This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഈക്ക്‌ഹുട്ട്‌, ഗെർബ്രാന്റ്‌ ഫാന്‍ഡെന്‍ (1621 - 74)
സര്‍വ്വവിജ്ഞാനകോശം സംരംഭത്തില്‍ നിന്ന്
ഈക്ക്‌ഹുട്ട്‌, ഗെർബ്രാന്റ്‌ ഫാന്‍ഡെന്‍ (1621 - 74)
Eeckhout, Gerbrand Van den
ഡച്ച്‌ ചിത്രകാരനും കൊത്തുപണിക്കാരനും. 1621-ല്‍ ആംസ്റ്റര്‍ഡാമില്‍ ജനിച്ചു. വിശ്വവിഖ്യാത ഡച്ച്‌ ചിത്രകാരന്‍ റെംബ്രാന്റിന്റെ കീഴിലാണ്‌ ഈക്ക്‌ഹുട്ട്‌ ചിത്രരചന അഭ്യസിച്ചത്‌ (1635-40). റെംബ്രാന്റിന്റെ മരണംവരെ (1699) അദ്ദേഹത്തോടൊത്ത്‌ കലാപ്രവര്‍ത്തനങ്ങളിലേര്‍പ്പെട്ടു കഴിഞ്ഞു. ബൈബിള്‍രംഗങ്ങളെ ആസ്‌പദമാക്കി രചിച്ച ഛായാചിത്രങ്ങളാണ്‌ ഇദ്ദേഹത്തിന്റെ ആദ്യകാലകൃതികള്‍. ഇവയില്‍ റെംബ്രാന്റിന്റെ സ്വാധീനത നിഴലിച്ചു കാണാം. റെംബ്രാന്റിനെ കൂടാതെ ഈക്ക്‌ഹുട്ടിനെ സ്വാധീച്ച മറ്റു കലാകാരന്മാരാണ്‌ പീറ്റര്‍ ദെ ഹുഹ്‌, ഇറാര്‍ഡ്‌ ടെര്‍ബോക്ക്‌ എന്നിവര്‍. "വുമണ്‍ ടേക്കണ്‍ ഇന്‍ അഡല്‍റ്ററി', "ദി എക്‌സ്‌പല്‍ഷന്‍ ഒഫ്‌ ഹാഗാര്‍' (1666), "ഇസാക്ക്‌ ബ്‌ളെസിങ്‌ ജേക്കബ്‌' എന്നിവയാണ്‌ ഇദ്ദേഹത്തിന്റെ പ്രധാന ചിത്രങ്ങള്‍. ഈ കലാകാരന്റെ മിക്ക കൃതികളും റെംബ്രാന്റിന്റേതാണെന്ന്‌ കുറേക്കാലം തെറ്റിദ്ധരിക്കപ്പെട്ടിരുന്നു. "റെയ്‌സിങ്‌ ദ്‌ ഡാട്ടര്‍ ഒഫ്‌ റ്റാറസ്‌' ഇങ്ങനെ തെറ്റിദ്ധരിക്കപ്പെട്ട ഒരു ചിത്രമാണ്‌. ഈക്ക്‌ഹുട്ടിന്റെ ഒരു പ്രധാന ചിത്രമായ "ആനി ഡെഡിക്കേറ്ററിങ്‌ ഹെര്‍ സണ്‍ റ്റൂ ദ്‌ ലോര്‍ഡ്‌' പാരിസിലെ ലൂവ്ര്‌ മ്യൂസിയത്തില്‍ സൂക്ഷിച്ചിട്ടുണ്ട്‌. 1674-ല്‍ ആംസ്റ്റര്‍ഡാമില്‍ വച്ച്‌ ഈക്ക്‌ഹുട്ട്‌ നിര്യാതനായി.
