This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ഇഡൂണ്‍

സര്‍വ്വവിജ്ഞാനകോശം സംരംഭത്തില്‍ നിന്ന്

10:09, 25 ജൂലൈ 2014-നു ഉണ്ടായിരുന്ന രൂപം സൃഷ്ടിച്ചത്:- Mksol (സംവാദം | സംഭാവനകള്‍)
(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)

ഇഡൂണ്‍

നോര്‍വീജിയന്‍ പുരാണങ്ങളിലെ കാവ്യദേവതയായ ബ്രാജിയുടെ പത്‌നി. ബ്രാജിയും ഇഡൂണും കൂടി ദേവന്മാരുടെ ആസ്ഥാനമായ അസ്‌ഗാര്‍ഡില്‍ താമസമാക്കി. ദേവന്മാരുടെ യൗവനം നിലനിര്‍ത്താനുള്ള സുവര്‍ണ ആപ്പിള്‍ പഴങ്ങള്‍ കാത്തുസൂക്ഷിക്കുന്ന ചുമതല ഈ ദേവതയാണ്‌ വഹിച്ചിരുന്നത്‌. ഒരിക്കല്‍ ഝാസി എന്ന രാക്ഷസന്‍ ദുര്‍ദേവതയായ ലോകിയുടെ സഹായത്താല്‍ ഇഡൂണിനോടൊപ്പം ആപ്പിളും മോഷ്‌ടിച്ചുകൊണ്ട്‌ ജോട്ടണ്‍ ഹെയ്‌മിലേക്ക്‌ പോയി. അന്നുമുതല്‍ ദേവന്മാര്‍ക്ക്‌ വാര്‍ധക്യം ബാധിച്ചു തുടങ്ങി. ഇഡൂണിനെ തിരിച്ചുനല്‌കിയില്ലെങ്കില്‍ ലോകിയെ ശിക്ഷിക്കുമെന്ന്‌ ദേവന്മാര്‍ ഭീഷണിപ്പെടുത്തി. ദേവന്മാരെ ഭയന്ന്‌ ഇഡൂണിനെ തിരിച്ചുനല്‌കാന്‍ ലോകി തയ്യാറായി. സൗന്ദര്യത്തിന്റെയും സ്‌നേഹത്തിന്റെയും ദേവതയായ ഫ്രയയില്‍നിന്ന്‌ തൂവലുകളും ചിറകുകളും ലോകി കടംവാങ്ങി ജോട്ടണ്‍ഹെയ്‌മിലെത്തി. ഇഡൂണിനെ ഒരു അടയ്‌ക്കയുടെ രൂപത്തിലാക്കിക്കൊണ്ട്‌ അസ്‌ഗാര്‍ഡിലെത്തി. ഝാസി ഇവരെ പിന്തുടര്‍ന്നു. എന്നാല്‍, അസ്‌ഗാര്‍ഡിലെ മതിലില്‍ കൊളുത്തിവച്ചിരുന്ന തീയ്യില്‍വീണ്‌ ഝാസി മരണമടഞ്ഞു.

ഈ കഥയിലെ ഇഡൂണ്‍ വസന്തത്തെയും പുതിയ ജീവനെയും പ്രതിനിധീകരിക്കുന്നു. മഞ്ഞുകാലം, അവളെ ആക്രമിക്കുന്നതിന്റെ പ്രതീകമാണ്‌ ഝാസി എന്ന രാക്ഷസന്‍. പ്രകൃതി ഈ കാലമത്രയും തളര്‍ന്നുകിടക്കുന്നു. വസന്തം തിരിച്ചെത്തുന്നതോടെ പ്രകൃതിയില്‍ എല്ലായിടത്തും പുതുജീവന്‍ ഉണ്ടാകുന്നു എന്നാണ്‌ ഈ കഥയുടെ സാരം.

9-ാം ശ.-ത്തിലാണ്‌ ഈ കഥ അടങ്ങുന്ന നോര്‍വീജിയന്‍ കവിത എഴുതപ്പെട്ടത്‌.

"http://web-edition.sarvavijnanakosam.gov.in/index.php?title=%E0%B4%87%E0%B4%A1%E0%B5%82%E0%B4%A3%E0%B5%8D%E2%80%8D" എന്ന താളില്‍നിന്നു ശേഖരിച്ചത്
താളിന്റെ അനുബന്ധങ്ങള്‍
സ്വകാര്യതാളുകള്‍