This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആനന്ദബോധയതി
സര്‍വ്വവിജ്ഞാനകോശം സംരംഭത്തില്‍ നിന്ന്
ആനന്ദബോധയതി
പതിനൊന്നാം ശതകത്തിലെ പ്രമുഖ അദ്വൈതാചാര്യന്‍. ന്യായമകരന്ദം, ന്യായദീപാവലി, പ്രമാണമാല എന്നീ മൂന്നു കൃതികള്‍ ശങ്കരവേദാന്തത്തെക്കുറിച്ച് ഇദ്ദേഹം രചിച്ചിട്ടുള്ളവയാണ്. ഇവയില്‍ പ്രധാനപ്പെട്ടത് ന്യായമകരന്ദമാണ്. നിരവധി ആത്മാവുകള്‍ ഉണ്ടെന്ന സാംഖ്യസിദ്ധാന്തത്തെ ആനന്ദബോധയതി ഈ കൃതിയില്‍ എതിര്‍ക്കുകയും ആത്മാവ് ഒന്നേയുള്ളു എന്നു സമര്‍ഥിക്കുകയും ചെയ്യുന്നു. ന്യായമകരന്ദത്തിന് ചിത്സുഖാചാര്യരും ഇദ്ദേഹത്തിന്റെ ശിഷ്യനായ സുഖപ്രകാശനും ന്യായമകരന്ദടീകാ, ന്യായമകരന്ദവിവേചനീ എന്നീ രണ്ടു വ്യാഖ്യാനങ്ങള്‍ എഴുതിയിട്ടുണ്ട്; സുഖപ്രകാശന്‍ ന്യായദീപാവലിക്ക് ന്യായദീപാവലീതാത്പര്യടീകാ എന്ന ഒരു വ്യാഖ്യാനവും കൂടി രചിച്ചു. ആനന്ദബോധയതിയുടെ മൂന്നു കൃതികള്‍ക്കും അനുഭൂതിസ്വരൂപാചാര്യന്‍ വ്യാഖ്യാനം എഴുതിയിട്ടുണ്ട്. ഈ മൂന്നു കൃതികളും സ്വതന്ത്ര കൃതികളല്ല. പ്രമാണമാല ഒരു ചെറിയ ഗ്രന്ഥമാണ്. ന്യായമകരന്ദത്തില്‍ നിന്നു വ്യത്യസ്തമായി ഒന്നും ഈ ഗ്രന്ഥത്തിലില്ല.
