This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ഇനോ (ല്യൂക്കോത്തിയ)

സര്‍വ്വവിജ്ഞാനകോശം സംരംഭത്തില്‍ നിന്ന്

ഇനോ (ല്യൂക്കോത്തിയ)

Ino

യവനേതിഹാസങ്ങളിലെ ഒരു ദേവി. ഹോമറുടെ ഒഡ്ഡീസ്സിയില്‍ ഈ ദേവിയുടെ പേര്‌ ല്യൂക്കോത്തിയ എന്നാണ്‌. സമുദ്രത്തിലെ നുരകളെപ്പോലെ ധവളവര്‍ണയായ സ്‌ത്രീ എന്നാണ്‌ "ല്യൂക്കോത്തിയ' എന്ന വാക്കിന്റെ അര്‍ഥം. ഫിനിഷ്യയിലെ കാഡ്‌മസ്‌രാജാവിന്റെ പുത്രിയും ബൊയീഷ്യാ രാജാവായ അഥമസ്സിന്റെ രണ്ടാം ഭാര്യയും ആണ്‌ ഇനോ (അഥമസ്സിന്റെ ആദ്യഭാര്യ നെഫേല്‍ ആയിരുന്നു). സിയൂസിന്റെ പുത്രനായ ഡയോണിയസ്സിനെ വളര്‍ത്തിയതിന്റെപേരില്‍ അതമസ്സും ഇനോയും ഹേരാദേവിയുടെ കോപത്തിനു പാത്രമായി; അതോടെ അഥമസ്സും ഇനോയും ചിത്തഭ്രമ ബാധിതരായിത്തീര്‍ന്നു. അഥമസ്‌ പുത്രന്മാരിലൊരാളായ ലെയാര്‍ക്കസിനെ വധിച്ചു. പരിഭ്രാന്തയായ ഇനോ സ്വരക്ഷയ്‌ക്കായി തന്റെ ശേഷിച്ച പുത്രന്‍ മെലിക്കാര്‍ട്ടസ്സിനോടൊപ്പം സമുദ്രത്തില്‍ച്ചാടി. മാതാവിനെയും ശിശുവിനെയും ഡയോണിയസ്‌ ജലദേവതകളായി രൂപാന്തരപ്പെടുത്തി. ല്യൂക്കോത്തിയ എന്ന പേരില്‍ ഇനോയും പലേമണ്‍ എന്ന പേരില്‍ മെലിക്കാര്‍ട്ടസ്സും ജലദേവതകളായി ആരാധിക്കപ്പെട്ടുവരുന്നതായി ഹോമറുടെ ഇലിയഡ്ഡില്‍ പരാമര്‍ശമുണ്ട്‌. കപ്പല്‍ച്ഛേദത്തില്‍പ്പെട്ട ഒഡീസ്യുസിനെ ഇനോ രക്ഷപ്പെടുത്തിയ ഒരു കഥയും പ്രചാരത്തിലിരിക്കുന്നു.

താളിന്റെ അനുബന്ധങ്ങള്‍
സ്വകാര്യതാളുകള്‍