This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആരപാഹോ
സര്വ്വവിജ്ഞാനകോശം സംരംഭത്തില് നിന്ന്
Mksol (സംവാദം | സംഭാവനകള്)
(പുതിയ താള്: ==ആരപാഹോ== ==Arapaho== യു.എസ്സിൽ പ്ലശ്ശാറ്റേ, അർകന്സാ എന്നീ നദികളുടെ ത...)
അടുത്ത വ്യത്യാസം →
00:40, 25 ഫെബ്രുവരി 2014-നു നിലവിലുണ്ടായിരുന്ന രൂപം
ആരപാഹോ
Arapaho
യു.എസ്സിൽ പ്ലശ്ശാറ്റേ, അർകന്സാ എന്നീ നദികളുടെ തടപ്രദേശത്ത് വസിക്കുന്ന ഒരു അൽഗോങ്കിയന് വർഗം. "ചെയെന്ന' ഇന്ത്യരുമായി അടുത്ത ബന്ധമുള്ളവരാണ് ഇക്കൂട്ടർ. ഇവരുടെ പ്രഭവസ്ഥാനം വടക്കന് മിനിസോട്ടയാണ്; ഇവിടെനിന്നാണ് പ്ലശ്ശാറ്റേതടത്തിലേക്കും അർകന്സായിലേക്കും ഇക്കൂട്ടർ കടന്നത്. കാട്ടുപോത്തിനെ വേട്ടയാടുക ഇവരുടെ പ്രധാനതൊഴിലാണ്. "റ്റെപ്പി' എന്ന പേരിൽ അറിയപ്പെടുന്ന അമേരിന്ത്യന് കുടിലുകളിൽ ഇവർ വസിക്കുന്നു. 1960-ൽ വ്യോമിംഗിലും ഒക്ലഹോമയിലും 2,500-ഓളം ആരപാഹോ വർഗക്കാർ ഉണ്ടെന്ന് കണക്കാക്കിയിട്ടുണ്ട്. തെക്കന്-വടക്കന് ആരപാഹോ വിഭാഗങ്ങള് കൂടാതെ രണ്ടോ മൂന്നോ വിഭാഗങ്ങള്കൂടി ഇവരുടെ ഇടയിലുണ്ട്. ഒരു കാലത്ത് ഇവർ ഗോത്രപരമായി സ്വതന്ത്രരായിരുന്നു; അവർക്ക് പ്രത്യേകഭാഷയുമുണ്ടായിരുന്നു. അൽഗോങ്കിയന്ഭാഷയിൽനിന്ന് വ്യതിരിക്തമാണ് അരപാഹോ ഭാഷ. ഈ ഭാഷ സംസാരിക്കുന്നവർ വളരെ മുമ്പുതന്നെ മൂലഗോത്രത്തിൽനിന്നു മാറിയവരാണ്. ഇവർക്കു പ്രത്യേക (clan) കുലമുണ്ടായിരുന്നില്ല. മതാനുഷ്ഠാനങ്ങള്ക്കായി ഈ ജനങ്ങളെ പ്രായത്തിന്റെ അടിസ്ഥാനത്തിൽ പല വിഭാഗങ്ങളായി തരം തിരിച്ചിരുന്നു. പുരുഷന്മാരുടെയിടയിൽ ഇങ്ങനെ ഏഴു വിഭാഗങ്ങളുണ്ട്; സ്ത്രീകള്ക്ക് ഒരു വിഭാഗവും. ഇവർ സൂര്യനൃത്തം നടത്തിയിരുന്നു. പ്രതനൃത്തത്തിൽ ഇവർ കൂടുതൽ പ്രതിപത്തി കാണിച്ചിരുന്നതായി സൂചനയുണ്ട്. അനുഷ്ഠാനവ്യവസ്ഥകള്, അലങ്കരണകല, മറ്റു സവിശേഷതകള് എന്നിവ കണക്കിലെടുത്താൽ അൽഗോങ്കിയന് സംസ്കാരത്തിലെ ഒരു പ്രത്യേക ഗോത്രമാണ് ആരപാഹോവർഗമെന്നു കരുതാം.