃതമാകുന്നു. ജീവിതസത്യങ്ങള് പൂര്ണമായും വിസ്മരിച്ച് ഭാവനാലോകത്തു മാത്രം സഞ്ചരിച്ചു സുഖിക്കുന്ന കവിയോട്,<br />
<br />
'കുത്തിക്കുറിച്ചുകൊണ്ടിങ്ങിരുന്നാ-<br />
<br />
ലത്താഴമൂണിനിന്നെന്തു ചെയ്യും?'<br />
<br />
എന്നു ചോദിക്കുന്ന ധര്മപത്നിയുടെ ചിത്രീകരണത്തിലൂടെ ഒരു സാമൂഹികസമസ്യ അപ്പന് അവതരിപ്പിക്കുന്നു. <br />
<br />
മഹാത്മജിയുടെ ചിതാഭസ്മം കണ്ട്, <br />
<br />
'സച്ചിദാനന്ദത്തിന്റെ വിത്തുകള് കിടക്കയാ-<br />
<br />
ണച്ചിതാഭസ്മത്തിന്റെയോരോരോ തരിയിലും'<br />
<br />
എന്നു പാടിയ കവി ജനനമരണങ്ങള്ക്കതീതമായി വര്ത്തിക്കുന്ന പ്രപഞ്ചശക്തിയുടെ മാഹാത്മ്യത്തില് അടിയുറച്ചു വിശ്വസിക്കുന്നു.<br />
<br />
മലയാള കാവ്യശാഖയിലെ ഗീതകപ്രസ്ഥാനത്തിന് അപ്പന് മികച്ച സംഭാവന നല്കിയിട്ടുണ്ട്. ഒമര്ഖയ്യാമിന്റെ റുബായിയാത്തിന് ജീവിതോത്സവം എന്ന പേരില് അപ്പന് തയ്യാറാക്കിയ വിവര്ത്തനം ഏറെ ശ്രദ്ധേയമാണ്. സാരള്യവും പ്രസാദമാധുര്യവും ഒത്തിണങ്ങിയ ഗദ്യലേഖനങ്ങളുടെ രചനയിലും ഇദ്ദേഹം വിജയം കൈവരിച്ചു. അപ്പന്റെ കവിതകള് ഇംഗ്ളീഷ്, സംസ്കൃതം, തമിഴ്, ഗുജറാത്തി, ഹിന്ദി എന്നീ ഭാഷകളില് വിവര്ത്തനം ചെയ്യപ്പെട്ടിട്ടുണ്ട്. എം.പി. അപ്പനെക്കുറിച്ചു പ്രസിദ്ധീകരിച്ചിട്ടുള്ള പഠനഗ്രന്ഥങ്ങളില് അപ്പന്റെ കാവ്യപ്രപഞ്ചം, മഹാകവി അപ്പന്, അപ്പന്റെ പ്രതിഭ എന്നിവ ശ്രദ്ധേയമാണ്.<br />
<br />
<br />
കേരളസാഹിത്യ അക്കാദമി അംഗം, തിരുവിതാംകൂര് പാഠ്യപുസ്തകകമ്മിറ്റി അംഗം, ശ്രീനാരായണ അക്കാദമി; വള്ളത്തോള് കലാക്ഷേത്രം; തോന്നയ്ക്കല് ആശാന് സ്മാരകം; ഉള്ളൂര് സ്മാരകം; ആശാന് അക്കാദമി എന്നിവയുടെ പ്രസിഡന്റ്, സര്വവിജ്ഞാനകോശം ഭരണസമിതി അംഗം എന്നീ നിലകളില് ഇദ്ദേഹം സേവനമനുഷ്ഠിച്ചിട്ടുണ്ട്. <br />
<br />
<br />
കേരളസാഹിത്യ അക്കാദമി അവാര്ഡ് (1979), ആശാന് പ്രൈസ്, മൂലൂര് അവാര്ഡ്, വള്ളത്തോള് അവാര്ഡ്, ഹിന്ദി പ്രചാരസഭ നല്കുന്ന 'സാഹിത്യനിധി' അവാര്ഡ് എന്നിവ അപ്പനു ലഭിച്ചു. കേരള സാഹിത്യ അക്കാദമിയുടെ വിശിഷ്ടാംഗത്വം, കേരള യൂണിവേഴ്സിറ്റിയുടെ ഓണററി ഡി.ലിറ്റ്., കേരള സര്ക്കാരിന്റെ എഴുത്തച്ഛന് പുരസ്ക്കാരം (1999) എന്നീ ബഹുമതികളും അപ്പനെ തേടിയെത്തിയിട്ടുണ്ട്. 2003 ഡിസംബര് 10-ന് എം.പി. അപ്പന് അന്തരിച്ചു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%A8%E0%B5%8D%E2%80%8D%E0%B4%A4%E0%B4%AE%E0%B5%8D%E0%B4%AA%E0%B5%81%E0%B4%B0%E0%B4%BE%E0%B4%A8%E0%B5%8D%E2%80%8D,_%E0%B4%B0%E0%B4%BE%E0%B4%AE%E0%B4%B5%E0%B4%B0%E0%B5%8D%E2%80%8D%E0%B4%AEഅപ്പന്തമ്പുരാന്, രാമവര്മ2008-02-26T09:27:33Z<p>116.68.64.48: </p>
<hr />
<div>= അപ്പന്തമ്പുരാന്, രാമവര്മ (1875 - 1941) =<br />
<br />
<br />
മലയാള സാഹിത്യകാരന്. കൊച്ചിരാജവംശത്തിലെ പ്രസിദ്ധ കവയിത്രിയും സംഗീതവിദുഷിയുമായ കൊച്ചിക്കാവ് തമ്പുരാട്ടിയുടെയും പാഴൂര് തുപ്പന് നമ്പൂതിരിയുടേയും അഞ്ചാമത്തെ പുത്രനായി 1875 ന.-ല് തൃപ്പൂണിത്തുറയില് ജനിച്ചു. രാമവര്മ എന്നാണ് യഥാര്ഥനാമം. സ്ഥാനത്യാഗം ചെയ്ത രാമവര്മ(1895-1914)യുടെ ഭാഗിനേയനായിരുന്നു ഇദ്ദേഹം; വിഷവൈദ്യ വിദഗ്ധനായിരുന്ന കൊച്ചുണ്ണിത്തമ്പുരാന്റെ അനുജനും. രാമവര്മയ്ക്ക് രണ്ടു വയസ്സായപ്പോള് മാതാവ് അന്തരിച്ചു. തന്മൂലം അമ്മാവന്റെ മേല്നോട്ടത്തിലാണ് ബാല്യകാലം കഴിഞ്ഞത്. പത്താമത്തെ വയസ്സില് തൃപ്പൂണിത്തുറയിലെ ശ്രീശേഷാചാര്യപാഠശാലയില് സംസ്കൃതപഠനം ആരംഭിച്ചു. പിന്നീട് രാജകുമാരന്മാരുടെ വിദ്യാഭ്യാസത്തിനുള്ള സ്ഥാപനമായ 'കളിക്കോട്ട'യില് വച്ച് ഇംഗ്ളീഷുഭാഷ പഠിക്കാന് തുടങ്ങി. അതോടൊപ്പം വ്യാകരണം, അലങ്കാരം, തര്ക്കം എന്നീ വിഷയങ്ങളും അഭ്യസിച്ചു. 17-ാമത്തെ വയസ്സില് എറണാകുളം സര്ക്കാര് ഹൈസ്കൂളില് ചേര്ന്ന് മെട്രിക്കുലേഷന് പാസ്സാകുകയും തുടര്ന്ന് മദിരാശി പ്രസിഡന്സി കോളജില് ചേരുകയും ചെയ്തു. അവിടെ എഫ്.എ.യ്ക്ക് സംസ്കൃതവും ബി.എ.യ്ക്കു മലയാളവുമായിരുന്നു ഐച്ഛിക ഭാഷകളായി സ്വീകരിച്ചത്. ബി.എ. പരീക്ഷയില് ശാസ്ത്രവിഷയത്തില് ജയിച്ചില്ല. അതോടെ കലാശാലാ വിദ്യാഭ്യാസം അവസാനിപ്പിച്ചു. അന്നു പ്രചാരത്തിലുണ്ടായിരുന്ന ഭാഷാഗ്രന്ഥങ്ങളില് ഒട്ടുമുക്കാലും വായിച്ചിരുന്ന തമ്പുരാന് മലയാളപത്രങ്ങളിലും മദ്രാസ് സ്റ്റാന്ഡേര്ഡ് എന്ന ഇംഗ്ളീഷ് ദിനപത്രത്തിലും ആയിടയ്ക്ക് ലേഖനങ്ങള് പ്രസിദ്ധീകരിക്കാറുണ്ടായിരുന്നു. മദിരാശിയില് നിന്നും മടങ്ങിയശേഷം ഇദ്ദേഹം എറണാകുളത്ത് താമസമാക്കി. <br />
<br />
<br />
ഭാഷാപോഷണത്തിന് മാതൃകാപരമായ ഒരു ആനുകാലിക പ്രസിദ്ധീകരണം ആവശ്യമാണെന്നു കണ്ട് ഇദ്ദേഹം ആരംഭിച്ച മാസികയാണ് രസികരഞ്ജിനി. 1902-ല് കൊടുങ്ങല്ലൂര് കുഞ്ഞിക്കുട്ടന് തമ്പുരാന്റെ പത്രാധിപത്യത്തില് അതിന്റെ ആദ്യലക്കം പുറത്തുവന്നു. വിഷയവൈവിധ്യത്തിലും ആശയപുഷ്ടിയിലും ശൈലീവൈചിത്യ്രത്തിലും ഭാഷാശുദ്ധിയിലും നിര്ബന്ധമുണ്ടായിരുന്നതിനാല് രസികരഞ്ജിനി സമാനപ്രസിദ്ധീകരണങ്ങള്ക്ക് ഒരു മാതൃകയായിത്തീര്ന്നു. രസികരഞ്ജിനി ഭാഷാസാഹിത്യത്തിനു ചെയ്തിട്ടുള്ള സേവനങ്ങള് അമൂല്യമാണ്. ഉണ്ണുനീലിസന്ദേശം ആദ്യം വെളിച്ചം കണ്ടത് ഈ മാസികയിലൂടെയാണ്. എന്നാല് സാമ്പത്തികക്ളേശംമൂലം 1907-ഓടുകൂടി അതിന്റെ പ്രസിദ്ധീകരണം നിര്ത്തിവയ്ക്കേണ്ടതായി വന്നു. <br />
<br />
<br />
തുടര്ന്ന് തൃശൂരില് താമസം തുടങ്ങിയതു മുതല്ക്കാണ് തമ്പുരാന്റെ സര്വതോമുഖമായ വാസനയ്ക്കും ചിന്താശക്തിക്കും അനുഗുണമായ പ്രവൃത്തിമണ്ഡലങ്ങള് വികാസം പ്രാപിച്ചത്. അക്കാലത്ത് തൃശൂരില് സ്ഥാപിതമായ 'ഭാരതവിലാസം സഭ'യില് ഇദ്ദേഹം ഗണ്യമായ പങ്കുവഹിച്ചിരുന്നു. 1911-ല് ഇദ്ദേഹത്തിന്റെ മേല്നോട്ടത്തില് 'മംഗളോദയം' കമ്പനി സ്ഥാപിച്ചു. അതിന്റെ മാനേജിങ് ഡയറക്ടര് സ്ഥാനം ഒരു പന്തീരാണ്ടു കാലത്തോളം ഇദ്ദേഹം വഹിച്ചു. കമ്പനിയുടെ വകയായി 'കേരളകല്പദ്രുമം' അച്ചുകൂടം വിലയ്ക്കു വാങ്ങുകയും മംഗളോദയം മാസികയുടെ പ്രസിദ്ധീകരണം ആരംഭിക്കുകയും ചെയ്തു. അപ്പോഴേക്കും ഭാരതവിലാസം സഭ അസ്തമിച്ചുപോയതിനാല് ആ സ്ഥാനത്ത് ഇദ്ദേഹത്തിന്റെ ഉത്സാഹത്തിലും അധ്യക്ഷതയിലും 1913-ല് 'കൊച്ചി സാഹിത്യസമാജം' രൂപവത്കൃതമായി. മലയാളത്തിലെ പ്രഥമലക്ഷണഗ്രന്ഥമായ ലീലാതിലകം ആദ്യം പ്രസിദ്ധീകരി<br />
