This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡൈന്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ഡൈന്‍
Dyne
ഭൗതികശാസ്ത്ര പ്രകാരം ബലത്തിന്റെ സി.ജി.എസ്. (C.G.S) യൂണിറ്റ്. ന്യൂട്ടന്റെ രണ്ടാം ചലന നിയമമനുസരിച്ച് ഒരു വസ്തുവിന്മേല്‍ പ്രവര്‍ത്തിക്കുന്ന ബലം (F) ആ വസ്തുവിന്റെ ദ്രവ്യമാന(M)ത്തിന്റേയും ബലപ്രയോഗത്താല്‍ വസ്തുവിനുണ്ടാകുന്ന ത്വരണ (acceleration-a)ത്തിന്റേയും ഗുണനഫലമാണ്. അതായത് F = Ma.
C.G.S മാത്രാ പദ്ധതിയില്‍ ദ്രവ്യമാനത്തിന്റെ യൂണിറ്റ് ഗ്രാമും ത്വരണത്തിന്റേത് സെ.മീ./(സെക്കന്‍ഡ്)2-ഉം ആയതിനാല്‍ ഡൈ നിനെ താഴെക്കൊടുത്തിരിക്കുന്ന വിധത്തില്‍ നിര്‍വചിക്കാം.
ഒരു ഗ്രാം ദ്രവ്യമാനമുള്ള വസ്തുവില്‍ പ്രവര്‍ത്തിച്ച് അതില്‍ 1 സെ.മീ./(സെ.)2 ത്വരണം സൃഷ്ടിക്കാന്‍ കഴിയുന്ന ബലമാണ് ഒരു ഡൈന്‍.
ബലത്തിന്റെ പ്രായോഗിക യൂണിറ്റ് 1 കിലോഗ്രാം വെയ്റ്റ് (kgwt) ആണ്. 1 കി.ഗ്രാം വെയ്റ്റ് = 980 ഡൈന്‍.
M.K.S / S.l. മാത്രാ പദ്ധതികളില്‍ ബലത്തിന്റെ യൂണിറ്റ് ന്യൂട്ടന്‍ (Newton-N) ആണ്. 1 ന്യൂട്ടന്‍ = 105 ഡൈന്‍.
(ഡോ. എം.എന്‍. ശ്രീധരന്‍ നായര്‍)
