This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ഗോശാലശാസനം

സര്‍വ്വവിജ്ഞാനകോശം സംരംഭത്തില്‍ നിന്ന്

ഗോശാലശാസനം

തിരുവന്തപുരത്തെ ശ്രീപദ്മനാഭസ്വാമിക്ഷേത്രപരിസരത്തുള്ള തിരുവമ്പാടി ശ്രീകൃഷ്ണ ക്ഷേത്രത്തിനു ചുറ്റും കാണുന്ന ഗോശാലയിലെ ശാസനം. എ.ഡി. 1195 മുതല്‍ 1205 വരെയുള്ള കാലഘട്ടത്തില്‍ വേണാട് ഭരിച്ചിരുന്ന, മണികണ്ഠ രാമവര്‍മ എന്നുകൂടി പേരുള്ള വീരരാമവര്‍മയുടെ കാലത്തേതാണ് ഈ ശാസനം. തിരുവമ്പാടിക്ഷേത്രത്തിലേക്ക് മരുതമണ്‍ ഗ്രാമക്കാരനായ ആദിത്യരാമന്‍ ഒരു വെള്ളിച്ചെണ്ട കാഴ്ചവച്ചതാണ് ഇതിലെ പരാമര്‍ശം. ഈ ശാസനത്തിന്റെ കാലനിര്‍ണയ കാര്യത്തില്‍ പണ്ഡിതന്മാര്‍ക്കിടയില്‍ അഭിപ്രായഭിന്നതയുണ്ട്. കൊ.വ. 365 എന്ന് പ്രൊഫ. പി. സുന്ദരം പിള്ളയും കൊ.വ. 371 എന്ന് കെ.പി. സുബ്രഹ്മണ്യയ്യരും അഭിപ്രായപ്പെടുന്നു. ഗോശാലശാസനം രണ്ടു ഭാഷകളിലായാണ് കൊത്തിയിട്ടുള്ളത്; മുഖവുര സംസ്കൃതത്തിലും ബാക്കിയുള്ള ഭാഗം മലയാളത്തിലും. ശാസനത്തില്‍ പരാമര്‍ശിക്കപ്പെട്ടിട്ടുള്ള ആദിത്യരാമന്‍ വീരരാമവര്‍മയുടെ മുന്‍ഗാമിയായിരുന്ന ഉദയമാര്‍ത്താണ്ഡ വര്‍മയുടെ (1175-95) കുടപിടിപ്പുകാരനായിരുന്നു (ഛത്രവാഹി) എന്നു ശാസനം വ്യക്തമാക്കുന്നു.

(എ. ശ്രീധരമേനോന്‍)

താളിന്റെ അനുബന്ധങ്ങള്‍
സ്വകാര്യതാളുകള്‍