This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
തെര്‍മൊപ്ളാസ്റ്റിക് റെക്കോഡിങ്
സര്‍വ്വവിജ്ഞാനകോശം സംരംഭത്തില്‍ നിന്ന്
തെര്‍മൊപ്ലാസ്റ്റിക് റെക്കോഡിങ്
Thermoplastic recording
തെര്‍മോപ്ലാസ്റ്റിക് പ്രതലത്തില്‍ പ്രതിബിംബങ്ങള്‍ ആലേഖനം ചെയ്യാനുള്ള സംവിധാനം. യു.എസ്.ഭൗതികശാസ്ത്രജ്ഞനായ വില്യം ഇ. ഗ്ലെന്‍ ആണ് ഇതിന്റെ ഉപജ്ഞാതാവ് (1959).
രണ്ടുരീതിയില്‍ ഇത് പ്രാവര്‍ത്തികമാക്കാം. ഒരു ഗ്ലാസ് അടിത്തറയ്ക്കു മുകളില്‍ സുതാര്യവും വിദ്യുത്ചാലകവുമായ പദാര്‍ഥം കൊണ്ടു തയ്യാറാക്കിയ ഒരു പാളി, അതിനു മുകളില്‍ ഉരുകല്‍ താപനില കുറവായ തെര്‍മോപ്ലാസ്റ്റിക് പദാര്‍ഥം ഉപയോഗിച്ച് രൂപപ്പെടുത്തിയ നേര്‍ത്ത പാളി എന്നിങ്ങനെ ക്രമീകരിച്ചുള്ളതാണ് ഒന്നാമത്തെ സംവിധാനം. തെര്‍മോപ്ലാസ്റ്റിക് പാളിയുടെ പ്രതലത്തില്‍ ഇലക്ട്രോണ്‍ ഗണ്‍ ഉപയോഗിച്ച് വിദ്യുത് ചാര്‍ജുകള്‍ നിപതിപ്പിച്ച് ആലേഖനം ചെയ്യേണ്ട രൂപത്തിന്റെ പ്രതിബിംബം സൃഷ്ടിക്കുന്നു. തുടര്‍ന്ന് പാളിയെ നേരിയ തോതില്‍ തപിപ്പിക്കുമ്പോള്‍ പ്രതലത്തിലുള്ള വിദ്യുത് ചാര്‍ജുകള്‍ രൂപപ്പെടുത്തുന്ന സ്ഥിര വൈദ്യുത മണ്ഡലത്തിന്റെ പ്രഭാവത്തില്‍ തെര്‍മൊപ്ലാസ്റ്റിക് പ്രതലത്തില്‍ ചെറിയ 'അലകള്‍' രൂപംകൊള്ളുന്നു. പാളിയെ തണുപ്പിക്കുന്നതോടെ ഈ 'അലകള്‍' പ്രതലത്തില്‍ സ്ഥിരമായി പതിയുകയും ചെയ്യുന്നു.
കൂടിയ ആലേഖന വേഗത, ദ്രുതഗതിയിലുള്ള പ്രതിബിംബ വികാസം, പ്രകാശിക രീതിയിലും ഇലക്ട്രോണിക രീതിയിലും ഉള്ള പ്രവര്‍ത്തനക്ഷമത, പഴയ പ്രതിബിംബങ്ങള്‍ മായ്ച്ച് പുതിയവ പതിപ്പിക്കുന്നതിലുള്ള ക്ലേശക്കുറവ് എന്നീ ഗുണമേന്മകള്‍ തെര്‍മോപ്ലാസ്റ്റിക് റെക്കോഡിങ്ങിനുണ്ട്. അന്തര്‍ജലീയ ഛായാഗ്രഹണം, വിവര സംഭരണം, മാപ്പിങ്, ടെലിവിഷന്‍ പ്രേഷണം, ഹൈ-റെസൊല്യൂഷന്‍ ഡിസ്പ്ളേ തുടങ്ങിയവയ്ക്ക് ഇവ അനുയോജ്യമാണ്.
