This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ജട് ലാന്ഡ് യുദ്ധം
സര്വ്വവിജ്ഞാനകോശം സംരംഭത്തില് നിന്ന്
Technoworld (സംവാദം | സംഭാവനകള്)
(പുതിയ താള്: ==ജട് ലാന്ഡ് യുദ്ധം== ബ്രിട്ടനും ജര്മനിയും തമ്മില് നടന്ന ഒര...)
അടുത്ത വ്യത്യാസം →
Current revision as of 05:03, 30 മാര്ച്ച് 2016
ജട് ലാന്ഡ് യുദ്ധം
ബ്രിട്ടനും ജര്മനിയും തമ്മില് നടന്ന ഒരു നാവികയുദ്ധം. ഒന്നാം ലോകയുദ്ധത്തിന്റെ ഭാഗമായി നടന്ന ഈ പ്രധാനപ്പെട്ട ഉപരിതലയുദ്ധത്തെ (മേയ് 31, ജൂണ് 1, 1916) ജര്മന്കാര് 'സ്കാഗരാക് യുദ്ധം' എന്നാണു വിളിച്ചിരുന്നത്. നോര്ത്ത് സീയില് (North Sea) നടന്ന ഈ യുദ്ധത്തില് രണ്ടു രാജ്യങ്ങളും വിജയം അവകാശപ്പെട്ടു.
ബ്രിട്ടീഷ് ഗ്രാന്ഡ് കപ്പല്പ്പടയും ജര്മന് ഹൈ സീസ് കപ്പല്പ്പടയും തമ്മില് നടന്ന പോരാട്ടത്തില് ജര്മന് നാവികപ്പട ബ്രിട്ടീഷ് യുദ്ധതന്ത്രങ്ങള്ക്കു മുന്നില് പതറി പിന്മാറി. അതേസമയം ഈ പിന്വാങ്ങലിനെ മുതലെടുത്തുകൊണ്ട് തങ്ങളുടെ മേധാവിത്വം ഉറപ്പാക്കാന് ബ്രിട്ടീഷ് അഡ്മിറല് ജെല്ലിക്കോയ്ക്ക് കഴിഞ്ഞില്ല. ഇത്തരത്തിലുള്ള ഒരനിശ്ചിതാവസ്ഥയില് ഇരുരാജ്യങ്ങളും വിജയം അവകാശപ്പെടുകയാണുണ്ടായത്. യുദ്ധഫലമായി ജര്മനിക്ക് 11 കപ്പലുകളും 2500-ഓളം സൈനികരും നഷ്ടപ്പെട്ടപ്പോള് ബ്രിട്ടനു നഷ്ടമായത് 14 കപ്പലുകളും 6000-ത്തോളം സൈനികരുമായിരുന്നു. ഈ നഷ്ടങ്ങളുടെ ഇടയിലും ബ്രിട്ടീഷ് ഗ്രാന്ഡ് കപ്പല്പ്പട നോര്ത്ത് സീയിലെ അനിഷേധ്യശക്തിയായി നിലകൊണ്ടതു നിമിത്തം ജര്മനി അന്തര്വാഹിനി യുദ്ധത്തിലേക്കു തിരിയുകയുണ്ടായി.