ച്ചത് മംഗളോദയം മാസികയിലാണ്. ഗ്രന്ഥങ്ങളുടെ മുദ്രണത്തിലും പ്രസാധനത്തിലും ഗണനീയമായ പല പരിഷ്കാരങ്ങളും ഇദ്ദേഹം വരുത്തി. സാഹിത്യപരമായ പ്രധാന പരിശ്രമങ്ങളെല്ലാം ഇക്കാലത്താണ് ആരംഭിച്ചത്. കൊച്ചി സാഹിത്യസമാജത്തിന്റെ പ്രവര്ത്തനം താമസിയാതെ നിലച്ചുവെങ്കിലും മാസികാപ്രസിദ്ധീകരണം പിന്നെയും തുടര്ന്നു. അമുദ്രിതങ്ങളായ പ്രാചീനഗ്രന്ഥങ്ങള് വെളിച്ചത്തുകൊണ്ടുവരാന് പ്രാചീന ഗ്രന്ഥമാല എന്നൊരു പ്രസിദ്ധീകരണ പരമ്പര പില്ക്കാലത്തു തുടങ്ങി. വിലങ്ങന് ശ്രീരാമകൃഷ്ണ ഗുരുകുലത്തില് നിന്ന് പ്രസിദ്ധീകരിച്ചിരുന്ന പ്രബുദ്ധഭാരതം മാസികയുടെ പത്രാധിപത്യവും ഇദ്ദേഹം കുറച്ചുകാലം വഹിച്ചു.<br />
<br />
<br />
തൃശൂര് നിവാസികള് തമ്പുരാനെ അറിഞ്ഞിരുന്നത് സാഹിത്യനായകനെന്നതിനേക്കാള് ഒരു സാമൂഹ്യപ്രവര്ത്തകന് എന്ന നിലയിലാണ്. വിവേകോദയം സമാജത്തിന്റെ അധ്യക്ഷന്, അതിന്റെ കീഴിലുള്ള രണ്ടു വിദ്യാലയങ്ങളുടെ മാനേജര് എന്നീ നിലകളില് പതിനെട്ടു കൊല്ലക്കാലം പൊതുജന വിദ്യാഭ്യാസരംഗത്ത് ഇദ്ദേഹം പ്രവര്ത്തിച്ചു. വിലങ്ങന് ശ്രീരാമകൃഷ്ണ ഗുരുകുലത്തിന്റെ സ്ഥാപകരില് ഒരാളെന്ന നിലയ്ക്കും 'ഗുരുകുലവിദ്യാലയ'ത്തിന്റെ മാനേജരെന്ന നിലയ്ക്കും അധഃസ്ഥിതോദ്ധാരണത്തിനായി പരിശ്രമിച്ചിട്ടുണ്ട്. ഇടപ്പള്ളി സാഹിത്യസമാജത്തിന്റെ വാര്ഷികോത്സവമായി ഒതുങ്ങിനിന്ന സാഹിത്യപരിഷത്തിന് അഖിലകേരള പദവി നല്കിയതും അതിനെ രജിസ്റ്റര് ചെയ്ത ഒരു സ്ഥാപനമാക്കിയതും തമ്പുരാന് ആണ്. സീതാറാം നെയ്ത്തു കമ്പനിയുടെ സ്ഥാപകനേതാക്കളില് പ്രമുഖന്, ചെറുതുരുത്തി 'കേരളീയ ആയുര്വേദ വൈദ്യശാല'യുടെ സ്ഥാപകന്, മദിരാശി ആയുര്വേദക്കമ്മിഷനിലെ അംഗം, സമസ്തഭാരത ആയുര്വേദ മഹാസഭയിലെ കേരള പ്രതിനിധി, മദ്രാസ് സര്വകലാശാല ബോര്ഡ് ഒഫ് സ്റ്റഡീസിലെ അംഗം, സര്വകലാശാല പരീക്ഷകന്, കൊച്ചി പാഠപരിഷ്കരണക്കമ്മിറ്റി അധ്യക്ഷന് എന്നിങ്ങനെ തമ്പുരാന് വഹിച്ചിട്ടുള്ള സ്ഥാനങ്ങള് പലതാണ്. 1929-ല് കേരളത്തിലെ ആദ്യത്തെ ചലച്ചിത്രനിര്മാണ സ്ഥാപനമായ 'കേരളാ സിനിടോണ്' സ്ഥാപിച്ചതും തമ്പുരാനാണ്. അതിലൂടെ തന്റെ നോവലായ ഭൂതരായര് ചലച്ചിത്രമാക്കാന് ശ്രമിച്ചെങ്കിലും വിജയിച്ചില്ല.<br />
<br />
<br />
ചിത്രമെഴുത്തും ശില്പവിദ്യയും സംഗീതവും തമ്പുരാനു വശമായിരുന്നു. അഭിനയകലയിലുള്ള പാടവവും അനിതരസാധാരണമായിരുന്നു. എങ്കിലും സാഹിത്യത്തെ ആയിരുന്നു ഇദ്ദേഹം സര്വോപരി ആരാധിച്ചത്. 'സാഹിത്യ സാര്വഭൌമന്' എന്ന പദവി നല്കി കേരളീയര് ആദരിച്ചപ്പോഴും 'കൈരളീദാസന്' എന്നു സ്വയം വിശേഷിപ്പിക്കുവാനേ ഇദ്ദേഹം മുതിര്ന്നുള്ളു.<br />
<br />
<br />
'''പ്രധാന കൃതികള്'''. ഭൂതരായര് (ഐതിഹ്യവും ചരിത്രവും സംയോജിപ്പിച്ചിട്ടുള്ള സാമൂഹികരാഷ്ട്രീയ ആഖ്യായിക, 1922-23); ഭാസ്കരമേനോന് (മലയാളത്തില് ഒന്നാമത്തെ അപസര്പ്പക നോവല്, 1905); മംഗളമാല (ഉപന്യാസങ്ങള്, അഞ്ചുഭാഗങ്ങള്); പ്രസ്ഥാനപ്രപഞ്ചകം (സാഹിത്യ നിരൂപണം); ദ്രാവിഡവൃത്തങ്ങളും അവയുടെ ദശാപരിണാമങ്ങളും; സംഘക്കളി (1940); കാലവിപര്യയം (1929-30); മുന്നാട്ടുവീരന് (വള്ളുവക്കമ്മാരന്റെ ജീവിതത്തെ അവലംബിച്ചുള്ള ചരിത്രനാടകം, 1926); ഞാനാരാ? (രമണ മഹര്ഷിയുടെ ഒരു ലഘുഗ്രന്ഥത്തിന്റെ പരിഭാഷ); കൊച്ചിരാജ്യചരിതങ്ങള്; മലയാള വ്യാകരണം.<br />
<br />
ശാകുന്തളം, വാല്മീകിരാമായണം എന്നിവയുടെ വിവര്ത്തനങ്ങള്ക്കെഴുതിയ മുഖവുരകളും എ.ആര്. രാജരാജവര്മയുടെ സാഹിത്യസാഹ്യത്തിന് എഴുതിയ അവതാരികയും ഇദ്ദേഹത്തിന്റെ മികച്ച ലേഖനങ്ങളില്പെടുന്നു. പുസ്തകങ്ങളുടെ കൂട്ടത്തില് അഗ്രിമസ്ഥാനത്തു നില്ക്കുന്നത് ഭൂതരായര് ആണ് നോ: ഭൂതരായര്.<br />
<br />
ഉപന്യാസകാരന്, ആഖ്യായികാകര്ത്താവ്, പത്രപ്രവര്ത്തകന്, ഗവേഷകന്, നിരൂപകന്, സാമൂഹിക പരിഷ്കര്ത്താവ് എന്നിങ്ങനെ പല നിലകളില് അവിസ്മരണീയനാണ് അപ്പന്തമ്പുരാന്. വാര്ധക്യകാലമായപ്പോഴേക്കും തമ്പുരാന് ഒരു യോഗിയായി മാറിക്കഴിഞ്ഞിരുന്നു. 1942 ന.-ല് പ്രമേഹരോഗംമൂലം ഇദ്ദേഹം അന്തരിച്ചു.<br />
<br />
<br />
(വി.എം. കുട്ടികൃഷ്ണമേനോന്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%AF%E0%B5%8D%E0%B4%AF%E0%B4%A6%E0%B5%80%E0%B4%95%E0%B5%8D%E0%B4%B7%E0%B4%BF%E0%B4%A4%E0%B4%B0%E0%B5%8D%E2%80%8Dഅപ്പയ്യദീക്ഷിതര്2008-02-26T09:26:16Z<p>116.68.64.48: </p>
<hr />
<div>= അപ്പയ്യദീക്ഷിതര് (1552 - 1624) =<br />
<br />
<br />
ശാസ്ത്രവിശാരദനും സാഹിത്യകാരനുമായ ദക്ഷിണേന്ത്യന് പണ്ഡിതന്. തമിഴ്നാട്ടിലെ വടക്കന് ആര്ക്കാട്ട് ജില്ലയില് കാഞ്ചീപുരത്തിനടുത്തുള്ള അടയപ്പലം ഗ്രാമമാണ് അപ്പയ്യദീക്ഷിതരുടെ ജന്മസ്ഥലം. ഭരദ്വാജ മഹര്ഷിയാണ് ഇദ്ദേഹത്തിന്റെ കുലകൂടസ്ഥന് എന്നു പറയപ്പെടുന്നു. അനേകം ദിവ്യസൂരികള്ക്ക് ജന്മം നല്കിയിട്ടുള്ള ഒരു അനുഗൃഹീതകുടുംബമാണ് ദീക്ഷിതരുടേത്. ഇദ്ദേഹത്തിന്റെ പിതാമഹനായ ആച്ചാദീക്ഷിതര് 'ആന്ധ്രഭോജരാജ'നായ കൃഷ്ണദേവരായരില് നിന്ന് 'വക്ഷസ്ഥലാചാര്യര്' എന്ന ബിരുദം നേടിയ വിദ്വല്കവിയാണ്. ആച്ചാദീക്ഷിതരുടെ അഞ്ചാമത്തെ പുത്രനായ രംഗരാജദീക്ഷിതരുടെ രണ്ടു പുത്രന്മാരില് ജ്യേഷ്ഠനാണ് അപ്പയ്യദീക്ഷിതര്. അനുജന് ആച്ചാദീക്ഷിതര് മഹാപണ്ഡിതനും പ്രസിദ്ധ വിദ്വല്കവിയായ നീലകണ്ഠ ദീക്ഷിതരുടെ പിതാമഹനുമാണ്.<br />
<br />
<br />
അപ്പയ്യദീക്ഷിതരുടെ ജീവിതകാലത്തെപ്പറ്റി പക്ഷാന്തരങ്ങളുണ്ട്. പേരിനുതന്നെ 'അപ്പയന്' എന്നും 'അപ്പന്' എന്നും രൂപാന്തരങ്ങള് കാണാം. അതേ കുടുംബത്തില്തന്നെ അപ്പയ്യനാമാക്കളായി വേറെയും രണ്ടുപേര് ഉണ്ടായിട്ടുണ്ട്. പ്രസ്തുതനായ അപ്പയ്യദീക്ഷിതരെ പ്രകീര്ത്തിച്ച് ശിവാനന്ദയോഗി രചിച്ച അപ്പയ്യദീക്ഷിതേന്ദ്രവിജയത്തിലെ<br />
<br />
'വീണാതത്ത്വജ്ഞ സംഖ്യാലസിതകലിസമാ-<br />
<br />
ഭാക്പ്രമാദീയ വര്ഷേ,<br />
<br />
കന്യാമാസേ തു കൃഷ്ണപ്രഥമതിഥയുതേ f<br />
<br />
പ്യുത്തരപ്രോഷ്ഠപാദേ,<br />
<br />
കന്യാലഗ്നേ f ദ്രികന്യാപതിരമിതദയാ-<br />
<br />
ശേവധിര്വൈദികേഷു<br />
<br />
ശ്രീഗൌര്യൈ പ്രാഗ്യഥോക്തം സമജനി ഹി സമീ-<br />
<br />
പേ f ത്ര കാഞ്ചീനഗര്യാഃ'<br />
<br />
('പ്രമാദീ' എന്നു പേരുള്ള കലിവത്സരത്തില് 4654-ല് കന്നിമാസത്തില് കറുത്തപക്ഷത്തിലെ പ്രതിപദത്തില് ഉത്തൃട്ടാതിനാളില് കന്നിരാശിയില് വൈദികന്മാരില് അതികാരുണ്യത്തോടുകൂടിയ ശ്രീ പരമേശ്വരന് മുന്പേതന്നെ ശ്രീപാര്വതിയോടു പറഞ്ഞപ്രകാരം കാഞ്ചീപുരത്തിന്റെ അടുത്തുള്ള ദേശത്തില് ജനിച്ചു.) എന്ന പദ്യത്തില്, ദീക്ഷിതരുടെ ജനനം കലിവര്ഷം 4654 (എ.ഡി. 1552) ആണെന്നു പ്രസ്താവിച്ചിരിക്കുന്നു. നീലകണ്ഠദീക്ഷിതര് ശിവലീലാര്ണവത്തില് ചെയ്തിട്ടുള്ള പ്രസ്താവംകൂടി സ്വീകരിക്കുന്നതായാല് ഇദ്ദേഹം 72 വയസ്സുവരെ ജീവിച്ചിരുന്നുവെന്നും ചരമം എ.ഡി. 1624-ല് എന്നും സിദ്ധിക്കും.<br />
<br />
<br />
