This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇന്ത്യന്‍ ഇങ്ക്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ഇന്ത്യന്‍ ഇങ്ക്‌
ഇന്ത്യയിലും ചൈനയിലും പ്രാചീനകാലം മുതല്‍ നിര്‍മിക്കപ്പെട്ടിട്ടുള്ള ഒരിനം മഷി. ചൈനാഇങ്ക്‌ എന്നും ഇതിനു പേരുണ്ട്‌. ഒരിക്കലും മാഞ്ഞുപോകാത്ത നല്ല കറുത്ത മഷിയാണിത്‌. ചിത്രങ്ങള്‍, പ്ലാനുകള്‍ മുതലായവ വരയ്‌ക്കുന്നതിന്‌ ഇത്‌ പ്രധാനമായും ഉപയോഗിക്കുന്നു. ഈ മഷിയുണ്ടാക്കുവാനുപയോഗിക്കുന്ന മുഖ്യമായ പദാര്‍ഥം വിളക്കുകരി (lamp-black) ആണ്‌. വിളക്കുകരി വെള്ളത്തില്‍ കലക്കി ഒരു നിലംബനം (suspension) ഉണ്ടാക്കുന്നു. ഈ നിലംബനത്തിന്‌ ഉറപ്പു കിട്ടുന്നതിനുവേണ്ടി ഗ്ലൂ, ജലാറ്റിന്‍, അറബിപ്പശ, ഡെക്‌സ്‌ട്രിന്‍ (ഒരിനം സ്റ്റാര്‍ച്ച്‌), ബൊറാക്‌സ്‌-ലായനിയില്‍ അലിയിച്ച ശല്‌ക്ക-അരക്ക്‌ (shellac) എന്നിവയില്‍ ചിലതു ചേര്‍ക്കുന്നു. ഈ മഷി കേക്കുകളുടെയും ദണ്ഡുകളുടെയും രൂപത്തില്‍ ലോകവിപണിയില്‍ ലഭ്യമാണ്‌. പലതരം പരിഷ്‌കൃത മഷികള്‍ ആവിഷ്‌കൃതങ്ങളായിട്ടുണ്ടെങ്കിലും ഇന്ത്യന്‍ ഇങ്കിന്റെ സ്ഥാനം ഇന്നും അന്യാദൃശമായി തുടര്‍ന്നുവരുന്നു.
