This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

അശ

സര്‍വ്വവിജ്ഞാനകോശം സംരംഭത്തില്‍ നിന്ന്

അശ

തമിഴില്‍ 'മാത്ര' എന്ന് അര്‍ഥമുള്ള 'അചൈ' എന്ന ശബ്ദത്തിന് പ്രാചീന മലയാളത്തിലുള്ള തത്സമം. തമിഴ് വൃത്തശാസ്ത്രമനുസരിച്ച് ലഘുമാത്രകള്‍ നിറഞ്ഞതിനു 'നേരശൈ' എന്നും ഗുരുമാത്രകള്‍ക്ക് 'നിരയശൈ' എന്നും പറഞ്ഞുവരുന്നു. 'അശ താന്‍ നേരു നിരയു-മേശാം ലഘുഗുരുക്കളില്‍' എന്ന് കേരളകൗമുദി എന്ന ശാസ്ത്രകൃതിയില്‍ കോവുണ്ണി നെടുങ്ങാടി (1831-89) പ്രസ്താവിച്ചിട്ടുണ്ട്.

തമിഴ് വൃത്തശാസ്ത്രത്തിന്റെ മുഖ്യഘടകങ്ങള്‍ എഴുത്ത് അശൈ, ചീര്‍, തളൈ, അടി, തൊടൈ, പാവിനം എന്നിവയാണ്. ഇവയില്‍ എഴുത്ത്-അതായത് അക്ഷരം-രണ്ടു വിധമുണ്ട്: 'നെടില്‍' (ദീര്‍ഘം), 'കുറില്‍' (ഹ്രസ്വം); എഴുത്തുകള്‍ ചേര്‍ന്നാണ് അശകള്‍ ഉണ്ടാകുന്നത്. ഏ.ആര്‍. രാജരാജവര്‍മ വൃത്തമഞ്ജരിയില്‍ ഇതിനെ ദൃഷ്ടാന്തീകരിച്ചിരിക്കുന്നത് ഇപ്രകാരമാണ്: 'പ, പല്‍, പാ, പാല്‍ എന്നിങ്ങനെ ഒന്നിലധികം സ്വരമില്ലാത്ത വര്‍ണസമുദായം നേരശ; വര, പരല്‍, പരാ, പരാന്‍ ഇങ്ങനെ രണ്ടു സ്വരം ചേര്‍ന്നത് നിരയശ. ഈ അശകള്‍ ചേരുമ്പോള്‍ 'ചീര്‍' (പാദം) ഉണ്ടാകുന്നു. ചീരുകളെ 'അശൈച്ചീര്‍' (ഓരശൈച്ചീര്‍), 'ഇയര്‍ച്ചീര്‍' (ഈരശൈച്ചീര്‍), 'ഉരിച്ചീര്‍' (മൂന്ന്); 'പൊതുച്ചീര്‍' (നാല്) എന്നും വിഭജിച്ചിട്ടുണ്ട്. നോ: ഛന്ദശ്ശാസ്ത്രം; വൃത്തമഞ്ജരി

"http://web-edition.sarvavijnanakosam.gov.in/index.php?title=%E0%B4%85%E0%B4%B6" എന്ന താളില്‍നിന്നു ശേഖരിച്ചത്
താളിന്റെ അനുബന്ധങ്ങള്‍
സ്വകാര്യതാളുകള്‍