ബാല്യകാലത്ത് സ്വപിതാവില് നിന്നും ദീക്ഷിതര് സകല ശാസ്ത്രങ്ങളും അഭ്യസിച്ചു. 20 വയസ്സാകുന്നതിന് മുമ്പു തന്നെ ഇദ്ദേഹം സര്വജ്ഞനായി പരക്കെ അറിയപ്പെട്ടു. അപ്പോഴേക്കും വിവാഹിതനാവുകയും ചെയ്തു. 'അച്ചാളു' എന്നായിരുന്നു പത്നിയുടെ പേര്.<br />
<br />
<br />
വെല്ലൂരിലെ ചിന്നബൊമ്മനായ്ക്കന്റെ ആശ്രിതനായിരുന്നുകൊണ്ടാണ് ഇദ്ദേഹം ആദ്യകാലത്ത് ഗ്രന്ഥരചന നടത്തിയത്. പാശുപതാദ്വൈത പ്രചാരകനായ ശ്രീകണ്ഠശിവാചാര്യരുടെ ബ്രഹ്മസൂത്രഭാഷ്യത്തിന് ശിവാര്ക്കമണിദീപിക എന്നൊരു വ്യാഖ്യാനം ഇദ്ദേഹം രചിച്ചു. അതുകണ്ടു സന്തുഷ്ടനായ ചിന്നബൊമ്മന് സ്വന്തം കൈകൊണ്ട് ദീക്ഷിതര്ക്ക് കനകാഭിഷേകം നടത്തുകയുണ്ടായി. ദീക്ഷിതര് തന്റെ രക്ഷാധികാരിയുടെ സഹായത്തോടുകൂടി അടയപ്പലത്ത് കാളകണ്ഠേശാലയമെന്നപേരില് ഒരു ക്ഷേത്രം സ്ഥാപിക്കയും അവിടെവച്ച് അഞ്ഞൂറു ശിഷ്യന്മാരെ ശിവാര്ക്കമണിദീപിക പഠിപ്പിക്കയും ചെയ്ത്തായി പ്രസ്തുത ക്ഷേത്രത്തിലെ ഒരു ശിലാശാസനത്തില് (എ.ഡി. 1590) രേഖപ്പെടുത്തിക്കാണുന്നു.<br />
<br />
<br />
കല്പതരു എന്ന അദ്വൈതഗ്രന്ഥത്തിന് പരിമളം എന്ന പേരില് രചിച്ച പ്രൌഢഗംഭീരമായ വ്യാഖ്യാനം ഇദ്ദേഹത്തിന്റെ മറ്റൊരു പ്രധാന കൃതിയാണ്. വേദാന്തമതത്തിലെ പഞ്ചഗ്രന്ഥികളിലൊന്നായി ഈ കൃതി പരിഗണിക്കപ്പെട്ടുപോരുന്നു. ഇവയ്ക്കു പുറമേ അദ്വൈതം, ശൈവമതം, മീമാംസ, സാഹിത്യം എന്നിങ്ങനെ നാനാവിഷയങ്ങളെ പുരസ്കരിച്ച് നൂറില്പരം ഗ്രന്ഥങ്ങള് ദീക്ഷിതരുടെ വകയായുണ്ട്. ചതുര്മതസാരാര്ഥസംഗ്രഹം, പൂര്വോത്തരമീമാംസാവാദനക്ഷത്രമാല, ഉപക്രമപരാക്രമം, നാമസംഗ്രഹമാല, ന്യായരക്ഷാമണി, മീമാംസാധികരണമാല, ശിവകര്ണാമൃതം, ശിവതത്ത്വവിവേകം, രാമായണ താത്പര്യസംഗ്രഹം, ഹരിവംശസാരചരിതവ്യാഖ്യാനം, ദശകുമാരചരിതസംക്ഷേപം, മധ്വതന്ത്രമുഖമര്ദനം എന്നിവ അക്കൂട്ടത്തില്പെടുന്നു.<br />
<br />
<br />
ചിന്നബൊമ്മന്റെ മരണാനന്തരം ദീക്ഷിതര് വിജയനഗര സാമ്രാജ്യാധിപനായ വേങ്കടപതിയുടെ ആസ്ഥാനപണ്ഡിതനായി ക്ഷണിക്കപ്പെട്ടു. വേങ്കടപതിയുടെ ആജ്ഞാനുസരണം രചിക്കപ്പെട്ട കൃതിയാണ് കുവലയാനന്ദം എന്ന അലങ്കാരശാസ്ത്രഗ്രന്ഥം. സാഹിത്യശാസ്ത്രവിഷയകമായി രണ്ടു ഗ്രന്ഥങ്ങള്കൂടി ദീക്ഷിതര് രചിച്ചിട്ടുണ്ട്-വൃത്തിവാര്ത്തികവും ചിത്രമീമാംസയും. ആദ്യത്തേതില് പദങ്ങളുടെ അഭിധാവ്യഞ്ജനാര്ഥങ്ങള് ചര്ച്ചചെയ്യപ്പെട്ടിരിക്കുന്നു. കുറേക്കൂടി കനപെട്ട രണ്ടാമത്തെ കൃതിയില് ധ്വനി, ഗുണീഭൂതവ്യംഗ്യം, ചിത്രകാവ്യം, അലങ്കാരങ്ങള് എന്നിവയാണ് പ്രതിപാദ്യവിഷയങ്ങള്. ഈ കൃതി അപൂര്ണമാണ്.<br />
<br />
<br />
അപ്പയ്യദീക്ഷിതരുടെ സാഹിത്യവിഷയകമായ അഭിപ്രായങ്ങളെ രസഗംഗാധരകര്ത്താവായ ജഗന്നാഥപണ്ഡിതര് (17-ാം ശ.) കഠിനമായി എതിര്ത്തിട്ടുണ്ട്. ചിലപ്പോള് ആ എതിര്പ്പ് വ്യക്തിവിദ്വേഷത്തിന്റെ രൂപം കൈക്കൊണ്ടിട്ടുള്ളതായി തോന്നും.<br />
<br />
<br />
ഭാരതത്തിലെ വിവിധ പുണ്യസ്ഥലങ്ങള് സന്ദര്ശിച്ചശേഷം അപ്പയ്യദീക്ഷിതര് ചിദംബരത്തു താമസമാക്കി. 11 പുത്രന്മാരും 2 പുത്രിമാരും ഇദ്ദേഹത്തിനുണ്ടായിരുന്നു. തങ്ങള് എന്തുചെയ്യണമെന്ന് ആസന്നമരണനായ പിതാവിനോടു ചോദിച്ച മക്കള്ക്ക് ഇദ്ദേഹം ഇങ്ങനെ മറുപടി നല്കിയത്രേ.<br />
<br />
'ചിദംബരമിദം പുരം പ്രഥിതമേവ പുണ്യസ്ഥലം<br />
<br />
സുതാശ്ച വിനയോജ്വലാഃ സുകൃതയശ്ച<br />
<br />
കാശ്ചില് കൃതാഃ<br />
<br />
വയാംസി മമ സപ്തതേരുപരി, നൈവഭോഗേ <br />
<br />
സ്പൃഹാ<br />
<br />
ന കിഞ്ചിദഹമര്ഥയേ ശിവപദം ദിദൃക്ഷേ പരം.'<br />
<br />
(എന്റെ ഈ അന്ത്യവിശ്രമസ്ഥാനം പ്രശസ്ത പുണ്യഭൂമിയായ ചിദംബരമാണ്. എന്റെ പുത്രന്മാര് വിദ്വാന്മാരാണ്; ഒട്ടേറെ ഗ്രന്ഥങ്ങളും ഞാന് നിര്മിച്ചു; വയസ്സാണെങ്കില് 70-ല് അധികമായി. ലോകഭോഗങ്ങളില് ഒരാഗ്രഹവുമില്ല; ശിവപദപ്രാപ്തി ഒഴികെ മറ്റൊന്നും എനിക്കു പ്രാര്ഥിക്കാനില്ല.)<br />
<br />
<br />
ദ്വിതീയശങ്കരന് എന്ന സ്ഥാനത്തിന് ദീക്ഷിതര് സര്വഥാ സമര്ഹനാണെന്ന് ഇദ്ദേഹത്തിന്റെ ശിഷ്യന്മാരും ആരാധകന്മാരും കരുതുന്നു. ശിഷ്യന്മാരില് പ്രഥമഗണനീയനാണ് വൈയാകരണശിരോമണിയായ ഭട്ടോജിദീക്ഷിതര്.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%B2%E0%B5%87%E0%B4%9A%E0%B5%8D%E0%B4%9A%E0%B4%BF%E0%B4%AF%E0%B4%A8%E0%B5%8D%E2%80%8D_%E0%B4%AA%E0%B4%B0%E0%B5%8D%E2%80%8D%E0%B4%B5%E0%B4%A4%E0%B4%A8%E0%B4%82അപ്പലേച്ചിയന് പര്വതനം2008-02-26T09:22:52Z<p>116.68.64.48: </p>
<hr />
<div>= അപ്പലേച്ചിയന് പര്വതനം =<br />
Appalachian Orogency<br />
<br />
<br />
വടക്കേ അമേരിക്കയുടെ കിഴക്കേതീരത്ത് സ്ഥിതി ചെയ്യുന്ന അപ്പലേച്ചിയന് പര്വതങ്ങളുടെ ഉദ്ഭവത്തിനു നിദാനമായിത്തീര്ന്ന ഭൌമപ്രക്രിയ. ആഴംകുറഞ്ഞ സമുദ്രഭാഗങ്ങളിലെ അവസാദശിലാശേഖരങ്ങള് (sedimentary rocks) പാര്ശ്വികമായ ബലങ്ങള്ക്കു വിധേയമായി മടങ്ങി ഒടിഞ്ഞ് പര്വതങ്ങളായി ഉയര്ത്തപ്പെടുന്ന പ്രക്രിയയാണ് പര്വതനം (Orogeny). ഭൂമിയുടെ ചരിത്രത്തില് ഇത്തരം പ്രക്രിയകള് പലതവണ ഉണ്ടായിട്ടുള്ളതായി കാണാം. ഏതാണ്ട് പത്തുകോടി വര്ഷങ്ങള്കൊണ്ടാണ് അപ്പലേച്ചിയന് പര്വത നിരകള് ഉടലെടുത്തത് എന്ന് അനുമാനിക്കുന്നു. ഈ പര്വതന പ്രക്രിയയുടെ തുടക്കം 110 കോടി വര്ഷങ്ങള് മുന്പായിരുന്നു. പ്രോട്ടെറോസോയിക് (Proterozoic) യുഗത്തില് നിമ്നപ്രദേശമായിരുന്ന അപ്പലേച്ചിയന് മേഖലയില് കി.ഉം തെ.കിഴക്കും നിന്ന് കളിമണ്ണും ചുണ്ണാമ്പും കലര്ന്ന മണലും ചരലും വന്നടിഞ്ഞു. ഈ മേഖലയിലെ പ.ഉം വ. പടിഞ്ഞാറും അരികുകളില് അവസാദശിലാശേഖരങ്ങളുടെ അടരുകള് താരതമ്യേന കട്ടികുറഞ്ഞോ മറ്റു ശിലാസ്തരങ്ങളുമായി വിലയിച്ചോ കാണപ്പെടുന്നു. കി.ഉം തെ.