This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

തിരൂര്‍ അഞ്ചടികള്‍

സര്‍വ്വവിജ്ഞാനകോശം സംരംഭത്തില്‍ നിന്ന്

തിരൂര്‍ അഞ്ചടികള്‍

സന്മാര്‍ഗ പ്രതിപാദകങ്ങളായ ചെറിയ പാട്ടുകള്‍. മലബാറിലാണ് ഇത്തരം പാട്ടുകളുടെ ഉത്പത്തിയെന്ന് ഗുണ്ടര്‍ട്ട് നിഘണ്ടുവില്‍ പരാമര്‍ശം കാണുന്നുണ്ട്. നിയതക്രമത്തിലോ വൃത്താനുബദ്ധമാ യോ അല്ല ഇവയുടെ രചനകളെങ്കിലും ഉപദേശ പ്രധാനങ്ങളായ ഗുണദോഷവാക്യങ്ങളാണ് ഉള്ളടക്കമെന്ന പ്രത്യേകത ഇതിലെ വരികള്‍ക്കുണ്ട്. 10-ാം ശ. ആണ് ഇതിന്റെ രചനാകാലമെന്ന് ഊഹിക്കുന്നു.'ഇരതെണ്ടിത്തന്നെ പകലും കഴിഞ്ഞു'എന്ന വരികള്‍ തിരൂര്‍ അഞ്ചടികളിലേതാണെന്ന് ഗുണ്ടര്‍ട്ട് സാക്ഷ്യപ്പെടുത്തിയിട്ടുണ്ട്. കോഴിക്കോടിനടുത്തുള്ള കണ്ണിരപ്പറമ്പത്ത് അഞ്ചടി എന്ന പാട്ടില്‍ നിന്നുമുള്ള ചില വരികള്‍:

'പലരോടും നിനയാതൊരു കാര്യം തുടങ്ങൊല്ല,

പണം മോഹിച്ചൊരുത്തനെച്ചതിച്ചീടൊല്ല

അറിവുള്ള ജനങ്ങളോടെതിര്‍പ്പാനും നിനയ്ക്കൊല്ല

അരചനെക്കെടുത്തൊന്നും പറഞ്ഞീടൊല്ല

ഗുരുനാഥനരുള്‍ ചെയ്താലെതിര്‍വാക്കു പറകൊല്ല'

എന്നിങ്ങനെയുള്ള ഉപദേശങ്ങളാണ് ഇവയിലെ ഉള്ളടക്കം.

താളിന്റെ അനുബന്ധങ്ങള്‍
സ്വകാര്യതാളുകള്‍