This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഐസക്‌ തോമസ്‌, ടി.എം. (1953 - )
സര്‍വ്വവിജ്ഞാനകോശം സംരംഭത്തില്‍ നിന്ന്
ഐസക്‌ തോമസ്‌, ടി.എം. (1953 - )
Isac Thomas, T.M.
ധനശാസ്‌ത്രജ്ഞനും രാഷ്‌ട്രീയപ്രവര്‍ത്തകനും. 1953 സെപ്‌. 26-ന്‌ കൊടുങ്ങല്ലൂരില്‍ കോട്ടപ്പുറത്ത്‌ ജനിച്ചു. കൊടുങ്ങല്ലൂര്‍ ഗവ. ബോയ്‌സ്‌ ഹൈസ്‌കൂളില്‍നിന്ന്‌ സ്‌കൂള്‍ വിദ്യാഭ്യാസവും എറണാകുളം മഹാരാജാസ്‌ കോളജില്‍നിന്ന്‌ ബിരുദപഠനവും പൂര്‍ത്തിയാക്കി. ജവാഹര്‍ലാല്‍ നെഹ്‌റു സര്‍വകലാശാലയില്‍നിന്ന്‌ പിഎച്ച്‌.ഡി.യും നേടി. തിരുവനന്തപുരത്തെ സെന്റര്‍ ഫോര്‍ ഡെവലപ്‌മെന്റ്‌ സ്റ്റഡീസില്‍ ഫെലോയും പ്രാഫസറും ആയിരുന്നു. സി.പി.ഐ. (എം) കേന്ദ്രകമ്മിറ്റി അംഗമായ ഇദ്ദേഹം എസ്‌.എഫ്‌.ഐ. സംസ്ഥാന പ്രസിഡന്റ്‌, സംസ്ഥാന ആസൂത്രണബോര്‍ഡ്‌ അംഗം, നിയമസഭാംഗം (2001, 06), കേരളത്തിലെ ധനകാര്യമന്ത്രി എന്നീ നിലകളില്‍ പ്രവര്‍ത്തിച്ചിട്ടുണ്ട്‌. കേരളത്തിലെ ജനകീയാസൂത്രണ പ്രസ്ഥാനത്തിന്റെ മുഖ്യശില്‌പികളില്‍ ഒരാളാണ്‌.
ഇംഗ്ലീഷിലും മലയാളത്തിലുമായി നിരവധി കൃതികള്‍ തോമസ്‌ ഐസക്കിന്റേതായുണ്ട്‌. ഡമോക്രസി അറ്റ്‌ വര്‍ക്‌സ്‌ ആന്‍ഡ്‌ സ്റ്റഡി ഒഫ്‌ ദിനേശ്‌ ബീഡി വര്‍ക്കേഴ്‌സ്‌ കോ-ഓപ്പറേറ്റീവ്‌, ലോക്കല്‍ ഡമോക്രസ്‌ ആന്‍ഡ്‌ ലോക്കല്‍ ഡവലപ്‌മെന്റ്‌: പീപ്പിള്‍സ്‌ പ്ലാന്‍ കാംപെയ്‌ന്‍ ഇന്‍ കേരള, മോഡേണിസം ആന്‍ഡ്‌ എംപ്ലോയ്‌മെന്റ്‌: കയര്‍ ഇന്‍ഡസ്‌ട്രി ഇന്‍ കേരള: എന്നിവയാണ്‌ പ്രധാന ഇംഗ്ലീഷ്‌ കൃതികള്‍. ദാരിദ്ര്യത്തിന്റെ അര്‍ഥശാസ്‌ത്രം, ലോകമുതലാളിത്ത കുഴപ്പം, ലോകബാങ്കും നാണയനിധിയും, വിമോചന സമരത്തിന്റെ കാണാപ്പുറങ്ങള്‍, കേരളം മണ്ണും മനുഷ്യനും, ജനകീയാസൂത്രണം എന്നിവയാണ്‌ പ്രധാന മലയാളകൃതികള്‍. കേരളം മണ്ണും മനുഷ്യനും എന്ന കൃതിക്ക്‌ കേരള സാഹിത്യ അക്കാദമി അവാര്‍ഡ്‌ ലഭിച്ചു.
