This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എപിക്കിള്‍സ്‌ (ബി.സി. 5-ാം ശ.)
സര്‍വ്വവിജ്ഞാനകോശം സംരംഭത്തില്‍ നിന്ന്
എപിക്കിള്‍സ്‌ (ബി.സി. 5-ാം ശ.)
Epicles
പാശ്ചാത്യലോകത്തെ കല്‍ക്കെട്ടുപണിയുടെ ഉപജ്ഞാതാക്കളില്‍ പ്രമുഖനായ ഒരു വാസ്‌തുശില്‌പി. സിറാക്കൂസ്സിലെ അപ്പോളോ ദേവാലയത്തിന്റെ ചവിട്ടുപടികളില്‍ എറ്റവും മുകളിലത്തെ പടിയില്‍ കാണപ്പെടുന്ന ലിഖിതങ്ങളില്‍ വാസ്‌തുശില്‌പിയായ ക്ലിയോമൈനസ്സിന്റെ പേരോടൊപ്പം കാണപ്പെടുന്ന ഈ നാമധേയം കല്‍ക്കെട്ടുവിദഗ്‌ധനായ ഈ യവന ശില്‌പിയുടേതാണെന്നു കരുതിപ്പോരുന്നു. പില്‌ക്കാല യവനദേവാലയങ്ങളുടെ സവിശേഷതയായിത്തീര്‍ന്ന അങ്കണപരിവൃതസ്‌തൂപികാപംക്തി പശ്ചിമയവനലോകത്ത്‌ ആദ്യമായി കല്‍ക്കെട്ടില്‍ നിര്‍മിച്ച ഒരു ശില്‌പിയെ പരാമര്‍ശിക്കുന്ന ഈ ലിഖിതം ബി.സി. 590-60 കാലഘട്ടത്തിലേതായിരിക്കണമെന്നു കരുതപ്പെടുന്നു. ബി.സി. 8-ഉം 7-ഉം നൂറ്റാണ്ടുകളില്‍ പ്രചുരപ്രചാരം നേടിയിരുന്ന മരപ്പണി, കല്‌പണിക്കു വഴിമാറിക്കൊടുത്തുകൊണ്ടിരുന്ന ഒരു കാലഘട്ടത്തിലായിരുന്നു എപിക്കിള്‍സ്‌ ഭീമാകാരമായ സ്‌തൂപികകള്‍ പണിയാന്‍ തുടങ്ങിയത്‌. ഈ സ്‌തൂപികകള്‍ക്ക്‌ ഏതാണ്ട്‌ 12 മീ. ഉയരവും 3 മീ. വ്യാസവുമുണ്ടായിരുന്നു. എപിക്കിള്‍സിന്റെ വ്യക്തിജീവിതത്തെക്കുറിച്ചുള്ള മറ്റു വിവരങ്ങളൊന്നും ലഭ്യമായിട്ടില്ല.