കിഴക്കും ഭാഗങ്ങളില് നിലവിലിരുന്ന കരപ്രദേശം തുടര്ച്ചയായോ ഇടവിട്ടോ ഉയര്ന്നുകൊണ്ടിരുന്നു. ഈ പ്രദേശം പിന്നീട് അത്ലാന്തിക് സമുദ്രത്തില് നിമജ്ജിതമായി. അന്ന് ഭൂ-അഭിനതി (geosyncline) ആയിരുന്ന അപ്പലേച്ചിയന് പ്രദേശത്തോടൊപ്പം ഇപ്പോഴത്തെ മിസിസിപ്പിതടവും ആഴം കുറഞ്ഞ സമുദ്രഭാഗമായിരുന്നു. ഈ പ്രദേശത്തു കാണുന്ന ചുണ്ണാമ്പുകല്ലുകളും ജീവാശ്മങ്ങളും ഇതിനു തെളിവാണ്. ക്രമേണ ഈ ഭൂഭാഗം എക്കലും വണ്ടലുംകൊണ്ട് നിറഞ്ഞ് ഒരു ചതുപ്പുപ്രദേശമായിത്തീര്ന്നു. തുടര്ന്ന് ഇവിടെ വന് വൃക്ഷങ്ങളും സസ്യങ്ങളും നിബിഡമായി വളരാന് തുടങ്ങി. പില്ക്കാലത്തുണ്ടായ സജീവമായ അവസാദ നിക്ഷേപണത്തിന്റെ ഫലമായി ഇവ മണ്ണിനടിയില്പെട്ട് ഇന്നത്തെ കല്ക്കരിനിക്ഷേപങ്ങളായി മാറി. പ്രതലസംരചനയില് കാലാകാലങ്ങളില് വന്നുകൊണ്ടിരുന്ന മാറ്റങ്ങളെയാണ് ഇവ സൂചിപ്പിക്കുന്നത്. കിഴക്കരികിലായി സസ്യജീവാശ്മങ്ങള്, ചരല്, മണല്ക്കല്ലുകള് എന്നിവയുടെ ആധിക്യമുള്ള സ്തരങ്ങളും കളിമണ്ണടരുകളും ഒന്നിടവിട്ടു കാണുന്നതും മറ്റൊരു തെളിവാണ്. ഇതില്നിന്നും അവസാദങ്ങളുടെ ഭാരത്താല് ഭൂ-അഭിനതി താഴ്ന്നുകൊണ്ടിരുന്നപ്പോള്തന്നെ അതിന്റെ കിഴക്കരിക് ഇടയ്ക്കിടെ ഉയര്ന്നിരുന്നതായി അനുമാനിക്കേണ്ടിയിരിക്കുന്നു. നിക്ഷേപണംമൂലം അഭിനതിയുടെ വളര്ച്ച ത്വരിതപ്പെട്ടിരുന്നപ്പോള്തന്നെ പര്വത-വിരചന ശക്തികള് പ്രാബല്യത്തിലായിരുന്നു; ഇങ്ങനെ ഉയര്ന്ന ഭാഗങ്ങള് നിക്ഷേപണ ക്രിയയ്ക്കു സഹായകവുമായി. പാലിയോസോയിക് (palaeozoic) യുഗത്തിന്റെ അന്ത്യത്തോടെ അന്തര്ജാതബലങ്ങളുടെ (endogenic forces) പ്രവര്ത്തനവും തുടര്ന്നുള്ള ഭൂവല്കസഞ്ചലനവും കൊണ്ട് ശിലാപ്രസ്തരങ്ങള് ഒടിഞ്ഞുമടങ്ങി ഉയര്ത്തപ്പെട്ടു. മടക്കലിന്റെ ഫലമായി കൂടുതല് നിബിഡമായിത്തീര്ന്ന ശിലാപാളികളില് കായാന്തരണ പ്രക്രിയകള് (metamorphic processes) സജീവമായിത്തീര്ന്നു.<br />
<br />
ചില ഭൂമിശാസ്ത്രജ്ഞരുടെ അഭിപ്രായത്തില് പാലിയോസോയിക് യുഗത്തിന്റെ അന്ത്യത്തിലുണ്ടായ പര്വതനം ഒന്നുമാത്രമല്ല അപ്പലേച്ചിയന് നിരകളുടെ ഉദ്ഭവത്തിനു നിദാനം. ഓര്ഡോവിഷന് (Ordovician) കാലഘട്ടം മുതല്ക്കുതന്നെ പര്വതന പ്രക്രിയകള് ഈ മേഖലയില് ആരംഭിച്ചിരുന്നു. വിവിധ ഘട്ടങ്ങളിലായി പൂര്ത്തിയായ പര്വതനിര്മിതിയിലെ ഏറ്റവും പ്രമുഖമായ കാലഘട്ടമാണ് അപ്പലേച്ചിയന് പര്വതനമായി അറിയപ്പെടുന്നത്.<br />
<br />
യൂറോപ്പിലെ കാലിഡോണിയന് (Calidonian), ഹെര്സീനിയന് (Hercynian) എന്നീ പര്വതനങ്ങള്ക്കു സമകാലികമായ ശിലാപടലങ്ങള് അപ്പലേച്ചിയന് നിരകളില് കാണുന്നുണ്ട്. കി. പടിഞ്ഞാറ് മൂന്നു മേഖലകളായി വിഭജിക്കാവുന്ന തരത്തിലാണ് പര്വതങ്ങളുടെ കിടപ്പ്. തികച്ചും ക്രമാനുഗതമായ പാലിയോസോയിക് ശിലാപ്രസ്തരങ്ങളാല് സവിശേഷമായ അപ്പലേച്ചിയന് അഭിനതിയുടെ മടക്കപ്പെട്ട ഭാഗങ്ങളാണ് ഈ നിരകള്. വ്യക്തമായ വിവര്ത്തനിക (tectonic) രേഖകൊണ്ടു വേര്തിരിക്കപ്പെട്ട അപ്പലേച്ചിയന് പീഠഭൂമിയാണ് അടുത്തത്. ഇവിടെ വലനപ്രക്രിയകളുടെ പ്രഭാവം കാണുന്നില്ല. ജീവാശ്മരഹിതമല്ലാത്ത പഴക്കമേറിയ ശിലകളാണ് ഈ പ്രദേശത്തുള്ളത്. മൂന്നാമത്തെ വിഭാഗമാണ് പീഡ്മോണ്ട് പ്രദേശം (Piedmont province). പ്രീകാമ്പ്രിയന് കാലത്തെ ആഗ്നേയശിലകളും കായാന്തരിതശിലകളുമാണിവിടെ കാണപ്പെടുന്നത്. നോ: പര്വതനം, ഭൂ-അഭിനതി<br />
<br />
<br />
(എം.എം. നായര്)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B8%E0%B4%82%E0%B4%98%E0%B4%9F%E0%B4%A8%E0%B4%95%E0%B4%B3%E0%B5%8D%E2%80%8Dഅന്താരാഷ്ട്ര സംഘടനകള്2008-02-26T09:22:13Z<p>116.68.64.48: QL.L</p>
<hr />
<div>= അന്താരാഷ്ട്ര സംഘടനകള് =<br />
International Organization<br />
<br />
പരമാധികാരസ്വഭാവമുള്ള രാഷ്ട്രങ്ങള് ചേര്ന്ന് രാഷ്ട്രീയവും സാമ്പത്തികവും സൈനികവും സാമൂഹികവും സാസ്കാരികവുമായ ആവശ്യങ്ങള്ക്കുവേണ്ടി രൂപവത്കരിക്കുന്ന സംഘടനകള്. പ്രത്യേകം വിളിച്ചുകൂട്ടപ്പെട്ട അന്താരാഷ്ട്രസമ്മേളനങ്ങള് വഴിയാണ് ഇത്തരം സംഘടനകള് പ്രധാനമായും നിലവില് വരുന്നത്.<br />
<br />
ആധുനിക സാഹചര്യങ്ങളില്, ലോകത്തിലെ ഒരു രാഷ്ട്രവും സ്വയംപര്യാപ്തമല്ല. സൈനികകാര്യങ്ങള്, വാണിജ്യം, അസംസ്കൃതസാധനങ്ങള്, സാമ്പത്തികസഹായം, സാങ്കേതികോപദേശം, വ്യാവസായികോത്പന്നങ്ങള്, വിദേശവിപണികള് തുടങ്ങിയവയ്ക്കുവേണ്ടി ഒരു രാഷ്ട്രത്തിന് പലപ്പോഴും മറ്റ് രാഷ്ട്രങ്ങളെ ആശ്രയിക്കേണ്ടിയിരിക്കുന്നു. ഈ പരസ്പരാശ്രയത്വം നിമിത്തം ലോകരാഷ്ട്രങ്ങളെല്ലാം ബന്ധപ്പെട്ടിരിക്കുകയാണ്. ലോകസമാധാനം നിലനില്ക്കുന്നതിനുതന്നെ രാഷ്ട്രങ്ങള് തമ്മിലുള്ള ബന്ധവും സഹകരണവും കൂടിയേതീരൂ. വിവിധ രാഷ്ട്രങ്ങളിലെ ജനതതികള്ക്ക് പൊതുവായ മതമോ ഭാഷയോ രാഷ്ട്രീയ പ്രശ്നങ്ങളോ ഉണ്ടെങ്കില് ആ രാഷ്ട്രങ്ങള് തമ്മിലുള്ള ബന്ധം കുറേക്കൂടി ദൃഢമായിത്തീര്ന്നുവെന്നു വരും. പൊതുവായ ഏതെങ്കിലും പ്രശ്നങ്ങളുള്ള രാഷ്ട്രങ്ങള് യോജിച്ച് സംഘടനയുണ്ടാക്കുമ്പോള് അത് ഒരു അന്താരാഷ്ട്രസംഘടനയായിത്തീരുന്നു.<br />
<br />
'''ആദ്യകാലസംരംഭങ്ങള്.''' പുരാതന കാലം മുതല്ക്കു തന്നെ ലോകത്ത് അനേകം അന്താരാഷ്ട്ര സംഘടനകളുണ്ടായിരുന്നു. പ്രാചീനഗ്രീസില് ആഥന്സിന്റെ നേതൃത്വത്തില് രൂപംകൊണ്ട ഡിലോസ്സഖ്യം (Confederacy of Delos) ഇതിനൊരുദാഹരണമാണ്. നെപ്പോളിയന് ബോണപ്പാര്ട്ടിന്റെ (1769-1821) സാമ്രാജ്യവികസനത്തിനെതിരെ ഇംഗ്ളണ്ട്, റഷ്യ തുടങ്ങിയ രാജ്യങ്ങള് ചേര്ന്ന് സൈനികസഖ്യങ്ങള് ഉണ്ടാക്കിയിരുന്നു. രാഷ്ട്രങ്ങള് തമ്മില് എന്തെങ്കിലും തര്ക്കമുണ്ടായാല് അത് ഒരു സായുധസംഘട്ടനത്തിലേക്കു നീങ്ങുന്നതിനു മുന്പ് ആ തര്ക്കങ്ങള് പറഞ്ഞൊതുക്കുന്നതിനും അന്താരാഷ്ട്രസംഘടനകള് ശ്രമിച്ചിരുന്നു. ഒറ്റതിരിഞ്ഞു നില്ക്കുന്നതിനുപകരം മറ്റു രാഷ്ട്രങ്ങളുമായി സഖ്യങ്ങളുണ്ടാക്കിക്കഴിയുവാനായിരുന്നു എല്ലാ രാഷ്ട്രങ്ങളും ശ്രമിച്ചിരുന്നത്. ലോകരാഷ്ട്രങ്ങളെല്ലാം സംഘടിക്കണമെന്ന ആഗ്രഹത്തില്നിന്നാണ് ഒന്നാം ലോകയുദ്ധത്തെത്തുടര്ന്ന്, 1920-ല് സര്വരാഷ്ട്രസഖ്യം (League of Nations) ഉടലെടുത്തത്. അറുപതു രാഷ്ട്രങ്ങള് അംഗങ്ങളായി ഉണ്ടായിരുന്ന ഈ സംഘടന 1939-ല് രണ്ടാം ലോകയുദ്ധം പൊട്ടിപ്പുറപ്പെട്ടതോടുകൂടി നാമാവശേഷമായി.<br />
<br />
'''യു.എന്.-ന്റെ കീഴിലുള്ള അന്താരാഷ്ട്ര സംഘടനകള്.''' ലോകത്ത് വിവിധ ലക്ഷ്യങ്ങളെ മുന്നിര്ത്തി പ്രവര്ത്തിക്കുന്ന അനേകം സംഘടനകളുണ്ട്. അവയില് ഏറ്റവും പ്രാധാന്യം അര്ഹിക്കുന്നതാണ് ഐക്യരാഷ്ട്ര സംഘടന (യു.എന്). 2002-ല് 191 അംഗരാഷ്ട്രങ്ങളുള്ള ഈ സംഘടന ലോകസമാധാനത്തിനും മാനവരാശിയുടെ മൊത്തത്തിലുളള സാമൂഹിക-സാമ്പത്തിക-സാംസ്കാരിക ഉന്നമനത്തിനുംവേണ്ടി പ്രവര്ത്തിക്കുന്നു.<br />
<br />
