സര്‍വ്വവിജ്ഞാനകോശം സംരംഭത്തില്‍ നിന്ന്
ടോം-ടോം
Tom-Tom
ഒരു പ്രാചീന ചര്‍മവാദ്യം. സിലിര്‍ ആകൃതിയിലുള്ള തടികൊണ്ടു നിര്‍മിച്ചതും ഒരു വശം മാത്രം തുകല്‍ കൊണ്ട് പൊതിഞ്ഞതുമായ വാദ്യമാണ് ഇതിന്റെ ആദിമ രൂപം. അതില്‍ കൈകൊണ്ട് കൊട്ടിയാണ് നാദം
പുറപ്പെടുവിക്കുക. പൊതുവെ ഉച്ചസ്ഥായിയിലുള്ള സ്വരമാണ് ഇതില്‍ നിന്ന് പുറപ്പെടുന്നത്. അമരിന്ത്യന്‍ വംശജരുടെയിടയിലും കിഴക്കന്‍ രാജ്യങ്ങളിലെ ഗോത്രമേഖലയിലും ഇത് ആദിമകാലത്തുതന്നെ നിലനിന്നിരുന്നു. ഇത് ഒരു വാദ്യത്തിന്റെയെന്നതിലേറെ ഇത്തരം വാദ്യങ്ങളുടെ പൊതുനാമധേയമാണ്. രണ്ടുവശവും തുകല്‍ പൊതിഞ്ഞ തരം ടോം-ടോമും നിലവിലുണ്ട്. അതില്‍ ഇരുവശങ്ങളെയും ചരടുകള്‍ കൊണ്ട് ബന്ധിച്ചിരിക്കും. ചരടുകള്‍ക്കിടയില്‍ ലോഹ വളയങ്ങളുമുണ്ടാകും. വളയങ്ങളുടെ സ്ഥാനം മാറ്റി ശ്രുതിവ്യത്യാസം വരുത്തുന്നതിനുള്ള സൗകര്യവും ഇതിലുണ്ട്. ഇത്തരം വാദ്യങ്ങളില്‍ കൈകൊണ്ടു കൊട്ടുന്നതുപോലെ തന്നെ തടികൊണ്ടും കൊട്ടാറുണ്ട്. ഇതിന്റെ പരിഷ്കൃതരൂപമായ ഇരട്ട വാദ്യവും ടോം-ടോം എന്നു തന്നെ അറിയപ്പെടുന്നു. ഇവ ആധുനിക പാശ്ചാത്യ നൃത്തത്തിലും അപൂര്‍വം ഓര്‍ക്കെസ്ട്രകളിലും വിശേഷനാദം സൃഷ്ടിക്കുന്നതിനായി ഉപയോഗിച്ചുവരുന്നു.
