This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

അഖ്തര്‍ ഹുസൈന്‍, റായ്പുരി

സര്‍വ്വവിജ്ഞാനകോശം സംരംഭത്തില്‍ നിന്ന്

(തിരഞ്ഞെടുത്ത പതിപ്പുകള്‍ തമ്മിലുള്ള വ്യത്യാസം)
(New page: = അഖ്തര്‍ ഹുസൈന്‍, റായ്പുരി (1912 - ) = ഉര്‍ദു കഥാകാരനും കവിയും നിരൂപകനും. 1912-ല...)
വരി 6: വരി 6:
(കെ.പി. സിങ്)
(കെ.പി. സിങ്)
 +
[[Category:ജീവചരിത്രം]]

11:04, 7 ഏപ്രില്‍ 2008-നു നിലവിലുണ്ടായിരുന്ന രൂപം

അഖ്തര്‍ ഹുസൈന്‍, റായ്പുരി (1912 - )

ഉര്‍ദു കഥാകാരനും കവിയും നിരൂപകനും. 1912-ല്‍ മധ്യപ്രദേശിലെ റായ്പൂര്‍ എന്ന സ്ഥലത്തു ജനിച്ചു. അലിഗഢ് മുസ്ളിം സര്‍വകലാശാലയില്‍നിന്നും ഉര്‍ദു സാഹിത്യത്തില്‍ എം.എ. ബിരുദം നേടിയശേഷം കുറേക്കാലം അവിടെത്തന്നെ അധ്യാപകനായി പ്രവര്‍ത്തിച്ചു. ഇന്ത്യാ വിഭജനാനന്തരം പാകിസ്താനിലേക്കു പോവുകയും അവിടെ ഉദ്യോഗത്തില്‍ പ്രവേശിക്കുകയും ചെയ്തു.

ഉര്‍ദുവിനു പുറമേ സംസ്കൃതം, ഹിന്ദി, ബംഗാളി, ഫ്രഞ്ച് എന്നീ ഭാഷകളിലും റായ്പുരി പാണ്ഡിത്യം നേടിയിട്ടുണ്ട്. കാളിദാസന്റെ ശാകുന്തളം ആദ്യമായി ഉര്‍ദുവില്‍ പരിഭാഷപ്പെടുത്തിയത് ഇദ്ദേഹമാണ്. ബംഗാളി കവിയായ കാസി നസ്രുള്‍ ഇസ്ളാമിന്റെ അഗ്നിവീണയും മറ്റു പല കവിതകളും ഇദ്ദേഹം ഉര്‍ദുവിലേക്കു വിവര്‍ത്തനം ചെയ്തിട്ടുണ്ട്. നിരൂപകന്‍ എന്ന നിലയിലും റായ്പുരിക്ക് സ്ഥാനമുണ്ട്. എന്നാല്‍, ഒരു കഥാകൃത്ത് എന്ന നിലയിലാണ് ഇദ്ദേഹം ലബ്ധപ്രതിഷ്ഠനായത്. കഥാരചനയുടെ പുതിയ സങ്കേതങ്ങള്‍ ഉര്‍ദുവില്‍ ഉദ്ഘാടനം ചെയ്ത അപൂര്‍വം ചിലരില്‍ ഒരാളെന്ന യശസ് റായ്പുരിക്കുണ്ട്. കഥാരചനയില്‍ 'ബോധധാരാ സമ്പ്രദായം' ഇദ്ദേഹം അവതരിപ്പിച്ചു. പുതിയ തലമുറയിലെ പല എഴുത്തുകാരും ഈ മാര്‍ഗം സ്വീകരിച്ചു. രചനാശൈലിയിലും ആശയാവിഷ്കരണത്തിലും റായ്പുരിയുടെ കഥകള്‍ വ്യക്തിത്വം പുലര്‍ത്തുന്നു. മുഹബത് ഔര്‍ നഫരത് (പ്രേമവും വെറുപ്പും), സിന്ദഗീ കാ മേലാ (ജീവിതോത്സവം) എന്നീ കഥാസമാഹാരങ്ങള്‍ രായ്പുരിയുടെ പരീക്ഷണകഥകളുടെ സമാഹാരങ്ങളാണ്.

(കെ.പി. സിങ്)

താളിന്റെ അനുബന്ധങ്ങള്‍
സ്വകാര്യതാളുകള്‍