യു.എന്.-ന്റെ കീഴില് പ്രവര്ത്തിക്കുന്ന പ്രധാനപ്പെട്ട അന്താരാഷ്ട്ര സംഘടനകള് താഴെപ്പറയുന്നവയാണ്: 1. ട്രാന്സ്പോര്ട്ട് ആന്ഡ് കമ്യൂണിക്കേഷന്സ് കമ്മിഷന് (15 അംഗങ്ങള്); 2. സ്റ്റാറ്റിസ്റ്റിക്കല് കമ്മിഷന് (15 അംഗങ്ങള്); 3. സോഷ്യല് കമ്മിഷന് (15 അംഗങ്ങള്); 4. പോപ്പുലേഷന് കമ്മിഷന് (15 അംഗങ്ങള്); 5. കമ്മിഷന് ഓണ് നര്ക്കോട്ടിക് ഡ്രഗ്സ് (15 അംഗങ്ങള്); 6. കമ്മിഷന് ഓണ് ഹ്യൂമന് റൈറ്റ്സ് (18 അംഗങ്ങള്); 7. കമ്മിഷന് ഓണ് സ്റ്റാറ്റസ് ഒഫ് വിമെന് (18 അംഗങ്ങള്); 8. ഇന്റര് നാഷണല് ട്രേഡ് കമ്മോഡിറ്റി കമ്മിഷന് (18 അംഗങ്ങള്); 9. എക്കണോമിക് കമ്മിഷന് ഫോര് ഏഷ്യാ ആന്ഡ് ദി ഫാര് ഈസ്റ്റ് (ECAFE-24 അംഗങ്ങള്); 10. എക്കണോമിക് കമ്മിഷന് ഫോര് ലാറ്റിന് അമേരിക്ക ആന്ഡ് കരീബിയ (ECLA-33 അംഗങ്ങള്); 11. എക്കണോമിക് കമ്മിഷന് ഫോര് ആഫ്രിക്ക (ECA-53 അംഗങ്ങള്); 12. ഇന്റര്നാഷണല് ഡവലപ്പ്മെന്റ് അസോസിയേഷന് (IDA-102 അംഗങ്ങള്); 13. ഇന്റര്നാഷണല് അറ്റോമിക് എനര്ജി ഏജന്സി (IAEA-138 അംഗങ്ങള്); 14. ഇന്റര്നാഷണല് ലേബര് ഓര്ഗനൈസേഷന് (ILO 177 അംഗങ്ങള്); 15. ഫുഡ് ആന്ഡ് അഗ്രിക്കല്ച്ചറല് ഓര്ഗനൈസേഷന് (FAO-188 അംഗങ്ങള്); 16. യുണൈറ്റഡ് നേഷന്സ് എഡ്യൂക്കേഷണല്, സയന്റിഫിക്ക് ആന്ഡ് കള്ച്ചറല് ഓര്ഗനൈസേഷന് (UNESCO 197 അംഗങ്ങള്); 17. യുണൈറ്റഡ് നേഷന്സ് ചില്ഡ്രന്സ് എമര്ജന്സി ഫണ്ട് (UNICEF-155 അംഗങ്ങള്); 18. വേള്ഡ് ഹെല്ത്ത് ഓര്ഗനൈസേഷന് (WHO-192 അംഗങ്ങള്); 19. ഇന്റര് ഗവണ്മെന്റല് മാരിട്ടൈം കണ്സല്ട്ടേറ്റീവ് ഓര്ഗനൈസേഷന് (IMCO-67 അംഗങ്ങള്); 20. വേള്ഡ് മെറ്റിയറോളജിക്കല് ഓര്ഗനൈസേഷന് (WMO-187 അംഗങ്ങള്); 21. ഇന്റര് നാഷണല് ടെലി കമ്യൂണിക്കേഷന് യൂണിയന് (ITU-189 അംഗങ്ങള്); 22. ഇന്റര്നാഷണല് ബാങ്ക് ഫോര് റികണ്സ്റ്റ്രക്ഷന് ആന്ഡ് ഡെവലപ്മെന്റ് (IBRD-184 അംഗങ്ങള്); 23. യൂണിവേഴ്സല് പോസ്റ്റല് യൂണിയന് (UPU-190 അംഗങ്ങള്); 24. ഇന്റര് നാഷണല് സിവില് ഏവിയേഷന് ഓര്ഗനൈസേഷന് (ICAO 189 അംഗങ്ങള്); 25. ഇന്റര്നാഷണല് ഫിനാന്സ് കോര്പ്പറേഷന് (IFC 178 അംഗങ്ങള്); 26. ഇന്റര് നാഷണല് മോണിറ്ററി ഫണ്ട് (IMF-184 അംഗങ്ങള്); 27. ഇന്റര് നാഷണല് കോര്ട് ഒഫ് ജസ്റ്റിസ്; 28. യുണൈറ്റഡ് നേഷന്സ് കോണ്ഫറന്സ് ഓണ് ട്രേഡ് ആന്ഡ് ഡെവലപ്പ്മെന്റ് (UNCTAD-192 അംഗങ്ങള്).<br />
<br />
ഇവയ്ക്കു പുറമേ, യു.എന്നുമായി ഔദ്യോഗികബന്ധമില്ലാത്ത അനവധി അന്താരാഷ്ട്രസംഘടനകള് നിലവിലുണ്ട്. യു.എന്. വോട്ടിങ്ങില് ഈ സംഘടനകളിലെ അംഗങ്ങള് നിര്ണായകമായ സ്വാധീനം ചെലുത്താറുണ്ട്. സാമ്പത്തിക രാഷ്ട്രീയ സൈനിക സാമൂഹിക സാംസ്കാരിക ലക്ഷ്യങ്ങളെ ആസ്പദമാക്കി രൂപവത്കരിക്കപ്പെട്ട മറ്റ് അന്താരാഷ്ട്ര സംഘടനകള് താഴെപ്പറയുന്നവയാണ്.<br />
<br />
'''1. സാമ്പത്തിക/വാണിജ്യ ലക്ഷ്യമുള്ളവ.''' (1) അറബ് കോമണ്മാര്ക്കറ്റ്. 1965 ജനു. 1-ന് നിലവില് വന്ന ഈ സംഘടനയുടെ ആസ്ഥാനം കെയ്റോ ആണ്. അംഗരാഷ്ട്രങ്ങള്: ഇറാക്ക്, ജോര്ദാന്, സിറിയ, ഈജിപ്ത്, ലിബിയ, മോറിറ്റേനിയ യെമന് (2) അസോസിയേഷന് ഒഫ് സൌത്ത് ഈസ്ററ് ഏഷ്യന് നേഷന്സ്. 1967 ആഗ. 8-ന് രൂപംകൊണ്ടതാണ് ഈ സംഘടന. അംഗങ്ങള്: ഇന്തോനേഷ്യ, മലേഷ്യ, സിങ്കപ്പൂര്, ഫിലിപ്പീന്സ്, തായ്ലന്ഡ് ബ്രൂണൈ ദരുസ്സലം, വിയറ്റ്നാം, ലാവോസ്, മ്യാന്മര്, കംബോഡിയ (3) ബനലക്സ് എക്കണോമിക്ക് യൂണിയന്. 1960 ന. 1-ന് പ്രാബല്യത്തില് വന്നു. ആസ്ഥാനം ബ്രസല്സ്. അംഗങ്ങള്: ബെല്ജിയം, നെതര്ലന്ഡ്സ്, ലക്സംബര്ഗ്. (4) സെന്ട്രല് അമേരിക്കന് കോമണ് മാര്ക്കറ്റ്. 1960-ല് രൂപവത്കരിച്ച ഈ സംഘടനയുടെ കേന്ദ്രം ഗ്വാട്ടിമാലസിറ്റി. അംഗങ്ങള്: കോസ്റ്ററിക്ക, എല്സാല്വഡോര്, ഗ്വാട്ടിമാല, നിക്കരാഗ്വ (5) യൂറോപ്യന് ഫ്രീ ട്രേഡ് അസോസിയേഷന്. 1960 മേയില് നിലവില്വന്നു. ആസ്ഥാനം ജനീവ. അംഗങ്ങള്: ഐസ്ലന്ഡ്, ലിച്ചന്സ്റ്റൈന്, നോര്വെ, സ്വിറ്റ്സര്ലന്ഡ് (6) യൂറോപ്യന് യൂണിയന്. യൂറോപ്യന് രാഷ്ട്രങ്ങളുടെ സാമ്പത്തിക-രാഷ്ട്രീയ സഖ്യമായ ഈ സംഘടനയില് ഇന്ന് 25 (2006) അംഗങ്ങളുണ്ട്. (7) കൊളംബൊ പദ്ധതി. 1951-ല് സ്ഥാപിച്ചു. ആസ്ഥാനം കൊളംബൊ. അംഗങ്ങള്: അഫ്ഗാനിസ്താന്, ആസ്റ്റ്രേലിയ, ഭൂട്ടാന്, ബംഗ്ളാദേശ്, ഫിജി, ഇന്ത്യ, ഇന്തോനേഷ്യ, ഇറാന്, ജപ്പാന്, ലാവോസ്, മലേഷ്യ, മാലിദ്വീപുകള്, മംഗോളിയ (8) സൌത്ത് ഏഷ്യന് അസോസിയേഷന് ഫോര് റീജിയണല് കോ ഓപ്പറേഷന് (SAARC) 1985-ല് സ്ഥാപിതമായി. അംഗങ്ങള്: ബംഗ്ളാദേശ്, ഭൂട്ടാന്, ഇന്ത്യ, മാലിദ്വീപുകള്, നേപ്പാള്, പാകിസ്താന്, ശ്രീലങ്ക. (9) ലോകവ്യാപാരസംഘടന (WTO). സാമ്പത്തിക ലക്ഷ്യങ്ങളുള്ള മറ്റൊരു സുപ്രധാന സംഘടനയാണ് ലോകവ്യാപാര സംഘടന. 1995 ജനു. 1-ന് സ്ഥാപിതമായ ഈ സംഘടനയില് 149 അംഗങ്ങളാണ് ഉളളത്. പൊതുവേ ആഗോളതലത്തില് വ്യാപാര-വാണിജ്യ കാര്യങ്ങള് കൈകാര്യം ചെയ്യുന്ന ഇത് നാല് പ്രത്യേക കാര്യങ്ങളില് ശ്രദ്ധ കേന്ദ്രീകരിക്കുന്നു - ലോക വ്യാപാര ഉടമ്പടികള് നടപ്പിലാക്കുക; വ്യാപാര തര്ക്കങ്ങള് പരിഹരിക്കുക; വാണിജ്യത്തെ സംബന്ധിക്കുന്ന കാര്യങ്ങള് ചര്ച്ച ചെയ്യാനുളള വേദിയൊരുക്കുക; അംഗരാജ്യങ്ങളുടെ വാണിജ്യ നയങ്ങള് അവലോകനം ചെയ്യുക.<br />
<br />
'''2. രാഷ്ട്രീയ ലക്ഷ്യങ്ങളുള്ളവ.''' (1) കോമണ് വെല്ത്ത് ഒഫ് നേഷന്സ്. ബ്രിട്ടിഷ് സാമ്രാജ്യത്തില്നിന്നും സ്വാതന്ത്യ്രം നേടിയ രാജ്യങ്ങളാണ് ഈ സംഘടനയുടെ ഭൂരിപക്ഷം അംഗങ്ങളും. ഇപ്പോള് (2006) 53 അംഗങ്ങളുണ്ട്. ഇതിന്റെ ആസ്ഥാനം ലണ്ടന് ആണ്. (2) അറബിലീഗ്. 1945-ല് സ്ഥാപിതമായി. ആസ്ഥാനം: കെയ്റോ. അംഗങ്ങള്: ഈജിപ്ത്, സിറിയ, അല്ജീറിയ, ഇറാക്ക്, ജോര്ദാന്, കുവെയ്റ്റ്, ലെബനന്, ലിബിയ, മൊറോക്കോ, സൌദി അറേബ്യ, സുഡാന്, ടുണീഷ്യ, യെമന്, യു.എ.ഇ., ബഹറിന്, ഖത്തര്, ഒമാന്, മോറിറ്റേനിയ, സൊമാലിയ, പലസ്തീന്, ജിബൌട്ടി, കൊമൊറാസ്. (3) ഓര്ഗനൈസേഷന് ഒഫ് ആഫ്രിക്കന് യൂണിറ്റി. 1963 മേയ് 25-ന് നിലവില്വന്നു. ആസ്ഥാനം: ആഡിസ് അബാബ. ദക്ഷിണാഫ്രിക്കയില് അപാര്തീഡ് അവസാനിപ്പിക്കുന്നതിലും ഭൂരിപക്ഷഭരണം നടപ്പാക്കുന്നതിലും ഒ.എ.യു. പ്രധാന പങ്ക് വഹിച്ചു. ഒ.എ.യു.വിന്റെ പ്രവര്ത്തനങ്ങള്ക്ക് പിന്തുടര്ച്ച നല്കുവാന് വേണ്ടി 2001-ല് സ്ഥാപിക്കപ്പെട്ട ആഫ്രിക്കന് യൂണിയന് (എ.യു.) 2002-ല് ഒ.എ.യു.വിന്റെ സ്ഥാനം പൂര്ണമായും ഏറ്റെടുത്തു. (4) ഓര്ഗനൈസേഷന് ഒഫ് അമേരിക്കന് സ്റ്റേറ്റ്സ് (അമേരിക്കന് സ്റ്റേറ്റ് സംഘടന). 1951 ഡി. 13-ന് നിലവില് വന്നു. ആസ്ഥാനം: വാഷിങ്ടണ് (ഡി.സി.). അമേരിക്കന് വന്കരയിലെ 35 രാജ്യങ്ങള് ഇതില് അംഗങ്ങളാണ്. (5) ഓര്ഗനൈസേഷന് ഒഫ് സെന്ട്രല് അമേരിക്കന് സ്റ്റേറ്റ്സ്. 1951-ല് നിലവില് വന്നു. ആസ്ഥാനം: സാന്സാല്വഡോര്. അംഗങ്ങള്: കോസ്റ്റിറിക്ക എല്സാല്വഡോര്, ഗ്വാട്ടിമാല, ഹോണ്ടുറാസ്, നിക്കരാഗ്വ.<br />
<br />
'''3. സൈനിക ലക്ഷ്യങ്ങളുള്ളവ.''' (1) നോര്ത്ത് അത്ലാന്തിക് ട്രീറ്റി ഓര്ഗനൈസേഷന് (NATO). 1949 ആഗ. 24-ന് നിലവില് വന്നു. ആസ്ഥാനം: ബ്രസല്സ്. അംഗങ്ങള്: 26. (2) ആന്സുസ് (ANZUS) 1951-ല് നിലവില് വന്നു. ആസ്ഥാനം: കാന്ബറ. അംഗങ്ങള്: ആസ്റ്റ്രേലിയ, യു.എസ്. <br />
<br />
ഇന്റര്നാഷണല് ബ്യൂറോ ഒഫ് വെയിറ്റസ് ആന്ഡ് മെഷേര്സ് (1876), ഇന്റര്നാഷണല് കമ്മിറ്റി ഒഫ് ദി റെഡ് ക്രോസ് (1863), ഇന്റര്നാഷണല് ക്രിമിനല് പൊലീസ് ഓര്ഗനൈസേഷന് (ഇന്റര്പോള് - 1956) എന്നിവ മറ്റുചില അന്താരാഷ്ട്ര സംഘടനകളാണ്.<br />
