This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

ചതയം

ഇരുപത്തേഴ് നക്ഷത്രങ്ങളില്‍ ഇരുപത്തിനാലാമത്തെ നക്ഷത്രം. സംസ്കൃതത്തില്‍ ശതഭിഷക് എന്നുപറയുന്നു. ശതതാരക, പ്രാചേതസ്സ്, വരുണന്‍ എന്നിവയും ചതയത്തിന്റെ പര്യായങ്ങളാണ്. ജ്യോതിശ്ശാസ്ത്രത്തില്‍ ഈ നക്ഷത്രത്തിന്റെ പേരു λ -അക്വാരീ (λ -Aquarii) എന്നാണ്. ഈ നക്ഷത്രസമൂഹത്തില്‍ അനേകം നക്ഷത്രങ്ങളാണുള്ളത്. കുംഭരാശിയിലെ 6^o40' മുതല്‍ 20^o വരെയുള്ള രാശിചക്രമേഖലയെയാണ് ചതയം നക്ഷത്രം എന്നു ജ്യോതിഷത്തില്‍ പറയുന്നത്. ചതയവും ഹസ്തവും അന്യോന്യം വേധമുള്ളവയാണത്രെ. ചതയം നാളില്‍ ജനിച്ചാല്‍ വാഗ്മിത്വം, ധൂര്‍ത്ത്, ധനികത, സാഹസികത ഇത്യാദി ഫലങ്ങള്‍ ബന്ധപ്പെട്ട ദശയില്‍ ഉണ്ടാകും എന്നാണ് ജ്യോതിഷവിശ്വാസം.

(ഡോ. കെ.പി. ധര്‍മരാജയ്യര്‍)