This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അസന്‍സോള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അസന്‍സോള്‍
പശ്ചിമബംഗാളില്‍ ബര്‍ദ്വാന്‍ ജില്ലയിലെ വ്യവസായ പ്രധാനമായ നഗരം. കൊല്‍ക്കത്തയില്‍ നിന്നും 211 കി.മീ.വ.പ. ആയി സ്ഥിതിചെയ്യുന്ന അസന്‍സോള്‍ പൂര്‍വ റെയില്‍വേയിലെ ഒരു പ്രധാന കേന്ദ്രമാണ്. ഗ്രാന്‍ഡ് കോര്‍ഡ് ലൈനും, അസന്‍സോള്‍-ഖരഗ്പൂര്‍ ലൈനും ഇവിടെ സന്ധിക്കുന്നു; കല്‍ക്കരിപ്രദേശത്താണ് നഗരം സ്ഥിതിചെയ്യുന്നത്. തന്‍മൂലം ഇവിടം കല്‍ക്കരി കയറ്റുമതിയുടെ പ്രധാനകേന്ദ്രമായിരിക്കുന്നു. അസന്‍സോള്‍ ഇരുമ്പുരുക്ക് വ്യവസായ കേന്ദ്രവുമാണ്; അതോടനുബന്ധിച്ച് വികസിച്ചിട്ടുള്ള നിരവധി വ്യവസായങ്ങള്‍ ഈ നഗരത്തിലുണ്ട്. ദാമോദര്‍ നദീതടത്തിലെ ഏറ്റവും പ്രധാനപ്പെട്ട നഗരമാണ് ഇത്.