<br />
(നേശന് റ്റി. മാത്യു, സ.പ.)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%B2%E0%B5%87%E0%B4%9A%E0%B5%8D%E0%B4%9A%E0%B4%BF%E0%B4%AF%E0%B4%A8%E0%B5%8D%E2%80%8D_%E0%B4%AA%E0%B4%B0%E0%B5%8D%E2%80%8D%E0%B4%B5%E0%B4%A4%E0%B4%82അപ്പലേച്ചിയന് പര്വതം2008-02-26T09:16:53Z<p>116.68.64.48: </p>
<hr />
<div>= അപ്പലേച്ചിയന് പര്വതം =<br />
Appalachian Mountain<br />
<br />
യു.എസ്സിന്റെ കിഴക്കരികിലുള്ള പര്വതമേഖല. വ. ന്യൂഫൌണ്ട്ലന്ഡ് മുതല് തെ. അലബാമാവരെ 2,415 കി.മീ. നീണ്ടുകിടക്കുന്ന ഈ മലനിരകളുടെ വീതി ചിലയിടങ്ങളില് 480 കി.മീ. ഓളം വരും.<br />
<br />
അത്ലാന്തിക് തീരത്തിനു സമാന്തരമായുള്ള രണ്ടു പംക്തികളായിട്ടാണ് ഈ പര്വതങ്ങള് സ്ഥിതിചെയ്യുന്നത്. 'ബ്ളൂറിഡ്ജ്' എന്നും 'ഗ്രേറ്റ്സ്മോക്കി' എന്നും അറിയപ്പെടുന്ന കിഴക്കേ നിര ഉദ്ദേശം 1,200 മീ. ഉയരത്തില്, നീണ്ടു കിടക്കുന്നു. ന്യൂയോര്ക്കിനു വ. ഭാഗത്തായുള്ള 'ഹഡ്സണ് ലേക്ക്' താഴ്വരയൊഴിച്ചാല് ഈ നിര ഇടതടവില്ലാത്തതാണ്. പൊതുവേ വന്യവൃക്ഷങ്ങള് നിറഞ്ഞ ഊഷരഭൂമിയാണിത്. ഈ മലനിരകളുടെ മുകള്പ്പരപ്പിലൂടെ വെട്ടിയിട്ടുള്ള സൌകര്യപ്രദമായ പാതയും അവിടവിടെയുള്ള വന്യമൃഗസങ്കേതങ്ങളും ധാരാളം വിനോദസഞ്ചാരികളെ ആകര്ഷിക്കുന്നു.<br />
<br />
അല്ലിഗെനി പര്വതങ്ങളാണ് പ. സ്ഥിതി ചെയ്യുന്നത്. ഇവയ്ക്കിടയിലാണ് 'ഗ്രേറ്റ് അപ്പലേച്ചിയന് താഴ്വര'. ജലസമൃദ്ധവും ഫലഭൂയിഷ്ഠവുമായ ഈ താഴ്വര ഖനിജസമ്പത്തിന്റെ കാര്യത്തിലും മുന്നിട്ടുനില്ക്കുന്നു. താഴ്വരയുടെ പടിഞ്ഞാറന് അതിര്ത്തി അല്ലിഗെനി നിരയുടെ ചെങ്കുത്തായ മലഞ്ചരിവുകളാണ്. ഈ നിരയുടെ മറ്റേവശം ക്രമേണ ചാഞ്ഞിറങ്ങി പടിഞ്ഞാറന് സമതലങ്ങളില് ലയിക്കുന്നു. കിഴക്കേ അരികില് 1,215 മീ.ഓളം ഉയരം വരും. ഏറ്റവും പൊക്കംകൂടിയ ശിഖരങ്ങളില്പോലും നിബിഡവനങ്ങള് കാണാം. സാമ്പത്തിക പ്രാധാന്യമുള്ള വിവിധയിനം വൃക്ഷങ്ങള് ഇവിടെ സമൃദ്ധമായി വളരുന്നുണ്ട്.<br />
<br />
കല്ക്കരി, എണ്ണ തുടങ്ങി സമ്പദ്പ്രധാനങ്ങളായ ധാരാളം ധാതുക്കള് ഇവിടെ ഉപസ്ഥിതമാണ്. അല്ലിഗെനി നിരകളാണ് കൂടുതല് സമ്പന്നം. ഇവിടങ്ങളിലെല്ലാം ഖനനം നടന്നുവരുന്നു. മലമുകളിലേക്കു വളഞ്ഞുപുളഞ്ഞുകയറുന്ന നിരവധി റെയില്പ്പാതകള് ഇവിടെ കാണാം.<br />
<br />
യു.എസ്സിന്റെ ചരിത്രത്തിലും സമ്പദ്വ്യവസ്ഥയിലും അപ്പലേച്ചിയന് മലനിരകള് അത്യധികസ്വാധീനം ചെലുത്തിയിട്ടുണ്ട്. ഇംഗ്ളണ്ടും ഫ്രാന്സും തമ്മില് ആധിപത്യത്തിനുവേണ്ടി നടത്തിയ പോരാട്ടങ്ങളും അമേരിക്കന് സ്വാതന്ത്യ്രയുദ്ധവും നടന്നത് അപ്പലേച്ചിയന് താഴ്വരയിലായിരുന്നു. രാജ്യത്തിന്റെ സാമ്പത്തികവും സാമൂഹികവുമായ പുരോഗതിക്ക് ഏറെക്കുറെ പ്രതിബന്ധമായിരുന്നു ഈ പര്വതം. ജനാധിവാസം കുറഞ്ഞ ഈ മേഖലയിലെ നിവാസികള് ഇന്നും താരതമ്യേന അപരിഷ്കൃതരാണ്. നോ: അപ്പലേച്ചിയന് പര്വതനം; അല്ലിഗെനി പര്വതങ്ങള്</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%BE%E0%B4%9A%E0%B5%8D%E0%B4%9A%E0%B5%80_%E0%B4%87%E0%B4%A8%E0%B5%8D%E0%B4%A4%E0%B5%8D%E0%B4%AF%E0%B4%B0%E0%B5%8D%E2%80%8Dഅപ്പാച്ചീ ഇന്ത്യര്2008-02-26T09:15:42Z<p>116.68.64.48: </p>
<hr />
<div>= അപ്പാച്ചീ ഇന്ത്യര് =<br />
Apache Indians<br />
<br />
<br />
അതബാസ്കന് ഗോത്രവര്ഗക്കാരുടെ ഭാഷ സംസാരിക്കുന്ന അമേരിക്കന് ഇന്ത്യാക്കാര്. വെള്ളക്കാരുമായുണ്ടായ ഏറ്റുമുട്ടലുകളെത്തുടര്ന്ന് പടിഞ്ഞാറന് അരിസോണയില്നിന്ന് മധ്യ ടെക്സാസിലേക്കും (Central texas) പടിഞ്ഞാറന് കന്സാസിലേക്കും (kansas) ഇവര് പലായനം ചെയ്തു.<br />
<br />
ലിപാന്, ജികാറില്ല, മെസ്കാലെറോ, കിയോവ അപ്പാച്ചീ എന്നിവ കിഴക്കന് അപ്പാച്ചീ മേഖലയിലെ ഉപഗോത്രങ്ങളാണ്. ഇവര് വസിക്കുന്നത് താഴ്വരകളിലാണ്. പടിഞ്ഞാറന് മേഖലയിലെ പ്രധാന ഉപഗോത്രങ്ങള് ചിരികാഹുവ, ടൊന്റോ, പിനാല്, കൊയോടെറോ, അറിവെയ്പാ, വൈറ്റ് മൌണ്ടന് അപ്പാച്ചീ എന്നിവയാണ്.<br />
<br />
ജികാറില്ല ഗോത്രക്കാരുടെ പ്രധാന തൊഴില് കൃഷിയും മണ്പാത്ര നിര്മാണവും ആയിരുന്നു. കിയോവ ഒഴികെയുള്ള ഗോത്രക്കാര് കൂട നെയ്ത്തില് വിദഗ്ധരായിരുന്നു. 17-ാം ശ.-ത്തോടെ അതബാസ്കര് തെക്ക് പടിഞ്ഞാറന് പ്രവിശ്യകളിലേക്ക് നുഴഞ്ഞുകയറിത്തുടങ്ങി. 17-ാം ശ. വരെ ഇത് തുടര്ന്നു. അപ്പാച്ചെകള് ഈ കാലഘട്ടത്തില് കരുത്താര്ജിച്ചു. സ്പെയിനിനും, മെക്സിക്കോയ്ക്കും ഇവര് തലവേദനയായി. 1846-ല് ഈ പ്രദേശം ന്യൂ മെക്സിക്കോയുടെ ഭാഗമായി. 1850-കളില് സമാധാനം നിലനിര്ത്താന് സഹകരിച്ചിരുന്ന ചിരികാഹുവ വിഭാഗത്തിന്റെ തലവനായ കോച്ചിസിനെ 1861-ല് ചതിയിലൂടെ കീഴ്പ്പെടുത്തിയത് ഇവര് അമേരിക്കക്കാരുമായി യുദ്ധം ആരംഭിക്കാന് ഇടയാക്കി. അമേരിക്കന് ആഭ്യന്തരകലാപം യുദ്ധത്തിന് ആക്കം കൂട്ടി. അപ്പാച്ചീ ഇന്ത്യക്കാരും വെളുത്ത വര്ഗക്കാരും തമ്മില് നടന്ന യുദ്ധം ഗുരുതരമായ നാശനഷ്ടങ്ങള്ക്കിടവരുത്തി. കൊയോടെറോ, ലിപാന് ഗോത്രങ്ങള് തുടച്ചു നീക്കപ്പെട്ടു. 1863-ല് മെസ്കാലെറോയും 1868-ല് ജികാറില്ലയും അടിയറവ് പറഞ്ഞു. കോച്ചിസും ചിരികാഹുവയുടെ ഒരു വലിയ വിഭാഗവും 1872-ല് സമാധാനസന്ധിക്ക് തയ്യാറായി. ജെറോനിമോ എന്ന നേതാവ് നയിച്ചിരുന്ന ചിരികാഹുവക്കാര് കോച്ചിസിന്റെ സമാധാന ഉടമ്പടി തിരസ്കരിച്ചു വിട്ടുനിന്നു. എങ്കിലും 1886-ല് ജെറോനിമോയുടെ കീഴടങ്ങലോടെ ശേഷിച്ചവരും കീഴടങ്ങാന് നിര്ബന്ധിതരായി. യുദ്ധത്തടവുകാരെ ഫ്ളോറിഡയില് തടവിലിടുകയും ഓക്ലയിലെ ഫോര്ട്ട്ഹില്ലിലേക്ക് നാടുകടത്തുകയും ചെയ്തു.<br />
<br />
<br />
(പ്രിയ വി.ആര്.)</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%BF%E0%B4%AF%E0%B4%BE_%E0%B4%85%E0%B4%A1%E0%B5%8B%E0%B4%B3%E0%B5%8D%E2%80%8D%E0%B4%AB%E0%B5%86അപ്പിയാ അഡോള്ഫെ2008-02-26T09:13:07Z<p>116.68.64.48: </p>
<hr />
<div>= അപ്പിയാ അഡോള്ഫെ (1862 - 1928) =<br />
Appia Adolphe<br />
<br />
<br />
