This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡൌഗെര്‍റ്റി, പോള്‍ (1877 - 1947)
സര്‍വ്വവിജ്ഞാനകോശം സംരംഭത്തില്‍ നിന്ന്
ഡൌഗെര്‍റ്റി, പോള്‍ (1877 - 1947)
Dougherty,Paul
അമേരിക്കന്‍ ചിത്രകാരന്‍. 1877 സെപ്. 6-ന് ന്യൂയോര്‍ക്കില്‍ ജനിച്ചു. 1898-ല്‍ ന്യൂയോര്‍ക്ക് ലാ സ്കൂളില്‍ നിന്ന് നിയമ ബിരുദം നേടി. എങ്കിലും കൗമാരകാലത്തുതന്നെ ചിത്രരചനയില്‍ വൈദഗ്ധ്യം പ്രകടിപ്പിച്ചിരുന്ന ഡൌഗെര്‍റ്റി 1900-05 കാലയളവില്‍ ലണ്ടനിലും പാരിസിലും മ്യൂണിക്കിലും മറ്റും താമസിച്ച് ചിത്രരചനയില്‍ പരിശീലനം നേടുകയും അനേകം ചിത്രങ്ങള്‍ വരയ്ക്കുകയും ചെയ്തു. പിന്നീട് അമേരിക്കയിലെത്തിയ ഡൗഗെര്‍റ്റിയുടെ പ്രകൃതിദൃശ്യ രചനകള്‍ വളരെയധികം പ്രചാരംനേടി.
ന്യൂ ഇംഗ്ളണ്ട് തീരത്തിലൂടെ പല യാത്രകളും നടത്തിയ ഡൗഗെര്‍റ്റിയുടെ സമുദ്രസംബന്ധമായ ചിത്രരചനകളാണ് ഇദ്ദേഹ ത്തെ കൂടുതല്‍ പ്രശസ്തനാക്കിയത്. പ്രസിദ്ധ രചനയായ ഒക്ടോബര്‍ ഡീസ് (1910) ന്യൂയോര്‍ക്ക് പട്ടണത്തിലെ മെട്രൊപൊളിറ്റന്‍ മ്യൂസിയം ഒഫ് ആര്‍ട്ടില്‍ സൂക്ഷിച്ചിരിക്കുന്നു. ഇതിനു പുറമേ അ നേകം മലയോര ദൃശ്യങ്ങളും വ്യക്തിചിത്രങ്ങളും ഡൗഗെര്‍റ്റി ക്യാന്‍വാസിലേക്കു പകര്‍ത്തിയിട്ടുണ്ട്.
1947 ജനു. 9-ന് കാലിഫോര്‍ണിയയിലെ പാം സ്പ്രിങ്സില്‍ ഡൗഗെര്‍റ്റി അന്തരിച്ചു.
