This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അലമന്നി
സര്വ്വവിജ്ഞാനകോശം സംരംഭത്തില് നിന്ന്
Technoworld (സംവാദം | സംഭാവനകള്)
(പുതിയ താള്: =അലമന്നി= Alamanni എ.ഡി. ആദ്യശതകങ്ങളില് ഉണ്ടായിരുന്ന ഒരു ജര്മാനി...)
അടുത്ത വ്യത്യാസം →
Current revision as of 09:57, 23 സെപ്റ്റംബര് 2009
അലമന്നി
Alamanni
എ.ഡി. ആദ്യശതകങ്ങളില് ഉണ്ടായിരുന്ന ഒരു ജര്മാനിക് ജനവര്ഗം. ഡിയോ കാസ്സിയസ് ആണ് ഇവരെപ്പറ്റിയുള്ള വിവരങ്ങള് ആദ്യമായി രേഖപ്പെടുത്തിയത്. റോമാ ചക്രവര്ത്തിയായിരുന്ന മാര്കസ് ഔറേലിയസ് അന്തോനിനസ് ബസ്സിയാനസ് എ.ഡി. 213-ല് അലമന്നി വര്ഗത്തെ ആക്രമിച്ചുവെന്നും പില്ക്കാലത്ത് ഇവര് റോമാസാമ്രാജ്യത്തില് പ്രത്യാക്രമണം നടത്തിയെന്നും ഇറ്റലി അവരുടെ ആക്രമണത്തിനിരയായെന്നും പ്രസ്താവങ്ങളുണ്ട്. 260-ല് അലമന്നിവര്ഗം അഗ്രി ഡെക്കുമാറ്റസ് കീഴടക്കുകയും കിഴക്കന് ഗാള് കൈവശപ്പെടുത്താന് ശ്രമിക്കുകയും ചെയ്തു. പടിഞ്ഞാറന് സാമ്രാജ്യത്തിന്റെ കാലം മുഴുവന് ഈ ആക്രമണം തുടര്ന്നിരുന്നുവെന്നു കാണാം. അഞ്ചാം ശ.-ത്തോടെ ഇക്കൂട്ടര് അല്സേസ്, വടക്കന് സ്വിറ്റ്സര്ലണ്ട് എന്നിവിടങ്ങളില് കടക്കുകയും ആ പ്രദേശങ്ങളില് മുഴുവന് ജര്മന് ഭാഷ പ്രചരിപ്പിക്കുകയും ചെയ്തു. 495-ല് ക്ലോവിസ്-I (465-511) ഇവരെ കീഴടക്കുകയും ഫ്രാങ്കിഷ് ഡൊമിനിയനോട് ലയിപ്പിക്കുകയും ചെയ്തു.
പ്രാചീനകാലത്ത് ജൂതുംഗി, ലെന്റീനസ്, ബുസിനോ ബാന്റസ് തുടങ്ങിയ വര്ഗങ്ങളുടെ ഒരു വന്സഖ്യമായിരുന്നു അലമന്നി. യുദ്ധകാലങ്ങളില് ഈ വര്ഗങ്ങള് ഒന്നുചേരുമെന്നതൊഴിച്ചാല് ഇവരുടെ ഇടയില് ഐക്യം നിലനിന്നിരുന്നില്ല. 357-ല് സ്റ്റ്രാസ്ബര്ഗില് നടന്ന യുദ്ധത്തില് ഈ വര്ഗങ്ങള് ഒറ്റക്കെട്ടായി നിന്നത് ഇതിനുദാഹരണമാണ്. എങ്കിലും ഈ യുദ്ധത്തില് ജൂലിയന് എന്ന റോമാചക്രവര്ത്തി ഇവരെ പരാജയപ്പെടുത്തുകയുണ്ടായി.
അലമന്നിവര്ഗത്തിന് ഒരു ഏകീകൃതഗവണ്മെന്റുണ്ടായിരുന്നില്ല. ഒരു പ്രത്യേകവര്ഗം എന്ന നിലയില് സ്വന്തം ഉത്തരവാദിത്വത്തില് ചില യുദ്ധങ്ങളില് ഇവര് പങ്കെടുത്തിരുന്നു. എട്ടാം ശ.-ത്തിന്റെ പൂര്വാര്ധം വരെ ഈ വര്ഗം അപരിഷ്കൃതരായി നിലനിന്നു.