സ്വിസ് സംഗീതജ്ഞനും നാടകവേദി പരിഷ്കര്ത്താവും. ജനീവയിലും വിവി(Vevey)യിലും സെക്കന്ഡറി വിദ്യാഭ്യാസം പൂര്ത്തിയാക്കിയശേഷം അപ്പിയ ഡ്രെസ്ഡന്, ലീപ്സിഗ്, ബെറൂത്ത് എന്നീ സ്ഥലങ്ങളില്നിന്നും സംഗീതത്തില് ഉപരിപഠനം നടത്തി. ദൃശ്യരംഗവേദിയില് പരിവര്ത്തനങ്ങള് നടത്താനായി ഇദ്ദേഹം വിയന്നായിലും ഡ്രെസ്ഡനിലും പഠനങ്ങള് നടത്തി. 1895-ല് അഭിനയവേദിയെ സംബന്ധിച്ചു വിപ്ളവകരമായ ആശയങ്ങള് ഉള്ക്കൊള്ളുന്ന ഒരു പ്രബന്ധം പ്രസിദ്ധപ്പെടുത്തി. ലാ മിസേ-എന്-സീനേ ദൂ ദ്രാമെ വാഗ്നെറിയന് (La mise-en-scene du drame Wagnerien) എന്ന പ്രസ്തുത പ്രബന്ധം വഴി ഇദ്ദേഹം ഉന്നയിച്ച നിര്ദേശങ്ങള് വാഗ്നറുടെ സംഗീതിക (opera)യെ സംബന്ധിച്ച വിമര്ശനത്തിന്റെ രൂപത്തിലായിരുന്നു. സംഗീതവും ദൃശ്യവേദിയുമായുള്ള സമന്വയത്തിന്റെ അഭാവം ചൂണ്ടിക്കാണിച്ച് പുതിയ അവതരണ സമ്പ്രദായം ഇദ്ദേഹം നിര്ദേശിക്കുകയും അതിനുള്ള രൂപരേഖകള് രചിച്ചു പ്രകാശിപ്പിക്കുകയും ചെയ്തു.<br />
<br />
അപ്പിയയുടെ രണ്ടാമത്തെ കൃതി ദ് മുസിക് ഉന്ഡ് ദ് ഇന്സെനീറുങ് (Die Musik und Die Inscenierung -1899) മ്യൂണിച്ചില് പ്രസിദ്ധപ്പെടുത്തി. നടന്റെ ചലനങ്ങള് രംഗവാസികള്ക്ക് വേണ്ടപോലെ കാണത്തക്കവണ്ണം രംഗവേദി സജ്ജീകരിക്കുക, നടന് ആവശ്യമായ സ്ഥലസൌകര്യം ഉണ്ടാക്കിക്കൊടുക്കുക, സമുചിതമായ പ്രകാശവിന്യാസങ്ങള് ഏര്പ്പെടുത്തുക തുടങ്ങിയവയായിരുന്നു ഇദ്ദേഹത്തിന്റെ നിര്ദേശങ്ങള്. പശ്ചാത്തല ചിത്രങ്ങള്ക്ക് വലിയ പ്രാധാന്യം കല്പിച്ചില്ലെങ്കിലും വര്ണപ്രകാശത്തിന്റെ പ്രാധാന്യം ഇദ്ദേഹം ഊന്നിപ്പറഞ്ഞു. ഈ വസ്തുതകള് രംഗവേദിക്കാവശ്യമായ സ്ഥലവിസ്തൃതിക്ക് പ്രാധാന്യം നല്കി. 1921-ല് ജനീവയില് പ്രസിദ്ധപ്പെടുത്തിയ ഒരു കൃതിയില് ഈ കാര്യങ്ങള് ഇദ്ദേഹം സവിസ്തരം പ്രതിപാദിച്ചിട്ടുണ്ട്. ദൃശ്യവേദിയെ സംബന്ധിച്ചുള്ള ഇദ്ദേഹത്തിന്റെ അഭിപ്രായങ്ങള് പല ലേഖനങ്ങളിലും രേഖപ്പെടുത്തിയിട്ടുണ്ട്. നാടകവേദിയില് വിപ്ളവാത്മകമായ പരിവര്ത്തനങ്ങള് ഉളവാക്കിയ ഒരു പ്രവാചകനായിട്ടാണ് അപ്പിയയെ കരുതിവന്നത്. ജാക്വിസ്ദാന് ക്രോസേയുടെ സഹകരണത്തോടുകൂടി ഇദ്ദേഹം ഹെല്ലറായിലുള്ള സ്വന്തം വിദ്യാലയങ്ങളില് നിരവധി പരീക്ഷണനാടകങ്ങളും നൃത്തവിശേഷങ്ങളും അവതരിപ്പിച്ചിട്ടുണ്ട്. 1923-24 വര്ഷത്തില് ട്രിസ്റ്റാനും ഇസോള്ദേയും എന്ന ഓപ്പറ മിലാന് കലാമേളയില് ഇദ്ദേഹം അവതരിപ്പിച്ചു. അടുത്തവര്ഷം മറ്റു രണ്ടു ഓപ്പറകളും ഇദ്ദേഹത്തിന്റെ നിര്ദേശപ്രകാരം ബേസിലിലെ ഓപ്പറാഹൌസില് അവതരിപ്പിക്കപ്പെടുകയുണ്ടായി. രംഗവേദി സംബന്ധിച്ച് ഇദ്ദേഹം വരച്ച ചിത്രങ്ങള് സഹിതമുള്ള ഒരു സ്മാരകഗ്രന്ഥം ഇദ്ദേഹത്തിന്റെ മരണശേഷം 1929-ല് പ്രകാശിപ്പിക്കപ്പെട്ടു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B5%E0%B5%8D%E0%B4%AF%E0%B5%8B%E0%B4%AE%E0%B4%97%E0%B4%A4%E0%B4%BE%E0%B4%97%E0%B4%A4_%E0%B4%B8%E0%B4%82%E0%B4%98%E0%B4%9F%E0%B4%A8അന്താരാഷ്ട്ര വ്യോമഗതാഗത സംഘടന2008-02-26T09:12:23Z<p>116.68.64.48: </p>
<hr />
<div>= അന്താരാഷ്ട്ര വ്യോമഗതാഗത സംഘട =<br />
Intetnational Air Transport Association<br />
<br />
വിവിധ രാജ്യങ്ങളിലെ വിമാനസര്വീസുകളുടെ ലോകസംഘടന. ഇത് 1919-ല് സ്ഥാപിതമായി. ഈ സംഘടന രൂപവത്കരിക്കുന്നതിനുള്ള ആദ്യ സമ്മേളനം 1919 ആഗ. 25-ന് പ്രാഗില്വച്ചു കൂടി. ആഗ. 28-ന് സമ്മേളനം അംഗീകരിച്ച ഒരു പ്രമേയത്തിലൂടെ അന്താരാഷ്ട്ര വ്യോമഗതാഗതസംഘടന നിലവില്വന്നു.<br />
<br />
താമസിയാതെ സംഘടനയുടെ പ്രവര്ത്തനം അഞ്ചു ഭൂഖണ്ഡങ്ങളിലേക്കും വ്യാപിക്കുകയുണ്ടായി. മുഖ്യമായും ഓരോ രാജ്യത്തിലെയും പതാകാവാഹകവിമാനസര്വീസുകള് ഈ സംഘടനയില് അംഗങ്ങളാണ്. ഈ സര്വീസുകള് ദേശീയവും അന്താരാഷ്ട്രീയവുമായ വ്യോമയാനത്തിന്റെ ഏറിയ പങ്കും നിര്വഹിക്കുന്നു. ഇപ്പോള് 250-ല്പ്പരം രാജ്യങ്ങളിലെ വിമാനസര്വീസുകള് ഈ ലോകസംഘടനയിലെ അംഗങ്ങളാണ്.<br />
<br />
വ്യോമഗതാഗതത്തില് ഈ സംഘടന ഒരു പ്രധാന പങ്ക് വഹിക്കുന്നു. വിമാനയാത്ര നടത്തുവാന് പറ്റിയ സമയത്തെയും സാഹചര്യങ്ങളെയുംപറ്റി ഈ സംഘടന ശരിയായ വിവരം നല്കുന്നു. ഇത് ലോകത്തെങ്ങുമുള്ള വിമാനസര്വീസുകള്ക്ക് ഏറെ സഹായകമാണ്. കൂടാതെ ഏറ്റവും കുറഞ്ഞ നിരക്കില് വ്യോമഗതാഗതം സാധ്യമാക്കാനും ഈ സംഘടന ശ്രമിക്കുന്നു. വിവിധ രാജ്യങ്ങളിലെ വിമാനസര്വീസുകളുടെ സംയുക്ത പ്രയത്നത്തെ ഈ സംഘടന ഏകോപിപ്പിക്കുകയും ചെയ്യുന്നു. ഓരോ രാജ്യത്തും നാണയവും ഭാഷയും നിയമങ്ങളും അളവുകള്പോലും വ്യത്യസ്തങ്ങളാണ്. ഇത് അന്തര്ദേശീയസഞ്ചാരികള്ക്ക് വലിയ ബുദ്ധിമുട്ടുണ്ടാക്കുന്നു. ഏതെങ്കിലും ഒരു രാജ്യത്തിനു മാത്രമായി അഥവാ ഏതാനും ചിലതിനു മാത്രമായി പരിഹരിക്കാന് സാധ്യമല്ലാത്ത ഈവക പ്രശ്നങ്ങള്ക്ക് യോജിച്ചുള്ള പ്രവര്ത്തനത്തിലൂടെ പരിഹാരം കണ്ടെത്തുവാന് ഈ ലോകസംഘടനയ്ക്കു സാധിക്കുന്നു.<br />
<br />
സംഘടനയുടെ അധികാരം, അതിന്റെ വാര്ഷിക പൊതുയോഗത്തില് നിക്ഷിപ്തമാണ്. ഇതില് അംഗരാഷ്ട്രങ്ങള്ക്കെല്ലാം തുല്യമായ വോട്ടവകാശമുണ്ട്. വാര്ഷിക യോഗം തെരഞ്ഞെടുക്കുന്ന എക്സിക്യൂട്ടീവ് കമ്മിറ്റി ഓരോ വര്ഷത്തേക്കുമുള്ള നയപരിപാടികള് രൂപവത്കരിക്കുന്നു. പ്രധാന വിമാനസര്വീസുകളുടെ പ്രതിനിധികള്, പലപ്പോഴും അവയുടെ അധ്യക്ഷന്മാര്, ചേര്ന്നതാണ് ഈ കമ്മിറ്റി. കൂടാതെ, ധനപരവും നിയമപരവും സാങ്കേതികവും വൈദ്യസഹായപരവും മറ്റുമായ വിഷയങ്ങളില് സംഘടനയുടെ പ്രവര്ത്തനങ്ങളെ സഹായിക്കാന് ഓരോന്നിലും വിദഗ്ധന്മാരുള്പ്പെട്ട പ്രത്യേക ഉപദേശകസമിതികള് രൂപവത്കരിക്കപ്പെടുന്നു.<br />
<br />
യാത്രാസൌകര്യങ്ങളെപ്പറ്റി ആലോചിക്കാന് കൂടുന്ന പ്രത്യേക സമ്മേളനങ്ങളാണ് കൂലിനിരക്കും മറ്റു ബന്ധപ്പെട്ട കാര്യങ്ങളും തീരുമാനിക്കുന്നത്. എന്നാല് ഓരോ വിമാന സര്വീസിന്റെയും കൂലിനിരക്ക്, സേവനവ്യവസ്ഥകള്, വേതനക്രമം എന്നിവയെപ്പറ്റിയുള്ള അതതിന്റെ നയങ്ങളില് സംഘടന യാതൊരു നിയന്ത്രണവും ചെലുത്തുന്നില്ല. അത്തരം കാര്യങ്ങളെപ്പറ്റി വിവിധ സര്വീസുകള്ക്ക് ഒന്നിച്ചു കൂടി ആലോചിക്കുവാന് ഒരു പൊതുവേദി ഒരുക്കുക മാത്രമേ സംഘടന ചെയ്യുന്നുള്ളു. അങ്ങനെ സ്വീകരിക്കപ്പെടുന്ന പൊതുതീരുമാനങ്ങള്പോലും അംഗസര്വീസുകള് അംഗീകരിച്ചുകൊള്ളണമെന്ന് നിര്ബന്ധമില്ല. ഏതൊരു തീരുമാനവും നിരാകരിക്കാനോ പരിഷ്കരിക്കാനോ അംഗരാഷ്ട്രങ്ങള്ക്ക് അധികാരമുണ്ട്. ഈ അധികാരം പലപ്പോഴും പ്രയോഗിക്കപ്പെട്ടിട്ടുമുണ്ട്.<br />
<br />
ഒരു അംഗസര്വീസ് ഉന്നയിക്കുന്ന നിര്ദേശത്തിനെതിരായി വോട്ടു ചെയ്യുവാനും അങ്ങനെ അതിനെ പരാജയപ്പെടുത്തുവാനും മറ്റെല്ലാ അംഗങ്ങള്ക്കും അവകാശമുണ്ട്. മാത്രമല്ല, സ്വന്തം വിമാനസര്വീസുകള്കൂടി ചേര്ന്നുകൊണ്ട്, സ്വീകരിക്കുന്ന തീരുമാനത്തെപ്പോലും തിരസ്കരിക്കുകയോ പരിഷ്കരിക്കുകയോ ചെയ്യാന് അവര്ക്ക് അധികാരമുണ്ട്. ഈ അധികാരം വിനിയോഗിക്കപ്പെട്ട സന്ദര്ഭങ്ങള് നിരവധിയാണ്.<br />
<br />
