This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ഗോള്‍ഡന്‍ ബുള്‍

സര്‍വ്വവിജ്ഞാനകോശം സംരംഭത്തില്‍ നിന്ന്

ഗോള്‍ഡന്‍ ബുള്‍

ഗോള്‍ഡന്‍ ബുള്‍ മുദ്ര

മധ്യകാലഘട്ടത്തില്‍ രാജാക്കന്മാര്‍ സുവര്‍ണമുദ്ര പതിച്ച് ഇറക്കിയിരുന്ന ഔദ്യോഗിക വിളംബരം. അതിപ്രധാനമായ രാഷ്ട്രീയ രേഖകളില്‍ മാത്രമേ ഇത്തരം മുദ്രകള്‍ പതിച്ചിരുന്നുള്ളൂ. ജര്‍മനിയിലെ രാജാക്കന്മാര്‍ ഇത്തരം നിരവധി വിളംബരങ്ങള്‍ പുറപ്പെടുവിച്ചിട്ടുണ്ട്. ജര്‍മന്‍ ചക്രവര്‍ത്തിയായിരുന്ന ചാള്‍സ് കഢ 1356-ല്‍ പുറപ്പെടുവിച്ച വിളംബരമാണ് ഇക്കൂട്ടത്തില്‍ പ്രശസ്തമായിട്ടുള്ളത്. ചക്രവര്‍ത്തിമാരുടെ തെരഞ്ഞെടുപ്പ്, സ്ഥാനാരോഹണം, തെരഞ്ഞെടുപ്പില്‍ പങ്കെടുക്കാന്‍ അധികാരപ്പെട്ടവര്‍ തുടങ്ങിയ കാര്യങ്ങള്‍ ഇതില്‍ വിവരിച്ചിരിക്കുന്നു. ഈ ഗോള്‍ഡന്‍ ബുള്‍പ്രകാരം ജര്‍മന്‍ ചക്രവര്‍ത്തിമാരെ തെരഞ്ഞെടുക്കാനുള്ള അധികാരം ഒരു ഏഴംഗസമിതിയില്‍ നിക്ഷിപ്തമാക്കി. മെയിന്‍സ്, കൊളോണ്‍, ട്രീര്‍ എന്നിവിടങ്ങളിലെ ആര്‍ച്ചുബിഷപ്പുമാര്‍, ബൊഹീമിയയിലെ രാജാവ്, സാക്സണിലെ ഡ്യൂക്ക്, റൈനിലെ കൗണ്ട്, ബ്രാന്‍ഡന്‍ബര്‍ഗിലെ മാര്‍ഗ്രേവ് (ങമൃഴൃമ്) എന്നിവരായിരുന്നു ഈ സമിതിയിലെ അംഗങ്ങള്‍. ചക്രവര്‍ത്തിമാരുടെ തെരഞ്ഞെടുപ്പു നടത്തുന്നത് ഫ്രാങ്ക്ഫര്‍ട്ടില്‍ വച്ചായിരിക്കണമെന്നും വ്യവസ്ഥ ചെയ്തിരുന്നു. ഈ ഗോള്‍ഡന്‍ ബുള്ളിലെ വ്യവസ്ഥകളനുസരിച്ചാണ് 1806 വരെ ജര്‍മന്‍ രാജാക്കന്മാരെ തെരഞ്ഞെടുത്തിരുന്നത്. ഹംഗറിയിലെ ആന്‍ഡ്രൂ കക രാജാവിന്റെ ഗോള്‍ഡന്‍ ബുള്‍ (1222) ആണ് പ്രധാനപ്പെട്ട മറ്റൊന്ന്.

താളിന്റെ അനുബന്ധങ്ങള്‍
സ്വകാര്യതാളുകള്‍