This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡെലവേര്‍ നദി
സര്‍വ്വവിജ്ഞാനകോശം സംരംഭത്തില്‍ നിന്ന്
ഡെലവേര്‍ നദി
Delaware River
വ. കിഴക്കന്‍ യു.എസ്സിലെ ഒരു പ്രധാന നദി. ന്യൂയോര്‍ക്കിലെ കാറ്റ്സ്കില്‍ മലനിരകളില്‍ നിന്നുമുദ്ഭവിക്കുന്ന ഡെലവേര്‍ രണ്ടു ശാഖകളായൊഴുകി ഹാന്‍കോക്കില്‍ (Hancock) സംഗമിക്കുന്നു. തുടര്‍ന്ന് തെ. കിഴക്കന്‍ ദിശ സ്വീകരിക്കുന്ന നദി സു. 450 കി.മീ. ഒഴുകിയശേഷം ഡെലവേര്‍ ഉള്‍ക്കടലില്‍ പതിക്കുന്നു.
ഡെലവേര്‍ നദിയുടെ കിഴക്കന്‍ ശാഖയ്ക്ക് 121 കി.മീറ്ററും പടിഞ്ഞാറന്‍ ശാഖയ്ക്ക് 145 കി.മീറ്ററും നീളമുണ്ട്. ഏകദേശം 31,100 ച.കി.മീ. പ്രദേശത്തെ നദി ജലസിക്തമാക്കുന്നു. നെവര്‍ സിങ്ക് (Never Sink), കലികൂന്‍ (Callicoon), മോങ്ഗൊപ് (Mongaup), ലിഹൈ (Lehigh), ഷൂയ് ല്‍കില്‍ (Schuyil Kill), മസ്കനറ്റ്കോങ് (Musconet Cong) തുടങ്ങിയവയാണ് ഡെലവേറിന്റെ പ്രധാന പോഷകനദികള്‍. ചെസപീക്, ഡെലവേര്‍ കനാലുകള്‍ നദിയെ ചെസപീക് ഉള്‍ക്കടലുമായി ബന്ധിപ്പിക്കുന്നു.
ഒരു പ്രധാന ജലപാതയായ ഡെലവേര്‍ നദിയില്‍ നിന്നും വന്‍തോതില്‍ ജലവൈദ്യുതോര്‍ജം ഉത്പാദിപ്പിക്കുന്നുണ്ട്. നദിചുറ്റിവളഞ്ഞു പോകുന്ന ഭാഗത്തെ പ്രകൃതിരമണീയമായ ഭൂപ്രദേശം 'ഡെലവേര്‍ വാട്ടര്‍ ഗാപ്' (Delaware Water gap) എന്ന പേരില്‍ അറിയപ്പെടുന്നു. ഒരു പ്രധാന വിനോദ സഞ്ചാര കേന്ദ്രം കൂടിയാണിവിടം. ഇടുങ്ങിയ ഈ താഴ്വര പ്രദേശത്തിന് ഏകദേശം 4 കി.മീ. നീളമുണ്ട്. ഡെലവേര്‍ നദി കിറ്റാറ്റിനി ഉന്നത തടങ്ങളെ (Kittatinny ridges) മുറിച്ചു കടക്കുന്നതിന്റെ ഫലമായി രൂപമെടുത്തിരിക്കുന്ന ഈ മലയിടുക്കിന് ഇരുവശത്തുമായി കാണപ്പെടുന്ന ചെങ്കുത്തായ ഭൂപ്രദേശത്തിന്റെ ഉയരം സു. 365 മീ.യാണ്. 275 മീ. യാണ് 'ഗാപി'ന്റെ ശ.ശ. വീതി.
