This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓസന്‍വിൽ (1809 - 84)
സര്‍വ്വവിജ്ഞാനകോശം സംരംഭത്തില്‍ നിന്ന്
ഓസന്‍വിൽ (1809 - 84)
Haussonville
ഫ്രഞ്ച്‌ രാജ്യതന്ത്രജ്ഞനും ചരിത്രകാരനും. ജോസഫ്‌ ഒഥനിൽ ബെർണാഡ്‌ ദെ ക്ലെരോണ്‍ എന്നാണ്‌ മുഴുവന്‍ പേര്‌. 1809 മേയ്‌ 29-ന്‌ പാരിസിൽ ജനിച്ചു. കണ്‍സർവേറ്റിവ്‌ കക്ഷിയുടെ "ഡെപ്യൂട്ടി' എന്ന നിലയിൽ പ്രാവിന്‍സ്‌ (Provins) എന്ന പ്രദേശത്തെ പ്രതിനിധീകരിച്ച്‌ 1842 മുതൽ 48 വരെ സേവനമനുഷ്‌ഠിച്ചു. ഓസന്‍വിലിന്റെ ശ്രദ്ധ പിന്നീട്‌ ചരിത്രരചനയിലേക്കു തിരിഞ്ഞു. 1865-ൽ ഇദ്ദേഹം ഫ്രഞ്ച്‌ അക്കാദമിയിൽ അംഗമായി. ഹിസ്റ്റുവാർ ദ്‌ ലാറെ യൂണിയോങ്‌ ദ്‌ ലാ ലൊറാന്‍ അ ലാ ഫ്രാന്‍സ്‌ (Historie de la re Union de la Lorraine a la France, 1854-59), ലെഗ്‌ളിസ്‌ റൊമെയ്‌ന്‍ ഏ ല്‌ പ്രമിയെ എംപയർ (I Eglise romaine et le Premier Empire, 1868) എന്നിവയാണ്‌ ഇദ്ദേഹത്തിന്റെ പ്രശസ്‌തചരിത്രകൃതികള്‍. 1870-ലെ യുദ്ധത്തിനുശേഷം അൽസേസ്‌-ലൊറെയിന്‍ എന്ന പ്രദേശത്തിന്റെ സംരക്ഷണത്തെ ലക്ഷ്യമാക്കി സ്ഥാപിച്ച സംഘടനയുടെ സ്ഥാപകരിൽ ഒരാളായിരുന്നു ഓസന്‍വിൽ. 1878-ൽ ആജീവനാന്ത സെനറ്ററായി തെരഞ്ഞെടുക്കപ്പെട്ട ഇദ്ദേഹം 1884 മേയ്‌ 27-ന്‌ പാരിസിൽ നിര്യാതനായി.