അന്താരാഷ്ട്ര വ്യോമഗതാഗതസംഘടനയുടെ വാര്ഷിക സമ്മേളനങ്ങളില് ഇന്ത്യ സജീവമായി പങ്കെടുക്കുന്നു. ഇന്ത്യന് വിമാനസര്വീസിന്റെ, മുന് ചെയര്മാന് ജെ.ആര്.ഡി. ടാറ്റാ 17 വര്ഷം എക്സിക്യൂട്ടീവ് കമ്മിറ്റിയില് അംഗമായിരുന്നു. യാത്രാസൌകര്യം വര്ധിപ്പിക്കാനും കൂലിനിരക്ക് കുറയ്ക്കാനും അങ്ങനെ ഇന്ത്യയില്ക്കൂടിയുള്ള അന്തര്ദേശീയ ഗതാഗതം അഭിവൃദ്ധിപ്പെടുത്താനും ഇന്ത്യന് വിമാനസര്വീസിനു സാധിച്ചിട്ടുണ്ട്. വിദേശ സഞ്ചാരികളെ ഇന്ത്യയിലേക്ക് കൂടുതല് ആകര്ഷിക്കാന് പറ്റിയ തരത്തില് വ്യോമഗതാഗതസൌകര്യങ്ങള് വര്ധിപ്പിച്ചിട്ടുണ്ട്.<br />
<br />
1950 മുതല് എയര്-ഇന്ത്യ ഈ ലോകസംഘടനയിലെ അംഗമാണ്. അതിനുശേഷം ചെലവുകുറഞ്ഞ വ്യോമഗതാഗതത്തിന്റെ വിവിധ മേഖലകളില് ഇന്ത്യ പല പരിഷ്കാരങ്ങളും ഏര്പ്പെടുത്തുവാന് കേന്ദ്രസംഘടനയുമായി സഹകരിച്ചു പ്രവര്ത്തിച്ചുവരുന്നു.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B5%E0%B5%86%E0%B4%A4%E0%B4%B0%E0%B5%8D%E2%80%8D%E0%B4%95%E0%B5%8B%E0%B4%A1%E0%B5%8Dഅന്താരാഷ്ട്ര വെതര്കോഡ്2008-02-26T09:10:18Z<p>116.68.64.48: </p>
<hr />
<div>= അന്താരാഷ്ട്ര വെതര്കോഡ് =<br />
International Weather Code<br />
<br />
കാലാവസ്ഥാ സൂചനയ്ക്കുതകുന്ന അന്തരീക്ഷ സ്ഥിതിവിവരം രാജ്യാന്തരതലത്തില് വിനിമയം ചെയ്യുവാന് ഉപയോഗിച്ചുവരുന്ന ചുരുക്കെഴുത്തുകളുടെ (codes) സംഹിത. അന്താരാഷ്ട്ര അംഗീകാരം സിദ്ധിച്ചിട്ടുള്ള 'വെതര്കോഡ്' അന്തരീക്ഷനിരീക്ഷണ ലോകസംഘടന(WMO)യുടെ ഔദ്യോഗിക പ്രസിദ്ധീകരണം കത-ല് A മുതല് D വരെ വാല്യങ്ങളായി ചേര്ത്തിരിക്കുന്നു.<br />
<br />
ആര്ദ്രോഷ്ണസ്ഥിതിയെ സൂചിപ്പിക്കുന്ന സന്ദേശങ്ങള് അഞ്ച് അക്കങ്ങള് അടങ്ങിയ ഗ്രൂപ്പുകളായാണ് നല്കിവരുന്നത്. ചിലപ്പോള് നാലക്കം മാത്രമുള്ള ഗ്രൂപ്പുകളും ഉണ്ടാകാറുണ്ട്. താഴെപ്പറയുന്നവയില് ഏതെങ്കിലും ഒന്നിനെ പ്രതിനിധാനം ചെയ്യുന്ന അക്കങ്ങളാണ് ഉണ്ടായിരിക്കുക. (1) ഏതെങ്കിലും ഒരു ആര്ദ്രോഷ്ണമൂലകത്തിന്റെ (weather element) പ്രതീകമായ അക്കം. (2) പ്രസക്തമൂലകത്തിന്റെ തോത്, തീവ്രത തുടങ്ങിയവയില് ഏതെങ്കിലും ഒന്നിനെ ദ്യോതിപ്പിക്കുന്ന അക്കം. (3) ഗ്രൂപ്പിലെ മറ്റക്കങ്ങളെ വിശകലനം ചെയ്യുന്നതിനു സഹായകമായ വിവരം നല്കുന്ന അക്കം. (4) ഏതു പ്രത്യേക കേന്ദ്രത്തില് നിന്നാണ് സന്ദേശം അയയ്ക്കപ്പെടുന്നത് എന്നു സൂചിപ്പിക്കുന്ന അക്കം. (5) പ്രസക്ത കേന്ദ്രം (station) ഏതു രാജ്യത്തേതാണ്, കരയാണോ കടലാണോ എന്നൊക്കെയുള്ള വിവരം നല്കുന്ന സൂചക അക്കം. ഈ അക്കങ്ങള് പ്രത്യേക ക്രമവത്കരണത്തോടെ ഗ്രൂപ്പു ചെയ്ത്, മുറയനുസരിച്ചു വിനിമയം ചെയ്യപ്പെടുന്നു. ഇവയുടെ വിശദരൂപം ലോകത്തിന്റെ ഏതു കോണിലുമുള്ള നിരീക്ഷകര്ക്ക് സുഗ്രഹമാണ്.<br />
<br />
അന്തരീക്ഷ നിരീക്ഷണരംഗത്തു നിലവിലുള്ള അന്താരാഷ്ട്ര സഹകരണം കൂടുതല് ഫലവത്താക്കുവാന് ഏകീകൃതമായ സംജ്ഞാസംഹിത വളരെയധികം സഹായകമായിരിക്കുന്നു. നോ: ഇന്ത്യന് അന്തരീക്ഷ നിരീക്ഷണ വകുപ്പ്</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%AA%E0%B5%8D%E0%B4%AA%E0%B4%BF%E0%B4%AF%E0%B4%BE%E0%B4%A8%E0%B5%8D%E2%80%8Dഅപ്പിയാന്2008-02-26T09:09:39Z<p>116.68.64.48: </p>
<hr />
<div>= അപ്പിയാന് =<br />
Appian<br />
<br />
റോമന് ചരിത്രകാരന്. എ.ഡി. 2-ാം ശ.-ത്തിലാണ് ഇദ്ദേഹത്തിന്റെ ജീവിതകാലം. ട്രാജന് ചക്രവര്ത്തിയുടെ (53-117) ഭരണകാലത്ത് (98-117) ഇദ്ദേഹം അലക്സാണ്ട്രിയയില്നിന്നു റോമില് എത്തി. ഹാഡ്രിയന് ചക്രവര്ത്തിയുടെയും (76-138) അന്റോണിനസ് പയസ് ചക്രവര്ത്തിയുടെയും (86-161) കീഴില് അപ്പിയാന് സേവനം അനുഷ്ഠിച്ചതായി കരുതപ്പെടുന്നു. ഇദ്ദേഹത്തിന് 'പ്രൊക്യുറേറ്റര്' (Procurator) പദവി ലഭിച്ചിരുന്നു. ഗ്രീക് ഭാഷയിലുള്ള റൊമൈക്കാ (Romaika) എന്ന റോമന് ചരിത്രത്തിന്റെ കര്ത്താവെന്ന നിലയ്ക്കാണ്, ഇദ്ദേഹത്തിന്റെ പ്രശസ്തി. റോമിന്റെ ആദ്യകാലം മുതല് അഗസ്റ്റസ് ചക്രവര്ത്തിയുടെ കാലം (എ.ഡി. 14) വരെയുള്ള റോമന് ചരിത്രമാണ് ഇതിലെ പ്രതിപാദ്യം. റോമാക്കാര് കീഴടക്കി ഭരിച്ചിരുന്ന ജനങ്ങളെപ്പറ്റിയും ഈ ചരിത്രഗ്രന്ഥത്തില് പരാമര്ശിച്ചിട്ടുണ്ട്. ഒട്ടാകെ 24 ഗ്രന്ഥങ്ങള് ഇദ്ദേഹത്തിന്റേതായിട്ടുണ്ടെങ്കിലും ഇവയില് പലതും ഇന്ന് ലഭ്യമല്ല.</div>116.68.64.48http://web-edition.sarvavijnanakosam.gov.in/index.php?title=%E0%B4%85%E0%B4%A8%E0%B5%8D%E0%B4%A4%E0%B4%BE%E0%B4%B0%E0%B4%BE%E0%B4%B7%E0%B5%8D%E0%B4%9F%E0%B5%8D%E0%B4%B0_%E0%B4%B5%E0%B5%86%E0%B4%A4%E0%B4%B0%E0%B5%8D%E2%80%8D%E0%B4%95%E0%B5%8B%E0%B4%A1%E0%B5%8Dഅന്താരാഷ്ട്ര വെതര്കോഡ്2008-02-26T09:09:31Z<p>116.68.64.48: </p>
<hr />
<div>= അന്താരാഷ്ട്ര വെതര്കോഡ് =<br />
International Weather Code<br />
<br />
കാലാവസ്ഥാ സൂചനയ്ക്കുതകുന്ന അന്തരീക്ഷ സ്ഥിതിവിവരം രാജ്യാന്തരതലത്തില് വിനിമയം ചെയ്യുവാന് ഉപയോഗിച്ചുവരുന്ന ചുരുക്കെഴുത്തുകളുടെ (codes) സംഹിത. അന്താരാഷ്ട്ര അംഗീകാരം സിദ്ധിച്ചിട്ടുള്ള 'വെതര്കോഡ്' അന്തരീക്ഷനിരീക്ഷണ ലോകസംഘടന(WMO)യുടെ ഔദ്യോഗിക പ്രസിദ്ധീകരണം കത-ല് A മുതല് D വരെ വാല്യങ്ങളായി ചേര്ത്തിരിക്കുന്നു.<br />
<br />
ആര്ദ്രോഷ്ണസ്ഥിതിയെ സൂചിപ്പിക്കുന്ന സന്ദേശങ്ങള് അഞ്ച് അക്കങ്ങള് അടങ്ങിയ ഗ്രൂപ്പുകളായാണ് നല്കിവരുന്നത്. ചിലപ്പോള് നാലക്കം മാത്രമുള്ള ഗ്രൂപ്പുകളും ഉണ്ടാകാറുണ്ട്. താഴെപ്പറയുന്നവയില് ഏതെങ്കിലും ഒന്നിനെ പ്രതിനിധാനം ചെയ്യുന്ന അക്കങ്ങളാണ് ഉണ്ടായിരിക്കുക. (1) ഏതെങ്കിലും ഒരു ആര്ദ്രോഷ്ണമൂലകത്തിന്റെ (ംലമവേലൃ ലഹലാലി) പ്രതീകമായ അക്കം. (2) പ്രസക്തമൂലകത്തിന്റെ തോത്, തീവ്രത തുടങ്ങിയവയില് ഏതെങ്കിലും ഒന്നിനെ ദ്യോതിപ്പിക്കുന്ന അക്കം. (3) ഗ്രൂപ്പിലെ മറ്റക്കങ്ങളെ വിശകലനം ചെയ്യുന്നതിനു സഹായകമായ വിവരം നല്കുന്ന അക്കം. (4) ഏതു പ്രത്യേക കേന്ദ്രത്തില് നിന്നാണ് സന്ദേശം അയയ്ക്കപ്പെടുന്നത് എന്നു സൂചിപ്പിക്കുന്ന അക്കം. (5) പ്രസക്ത കേന്ദ്രം (മെേശീിേ) ഏതു രാജ്യത്തേതാണ്, കരയാണോ കടലാണോ എന്നൊക്കെയുള്ള വിവരം നല്കുന്ന സൂചക അക്കം. ഈ അക്കങ്ങള് പ്രത്യേക ക്രമവത്കരണത്തോടെ ഗ്രൂപ്പു ചെയ്ത്, മുറയനുസരിച്ചു വിനിമയം ചെയ്യപ്പെടുന്നു. ഇവയുടെ വിശദരൂപം ലോകത്തിന്റെ ഏതു കോണിലുമുള്ള നിരീക്ഷകര്ക്ക് സുഗ്രഹമാണ്.<br />
<br />
അന്തരീക്ഷ നിരീക്ഷണരംഗത്തു നിലവിലുള്ള അന്താരാഷ്ട്ര സഹകരണം കൂടുതല് ഫലവത്താക്കുവാന് ഏകീകൃതമായ സംജ്ഞാസംഹിത വളരെയധികം സഹായകമായിരിക്കുന്നു. നോ: ഇന്ത്യന് അന്തരീക്ഷ നിരീക്ഷണ വകുപ്പ്</div>116.68.64.48